Kirin (ຄິຣິນ) 980 ເປີດຍຸກ 7 nm (ນາໂນແມັດ)! ກຽມເປີດຕົວຄັ້ງທຳອິດໃນຕະກູນ Huawei Mate 20

ວັນທີ 31 ສິງຫາ 2018 ທີ່ຜ່ານມາທີ່ນະຄອນຫຼວງເບີລິນ, ປະເທດເຢຍລະມັນ, ໄດ້ຈັດມະຫະກຳ ງານວາງສະແດງສິນຄ້າເອເລັກໂຕຣນິກ 2018 (IFA 2018) ຂຶ້ນຢ່າງເປັນທາງການ, ທ່ານ ຢີ່ເຊິງຕົ້ງ Yu Cheng Dong ຊີອີໂອທຸລະກິດຜູ້ບໍລິໂພກຂອງບໍລິສັດ Huawei ໄດ້ກ່າວເຖິງ ຫົວຂໍ້ສຳຄັນພາຍໃນງານຄື “The Ultimate Power of Mobile AI” ຫຼືກໍ່ຄື “ທີ່ສຸດຂອງຂຸມພະລັງຂອງAIເທິງມືຖື” ແລະ ໄດ້ເປີດຕົວຊິບເຊັດປະມວນຜົນທີ່ສຸດແສນສະຫຼາດລ້ຳຍຸກລຸ້ນໃໝ່ສູ່ສາຍຕາຊາວໂລກນັ້ນກໍ່ຄື Kirin 980.

Kirin 980 ມີປະສິດທິພາບການປະຕິບັດງານ, ປະສິດທິພາບການໃຊ້ພະລັງງານ, ສະຕິປັນຍາອັນຊານສະຫຼາດ ແລະ ການສື່ສານ ທີ່ດີເລີດ, ຈະນຳມາເຊິ່ງປະສົບການການນຳໃຊ້ທີ່ດີຍິ່ງຂຶ້ນ ແລະ ຊານສະຫຼາດຍິ່ງຂຶ້ນ ໃຫ້ແກ່ຜູ້ໃຊ້ງານ.

ຄັ້ງທຳອິດຂອງໂລກກັບຊິບເຊັດໂທລະສັບມືຖືຂະໜາດ 7 nm

ປັບປຸງປະສົບການການໃຊ້ພະລັງງານຢ່າງມີປະສິທິພາບ

ໃນຖານະທີ່ເປັນຜູ້ນຳດ້ານຊິບເຊັດປະມວນຜົນທີ່ສຸດແສນສະຫຼາດ, Kirin 980 ໄດ້ສ້າງ ນະວັດຕະກຳໃໝ່ໆໃນດ້ານເທັກໂນໂລຍີການປະມວນຜົນ ແລະ ດ້ານອື່ນໆ. ໄດ້ກາຍເປັນຊິບເຊັດໂທລະສັບ ທຳອິດຂອງໂລກ ທີ່ມີເທັກໂນໂລຍີການຜະລິດຂະໜາດ 7 nm, ປະສົບຜົນສຳເລັດໃນການບັນຈຸ 6.9 ພັນລ້າທຣານຊິສເຕີ້ເຂົ້າໄປຢູ່ໃນຊິບເຊັດທີ່ມີຂະໜາດພຽງເລັບມື, ເຊິ່ງໄດ້ຮັບການປັບປຸງໂດຍລວມໃນການປະຕິບັດງານ ແລະ ປະສິດທິພາບການໃຊ້ພະລັງງານໃຫ້ດີຍິ່ງໆຂຶ້ນ.

  

