CPU ແມ່ນຫຍັງ?

 

CPU ຫຍໍ້ມາຈາກ Central Processing Unit ​ເຊິ່ງເປັນອຸປະກອນຮາດ​ແວທີ່ປະກອບດ້ວຍສານຊິລິກອນທີ່ເປັນສານກຶ່ງຕົວນໍາທາງ​ເອເລັກ​ໂຕຣນິກຜະສົມກັບສານບາງຢ່າງທີ່ສາມາດເຮັດໃຫ້ມີການນໍາໄຟຟ້າໄດ້ໂດຍສານຊິລິກອນທີ່ມີການ ຜະສົມກັບສານວັດສະດຸບາງຊະນິດຮຽບຮ້ອຍແລ້ວເຮົາຈະເອີ້ນວ່າທານຊິດເຕີພາຍໃນຊີພີຍູຈະປະກອບດ້ວຍທານຊິດເຕີຫຼາຍສິບລ້ານຕົວ ຫຼື ຫຼາຍກວ່ານັ້ນແນ່ນອນທານຊິດເຕີເຫລົ່ານີ້ມີຫນ້າທີ່ຄວບຄຸມອຸປະກອນຕ່າງໆໃນຄອມພິວເຕີບໍ່ວ່າຈະເປັນຄໍານວນ ຫຼື ການວິເຄາະຂໍ້ມູນແຕ່ການເຮັດວຽກຂອງຊີພີຍູຈະມີຄວາມຮ້ອນສູງເຮັດໃຫ້ຕ້ອງມີການຕິດຊິງ ແລະ ພັດລົມລະບາຍຄວາມຮ້ອນໃຫ້ກັບຊີພີຍູສະເຫມີເນື່ອງຈາກຖ້າເກີດໃຫ້ ຄວາມຮ້ອນໃນຕົວຊີພີຍູສູງຫຼາຍອາດຈະເຮັດໃຫ້ຊີພີຍູ​ເພ ແລະ ເສຍຫາຍໄດ້ໃນທີ່ສຸດ.

CPU ເຮັດຫນ້າທີ່ຫຍັງໃນລະບົບຄອມພິວເຕີ.

ຢ່າງທີ່ກ່າວໄປແລ້ວໃນຕອນຕົ້ນວ່າຊີພີຍູ (CPU) ປຽບ​ເໝືອນສະຫມອງຂອງມະນຸດທີ່ຄອຍຄວບຄຸມຮ່າງກາຍແລະ ກວດສອບການເຮັດວຽກຂອງຮ່າງກາຍຊີພີຍູກໍເຮັດວຽກເຊັ່ນດຽວກັນ.

  1. ເລີ່ມຈາກການໄດ້ຄໍາສັ່ງຈາກອຸປະກອນນໍາຂໍ້ມູນ (input) ທີ່ເຊື່ອມຕໍ່ກັບຄອມພິວເຕີຄໍາສັ່ງເຫຼົ່ານັ້ນຈະຖືກສົ່ງມາເກັບໄວ້ໃນຫນ່ວຍຄວາມຈໍາຫລັກ ຫຼື ທີ່ເຮົາເອີ້ນວ່າແຣມ (RAM) ແຣມຈະຄອຍຈັດຮຽງຄໍາສັ່ງ ຕາມລໍາດັບທີ່ຄໍາສັ່ງເຂົ້າມາ ແລະ ຕາມລະດັບຄວາມສໍາຄັນໂດຍແຣມມີຫນ້າທີ່ປ້ອນຄໍາສັ່ງຕ່າງໆທີລະຄໍາສັ່ງໃຫ້ກັບຊີພີຍູ (CPU).
  2. ເມື່ອຊີພີຍູໄດ້ຮັບຄໍາສັ່ງທີ່ເກັບໄວ້ໃນຫນ່ວຍຄວາມຈໍາຫລັກແລ້ວກໍເຮັດການປະມວນຜົນທີລະຄໍາສັ່ງທີ່ເຂົ້າມາຕາມລໍາດັບຫລັງຈາກປະມວນຜົນແລ້ວກໍຈະສົ່ງຜົນລັບທີ່ປະມວນຜົນແລ້ວໄປຍັງ RAM ອີກຄັ້ງ.
  3. ແຣມ (RAM) ຈະຮັບຜົນລັບຈາກການປະມວນຜົນຂອງຊີພີຍູໃນຮູບແບບຄໍາສັ່ງທໍາ ຈະເຮັດການສົ່ງຄໍາສັ່ງໄປຍັງອຸປະກອນທີ່ຢູ່ໃນຄໍາສັ່ງທີ່ປະມວນຜົນຫລັງຈາກທີ່ຄໍາສັ່ງຖືກເຮັດຈົນແລ້ວແຣມກໍຈະສົ່ງຂໍ້ມູນໄປແຈ້ງ ກັບຊີພີຍູວ່າຄໍາສັ່ງທີ່ສົ່ງມາໄດ້ມີການປະຕິບັດຮຽບຮ້ອຍແລ້ວ.

