9 ​ເຄັດ​ລັບ​ກະຕຸ້ນ​ສະໝອງ​ໃຫ້​ສົດ​ໃສ ​ແລະ ມີ​ຊີວິດ​ຊີວາ

9 ​ເຄັດ​ລັບ​ກະຕຸ້ນ​ສະໝອງ​ໃຫ້​ສົດ​ໃສ ​ແລະ ມີ​ຊີວິດ​ຊີວາ

    ມືນ​ຕາ​ຂຶ້ນ​ມາ​ແລ້ວ ​ແຕ່​ຍັງ​ຮູ້ສຶກ​ຄື​ວ່າ​ສະໝອງ​ຍັງ​ຫຼັບ​ຢູ່​ແມ່ນ​ບໍ່? ມາ​ເບິ່ງ​ວິທີ​ກະຕຸ້ນ​ສະໝອງ​ແບບ​ງ່າຍໆທີ່​ເຮັດ​​ແລ້ວ​ຮັບ ຮອງ​ສົດ​ຊື່ນຕ້ອນ​ ຮັບກັບ​ວັນ​ໃໝ່ໄດ້ໂດຍ​ບໍ່​ຕ້ອງ​ດື່ມ​ກາ​​ເຟ.

1.ດື່ມ​ນ້ຳ​ທັນທີ

    ການ​ດື່ມ​ນ້ຳຫຼັງຈາກ​ຕື່ນ​ນອນ​ໃນ​ທັນ​ທີ​ຈະ​ຊ່ວຍ​ໃຫ້​ລະບົບການ​ເຜົາ​ຜາ​ນ ​ໃນ​ຮ່າງກາຍ​​ເລີ່​ມ​ເຮັດ​ວຽກ ​ແລະ ຊ່ວຍ​ເຮັດ​ໃຫ້​ສະ​ໝອງ​ປອດ​ໂປ່ງ ຫຼັງຈາກ​ການ​ນ​ອນຫຼັບ​ພັກຜ່ອນ, ​ຊ່ວຍເຮັດ​ວຽກ​​ໄດ້​ດີ​ຂຶ້ນ​ເຮັດ​ໃຫ້ຮູ້ສຶກສົດ​ຊື່ນ​ຂຶ້ນ​ມາ​ໄດ້​ໃນ​ທັ​ນທີ.

2.ຫ້າມ​ຫຼັບ​ຕໍ່​ເດັດຂາດ

    ຫຼັງຈາກ​ທີ່​ຮູ້ສຶກ​ຕົວ​ແລ້ວ ສິ່ງ​ທີ່​ບໍ່​ຄວນ​ເຮັດ​ທີ່​ສຸດ​ແມ່ນ​ການ​ນອນ​ຕໍ່ ​ເພາະ​ມັນ​ຈະ​ເຮັດ​ໃຫ້​​ຮູ້ສຶກ​ຂີ້ຄ້ານ ​ແລະ ໝົດມື້ບໍ່​ຍາກ​ຈະ​ເຮັດ​ຫຍັງ ດັງ​ນັ້ນ, ​ຖ້າ​​ຕັ້ງ​ໂມງ​ປຸກ​​ກໍ​ບໍ່​ຄວນ​ຈະ​ກົດ​ເລື່ອນ​ເວລາ​ເດັດ​ຂາດ ​ແລະ ບໍ່​ຄວນຈະ​ຕັ້ງ​ໂມງ​ປຸກ​ເພື່ອ​​ເວລາ​ນອນ​ຕໍ່​ອີກ, ຄວນຕັ້ງ​ເວລາ​​ປຸກ​ທີ່​ຈະ​ຕື່ນ​ແທ້ໆ ​ແລະ​ ຖ້າ​ປຸກ​ແລ້ວ​ໃຫ້​ຟ້າວ​ລຸກ​ຈາກ​ຕຽງ​ທັນທີ.

