Huawei P20Pro ໄດ້ຮັບລາງວັນ “ສຸດຍອດພາບຖ່າຍເທິງສະມາດໂຟນ” ຈາກ TIPA

Huawei P20Pro ໄດ້ຮັບລາງວັນ “ສຸດຍອດພາບຖ່າຍເທິງສະມາດໂຟນ” ຈາກ TIPA

Huawei ໄດ້ຮັບການຍ້ອງຍໍຢ່າງຫຼວງຫຼາຍພາຍຫຼັງທີ່ເປີດຕົວ Huawei P20Pro ສະມາດໂຟນລຸ້ນ Flagship ມາພ້ອມກັບກ້ອງຫຼັງ 3 ກ້ອງທີ່ມີຄຸນນະພາບສູງ, ຈົນເຮັດໃຫ້ສະມາດໂຟນລຸ້ນນີ້ໄດ້ຮັບຄະແນນຈາກ DxOMark ແຊງໜ້າ Galaxy S9+, ແລະ ລ້າສຸດກໍ່ໄດ້ຮັບລາງວັນໃນສາຂາ Best Photo Smartphone ຈາກອົງກອນ TIPA.

TIPA (Technical Image Press Association) ເປັນອົງກອນທີ່ບໍ່ຫວັງຜົນກຳໄລທີ່ຮ່ວມມືກັບນິດຕະຍາສານການຖ່າຍຮູບຫຼາຍກວ່າ 30 ບໍລິສັດ, ເຊິ່ງມີຄວາມຊ່ຽວຊານດ້ານການຖ່າຍຮູບໂດຍສະເພາະ ແລະ ໄດ້ມີການມອບລາງວັນໃຫ້ກັບສຸດຍອດກ້ອງຖ່າຍຮູບໃນສາຂາຕ່າງໆເຊັ່ນ: ກ້ອງ DSLR, ກ້ອງໂຄຮນ ຫຼື ກ້ອງ 360 ອົງສາເປັນຕົ້ນ.

ປັດໃຈທີ່ເຮັດໃຫ້ Huawei P20Pro ໄດ້ຮັບລາງວັນດັ່ງກ່າວ ແມ່ນມາຈາກປະສິດທິພາບຂອງກ້ອງຫຼັງ 3 ກ້ອງທີ່ຍົກລະດັບການຖ່າຍຮູບເທິງສະມາດໂຟນໃຫ້ສູງຂື້ນ, ອີກທັງເລນຂາວດຳ ແລະ ເລນຊູມ ກໍ່ມີປະສິດທິພາບສູງເຊັ່ນດຽວກັນ.

ນອກຈາກກ້ອງຫຼັງ 3 ກ້ອງແລ້ວ, ການອອກແບບໜ້າຈໍທີ່ມາພ້ອມກັບສ່ວນໂຄ້ງດ້ານເທິງ ແລະ ສີດ້ານຫຼັງຂອງເຄື່ອງທີ່ມີການໄລ່ເສດສີຢ່າງສວາຍງາມ ຫຼືເອີ້ນວ່າ “Twilight” ກໍ່ກາຍເປັນສັນຍາລັກສໍາຄັນຂອງສະມາດໂຟນຫົວເຫວີຍລຸ້ນຕໍ່ໄປໃນອະນາຄົດຢ່າງແນ່ນອນ.

ດ້ວຍການພັດທະນາຢ່າງວ່ອງໄວນັ້ນ ກໍ່ປະຕິເສດບໍ່ໄດ້ເລີຍວ່າກ້ອງເທິງສະມາດໂຟນກໍ່ກາຍເປັນອີກໜື່ງກ້ອງທີ່ດີທີ່ສຸດສຳລັບຜູ້ທີ່ມັກຖ່າຍຮູບກໍ່ວ່າໄດ້.

ສຳລັບໃນປະເທດລາວແລ້ວ P20 ແລະ P20Pr0 ໄດ້ເປີດໃຫ້ສັ່່ງຈອງກັນແລ້ວແຕ່ມື້ນີ້້ເປັນຕົນໄປ ແລະ ຖ້າຢາກຮູ້ວ່າສະມາດໂຟນທີ່ໄດ້ລາງວັນຮອງຮັບຄວາມສຸດຍອດຂອງກ້ອງຂະໜາດນີ້ຈະຄັກສ່ຳໃດ, ລູກຄ້າສາມາດສຳພັດເຄື່ອງໂຕຈິງໄດ້ທີ່ ລາວໄອເຕັກ (ຕຶກເກົ່າ) ບູທ ຫົວເຫວີຍ ງານມະຫາກຳຊັບສິນທາງປັນຍາ.