ປະໂຫຍດຂອງຊີພີຍູ.

ປະໂຫຍດຂອງຊີພີຍູກໍຄືການຄວບຄຸມການເຮັດວຽກຂອງຄອມພິວເຕີໃຫ້ເຮັດວຽກຢ່າງເປັນລະບົບດ້ວຍການຄິດຄໍານວນ ແລະ ປະມວນຜົນຄໍາສັ່ງຕ່າງໆທີ່ໄດ້ຮັບມາຈາກຫນ່ວຍຄວາມຈໍາຫລັກຖ້າບໍ່ມີຊີພີຍູຄອມພິວເຕີກໍຈະບໍ່ສາມາດເຮັດວຽກໄດ້.

ປະຫວັດຄວາມເປັນມາຂອງຊີພີຍູ

ໃນຕະຫຼາດຂອງຊີພີຍູນັ້ນມີຜູ້ຜະລິດຊີພີຍູຢູ່ຫຼາຍຄ້າຍດ້ວຍກັນແຕ່ໃນບົດຄວາມນີ້ຈະເລົ່າເຖິງຄ້າຍຊີພີຍູທີ່ເປັນຄ່າຍໃຫຍ່ 2 ຄ້າຍທີ່ຕ້ອງແຂ່ງຂັນ ແລະ ຟາດຟັນໃນດ້ານເທກໂນໂລຍີຂອງຊີພີຍູໂດຍຕະຫຼອດ 2 ຄ່າຍຍັກໃຫຍ່ນີ້ກໍຄື Intel (ອິນເທວ) ແລະ AMD (ເອເອັມດີ).

ປະຫວັດຄວາມເປັນມາຂອງຊີພີຍູ Intel ນັ້ນມີມາຢ່າງຍາວນານຕັ້ງແຕ່ເລີ່ມມີການຜະລິດຊີພີຍູຊື່ຂອງຊີພີຍູ intel ກໍຢູ່ໃນອັນດັບຕົ້ນໆຂອງຜູ້ຜະລິດຊີພີຍູສະເຫມີມາຊຶ່ງອິນເທນພັດທະນາຊີພີຍູຕັ້ງແຕ່ຊີພີຍູ 8086,8088 ແລະ ຊີພີຍູໃນຕະກູນ 80 86 ມາຢ່າງຕໍ່ເນື່ອງຈົນກະທັ່ງມາເຖິງ Celeron Pentium II ແລະ Celeron Pentium III ຊຶ່ງ 2 ຮຸ່ນນີ້ເປັນຮຸ່ນທີ່ໄດ້ສ້າງຊື່ໃຫ້ກັບອິນເທນເປັນ ຢ່າງຫລາຍມີການພັດທະນາ Pentium 4 ຂຶ້ນມາຮອງຮັບການເຮັດວຽກຂອງຄອມພິວເຕີໃຫ້ໃຊ້ວຽກໄດ້ຫລາກຫລາຍຂຶ້ນ.

ການພັດທະນາຊີພີຍູຂອງອິນເທນບໍ່ໄດ້ຢຸດພຽງແຄ່ Pentium 4 ເທົ່ານັ້ນເພາະມາຈາກນັ້ນບໍ່ດົນອິນເທັກກໍໄດ້ເປີດຕົວຊີພີຍູທີ່ເຮັດວຽກໄດ້ໄວກວ່າຊີພີຍູຮຸ່ນເກົ່າໆທີ່ຜ່ານມາດ້ວຍການເປີດຕົວຊີພີຍູຮຸ່ນ Core 2 Duo ແລະ Core 2 Extreme ຫຼືທີ່​ເຮົາຮູ້ຈັກໃນຊື່ວ່າ Dual-Core ໂດຍຮຸ່ນຫຼ້າສຸດຂອງ intel ຈະເປັນຮຸ່ນອິນເທວຄໍ (Intel Core) ຮຸ່ນນີ້ໄດ້ມີການພັດທະນາມາຕັ້ງແຕ່ຄໍ i3, ຄໍ i5, ຄໍ i7 ແລະ ຄໍ i7 ເອກຕຽນ ( Core i7 Extreme) ມີຄວາມໄວສູງ 3.2 GHz ໃນຮຸ່ນ LGA1366 ເຮັດວຽກດ້ວຍ FSB 800/1066/1333 / 1600MHz ມີ L2 Cache ຂະຫນາດ 8 MB ຄ່າ TDP ສູງສຸດ 130 W.

