9 ໝາກໄມ້ຊ່ວຍຫລຸດຄວາມດັນ ແລະ ຄວບຄຸມຄວາມດັນໂລຫິດ

ຫລຸດຄວາມດັນແບບບໍ່ໃຊ້ຢາດ້ວຍການໃຊ້ຜົນລະໄມ້ຊ່ວຍຫລຸດຄວາມດັນໂລຫິດສູງ ພ້ອມຄຸນຄ່າທາງສານອາຫານທີ່ດີຕໍ່ສຸຂະພາບອີກຫລາຍຢ່າງ

ໂລກຄວາມດັນໂລຫິດເປັນໄພງຽບທີ່ບໍ່ຄ່ອຍສະແດງອອກມາທາງຮ່າງກາຍ ຜູ້ທີ່ປ່ວຍເປັນໂລກຄວາມດັນໂລຫິດສູງ ເລີຍຕ້ອງໄດ້ກິນຢາຫລຸດດຄວາມດັນຢູ່ຕະຫລອດ ແຕ່ຫາກທ່ານໃດຢາກຫລຸດຄວາມດັນແບບບໍ່ໃຊ້ຢາ ອາຫານທີ່ກິນກໍ່ຊ່ວຍຫລຸດຄວາມດັນຂອງເຮົາໄດ້ນັ້ນກໍ່ຄືຫມາກໄມ້ຊ່ວຍຫລຸດຄວາມດັນຄົນທີ່ເປັນຄວາມດັນໂລຫິດສູງ ຢາກຫລຸດຄວາມດັນໂລຫິດດ້ວຍຕົວເອງຕ້ອງລອງ

1 ກ້ວຍ

ຜົນລະໄມ້ທີ່ຊ່ວຍຫລຸດຄວາມດັນໂລຫິດໄດ້ຕ້ອງຈັດຢູ່ໃນກຸ່ມຜົນລະໄມ້ທີ່ອຸດົມໄປດ້ວຍແຮ່ທາດ ໂພແທສຊຽມ ຫລື ໝາກໄມ້ທີ່ມີໂພແທສຊຽມສູງນັ້ນເອງ ແລະ ກ້ວຍກໍ່ເປັນໝາກໄມ້ທີ່ມີອັນດັບສູງເປັນອັນດັບຕົ້ນໆ ໂດຍພົບວ່ານອກຈາກກ້ວຍຈະອຸດົມໄປດ້ວຍໂພແທສຊຽມແລ້ວ ກ້ວຍຍັງເປັນໝາກໄມ້ທີ່ມີໂຊດຽມຕໍ່ານໍາອີກ ດັ່ງນັ້ນກ້ວຍຈຶ່ງຊ່ວຍບໍາລຸງລະບົບຫົວໃຈ ແລະ ຫລອດເລືອດທີ່ມີປະສິດທິພາບຂ້ອນຂ້າງສູງ

2 ຫມາກມ່ວງ

ຫມາກມ່ວງເປັນໝາກໄມ້ທີ່ສາມາດຫລຸດລະດັບຄວາມດັນໂລຫິດໄດ້  ເພາະໃນຫມາກມ່ວງມີສານອາຫານທີ່ສໍາຄັນຕໍ່ລະບົບການຫມູນວຽນຂອງເລືອດຄື ໂພແທສຊຽມ ໃນຫມາກມ່ວງ 100ກກ ມີ ໂພແທສຊຽມປະມານ 186ມກ ທີ່ສໍາຄັນຫມາກມ່ວງຍັງເປັນໝາກໄມ້ທີ່ເນນື້ອສີເຫລືອງ ທີ່ອຸດົມໄປດ້ວຍສານຕ້ານອະນຸມູນອິດສະຫລະ ແລະ ຊ່ວຍຫລຸດຄວາມດັນໂລຫິດໄດ້ອີກດ້ວຍ

