Huawei Y9 2018 ສະມາດໂຟນກ້ອງ 4ໂຕ

Huawei Y9 2018 ເປັນສະມາດໂຟນທີ່ເຂົ້າມາເຈາະຕະຫລາດສຳລັບກຸ່ມຄົນລະດັບກາງ ແຕ່ມີຈຸດເດັ່ນ ແລະ ໜ້າສົນໃຈຄື ການຍົກເອົາສະເປັກເດັ່ນໆຂອງສະມາດໂຟນໃນລະດັບໄຮເອັນມາໃຊ້ ແລະ ທີ່ສຳຄັນຄືຂາຍໃນລາຄາພຽງ 1,999,000 ກີບເທົ່ານັ້ນ. ກ້ອງ 4ໂຕ ເຮັດວຽກເທິງໜ້າຈໍສະແດງຜົນຂະໜາດ 5.93ນິ້ວ ແບບ Huawei FullView Display ອັດຕາສ່ວນ 18:9 ຄວາມລະອຽດລະດັບ ລະດັບ FullHD+ ແຖມຍັງໃຫ້ແບັດເຕີລີ້ມາແບບຈຸໃຈດ້ວຍຂະໜາດ 4,000 mAh ເຊິ່ງເທົ່າກັບ Huawei Mate 10

 Huawei Y9 2018 ມາພ້ອມກັບໂຕເຄື່ອງທີ່ສາມາດຈັບຖະນັດດ້ວຍມືດຽວ ດ້ວຍຂະໜາດໂຕເຄື່ອງ 157.2x75.3x7.89 ມິລິແມັດ ນ້ຳໜັກ 170ກຣັມ ແລະ ການອອກແບບເປັນແບບUnibody.

ມາຕໍ່ກັນທີ່ໜ້າຈໍສະແດງຜົນທີ່ເປັນໜຶ່ງໃນຈຸດເດັ່ນຄຸ້ມໆຂອງ Huawei Y9 2018 ໂດຍຈະໃຊ້ໜ້າຈໍ IPS LCD ຂະໜາດ 5.93ນິ້ວ ແບບ Huawei FullView Display ອັດຕາສ່ວນ 18:9 ແລະ ມີຄວາມລະອຽດລະດັບ FullHD+ (2160x1080 ພິກເຊວ) 407PPI ຢູ່ເທິງໜ້າຈໍສະແດງຜົນມີກ້ອງໜ້າຄູ່ຄວາມລະອຽດ 16+2 ລ້ານພິກເຊວ ຮອງຮັບການຖ່າຍຮູບແບບໜ້າແຈ້ງຫລັງມົວ ແລະຟັງຊັ່ນ AR Lens ເພື່ອເພີ່ມລູກຫລິ້ນໃຫ້ກັບຮູບພາບ,    ສ່ວນທາງກາງເປັນຊ່ອງລຳໂພງສຳລັບການສົນທະນາ ແລະ ທາງຊ້າຍສຸດເປັນຮູໄຟແຈ້ງເຕືອນສະຖານະ

ດ້ານຟາກຊ້າຍຂອງໂຕເຄື່ອງມີຊ່ອງໃສ່ຖາດ SIM Card ເຊິ່ງສາມາດໃສ່ຊິມໄດ້ 2ຊິມ ແລະ MicroSD Card ພ້ອມກັນທັງ 3ຢ່າງ,  ເຊິ່ງ  MicroSD Card ຮອງຮັບຄວາມຈຸສູງສຸດ 256GB

ດ້ານຂວາໂຕເຄື່ອງມີປຸ່ມເພີ່ມ ແລະ ຫລຸດສຽງຢູ່ດ້ານເທິງ ແລະ ຖັດມາທາງດ້ານລຸ່ມກໍ່ຈະເປັນປຸ່ມພາວເວີ້ສຳລັບເປີດປິດເຄື່ອງຫລືພັກໜ້າຈໍ

ໃນສ່ວນດ້ານລຸ່ມຂອງໂຕເຄື່ອງມີຊ່ອງສຽບຫູຟັງແບບ 3.5 ມິລີແມັດ ຢູ່ທາງຊ້າຍ, ທາງກາງເປັນຊ່ອງສຽບສາຍ Micro USB    ສຳລັບການສາກແບັດເຕີລີ້ ຫລືໂອນຖ່າຍຂໍ້ມູນ, ຂວາສຸດເປັນລຳໂພງສຽງ ແລະ ດ້ານເທິງໂຕເຄື່ອງມີພຽງຮູຕັດສັນຍານລົບກວນພຽງຢ່າງດຽວເທົ່ານັ້ນ.

 ປິດທ້າຍກັນດ້ວຍຂ້າງຫລັງໂຕເຄື່ອງ ເຊິ່ງມີກ້ອງຫລັງຄູ່ ຄວາມລະອຽດ 13+2 ລ້ານພິກເຊວ ຢູ່ທາງຊ້າຍສຸດ ຮອງຮັບການຖ່າຍຮູບໜ້າຊັດຫລັງເບີລ ແລະ ໂໝດ AR Lens ຄຽງຂ້າງດ້ວຍໄຟແຟັດ LED ແລະ ໃນສ່ວນທາງກາງດ້ານຫລັງເປັນສະແກນລາຍນິ້ວມື.

ສຳລັບສີຂອງ Huawei Y9 (2018) ຈະມີໃຫ້ເລືອກນຳກັນເຖິງ 3 ສີຄື: ສີດຳ, ສີຟ້າ ແລະ ສີທອງ ໂດຍຈະວາງຈຳໜ່າຍຢ່າງເປັນທາງການໃນວັນທີ  8 ເມາສາ 2018 ນີ້ ດ້ວຍລາຄາທີ່ສຸດຄຸ້ມພຽງ 1,999,000 ກີບເທົ່ານັ້ນ. ທ່ານໃດສົນໃຈກໍ່ສາມາດເຂົ້າໄປສຳພັດໄດ້ທີ່ຮ້ານຕົວແທນຈຳໜ່າຍຫົວເຫວີຍທົ່ວປະເທດ.

ສອບຖາມເພີ່ມເຕີມໄດ້ທີ່​: ໂທສາຍດ່ວນ Hotline : 021-253999

ເວັບໄຊ : consumer.huawei.com/la