Razer Orochi 2016 ກັບ Gaming Mouse ​ໄຮ້ສາຍ ​ເພື່ອ​ນັກຫຼິ້ນເກມ FPS ​ແລະ MOBA ​ໂດຍ​ສະ​ເພາະ

    ຫຼ້າ​ສຸດ Razer ຜູ້ນຳ​ອຸປະກອນ​ເກ​ມມິ​ງ​ໄດ້​ເປີດຕົວ​ຜະລິດ​ຕະພັນ​​ໃໝ່​ອອກ​ມາ​ໃນ​ຊື່ວ່າ “Razer Orochi 2016” ກັບ​ຄຸນສົມ ບັດ​ທີ່​ເປັນ​ຈຸດ​ເດັ່ນ​ຂອງຮຸ່ນນີ້ ຄື​ເຊັນ​​ເຊີ​ທີ່​ມີ​ຄວາມ​ແມ່ນຢໍາ​ທີ່​ສຸດ​ເພື່ອ​ຕອບ​ສະໜອງ​ແກ່​ເກ​ມ​​ເມົ້າ​ໄຮ້​ສາຍ FPS ​ແລະ MOBA ​ໂດຍ​ສະ​ເພາະ.

    Razer Orochi 2016 ຈະ​ມາ​ພ້ອມ​ກັບ​ເຊັນ​ເຊີ​ແບບ Laser 4G ຄວາມ​ລະອຽດ​ທີ່​ພັດທະນາ​ເພີ່ມ​ຂຶ້ນ​ເຖິງ 8200 DPI ​ຖື​ວ່າ​ເປັນຄວາມ​ລະອຽດ​ທີ່​ສູງ​ທີ່​ສຸດ​ໃນ​ບັນດາ​ເມົ້າ​ເກ​ມມິ​ງ ມີ​ນໍ້າໜັກ 110 ກຼາມ ຄວາມ​ໄວ​ການ​ເຄື່ອນ​ທີ່​ປະມານ 210 inches /second ຈຶ່ງ​ຮັບປະກັນ​ໄດ້​ວ່າການ​ເຄື່ອນ​ໄຫວ​​ເປັນ​ໄປ​ໄດ້​ດັ່ງ​ໃຈ.

    ທ່ານ Min-Liang Tan CEO ຈາກ Razer ​ໄດ້​ເວົ້າວ່າ Orochi 2016 ມີ​ການ​ເຊື່ອມ​ຕໍ່​ກັບ Bluetooth 4.0 ພ້ອມ​ກັບ​ແບັດ​ເຕີ​ຣີ​ທີ່​ມີ​ອາຍຸ​​ໃຊ້​ງານ​ກວ່າ​ເກົ່າ​ເຖິງ 60 ຊົ່ວ​ໂມງ​ໃນ​ການ​ຫຼິ້ນ​​ເກ​ມຕິດ​ຕໍ່​ກັນ ​ແລະ ມີ​ອາຍຸ​ການ​​ໃຊ້​ງານ​ຫຼາຍ​ກວ່າ 7 ​ເດືອນ ​ຖ້າ​ຫາກ​ໃຊ້ງານ​ແບບ​ປົກກະຕິ​ແບບ​ທຳ​ມະ​ດາ​ໃສ່ຖ່ານ AA 2 ກ້ອນ ແລະ ມີການພັດທະນາບ່ອນຈັບທາງຂ້າງໃຫ້ເໝາະມືກວ່າ ເກົ່າ ຊຶ່ງເພິ່ນໄດ້ໃຫ້ເຫດຜົນວ່າສິນຄ້າໂຕນີ້ ຈະເປັນການພັດທະນາໄປອີກຂັ້ນຂອງເມົ້າເກມມິງ.

    ນອກຈາກນີ້  Orochi 2016 ກໍ່ມີລູກຫຼິ້ນຈໍາພວກເອຟເຟກຊີເຊິນສະໄຕ Chroma ແບບເກົ່າ ໂດຍຈະມີສີຫຼາຍເຖິງ 16,8 ລ້ານສີ ແລະ ສີພວກນີ້ສາມາດໃຊ້ກັບຫູຟັງ ຫຼື ແປ້ນພິມ ໃນກຸ່ມ Razer ໄດ້ນຳອີກ ແລະ ຖ້າໃຊ້ກັບຊອຟແວ Razer Synapse ກໍ່ຈະສາມາດປັບແຕ່ງສີໄດ້ຕາມໃຈ.

    Razer Orochi 2016 ຈະວາງຈຳໜ່າຍພ້ອມກັນທົ່ວໂລກປະມານເດືອນຕຸລາ 2015 ສ່ວນລາຄາ $ 69,99 ຫຼື ປະມານ 567,000 ກີບ ແລະ ສາມາດຕິດຕໍ່ລາຍລະອຽດເພີ່ມເຕີມໄດ້ທີ່ Razer Official Site