ຊີພີຍູ A76

ເຮັດໃຫ້ໂທລະສັບຂອງທ່ານເຮັດວຽກໄວຂຶ້ນ ແລະ ຍາວນານຂຶ້ນ

ດ້ວຍຄວາມບໍ່ຢຸດທີ່ຈະກ້າວຂ້າມທຸກຂີດຈຳກັດ ແລະ ທ້າທາຍຄວາມໄວໃນການເຮັດວຽກທີ່ໄວຍິ່ງຂຶ້ນ, ຈຶ່ງກາຍເປັນໜຶ່ງໃນພາລະກິດສຳຄັນຂອງຊິບເຊັດເທິງໂທລະສັບມືຖື. ເພື່ອຕອບສະໜອງຄວາມທ້າທາຍນີ້, Kirin 980 ໄດ້ພັດທະນາຮາກຖານ Cortex-A76 ມານຳໃຊ້ເປັນເຈົ້າແລກຂອງໂລກ, ເມື່ອປຽບທຽບກັບໜ່ວຍປະມວນຜົນລຸ້ນທີ່ຜ່ານມາ ການປະມວນດີຂຶ້ນເຖິງ 75%, ປະສິດທິພາບການໃຊ້ພະລັງງານດີຂຶ້ນເຖິງ 58%, ທັງໝົດກໍ່ເພື່ອຕອບສະໜອງຄວາມຕ້ອງການໃນຄວາມໄວ ແລະ ການໃຊ້ງານທີ່ຍາວນານຍິ່ງຂຶ້ນ.

ຄວາມຍືດຫຍຸ່ນ ແລະ ລົງຕົວຂອງ 2+2+4 ແກນ

ປະສິດທີພາບສູງມາພ້ອມກັບການໃຊ້ງານທີ່ຍືນຍາວ

ລະບົບຍ່ອຍ CPU Kirin ແນະນຳນຳກົນໄກຢ່າງຊານສະຫຼາດແບບອັດຕະໂນມັດ, ດ້ວຍການອອກແບບສະຖາປັດຕະຍາກຳຂອງປະສິດທິພາບການໃຊ້ພະລັງງານຮູບແບບໃໝ່, ເຊິ່ງປະກອບດ້ວຍ 2 ແກນໃຫຍ່ (ພັດທະນາເທິງຮາກຖານ Cortex-A76), 2 ແກນກາງ (ພັດທະນາເທິງຮາກຖານ Cortex-A76) ແລະ 4 ແກນນ້ອຍ(Cortex-A55). ເມື່ອທຽບກັບການອອກແບບແບບດັ້ງເດີມທີ່ປະກອບມີພຽງແຕ່ແກນຫຼັກ ແລະ ແກນລອງ, ສະຖາປັດຮູບແບບໃໝ່ທີ່ນຳໃຊ້ແກນໃຫຍ່, ກາງ ແລະ ນ້ອຍນັ້ນໃຫ້ຄວາມແມ່ນຍຳ ໃນການປັບລະດັບການໃຊ້ງານທີ່ດີຍິ່ງຂຶ້ນ, ເຮັດໃຫ້ການໃຊ້ງານ CPU ເລີ້ມແຕ່ການໃຊ້ງານໜັກ, ປານກາງ ແລະ ເບົາມີຄວາມຍືດຫຍຸ່ນໃນການປັບໂຕ, ບໍ່ວ່າທ່ານຈະກຳລັງສົ່ງຂໍ້ຄວາມ ຫຼື ຫຼິ້ນເກມ ແລະ ຟັງເພງໄປພ້ອມກັນ, ດ້ວຍຄວາມແມ່ນຍຳຂອງ Kirin 980, ຈະຊ່ວຍຈຳແນກທຸກໆສະພາບການຊົມໃຊ້ພະລັງງານໃຫ້ເໝາະສົມ ແລະ ໄດ້ປະສິດທິພາບຍິ່ງຂຶ້ນ, ເພື່ອໃຫ້ຜູ້ໃຊ້ງານໄດ້ຮັບປະສົບການການໃຊ້ງານທີ່ດີທີ່ສຸດ.