3 ແອັບປິຄອຕ

ໝາກໄມ້ເນື້ອສີເຫລືອງຢ່າງແອັບປິຄອຕ ອາດຈະຫາກິນເປັນໝາກໄມ້ໄດ້ຍາກໃນບ້ານເຮົາ ແຕ່ເຖິງຢ່າງໃດໃນສຸເປີມາເກັດກໍ່ຍັງມີແອັບປິຄອຕຕາກແຫ້ງຢູ່ໃຫ້ເລືອກຊື້ມາຮັບປະທານໄດ້ງ່າຍ ແລະຫາກທ່ານໃດມັກລົດຊາດຂອງຜົນລະໄມ້ຊະນິດນີ້ ຍິ່ງເປັນການດີຕໍ່ລະດັບຄວາມດັນໂລຫິດຫລາຍ ເພາະແອັບປິຄອຕ ເປັນໝາກໄມ້ທີ່ອຸດົມໄປດ້ວຍວິຕາມິນຊີ ເບຕາເຄໂລທີນ ແລະ ສານາຫານທີ່ດີຕໍ່ສຸຂະພາບ ເຊັ່ນ ໄຟເບີ ຊຶ່ງລ້ວນແຕ່ເປັນສານອາຫານທີ່ດີຕໍ່ລະບົບໄຫລວຽນຂອງໂລຫິດ ສາມາດຄວບຄຸມລະດັບຄວາມດັນໂລຫິດໃຫ້ສົມດຸນໄດ້

4 ຫມາກກ້ຽງ

ນອກຈາກລົດຊາດສົ້ມປະສົບຫວານຂອງຫມາກກ້ຽງແລ້ວ ຫມາກກ້ຽງຍັງເປັນໝາກໄມ້ທີ່ມມີໄຟເບີສູງນໍາອີກ ວິຕາມິນຊີກໍ່ມີຫລາຍ ຫມາກກ້ຽງຈຶ່ງເປັນໝາກໄມ້ຫລຸດຄວາມດັນອີກຊະນິດຫນຶ່ງທີ່ຫນ້າສົນໃຈ ເພາະຫາກິນໄດ້ງ່າຍມີເກືອບຈະທຸກລະດູການ

5 ອະໂວກາໂດ

ອະໂວກາໂດອຸດົມໄປດ້ວຍກົດໂອເລອິກ ຊຶ່ງເປັນກົດທີ່ຊ່ວຍຄວບຄຸມຄວາມດັນໂລຫິດໄດ້ອີກທາງຫນຶ່ງ ນອກຈາກນີ້ອະໂວກາໂດຍັງມີໂພແທສຊຽມ ໂຟເລດ ວິຕາມິນຊີ ແລະ ໄຟເບີນໍາອີກ ສານອາຫານທີ່ດີຕໍ່ລະບົບຫົວໃຈ ແລະ ການຫມູນວຽນຂອງເລືອດ ທີ່ສໍາຄັນມີກົດໄຂມັນທີ່ຈະຊ່ວຍຫລຸດລະດັບໄຂມັນໃນເລືອດໄດ້ ຈຶ່ງຊ່ວຍໃນການໄຫລວຽນຂອງໂລຫິດໄດ້ຢ່າງສະດວກ ຮ່າງກາຍກໍ່ຈະຄວບຄຸມລະດັບຄວາມດັນໂລຫິດໄດ້ດີຂື້ນ

6 ແຕງໂມ

ສານສະກັດຈາກແຕງໂມມີສ່ວນຊ່ວຍຫລຸດລະດັບຄວາມດັນໂລຫິດ ໃນຜູ້ປ່ວຍທີ່ເປັນໂລກອ້ວນ ລວມໄປເຖິງຜູ້ປ່ວຍສູງອາຍຸ ທີ່ມີພາວະຄວາມດັນໂລຫິດສູງໃນລະດັບຫນຶ່ງໄດ້ຢ່າງມີໄນຍະສໍາຄັນ ທັງນີ້ແຕງໂມກໍ່ເປັນໝາກໄມ້ທີ່ມີສານຕ້ານອະນຸມູນອິດສະຫລະ ຄື ເບຕ້າແຄໂລທີນ ສູງລວມໄປເຖິງຍັງເປັນໝາກໄມ້ທີ່ມີ ໂພແທສຊຽມ ແລະ ວິຕາມິນຊີ ໃນລະດັບທີ່ສົ່ງຜົນຕໍ່ຄວາມດັນໂລຫິດຂອງເຮົາໄດ້ດີອີກດ້ວຍ

