Huawei P9 Rose Gold ພ້ອມໃຫ້ທ່ານຈັບຈອງເປັນເຈົ້າຂອງແລ້ວ

        ໃນ​​ເວລາ​ປະມານ 16:30​ໂມງ​ຂອງວັນ​ທີ 03 ຕຸລາ 2016 ທີ່​ຜ່ານ​ມາ ທາງ​ບໍລິສັດ ຫົວ​ເຫວີຍ​ລາວ ​ໄດ້​ມີ​ການ​ເປີດ​ຕົວ​ພີ​ເຊັນ​ເຕີ​ຄົນ​ທໍາ​ອິດ​ຂອງ​ປະ​ເທດ​ລາວ ພ້ອມ​ດ້ວຍ​ການ​ເປີດ​ຕົວ​ສະມາດ​ໂຟນລຸ້ນຫຼ້າສຸດ​ ນັ້ນກໍ​ຄື Huawei P9 Rose Gold ທີ່​ມາ​ພ້ອມ​ກັບ​ຄວາມ​ງາມ​ທີ່ຫຼູຫຼາມີ​ລະດັບ​ກວ່າ​ເກົ່າ ​ແລະ ສາມາດສະຫຼັກຊື່​ຕົນ​ເອງ​ໃສ່​ທາງ​ດ້ານຫຼັງອີກ​ດ້ວຍ. ​ໃຫ້ກຽດ​​ເປັນ​ປະທານເຂົ້າຮ່ວມງານ​ໃນ​ຄັ້ງນີ້​ມີ​ທ່ານ ຊູ​ຈິ​ນຢົງ (Zhu Jin Yong) ຫົວໜ້າບໍລິຫານ​ຝ່າຍ​ອຸປະກອນ​ສື່ສານປະຈໍາລາວ (Lao Device business Director),ສາວ ​ແອນ​ນິຕ້າ ​ເປັນ​ພີ​ເຊັນ​ເຕີ​ຫົວ​ເຫວີຍ​ຄົນ​ທໍາ​ອິດ​ໃນ​ລາວ, ໜຸ່ມ ອາ​ເລັກ ທີລະ​ເດດ ​ເປັນ​ພີ​ເຊັນ​ເຕີ​ຫົວ​ເຫວີຍຄົນ​ທໍາ​ອິດ​ຂອງ​ປະ​ເທດ​ໄທ, ດາລາ​ນັກສະ​ແດງ ​ແລະ ສື່​ມວນ​ຊົນ​ເຂົ້າຮ່ວມ​ຢ່າງຫຼວງຫຼາຍ.

       ເຊິ່ງ​ໃນ​ງານ​ກໍ​ໄດ້​ມີ​ການ​ວາງສະ​ແດງ​ສິນຄ້າ​ແນະນຳ​ ​ແລະ ມີ​ຜູ້​ໂຊກ​ດີ​ໄດ້​ຮັບ​ລາງວັນ ສາຍຄໍຄໍານໍ້າໜັກ 1 ສະຫຼຶງ​ຈາກ​ຫົວ​ເຫວີຍ​ໃນ​ໂຄງການຂູດປຸບຮັບປັບ. Huawei P9 Rose Gold ​ມີ​ໃຫ້​ທ່ານ​ຈັບຈອງ​ເປັນ​ເຈົ້າຂອງ​​ໄດ້​ແລ້ວ ​ເຊິ່ງຈຸດ​ເດັ່ນ​ຂອງ​ສະມາດ​ໂຟນ​ເຄື່ອງ​ນີ້​ກໍ​ໄດ້​ມາ​ຈາກ​ກ້ອງ ທີ່ມີຟັງຊັ່ນຫຼາກຫຼາຍຄວາມ​ສາມາດ ​ແລະ ມີກ້ອງຄູ່ 2 ເລນ. ນອກຈາກ​ນັ້ນ ຫົວ​ເຫວີຍ​ຍັງ​ໄດ້​ຈັບ​ມື​ກັບ Leica ​ເຊິ່ງ​ເປັນ​ຍີ່​ຫໍ້​ກ້ອງຖ່າຍຮູບ​ທີ່​ມີ​ຊື່ສຽງລະດັບ​ໂລກ ​ໃນ​ນີ້​ຫົວ​ເຫວີຍ​ໄດ້​ນໍາ​ເອົາ​ກ້ອງ Leica ມາ​ໄວ້​ໃນ​ຫົວ​ເຫວີຍ​ລຸ້ນດັ່ງກ່າວ​ຈຶ່ງ​ເຮັດ​ໃຫ້​ມັນ​ມີ​ຄວາມ​ພິ​ເສດ ​ແລະ ​ໂດດ​ເດັ່ນ​ກວ່າ​ສະມາດ​ໂຟນລຸ້ນອື່ນ.