GPS ແມ່ນຫຍັງ?

ການ​ເດິ​ນທາງໄປໃນສະຖານທີ່ໜຶ່ງໃນສະໄໝກ່ອນເປັນເລື່ອງທີ່ຍາກຫຼາຍເພາະອຸປະກອນດຽວທີ່ສາມາດນໍາທາງເຮົາໄປສູ່ສະຖານທີ່​ເຮົາບໍ່ເຄີຍເລີຍກໍຄືແຜນທີ່ ​ເຊິ່ງການເບິ່ງແຜນທີ່ ແລະເຂັມທິດກໍບໍ່ແມ່ນເລື່ອງງ່າຍໆ ທີ່ຈະອ່ານເຮັດຄວາມເຂົ້າໃຈແຕ່ໃນມື້ນີ້ເຕັກໂນໂລຍີໃນການນໍາທາງໄດ້ຖືກພັດທະນາມາຢ່າງຕໍ່ເນື່ອງຈົນໃນປັດຈຸບັນເຮົາມີລະບົບນໍາທາງທີ່ທັນສະໄໝ​ເຊິ່ງເຮົາຮູ້ຈັກເຕັກໂນໂລຊີໃນຊື່ GPS (Global Positioning System)

GPS ແມ່ນຫຍັງ?

GPS (Global Positioning System) ຄືລະບົບລະບຸຕໍາແໜ່ງເທິງພື້ນໂລກ​ເຊິ່ງເຮັດຮ່ວມຮ່ວມກັບດາວທຽມບອກຕໍາແຫນ່ງທັງຫມົດ 24 ດວງດາວທຽມ GPS ເປັນດາວທຽມທີ່ມີວົງ​ໂຄຈອນລະດັບກາງ (Medium Earth Orbit) ທີ່ລະດັບຄວາມສູງປະມານ 20,200 ກິໂລ​ແມັດຈາກພື້ນຜິວໂລກໂດຍທີ່ແນວຄິດໃນການພັດທະນາລະບົບ GPS ເລີ່ມຕົ້ນຕັ້ງແຕ່ປີ ຄ.ສ 1957 ເມື່ອນັກວິທະຍາສາດຂອງສະຫະລັດອະເມລິກາ. ແລ້ວໃນປີ ຄ.ສ 1960 ກໍເລີ່ມທົດສອບໃຊ້ງານກັນ​ແທ້ໆໃນກອງທັບເຮືອສະຫະລັດອາເມລິກາ. ແຕ່ສາເຫດທີ່ເຮັດໃຫ້ເຮົາມີ GPS ໃຊ້ກັນຢ່າງແພ່ຫຼາຍຈົນເຖິງທຸກວັນນີ້ເກີດຈາກເຫດການໃນປີ ຄ.ສ 1983 ທີ່ເຄື່ອງບິນ ​ໂຄ​ລຽນແອລາຍ ທ່ຽວບິນທີ່ 007 ຂອງເກົາຫລີໃຕ້ບິນພັດຫລົງເຂົ້າໄປໃນມ່ານຟ້າຂອງສະຫະພາບໂຊວຽດ ແລະ ຖືກຍິງລົງຜູ້ໂດຍສານ 269 ຄົນເສຍຊີວິດທັງໝົດປະທານາທິບໍດີໂລນັນ ເລແກນ ໄດ້ປະກາດວ່າເມື່ອພັດທະນາລະບົບຈີພີເອດແລ້ວ ຈະອະນຸຍາດໃຫ້ປະຊາຊົນທົ່ວໄປໃຊ້ງານໄດ້ເຮັດໃຫ້ GPS ໄດ້ຖືກພັດທະນາ ນອກຈາກທີ່ຈະໃຊ້ໃນການທະຫານພຽງຢ່າງດຽວເທົ່ານັ້ນ.

​ເຊິ່ງລະບົບ GPS ຈະເຮັດວຽກຄວບຄູ່ກັບດາວທຽມ GPS ເພື່ອລະບຸຕໍາແໜ່ງເທິງພື້ນຜິວໂລກໂດຍຕົວເຄື່ອງຮັບສັນຍານ GPS ຈະຕ້ອງປະມວນຜົນຄວາມແຕກຕ່າງຂອງເວລາໃນການຮັບສັນຍານທຽບກັບເວລາຈິງໂດຍສາມາດທີ່ຈະລະບຸຕໍາແຫນ່ງເທິງຜິວໂລກໄດ້ຢ່າງຊັດເຈນ.

