HUAWEI Nova2i ເປີດໂຕຢ່າງເປັນທາງການ

ໃນວັນທີ່ 11 ພະຈິກ 2017 ທີ່ ສູນການຄ້າ ວຽງຈັນເຊັນເຕີ້, ນະຄອນຫຼວງວຽງຈັນ. ບໍລິສັດຫົວເຫວີຍ ເທັກໂນໂລຢີ ລາວ ໄດ້ຈັດພິທີເປີດໂຕ ແລະ ຈຳໜ່າຍມື້ທຳອິດ ຜະລິດຕະພັນໃໝ່ລ່າສຸດ HUAWEI Nova2i, ສະມາດໂຟນທີ່ມາພ້ອມນະວັດຕະກຳໃໝ່ກ້ອງ 4 ໂຕ, ໜ້າຈໍແບບໃໝ່ ແລະ ຄວາມຫຼູ່ຫຼ່າ ໃນລາຄາທີ່ພຽງແຕ່ 2,790,000 ກີບ. 


ພາຍໃນງານ ທ່ານ ນາງ ຊັດຊະນີ ສຸມາເນດ ຮອງຜູ້ອຳນວຍການຝ່າຍອຸປະກອນສື່ສານຫົວເຫວີຍລາວ ໄດ້ໃຫ້ກຽດຂຶ້ນກ່າວຄໍາປາໄສ “ເມື່ອສີ່ປີກ່ອນ, ຫຼາຍໆຄົນອາດຄາດບໍ່ເຖິງ ທີ່ແບຣນ ຊຶ່ງບໍ່ມີໃຜເຄີຍໄດ້ຍິນຊື່ມາກ່ອນ ນອກຈາກປະເທດຈີນ ຄື ຫົວເຫວີຍ ໄດ້ກາຍເປັນຈຸດສົນໃຈຢ່າງແຜ່ຫຼາຍໃນປະຈຸບັນ. ບໍລິສັດຫົວເຫວີຍກໍ່ກາຍມາ ເປັນສູນກາງຂອງອຸດສາຫະກໍາໂທລະສັບມືຖື ໄດ້ຈັດຂື້ນເປັນເວລາສີ່ມື້ ໃນທ້າຍເດືອນກຸມພາ ຂອງທຸກໆປີ ຊຶ່ງເປັນຈຸດເລີ່ມຕົ້ນຂອງການເປີດໂຕສະມາດໂຟນລຸ້ນໃໝ່ອອກສູ່ສາຍຕາມວນຊົນ, ກ່ອນອື່ນຂໍກ່າວເຖິງ ສະມາດໂຟນຄຸນນະພາບດີ ລະດັບ premium ເຊັ່ນ Huawei P9, P10 Plus ຊຶ່ງເປັນໜຶ່ງໃນສະມາດໂຟນທີ່ດີທີ່ສຸດໃນປີ 2016 ແລະ 2017 ທີ່ຊ່ວຍໃຫ້ຫົວເຫວີຍໄດ້ກາຍເປັນອັນດັບສອງໃນຕະຫຼາດສະມາດໂຟນທົ່ວໂລກ. 


ໃນຊ່ວງຕົ້ນເດືອນ ກາງເດືອນ ຕຸລາ ທີ່ຜ່ານມານີ້, ພວກເຮົາກໍ່ໄດ້ເປີດສັ່ງຈອງ HUAWEI Nova2i  ທີ່ມາພ້ອມກັບ ໂປຼໂມຊັ່ນຂອງແຖມ ມູນຄ່າລວມ 2,400,000 ກີບ ເຊັ່ນ: ແພັກເກັດໂທຟຣີ ແລະ ຫຼີ້ນອິນເຕີເນັດ ຈາກລາວໂທລະຄົມ, ເບີງາມ, ຫົວເຫວີຍກີຟບ໊ອກ ແລະຍັງມີ ລຳໂພງບູທູດ ສຸດຍອດຄຸນນະພາບສຽງ. ເຊີ່ງໃນການເປີດຈອງຄັ້ງນີ້ ຕ້ອງຂໍຂອບໃຈລູກຄ້າທຸກໆທ່ານທີ່ໃຫ້ການຕອບຮັບ ແລະ ເຊື່ອໝັ່ນໃນ HUAWEI Nova2i ທີ່ເຮັດໃຫ້ມີຍອດຈອງທີ່ດີຫຼາຍ. 


ແລະຍັງບໍພໍເທົ່ານີ້ ສຳລັບລູກຄ້າທ່ານໃດ ທີ່ສົນໃຈຢາກຜ່ອນຈ່າຍແບບລາຍເດືອນ ລູກຄ້າສາມາດຜ່ອນ 0% ຍາວນານ 6ເດືອນ ກັບ ກຸງສີລິດຊິ້ງ (ສອບຖາມເພີ້ມເຕີມ)
ສຸດທ້າຍ ເຮົາຍັງພູມໃຈທີ່ຈະນໍາສະເໜີ ການບໍລິການຫຼັງການຂາຍທີ່ດີສຸດໃຫ້ແກ່ລູກຄ້າ HUAWEI Nova2i  ເຊັ່ນຮັບປະກັນໜ້າຈໍ 3 ເດືອນ, ໄປຮັບເຄື່ອງຢູ່ບ້ານມາສ້ອມແປງ (ສະເພາະ ນະຄອນຫຼວງວຽງຈັນ), ສ້ອມແປງໄວພາຍໃນ 2 ຊົ່ວໂມງ ແລະ ສະລັກຊື່.