3.ອອກ​ໄປ​ຮັບ​ແສງ​ແດດ​ຂອງອາລູນວັນໃໝ່

​     ແສງ​ແດດ​ໃນ​ຕອນ​ເຊົ້າ​ ຈະ​ສົ່ງ​ຜົນ​ໂດຍ​ກົງ​ຕໍ່​ສະ​ໝອງ​ຂອງ​ເຮົາ ເພາະວ່າ​ໃນ​ຕອນ​ເຊົ້ານັ້ນ​ປຽບດັ່ງ​   ​ເຮັດ​ໃຫ້​ຮ່າງກາຍ​ຕື່ນ​ຕົວ​ຂຶ້ນ​ຈາກ​ການ​ຫຼັບ​ໃນ ​ແລະ​ ຖ້າ​ຫາກ​ຮ່າງກາຍ​ຂອງ​ເຮົາບໍ່​ໄດ້​ຮັບ​ແສງ​ແດດຢ່າງ​ພຽງພໍ​ໃນ​ຕອນ​ເຊົ້າ ​ກໍອາດຈະ​ເຮັດ​ໃຫ້​ເກີດ​ອາການ​ມືນ​ງົງ​ ​ແລະ ສົ່ງ​ຜົນ​ເສຍ​ໃຫ້​ສະ​ໝອງ​ເຮັດ​ວຽກ​ໄດ້​ບໍ່​ເຕັມ​ສ່ວນ​ໝົດ​ມື້.

4.ອອກກຳລັງ​ກາຍ

    ວິທີ​ທີ່​ຈະ​ເຮັດ​ໃຫ້​ສະໝອງ ​ແລະ ຮ່າງກາຍ​ຕື່ນ​ຕົວ​ໄດ້ດີ​ທີ່​ສຸດ ​ກໍ​ຄື​ການ​ອອກ​ກໍາລັງ​ກາ​ຍ ເຖິງ​ວ່າ ການ​ອອກ​ກໍາລັງ​ກາຍ​ໃນ​ຕອນ​​ເຊົ້າ ສຳລັບຫຼາຍໆຄົນ​ຈະ​ບໍ່ມັກ​ກໍ​ຕາມ ​ແຕ່​ການ​ອອກ​ກໍາ​ລັງ​ກາຍ​ນັ້ນຈະ​ຊ່ວຍ​ເຮັດ​ໃຫ້​ຮ່າງກາຍ​ມີ​ແຮງຫຼາຍຂຶ້ນ​​ ໃນໝົດ​ມື້ ​ແຕ່​ຖ້າ​ຫາກ​​ຂີ້ຄ້ານ​ຈະ​ລຸກ​ຂຶ້ນ​ມາ​ປ່ຽນ​ເຄື່ອງ​ໃນ​ຕອນ​ເຊົ້າ ກໍ​​​ອອກ​ກໍາລັງ​ກາຍ​ດ້ວຍ​ຊຸດ​ນອນໄປ​ເລີຍ ຈຶ່ງ​ບໍ່​ຕ້ອງ​ມີ​ຂໍ້​ອ້າງ​​ໃນ​ການ​ບໍ່ຢາກ​ອອກ​ກໍາລັງ​ກາຍ.

5.ເປີດ​ເພ​ງດັງໆ

ກາ​ນຟັງ​ເພງ​ທີ່​ມີ​ຈັງ​ວະ​ຄຶກຄື້ນ ​ໃນ​​ໄລຍະ​ຕອນ​ເຊົ້າຈະ​ຊ່ວຍ​​ເຮັດໃຫ້​ຮູ້ສຶກຄຶກຄື້ນ​ມ່ວນຊື່ນຫຼາຍຂຶ້ນ ​ເພາະວ່າ​ດົນຕີ​ສາມາດ​ຊ່ວຍ​ກະ​ຕຸ້ນສະໝອງ​, ​ອາລົມ​ຕ່າງໆ ​ແລະ​ ແຮງ​ບັນດານ​ໃຈ​ໄດ້​ອີກ​ດ້ວຍ.

6.ອາບ​ນ້ຳ​ເຢັນ

​     ເຖິງວ່າການ​ອາບ​ນ້ຳ​ເຢັນ​ຈະ​ເປັນສິ່ງທີ່ຍາກ ​ແລະ ຫຼາຍຄົນ​ບໍ່​ມັກ ​ແຕ່​ນ້ຳ​ເຢັນ​ຈະ​ຊ່ວຍ​ເຮັດ​ໃຫ້​ເຮົາ​ສົດຊື່ນ ​ໂດຍ​ສະ​ເພາະ​ໃນ​ຕອນ​ທີ່​ອາກາດ​ເຢັນ ​ເຊິ່ງມັນ​ເປັນ​ເລື່ອງ​​ຍາກ​ທີ່​ຈະ​ຕື່ນ​ແຕ່​ເຊົ້າ ​ແຕ່​ຮັບຮອງ​ເລີຍ​ວ່າ​ນ້ຳ​ເຢັນ​ນີ້​ຫຼະ​ຄັກທີ່​ສຸດ.

