Samsung ເປີດໂຕ Galaxy A 2017 ພ້ອມທັງປະກາດຜູ້ຊະນະເລີດໂຄງການ ຄົ້ນຫາໄວລຸ້ນຍຸກໃຫມ່ສະໄຕສເກຼດ A

          ວັນທີ 4 ແລະ 5 ກຸມພາ 2017 ຜ່ານມາ ທີ່ສູນການຄ້າວຽງຈັນເຊັນເຕີ້ ບໍລິສັດ ລາວຊຳຊຸງເອເລັກໂທນິກ ຈໍາກັດ ຜູ້ດຽວ ໄດ້ເປີດໂຕໂທລະສັບ Samsung Galaxy A ເພື່ອເອົາໃຈໄວໜຸ່ນຍຸກໃໝ່ໂດຍສະເພາະ ພ້ອມນີ້ຍັງໄດ້ເປີດຄົນຫາໜຸ່ນສາວທີ່ມີຄວາມໝັ່ນໃຈຜ່ານໂຄງການຄົນຫາໄວໜຸ່ນຍຸກໃໝ່ສະໄຕເກດA ເພື່ອໃຫ້ຊາວໜຸ່ນທັງຫຼາຍໄດ້ສະແດງຄວາມສາມາດຂອງຕົ້ນມາຮ່ວມຊິງທຶນສຶກສາຈາກຊຳຊຸງ.
         ໂທລະສັບສະມາດໂຟນ Samsung Galaxy A2017 ອອກແບບມາໃຫ້ລຽບງ່າຍ ແຕ່ຫລູຫລາ ແລະກົມກືນລົງຕົວ ດ້ວຍຄວາມຊັດເຈນຂອງກ້ອງໜ້າ ແລະ ຫຼັງ16 ລ້ານ ເມກາພິກເຊວ ໃນການສະແດງຜົນຂອງຈໍ ມີສີສັນສົດໃສຂຶ້ນກວ່າເກົ່າ ເຖິງຈະຢູ່ໃນສະພາບທີ່ແສງໜ້ອຍ ກໍສາມາດບັນທຶກຮູບພາບເລື່ອງລາວໄດ້ຊັດເຈນທັງສາມາດກັນຝຸ່ນໄດ້ໃນລະດັບ IP 68 ແລະມີ ຫນ່ວຍຄວາມ ຈຳທີ່ຂະຫຍາຍໄດ້ສູງສຸດເຖິງ 256 GB ມີຫົວສຽບທີ່ງ່າຍຕໍ່ການໃຊ້ງານທັງ 2 ດ້ານ ສຳລັບການເຊື່ອມຕໍ່,ພ້ອມດ້ວຍຄວາມຈຸຂອງແບັດເຕີລີ່ທີ່ໃຫຍ່ຂຶ້ນ ແລະ ຮັບຮອງການສາກໄວອີກດ້ວຍ.
         ໂຄງການ ຄົ້ນຫາໄວລຸ້ນຍຸກໃຫມ່ສະໄຕສເກລດ A ຮອບຕັດສິນ ພ້ອມຫນ້າຕາຂອງຜູ້ເຂົ້າປະກວດທີ່ໄດ້ຜ່ານເຂົ້າຮອບ ຈາກການຄັດເລືອກເຫຼືອ 22 ເລກໝາຍສຸດທ້າຍໃນວັນທີ່ 23 ມັງກອນ ຊຶ່ງມີ 3ສາຍການແຂ່ງຂັນ ນັ້ນກໍ່ຄື ການຮ້ອງເພງ 7ຄົນ,ຍ່າງແບບ 10ຄົນ ຍິງ 5ຄົນ ແລະ ການເຕັ້ນ 5ທີມ; ໃຫ້ມາສະແດງຄວາມສາມາດຂອງຕົນໃນຮອບຕັດສິນ ວັນທີ 5 ກຸມພາ 2017 ອີກຄັ້ງໜຶ່ງ ເພື່ອຍາດເອົາລາງວັນຊະນະເລີດທີ່ມີພຽງຄົນດຽວຂອງແຕ່ລະສາຂາການແຂ່ງຂັນ ເພື່ອຊິງເອົາລາງວັນເປັນທຶນການສຶກສາ ແລະ ໂທລະສັບສະມາດໂຟນSamsung Galaxy A2017 ໂດຍມີ ກຳມະການພິເສດ ທີ່ເປັນສິນລະປິນແຖວຫນ້າຂອງບ້ານເຮົາ ມາໃຫ້ຄວາມຄິດເຫັນ ແລະ ຄະແນນໃນການຕັດສິນຄັ້ງນີ້.
            ຜ່ານການແຂ່ງຂັນຜູ້ຊະນະເລີດຈາກໂຄງການຄົ້ນຫາໄວລຸ້ນຍຸກໃຫມ່ສະໄຕສເກຣດ A ລາງວັນຊະນະເລີດ ປະເພດການແຂ່ງຂັນການຮ້ອງເພງGA 17 ນາງພອນນະພາ ສົມສາຍທອງ (ແອນນາ), ລາງວັນຊະນະເລີດ ປະເພດການແ່ຂ່ງຂັນການເດີນແບບ,GA 02ທ້າວ ນັດທະສັກ ສີສຸລາດ (ຣ໋ອກກີ້) ແລະ GA 08 ນາງ ອາລຸນພອນ ຫຼວງສຸວັນນະວົງ (ຫນິງ), ລາງວັນຊະນະເລີດ ປະເພດການແຂ່ງຂັນການທີມເຕັ້ນ cover dance,GA 21ທີມເຕັ້ນ NDC ແລະ ລາງວັນພິເສດ Popular Vote,GA 12ທ້າວອາລິຍະວົງ ສີລາເພັດ (ເຈໂລ່).