First Modeling Charity Contest 2016 ງານກວດນາງແບບ-ນາຍແບບ ເພື່ອການກຸສົນ

ສິນລະປິນຈາກນັກສະແດງ/ນາຍແບບ/ນາງແບບຈາກ First Modeling ຮ່ວມຖ່າຍແບບການກຸສົນ

First Modeling ຮ່ວມກັບ ອາສາສະໝັກ ໃຈຮ່ວມໃຈ  ແລະ ຮ້ານສັບພະສິນຄ້າ ວຽງຈັນເຊັນເຕີ ມີຈຸດປະສົງເຮັດກິດຈະກຳງານປະກວດເດີນແບບເພື່ອການກຸສົນໂດຍເປັນການລະດົມທຶນສົມທົບກໍ່ສ້າງຫ້ອງສະມຸດໃຫ້ແກ່ 2 ໂຮງຮຽນຄື: ມັດທະຍົມບ້ານຕານປ່ຽວ, ເມືອງທຸລະຄົມ, ແຂວງວຽງຈັນ ແລະ ໂຮງຮຽນປະຖົມສົມບູນບ້ານແສນອຸດົມ, ເມືອງປາກຊັນ, ແຂວງບໍລິຄຳໄຊ.  ນອກນັ້ນຍັງ ເປັນການສ້າງໃຫ້ຄົນຮຸ້ນໃຫ່ມມີຄວາມກ້າສະແດງອອກເທິງເວທີ, ເປັນການສົ່ງເສີມໃຫ້ໄວຫນຸ່ມມີນ້ຳໃຈຈິດອາສາ ແລະ ທັງເປັນການສຸກຍູ້ໃຫ້ມີການເຮັດກິດຈະກຳຊ່ວຍເຫຼືອສັງຄົມໃຫ້ມີຫລາຍຂຶ້ນໃນລາວ. 

ເຊີ່ງພາຍໃນງານຈະມີການປະກວດຄົ້ນຫາ Ambassador ອາສາສະໝັກ “ໃຈຮ່ວມໃຈ” ຊື່ງານແມ່ນ: First Modeling Charity Contest 2016. ງານດັ່ງກ່າວຈະໄດ້ຈັດຂຶ້ນໃນວັນເສົາ, ວັນທີ 06 ສິງຫາ 2016 ຢູ່ຮ້ານສັບພະສິນຄ້າວຽງຈັນເຊັນເຕີ ເລີ່ມແຕ່ເວລາ 13 ໂມງ - 19 ໂມງ. ພາຍໃນງານມື້້ນັ້ນແມ່ນເປີດຮັບບໍລິຈາກປື້້ມອ່ານທັງໃໝ່ ແລະ ເກົ່າ, ມີການຕັ້ງບູດຈຳໜ່າຍເສື້ອຍືດ ໃຈຮ່ວມໃຈ, ເຄື່ອງ Handmade ແລະ ອື່ນໆ ເປັນການສົມທົບທຶນສ້າງຫ້ອງສະໝຸດ. ທ່ານສາມາດຕິດຕາມການເຄື່ອນໄຫວຂອງກິດຈະກຳດັ່ງກ່າວນີ້້ໄດ້ທາງ social network ມີຄື: Facebook page: firstmodelinglao ແລະ jaihouamjai

ບົດຄວາມໃຫມ່ໆ