 G76 GPU ປະສານເຂົ້າກັບເທັກໂນໂລຍີການປັບອັດຕາຄວາມຖີ່ຂອງ AI

ນຳມາເຊິ່ງປະສົບການການເຮັດວຽກຢ່າງຊານສະຫຼາດ

Kirin 980 ເປັນເຈົ້າທຳອິດທີ່ໄດ້ນຳໃຊ້ Mali-G76 GPU ເຂົ້າໃນອຸດສາຫະກຳ, ເມື່ອປຽບທຽບກັບລຸ້ນກ່ອນ ປະສິດທິພາບການປະຕິບັດງານເພີ່ມຂຶ້ນສູງເຖິງ 46%, ປະສິດທິພາບການໃຊ້ພະລັງານດີຂຶ້ນ 178%. ອີກໜຶ່ງເທັກໂນໂລຍີໃໝ່ກໍ່ຄືການປັບອັດຕາຄວາມຖີ່ຂອງ AI ທີ່ໄດ້ນຳໃຊ້ເຂົ້າໃນ Kirin 980, ມັນສາມາດຮຽນຮູ້ອັດຕາເຟຣມ, ຄວາມປ່ຽນແປງ ແລະ ການສໍາຜັດໜ້າຈໍ, ຄາດເດົາຄຳສັ່ງວຽກງານຂອງໂທລະສັບ, ບັນຫາໃນການຮັບຮູ້ການເຄື່ອນໄຫວ ແລະ ການປະຕິບັດງານນ,ເຊິ່ງມັນຈະເຂົ້າມາຊ່ວຍປັບອັດຕາຄວາມຖີ່ໃນທັນທັນທີ.

ຄາດເດົາການຫຼິ້ນເກມຢ່າງຊານສະຫຼາດ

ນຳມາເຊິ່ງປະສົບການການຫຼິ້ນເກມທີ່ຫຼື່ນໄຫຼ

ຜົນປະໂຫຍດຈາກ Mali-G76 GPU ໃນ Kirin 980, ໃນຂະນະຫຼິ້ນເກມເທັກໂນໂລຍີການປັບອັດຕາຄວາມຖີ່ຂອງ AI ຈະຖືກນຳໃຊ້ເຂົ້າໃນການຄາດຄະເນການປ່ຽນແປງຂອງອັດຕາເຟຣມ, ເຊິ່ງມີຄວາມແມ່ນຍຳ ໃນການຄາດຄະເນດີຂຶ້ນຫຼາຍກວ່າ 30%, ເພິ່ມປະສິດທິພາບຂອງອັດຕາເຟຣມຂອງເກມໃຫ້ມີຄວາມຄົງທີ່ ແລະ ໝັ້ນຄົງ, ລົດການແກວ່ງຂອງອັດຕາເຟຣມລົງໄດ້ຢ່າງຫຼວງຫຼາຍ, ຫຼຸດຜ່ອນປັນຫາການກະຕຸກໃນຂະນະຫຼິ້ນເກມ, ນຳເອົາປະສົບການ ການຫຼິ້ນເກມທີ່ຫຼື່ນໄຫຼໃຫ້ກັບຜູ້ໃຊ້ງານ.

▲ປະສິດທິພາບຂອງ Kirin 980 ຂະນະຫຼິ້ນເກມ

ISP ໃໝ່ທີ່ໄດ້ພັດທະນາຂຶ້ນເອງ ເຈເນີເຣຊັ້ນ 4

ເຮັດໃຫ້ສີຂອງຮູບພາບ ແລະ ລາຍລະອຽດມີຄວາມສົມດູນກັນ

ການຖ່າຍຮູບກາຍເປັນໜຶ່ງໃນຄວາມສຳຄັນສຳລັບການໃຊ້ໂທລະສັບມືຖືໃນຊີວິດປະຈຳວັນ ແລະ ການປັບປຸງຄວາມສາມາດໃນການຖ່າຍຮູບກໍ່ເປັນຈຸດສຸມໃນການພັດທະນາຊິບເຊັດ Kirin ສະເໝີມາ. ເພື່ອໃຫ້ໄດ້ພາບທີ່ງົດງາມ ແລະ ລາຍລະອຽດທີ່ຄົບຖ້ວນ, Kirin 980 ໄດ້ນຳໃຊ້ ISP ລຸ້ນໃໝ່ ເຈເນີເຣຊັ້ນ 4 ທີ່ໄດ້ພັດທະນາຂຶ້ນເອງໂດຍ Huawei, ອັດຕາການໂອນຖ່າຍຂອງພິກເຊວດີຂຶ້ນຈາກລຸ້ນກ່ອນເຖິງ 46%, ມີຄວາມສາມາດໃນການວິເຄາະປັບລະດັບສີສັນ ແລະ ສີເຖົ່າໃນແຕ່ລະຈຸດຂອງຮູບພາບ, ຮອງຮັບໂຕກ້ອງຖ່າຍຮູບໄດ້ຫຼາຍຂຶ້ນ, ເໝາະສຳລັບກ້ອງຖ່າຍຮູບຫຼາຍໆໂຕ, ທີ່ຈະມາເປີດປະສົບການຖ່າຍຮູບໃໝ່ໆໃຫ້ກັບຜູ້ໃຊ້. ເປີດໂຕການສຳເນົາສິສັນ HDR ລຸ້ນໃໝ່, ທີ່ສາມາດຈະວິເຄາະປັບລະດັບສີສັນຂອງຮູບພາບ, ເຮັດໃຫ້ສິສັນ ແລະ ລາຍລະອຽດຂອງຮູບພາບມີຄວາມສົມດູນກັນ.