7.ຫຼຸດຜ່ອນ,​ຫຼີກການດື່ມ​ກາ​​ເຟ

    ຫຼາຍຄົນ​ມັກ​ດື່ມ​ກາ​​ເຟເພື່ອ​​ເຮັດ​ໃຫ້​ຕື່ນ​ໄດ້​ເຕັມ​ຕາ ຈົນ​ເຮັດ​ໃຫ້​ຕິດ​ກາ​​ເຟແບບ​ຂາດ​ບໍ່​ໄດ້, ​ແບບ​ວ່າ​ບໍ່​ໄດ້​ດື່ມ​ມື້​ໃດ, ມື້​ນັ້ນ​ບໍ່​ຕື່ນ​ເລີຍ ຍ້ອນ​ວ່າກາ​​ເຟຈະ​ເຮັດ​ໃຫ້​ສະໝອງ​ຂອງ​ເຮົາ​ຖືກ​ກະ​ຕຸ້ນ ມັນ​ບໍ່​​ດີ​ປານ​ໃດ. ດັ່ງ​ນັ້ນ, ຖ້າ​ຫາກ​ຢາກ​ໃຫ້​ຮ່າງກາຍ​ຕື່ນ​ຕົວ ​ແລະ ດີ​ຕໍ່​ສຸຂະພາບ ຄວນ​ຫຼຸດຜ່ອນ ​ແລະ ຫຼີກ ​ແລະ​ ປ່ຽນ​ມາ​ດື່ມ​ຊາ​ຂຽວ​ເພື່ອ​ສຸຂະພາບ​ດີກ​ວ່າ.

8.ຮັບ​ປະທານ​ອາຫານ​ເຊົ້າ

    ອາຫານ​ເຊົ້າ​ເປັນ​ຄາບ​ເຂົ້າສຳຄັນ​ທີ່​ສຸດ​ໃນ​ໝົດມື້ ​ເພາະວ່າ ອາຫານ​ເຊົ້າ​ຈະ​ນຳອາຫານ​ໄປ​​ໃຫ້​ສະ ໝອງ ​ເພື່ອ​ປ່ຽນ​ເປັນ​ພະລັງງານ​ໃນ​ແຕ່​ລະ​ມື້ ຖ້າ​ບໍ່​ຮັບ​ປະ​ທານ​ອາຫານ​ເຊົ້າກໍ​ຈະ​ບໍ່​ມີ​ແຮງ ​ແລະ ​ເຮັດ​ໃຫ້​ສະໝອງ​ບໍ່​ຕື່ນ​ຕົວ ສະ​ນັ້ນ, ​ເສຍ​ເວລາ​ອີກ​ໜ້ອຍ​ໜຶ່ງ ເພື່ອ​ຮັບ​ປະທານ​ອາຫານ​ເຊົ້າກໍ​ຄື​ຊິ​ບໍ່​ເມື່ອຍພໍ​ປານ​ໃດ​.

9.ລົມ​ກັບ​ໃຜ​ຈັກ​ຄົນ

     ການ​ໂອ້​ລົມ​ກັບ​ໃຜ​ຈັກ​ຄົນ​ໃນ​​ໄລຍະຫຼັງຕື່ນ​ນອນ​ ຈະ​ຊ່ວຍ​ກະ​ຕຸ້ນ​ໃຫ້​ສະໝອງ​ເລີ່​ມ​ເຮັດ​ວຽກ​ໄດ້​ໂດຍ​ ບໍ່​ຈຳ​ເປັນ​ຕ້ອງລົມ​ໃນ​ເລື່ອງ​ເສົ້າໆ ອາດ​ຈະ​ເປັນ​ເລື່ອງ​ສະບາ​ຍສະບາຍກໍ​ໄດ້ ມັນຈະ​ເຮັດ​ໃຫ້​ເຊົ້າ​ວັນ​ໃໝ່​​ເປັນ​ເຊົ້າ​ທີ່​ສົດ​ໃສ.