9 ເຄັດລັບການເຈລະຈາແບບສາມກົກ

ສິນ​ປະ​ການ​ໂນ້ມ​ນ້າວ​ໃນ​ສາມ​ກົກ​ເປັນ​ຕັວ​ຢ່າງ​ທີ່​ເຫັນ​ໄດ້​ແຈ້ງ​ ແລະ​ ສາມາດ​ນຳ​ໄປ​ໃຊ້​ໄດ້​ຈິງ​ ບາງ​ເຄັດ​ລັບ​ອາດຈະ​ຕ້ອງ​ອາໄສ​ປະສົບການ ​ແລະ​ ຄວາມ​ຊ່ຽວ​ຊານ​ສະເພາະ​ບຸກ​ຄົນ​​ ເຊິ່ງ​ຫຼັງ​ຈາກ​ທີ່​ຜູ້​ຂຽນ​ໄດ້​ອ່ານ​ຫນັງສື​ “ເຈລະ​ຈາ​ຂັ້ນ​ເທບ​ດ້ວຍ​ວາ​ທະ​ໃນ​ສາມ​ກົກ​” ແລ້ວ​ ຜູ້​ຂຽນ​ກໍ​ໄດ້​ລິດ​​ເຄັດ​ລັບ​ການ​ເຈລະ​ຈາ​ແບບ​ສາມ​ກົກ​ມາ​ຝາກ​

1.  ວາງ​ໂຄງ​ການ​ສົນທະນາ​ ເລິ່ມ​ຈາກ​ເຮົາ​ຕ້ອງ​ຮູ້​ຈັກ​ຝ່າຍ​ກົງກັນຂ້າມ​ໃຫ້​ກວ້າງ​ ແລະ ​ເລິກ​ເສຍ​ກ່ອນ​ ປະ​ເມີນ​ຄວາມ​ຕ້ອງ​ການ​ຂອງ​ເຂົາ​ ແລ້ວ​ແພນ​ໄວ້​ວ່າ​ເພື່ອ​ໃຫ້​ບັນ​ລຸ​ວັດ​ຖຸ​ປະສົງ​ໃນ​ການ​ເຈລະ​ຈາ​ ເຮົາ​ຄວນ​ເປີດ​ປະ​ເດັນ​ແບບໃດ​ ແລະ ​ຕົບ​ປະ​ເດັນ​ແບບໃດ​ ໃຫ້​ເຂົ້າ​ທີ່​ເຂົ້າ​ທາງ​

2.  ອ່ານ​ຄົນ​ໃຫ້​ອອກ​ ອ່ານ​ສະຖານນະການ​ໃຫ້​ຂາດ​

3.  ສະແດງ​ໃຫ້​ຝ່າຍ​ກົງກັນຂ້າມ​ຮູ້​ວ່າ​ ເຮົາ​ເປັນ​ພວກ​ດຽວ​ກັນ​

4.  ຢ່າ​ອະຄະຕິ​ ຢ່າ​ຟ້າວ​ຕັດ​ສິນ​ຄົນ​ອື່ນ​ ໂດຍ​ສະເພາະ​ຈາກ​ຄວາມ​ຄິດ​ຂອງ​ຄົນ​ອື່ນ​

5.  ໜຶ່ງ​ໃນ​ຫຼັກ​ການ​ເຈລະ​ຈາ​ໃຫ້​ໄດ້​ຜົນ​ຄື​ ຫາ​ຄວາມ​ຕ້ອງ​ການ​ທີ່​ແທ້​ຈິງ​ຂອງ​ອີກ​ຝ່າຍ​ ແລະ​ ເວົ້າ​ໃນ​ສິ່ງ​ທີ່​ທ່ານ​ຕ້ອງ​ການ​ ເຊັ່ນ:​ ຫາ​ຄວາມ​ຕ້ອງ​ການ​ທີ່​ແທ້​ຈິງ​ຂອງ​ອີກ​ຝ່າຍ​ໃຫ້​ພົບ ພະຍາຍາມ​ສ້າງ​ປະ​ເດັນ​ໃຫ້​ຄູ່​ສົນທະນາ​ຄ້ອຍ​ຕາມ​ ແລະ​ ນຳ​ສະເໜີ​ໃຫ້​ເຫັນ​ວ່າ​ເຮົາ​ສາມາດ​ຕອບສະຫນອງ​ຄວາມ​ຕ້ອງ​ການ​ຂອງ​ເຂົາ​ໄດ້​ ຫາກ​ທ່ານ​ເລືອກ​ທີ່​ຈະ​ເຮັດ​ຕາມ​ຂໍ້​ສະເໜີ​ຂອງ​ເຮົາ​

6.  ຫລາຍ​ເທື່ອ​ ການ​ເຈລະ​ຈາ​ຈຳ​ເປັນ​ຕ້ອງ​ໃຊ້​ສະຖານນະການ​ “ກົດ​ດັນ​” ເພື່ອ​ໃຫ້​ອີກ​ຝ່າຍ​ໜຶ່ງ​ຕັດ​ສິນ​ໃຈ​ຢ່າງ​ວ່ອງໄວ​ ພາຍໃຕ້​ເວລາ​ທີ່​ຈຳ​ກັດ​ ຫລື​ ຕ້ອງ​ການ​ບີບ​ໃຫ້​ອີກ​ຝ່າຍ​ປະຕິບັດ​ຕາມ​ທີ່​ເຮົາ​ຕ້ອງ​ການ​

7.  ຊຸນ​ວູ ເວົ້າ​ວ່າ​ “ຈິງຄື​ລວງ​ ແລະ ​ລວງ​ຄື​ຈິງ​” ສະ​ນັ້ນ​ ຕ້ອງ​ມີ​ສະຕິປັນຍາ​ໃນ​ການ​ໄຕ່ຕອງ​ກັບ​ສິ່ງ​ທີ່​ເຂົ້າ​ມາ​ ເພາະ​ບາງເທື່ອ​ ເລື່ອງ​ຈິງ​ທີ່​ເຮົາ​ເຫັນ​ອາດ​ເປັນ​ເລື່ອງ​ຈິງ​ທີ່ຄົນ​ອື່ນ​ສ້າງ​ຂຶ້ນ​ມາ​

8.  ສຶກ​ສາ​ ແລະ ເຝິກ​ທັກ​ສະ​ການ​ເວົ້າ​ ເພື່ອ​ໃຫ້​ໃຊ້​ຄຳ​ໄດ້​ຢ່າງ​ສ້າງສັນ​ ແລະ ເ​ຝິກ​ການ​ເຈລະ​ຈາ​ໂນ້ມ​ນ້າວ​ເລື້ອຍ​ໆ​ ເພື່ອ​ໃຫ້​ເກີດ​ຄວາມ​ຊິນເຄີຍ​ ແລະ ​ເຮັດ​ໄດ້​ຢ່າງ​ເປັນ​ທຳມະຊາດ​

9.  ສຸດທ້າຍນີ້​ບໍ່​ແມ່ນ​ເຄັດ​ລັບ​ຈາກ​ສາມ​ກົກ​ ແຕ່​ເພື່ອ​ຜົນ​ລັບ​ໄລຍະ​ຍາວ​ ແນະ​ນຳ​ໃຫ້​ເຮັດ​ທຸກ​ຢ່າງ​ ຢ່າງ​ຈິງ​ໃຈ​