7 ແຄນຕາລູບ

ແຄນຕາລູບເປັນໝາກໄມ້ເນື້ອສີສົ້ມອ່ອນໆ ທີ່ມີສານຕ້ານອະນູຸມູນອິດສະຫລະ ຄື ເບຕ້າແຄໂລທີນ ແລະ ແຄນຕາລູບຍັງເປັນມີວິຕາມິນໝາກໄມ້ຊີຂ້ອນຂ້າງສູງຫລາຍ ພຽງແຄນຕາລູບ ¼ ຂອງຜົນລະໄມ້ ກໍ່ເຮັດໃຫ້ໄດ້ຮັບວິຕາມິນຊີໄດ້ເທົ່າທີ່ຄວາມຕ້ອງການຂອງຮ່າງກາຍໃນແຕ່ລະມື້ ແລະ ຍັງຈັດເປັນໝາກໄມ້ທີ່ຊ່ວຍຫລຸດຄວາມດັນໂລຫິດໄດ້ຫລາຍອີກ ແລະ ແຄນຕາລູບກໍ່ຍັງເປັນຜົນລະໄມ້ທີ່ມີໄຟເບີສູງ ແລະ ມີແຄລໍລີ້ ຕໍ່າອີກຕ່າງຫາກ ຈຶ່ງເຫມາະແກ່ຄົນທີ່ຢາກຫລຸດນໍ້າຫນັກນໍາອີກດ້ວຍ

8 ກີວີ່

ກີວີ່ເປັນຜົນລະໄມ້ທີ່ມີຄຸນຄ່າທາງດ້ານໂຄສະນາການແບບເນັ້ນໆ ບໍ່ວ່າຈະເປັນ ວິຕາມິນຊີ ໂພແທສຊຽມ ທອງແດງ ແລະ ໄຟເບີ ຊຶ່ງລ້ວນແຕ່ມີປະໂຫຍດຕໍ່ການຄວບຄຸມລະດັບຄວາມດັນໂລຫິດຂອງຮ່າງກາຍ ລວມໄປເຖິງທ່ານໃດທີ່ມີອາການທ້ອງຜູກ ຫລື ອາການລໍາໄສ້ແປປວນ ຢາກໃຫ້ລອງກິນກີວີ່ ຢ່າງນ້ອຍມື້ລະສອງຫນ່ວຍເປັນປະຈໍາ ກໍ່ຈະຊ່ວຍຫລຸດອາການທ້ອງຜູກໄດ້ຢ່າງມີປະສິດທິພາບ

9 ລູກເກດ

ລູກເກດເປັນໝາກໄມ້ທີ່ມີປະລິມານໂພແທສຊຽມສູງເຊັ່ນດຽວກັນ ແລະ ຈັດເປັນໝາກໄມ້ທີ່ມີສັບພະຄຸນຊ່ວຍຫລຸດຄວາມດັນໂລຫິດອີກຊະນິດຫນຶ່ງ ແຕ່ກໍ່ຄວນເລືອກກິນລູກເກດທີ່ມີນໍ້າຕານນ້ອຍ ຫລື ຢ່າກິນລູກເກດຫລາຍເກີນໄປ ເພາະລູກເກດເປັນໝາກໄມ້ທີ່ແປຮູບ ປະລິມານນໍ້າຕານອາດຈະຂ້ອນຂ້າງຫລາຍ ຮັບປະທານຫລາຍເກີນໄປອາດຈະເຮັດໃຫ້ນໍ້າຫນັກຂື້ນ ພາໃຫ້ສ່ຽງເປັນໂລກອື່ນຕາມາ