NPU ແບບຄູ່

ນຳມາເຊິ່ງຄຸນນະພາບການຮັບຮູ້ຂອງ AI ແບບກ້າວກະໂດດ

ພາຍໃຕ້ຄວາມແຮງໃນການປະມວນຜົນຂອງ NPU ແບບຄູ່ຢູ່ເທິງ Kirin 980, ມັນສາມາດທີ່ຈະຮັບຮູ້ໃບໜ້າຂອງມະນຸດ, ຮັບຮູ້ວັດຖຸ, ກວດຈັບວັດຖຸ, ການແບ່ງສ່ວນຮູບພາບ, ການແປພາສາຢ່າງຊານສະຫຼາດອື່ນໆ ພາຍໃຕ້ສາກ AI, ນຳໃຊ້ເຄືອຂ່າຍທີ່ມີຄວາມແມ່ນຍຳສູງ, ມີປະສິດທິພາບທີ່ດີຂຶ້ນແບບ Real time, ເພື່ອໃຫ້ໄດ້ປະສົບການທີ່ດີຍິ່ງຂຶ້ນ. Kirin 980 ສາມາດຮັບຮູ້ຮູບພາບ 4500 ຕໍ່ນາທີ, ເມື່ອປຽບທຽບກັບລຸ້ນກ່ອນໜ້າທີ່ຄວາມໄວໃນການຮັບຮູ້ເພີ່ມຂຶ້ນເຖິງ 120% ແລະ ເໜືອກວ່າທຸກໆແບຣນທີ່ຢູ່ໃນລະດັບດຽວກັນ.ບໍ່ວ່າຈະເປັນການເຕັ້ນທີ່ມີຈັງຫວະທີ່ແຂງແຮງ ຫຼື ການແລ່ນໄວຢູ່ໜ້າກ້ອງ, Kirin 980 ສາມາດແຕ້ມກຣາບຟິກກະດູກ ແລະ ເສັ້ນແລວຂອງຮ່າງກາຍມະນຸດແບບ Real time; ຄວາມສາມາດໃນການຊອກຫາວັດຖຸຢ່າງມີປະສິກທິພາບ ແລະ ລະບຸໄດ້ຢ່າງແມ່ນຍຳ, ສາມາດຕິດຕາມວັດຖຸໃນຂະນະທີ່ຖ່າຍພາບໄດ້ແບບ Real time. ເມື່ອປຽບທຽບກັບຊິບເຊັດ Kirin 970, Kirin 980 ຖືເປັນກ້າວກະໂດດອີກຂັ້ນຂອງເທັກໂນໂລຍີເພາະບໍ່ພຽງແຕ່ສາມາດຮັບຮູ້ດ້ວຍຮູບພາບແຕ່ຍັງສາມາດກວດສອບວັດຖຸໄດ້.