ປະຫວັດຂອງຊີພີຍູ AMD ຊຶ່ງຜະລິດມາຈາກບໍລິສັດ Advanced Micro Device (AMD) ເປັນຊີພີຍູທີ່ສ້າງຊື່ແລະ ເຮັດໃຫ້ທຸກຄົນຮູ້ຈັກ AMD ຢ່າງກວ້າງຂວາງມາຈາກຮຸ່ນ K5 ທີ່ອອກມາຕໍາກັບຊີພີຍູຂອງ intel ໃນຮຸ່ນ Pentium ຫຼື ຈາກນັ້ນຊີພີຍູ AMD ກໍອອກຮຸ່ນ ຕ່າງໆທີ່ມີຄວາມສາມາດທຽບເທົ່າກັບຊີພີຍູຈາກອິນເທນແຕ່ລາຄາຂອງຊີພີຍູ AMD ຈະຖືກກວ່າເຮັດໃຫ້ຊີພີຍູ AMD ເປັນທີ່ສົນໃຈຂອງຫຼາຍຄົນໃນເວລານັ້ນຫລັງຈາກນັ້ນ AMD ໄດ້ມຸ່ງເນັ້ນພັດທະນາຊີພີຍູໃຫ້ມີຄວາມສາມາດທຽບເທົ່າກັບຊີພີຍູຈາກຄ່າຍ Intel ໂດຍອອກມາຊີພີຍູມາອີກຫຼາຍຮຸ່ນດັງນີ້ K5, K6, K6-2, Sharptooth (K6-III), K6-2 + Athlon, Atholon, Thoroughbred (Athlon), Barton (Athlon), Spitfire (Duron), Duron, Morgan (Duron), Appoloosa (Duron), Mustang , SledgeHammer, ClawHammer ແລະ ຊີພີຍູຮຸ່ນຫຼ້າສຸດ ແລະ ໄດ້ຮັບຄວາມນິຍົມຢ່າງຫລາຍກໍຄື AMD FX-8350 ນັ້ນເອງ.

ຈາກຂໍ້ມູນທີ່ໄດ້ມາຈະສັງເກດໄດ້ວ່າບໍລິສັດອິນເທນຈະມີການພັດທະນາຊີພີຍູຢ່າງຕໍ່ເນື່ອງພາຍໃຕ້ຊື່ຮຸ່ນເດີມຊຶ່ງຕອນນີ້ອິນເທນກໍມີຊີພີຍູຮຸ່ນ Core i7 ເປັນຮຸ່ນຫຼ້າສຸດແຕ່ຮຸ່ນທີ່ນິຍົມທີ່ສຸດກໍຄື INTEL Core i5-4440 ຊຶ່ງ ເປົ້າຫມາຍທາງການຕະຫຼາດລະຫວ່າງອິນເທນ ແລະ ເອເອັມດີນັ້ນແຕກຕ່າງກັນເນື່ອງຈາກ AMD ຈະເນັ້ນຕະຫຼາດໃນກຸ່ມລູກຄ້າລະດັບກາງລາຄາຂອງຊີພີຍູ AMDຈະຖືກກວ່າລາຄາຂອງ Intel ສະເໝີໂດຍທຽບກັບຄວາມສາມາດຂອງຊີພີຍູແຕ່ເລື່ອງຂອງການໃຊ້ງານກໍຄົງແລ້ວແຕ່ວ່າຜູ້ໃຊ້ງານມັກຈະໃຊ້ຄ້າຍໃດເພາະທັງ 2 ຄ່າຍຕ່າງກໍເປັນຊີພີຍູທີ່ມີຄຸນະພາບດ້ວຍກັນທັງສິ້ນ.