GPS ມີຈັກປະເພດ ​ແລະ ມີຫຍັງແດ່?

- GPS ທີ່ເຮົາໃຊ້ວຽກກັນຢູ່ໃນປັດຈຸບັນຈະມີຢູ່ 2 ປະເພດດ້ວຍກັນຄື: GPS Navigator (ອຸປະກອນ ແລະ ລະບົບນໍາທາງ) ແລະ GPS Tracking System (ອຸປະກອນແລະລະບົບຕິດຕາມລົດຍານພາຫະນະ ຫຼື ສັດລ້ຽງ)

- GPS Navigator (ອຸປະກອນ ແລະ ລະບົບນໍາທາງ) ເປັນ GPS ທີ່ເຮົາໃຊ້ງານໃນລົດໃຫຍ່ທົ່ວໄປທີ່ບອກແຜນທີ່ການ​ເດິ​ນທາງດ້ວຍການປ້ອນຂໍ້ມູນຂອງເປົ້າໝາຍລົງໄປເຄື່ອງນໍາທາງ GPS.

- GPS Tracking System (ອຸປະກອນ ແລະ ລະບົບຕິດຕາມລົດຍານພາຫະນະ ຫຼື ສັດລ້ຽງ) ​ເຊິ່ງເປັນ GPS ທີ່ສາມາດຕິດຕາມການ​ເດິ​ນທາງ ແລະ ບອກພິກັດ ແລະ ຕໍາແຫນ່ງຂອງເຄື່ອງ GPS ໄດ້ດ້ວຍໂດຍເຮົາສາມາດແບ່ງອອກໄດ້ອີກ 2 ແບບດ້ວຍກັນຄື:ອຸປະກອນຕິດຕາມ ລົດແບບ Offline ສາມາດກວດສອບປະຫວັດການ​ເດິ​ນທາງໄດ້ ແຕ່ບໍ່ສາມາດກວດສອບຕໍາແຫນ່ງທີ່ຢູ່ຂອງເຄື່ອງ GPS ໄດ້ ແລະ ແບບທີ່ສອງອຸປະກອນຕິດຕາມລົດແບບກຶ່ງ Offline ​ເຊິ່ງຈະເຮັດວຽກຮ່ວມກັບມືຖືເຮົາສາມາດທີ່ຈະເບິ່ງປະວັດການ​ເດິ​ນທາງພ້ອມທັງຕໍາແຫນ່ງປັດຈຸບັນຂອງອຸປະກອນ GPS ນັ້ນໄດ້ອີກດ້ວຍ.

ປະໂຫຍດຂອງ GPS

ປະໂຫຍດຂອງ GPS ນັ້ນມີຢ່າງຫຼວງຫຼາຍແຕ່ທີ່ເຫັນໄດ້ຊັດເຈນກໍຄືການປະຫຍັດຄ່າໃຊ້ຈ່າຍໃນການ​ເດິ​ນທາງເຮົາສາມາດວາງແຜນການ​ເດິ​ນທາງຫລີກລ່ຽງເສັ້ນທາງທີ່ບໍ່ສະດວກຄໍານວນຄ່າໃຊ້ຈ່າຍໃນການ​ເດິ​ນທາງໄດ້ອຍ່າງສະດວກສະບາຍ.

  • ໃນດ້ານທຸລະກິດຂົນສົ່ງລະບົບນໍາທາງ GPS ສາມາດເຮັດໃຫ້ຜູ້ປະກອບການກວດສອບການ​ເດິ​ນທາງຂອງລົດຂົນສົ່ງສິນຄ້າໄດ້ຢ່າງທັນທີເມື່ອເກີດບັນຫາຂຶ້ນ.

ໂດຍສ່ວນຫຼາຍແລ້ວເຕັກໂນໂລຊີ GPS ເປັນເຕັກໂນໂລຊີທີ່ມີຢູ່ໃນໂທລະສັບມືຖືແລ້ວເຮັດໃຫ້ທຸກຄົນສາມາດເຂົ້າເຖິງລະບົບນໍາທາງ GPS ໄດ້ງ່າຍຫຼາຍຂຶ້ນແຕ່ການນໍາໄປໃຊ້ກໍຂຶ້ນຢູ່ກັບຄວາມສາມາດຂອງຊອຟແວ ແລະ ລະບົບ GPS ໃນອຸປະກອນ​ເອເລັກ​ໂຕຣນິກນັ້ນໆດ້ວຍວ່າຈະມີປະສິດທິພາບຫຼາຍນ້ອຍປານ​ໃດ.