ອັດຕາການດາວໂຫຼດທີ່ສູງ ແລະ ໄວທີ່ສຸດ

Kirin 980 ສ້າງປະສົບການການສື່ສານທີ່ມີຄຸນພາບໃນທຸກໆສະຖານະການ

Kirin 980 ເປັນຊິບເຊັດທຳອິດຂອງໂລກທີ່ຮອງຮັບ LTE Cat.21, ມີການເຊື່ອມຕໍ່ໃນອັດຕາການດາວໂຫຼດໄດ້ສູງສຸດເຖິງ 1.4 Gbps, ທັງຍັງມີຄວາມຍືດຫຍຸ່ນຫຼາຍຂຶ້ນຕໍ່ຄື່ນສັນຍານຄວາມຖີ່ຂອງຜູ້ໃຫ້ບໍລິການເຄືອຂ່າຍໃນທົ່ວທຸກມຸມໂລກ, ເພື່ອມອບປະສົບການຄວາມໄວສູງໃຫ້ແກ່ຜູ້ບໍລິໂພກໃນທຸກໆເຄືອຂ່າຍ.ນອກຈາກນັ້ນ, Kirin 980 ຍັງປະກອບດ້ວຍຊິບເຊັດ WiFi Hi1103 ເທິງມືຖືທີ່ໄວທີ່ສຸດໃນໂລກ, ທັງຍັງເປັນຄັ້ງທຳອິດທີ່ຮອງຮັບສັນຍານຄວາມຖີ່ 160M, ໃນທາງທິດສະດີສາມາດດາວໂຫຼດໄດ້ສູງສຸດເຖິງ 1.7 Gbps, ເໜືອກວ່າທຸກແບຣນທີ່ຢູ່ໃນລະດັບດຽວກັນເຖິງ 1.7 ເທົ່າ, ໃຫ້ຜູ້ໃຊ້ໄດ້ຮັບປະສົບການການເຊື່ອມຕໍ່ WiFi ທີ່ມີຄວາມໄວສູງ, ບໍ່ວ່າຈະຢູ່ໃນສະຖານທີ່ສາທາລະນະ, ພາຍໃນບ້ານ, ສຳນັກງານ ຫຼື ຫ້າງຮ້ານກໍ່ສາມາດເຮັດໃຫ້ຜູ້ໃຊ້ໂທລະສັບມືຖືສາມາດມີຄວາມສຸກ ກັບປະສົບການອິນເຕີເນັດ WiFi ໃນແນວຄິດທີ່ວ່າ "ໄວກວ່າອີກຂັ້ນ".

ໃນຂະນະດຽວກັນ, Hi1103 ຍັງເປັນຜູ້ນຳໃນການຮອງຮັບລະບົບ GPS ແບບຄູ່ ທີ່ຄວາມຖີ່ L1 + L5 ສາມາດລະບຸຕຳແໜ່ງໄດ້ແມ່ນຍຳ, ພາຍໃຕ້ຄື່ນຄວາມຖີ່ L5 ຈະໃຫ້ຄວາມແມ່ນຍຳໃນການລະບຸຕຳແໜ່ງສູງຂຶ້ນ 10 ເທົ່າ, ເພີ່ມປະສິດທິພາບປັບປຸງຄວາມແມ່ນຍຳຂອງຕໍາແໜ່ງໂທລະສັບມືຖື, ໃຫ້ລູກຄ້າທີ່ຢູ່ໃນເຂດພື້ນທີ່ສະລັບສັບຊ້ອນກໍ່ສາມາດນຳໃຊ້ການນຳທາງໃນແຜນທີ່ໄດ້ຖືກຕ້ອງເພື່ອໄປໃຫ້ຮອດຈຸດໝາຍປາຍທາງ, ໝົດກັງວົນເລື່ອງຫຼົງທາງ,

Kirin 980 ເປັນ Platform ໂທລະສັບມືຖືທຳອິດທີ່ມີຟັ່ງຊັ້ນ 5G

ດ້ວຍເທັກໂນໂລຍີການຜະລິດຊິບເຊັດ Kirin 980 ທີ່ມີຂະໜາດ 7 nm, ດ້ວຍໂມເດັມພື້ນຖານ Balong 5000, ມັນໄດ້ກາຍເປັນPlatformໂທລະສັບມືຖືທໍາອິດທີ່ມີຟັ່ງຊັ້ນ5G.

Kirin 980 ຈະຖືກນຳໃຊ້ຄັ້ງທຳອິດເຂົ້າໃນຕະກູນ Huawei Mate 20

ໃນຕອນທ້າຍທ່ານ ຢີ່ເຊິງຕົ້ງ Yu Cheng Dong ໄດ້ກ່າວເສີມຕະກູນ Huawei Mate 20 ຈະເປີດໂຕສູ່ສາຍຕາຊາວໂລກໃນເດືອນຕຸລາທີ່ຈະເຖິງນີ້. ໃນຖານະທີ່ເປັນລຸ້ນແລກທີ່ຈະນຳໃຊ້ຊິບເຊັດ Kirin 980 ມັນຈະນຳເອົາປະສົບການການໃຊ້ງານທີ່ສະຫຼາດລ້ຳແບບໃດມາໃຫ້ພວກເຮົາໄດ້ສຳພັດ? ພວກເຮົາມາຖ້າຕິດຕາມໄປພ້ອມໆກັນ.