9 ວິທີ ຫຼຸດນໍ້າໜັກຊ່ວງໜ້າໜາວ ອາກາດເຢັນເທົ່າໃດກໍ່ເຮັດໄດ້

 

 ວິທີຫລຸດນໍ້າໜັກ ທີ່ເຮັດໄດ້ເຖິງຈະເປັນລະດູໜາວ ອາກາດເຢັນເທົ່າໃດກໍ່ສາມາດອໍາລາຄວາມອ້ວນໄດ້ພຽງເຮັດຕາມນີ້.

ພໍຮອດລະດູໜາວແວະວຽນມາຢາມເທື່ອໃດ ກໍ່ເບິ່ງຄືວ່າອາກາດເຢັນໆ ຈະນໍາເອົາຄວາມມຸ່ງໝັ້ນໃນການຫລຸດນໍ້າໜັກໄປນໍາຕະຫຼອດ ເພາະເອົາແຕ່ຄິດກັນວ່າພໍໜ້າໜາວແລ້ວກໍ່ຕ້ອງຫາອັນໃດອັນໜຶ່ງມາກິນເພື່ອຄວາມອົບອຸ່ນ ໃຫ້ຮ່າງກາຍ ເຮັດໃຫ້ຫຼາຍໆຄົນທີ່ຄວາມຕັ້ງໃຈແລະໜັ້ນໃຈທີ່ອອກກໍາລັງກາຍຈົນນໍ້າໜັກຫລຸດມາຕະຫຼອດປີກັບມາອ້ວນພາຍໃນເວລາບໍ່ເຖິງເດືອນ ແຕ່ຢ່າຟ້າວຕົກໃຈກັນເທື່ອ ເພາະການຫລຸດນໍ້າໜັກໃນຊ່ວງໜ້າໜາວບໍ່ແມ່ນວ່າຈະເປັນໄປບໍ່ໄດ້ ລອງມາເບິ່ງວິທີຫລຸດນໍ້າໜັກເຫຼົ່ານີ້ທີ່ເຮັດໄດ້ເຖິງຈະຢູ່ໃນຊ່ວງໜ້າໜາວ ບໍ່ຕ້ອງໃຫ້ລະດູໜາວມາພາກສິ່ງງາມໆ ຂອງເຮົາໄປໄດ້ໂດຍເດັດຂາດ.

  • ກິນເພື່ອຄວາມອົບອຸ່ນ ບໍ່ຈໍາເປັນຕ້ອງກິນອາຫານອຸ່ນໆ ສະເໝີໄປ

     ຄົນເຮົາມັກຈະມີຄວາມເຊື່ອວ່າໃນຊ່ວງທີ່ອາກາດເຢັນໆ ການກິນອາຫານອຸ່ນໆ ຈະຊ່ວຍໃຫ້ຮ່າງກາຍອົບອຸ່ນຫຼາຍຂຶ້ນໄປ ແຕ່ບໍ່ສະເໝີໄປ ເພາະທີ່ແທ້ແລ້ວ ການທີ່ຈະເຮັດໃຫ້ຮ່າງກາຍເຮົາອົບອຸ່ນຂຶ້ນ ພຽງແຕ່ຮັບປະທານອາຫານທີ່ເພີ່ມການເຜົາໄໝ້ໃຫ້ຮ່າງກາຍກໍ່ພຽງພໍແລ້ວ ຊຶ່ງອາຫານເຫຼົ່ານີ້ກໍ່ໄດ້ແກ່ ຫົວພືດຜັກ, ຜັກໃບຂຽວ ແລະຊີ້ນສັດ ຫຼືລວມທັງຜະລິດຕະພັນຈາກນົມ ນອກຈາກນີ້ຍັງຄວນຫາເຄື່ອງເທດທີ່ມີລົດຊາດເພັດຮ້ອນຕື່ມໃນອາຫານທີ່ເຮົາມັກອີກດ້ວຍ ເທົ່ານີ້ກໍ່ຈະຊ່ວຍໃຫ້ຮ່າງກາຍເຜົາໄໝ້ໄດ້ຫຼາຍຂຶ້ນ ຈ່ອຍໄດ້ສົມໃນແນ່ນອນ.

  • ດື່ມນໍ້າຕະຫຼອດ

     ຊ່ວງອາກາດເຢັນໆ ຫຼາຍຄົນມັກຈະບໍ່ຄ່ອຍດື່ມນໍ້າຫຼາຍ ເພາະຢ້ານຈະເຂົ້າຫ້ອງນໍ້າຕະຫຼອດ ແຕ່ຮູ້ບໍ່ວ່າ ການດື່ມນໍ້າຕະຫຼອດ ຊ່ວຍຫລຸດຄວາມຢາກຂອງອາຫານໄດ້ເປັນຢ່າງດີ ອີກທັງຊ່ວຍໃຫ້ຮ່າງກາຍບໍ່ເກີດພາວະຂາດນໍ້າອີກດ້ວຍ ຖ້າຄິດຈະຫລຸດນໍ້າໜັກໃນຊ່ວງໜ້າໜາວ ຫັນມາດື່ມນໍ້າອຸ່ນໆ ຫຼືຊາຕະຫຼອດກໍ່ຊ່ວຍໄດ້ຫຼາຍເລີຍ.

  • ເລືອກກິນໄຂມັນແບບສະຫຼາດ

     ເຖິງໄຂມັນຈະຊ່ວຍເພີ່ມຄວາມອຸ່ນໃຫ້ຮ່າງກາຍ ແຕ່ຖ້າເລືອກໄຂມັນບໍ່ຖືກຊະນິດ ກໍ່ຈະເຮັດໃຫ້ເຮົາອ້ວນໄດ້ ຊຶ່ງໄຂມັນຊະນິດທີ່ຄວນຮັບປະທານກໍ່ຄື ໄຂມັນບໍ່ອີ່ມຕົວ ໂດຍສ່ວນໃຫຍ່ຈະຢູ່ໃນໝາກກອກ, ອັລມອນ, ອະໂວຄາໂດ, ປາແຊລມອນ, ວອລນັທ, ເມັດແລັກ ແລະນໍ້າມັນໝາກພ້າວ ໄຂມັນຊະນິດນີ້ເປັນໄຂມັນທີ່ມີປະໂຫຍດຕໍ່ຮ່າງກາຍ ຊ່ວຍເພີ່ມອຸນຫະພູມໃຫ້ຮ່າງກາຍ ກະຕຸ້ນການເຜົາໄໝ້ໃຫ້ສູງຂຶ້ນ ອີກທັງຍັງເຮັດໃຫ້ຮ່າງກາຍສາມາດດູດຊືມວິຕາມິນເອ ວິຕາມິນອີ ໄປໃຊ້ໄດ້ຢ່າງເຕັມປະສິດທິພາບ ແລະເມື່ອຮ່າງກາຍຂອງເຮົາໄດ້ຮັບແຮ່ທາດ ແລະວິຕາມິນທີ່ພຽງພໍ ຄວາມຢາກອາຫານກໍ່ຫລຸດລົງນັ້ນເອງ.

  • ກິນໂປຣຕີນໃຫ້ຫຼາຍຂຶ້ນ

     ການກິນໂປຣຕີນຫຼາຍຂຶ້ນອີກ 15 ຂອງປະລິມານທີ່ຮ່າງກາຍຄວນໄດ້ຮັບຕໍ່ມື້ຈະຊ່ວຍໃຫ້ຮ່າງກາຍຫລຸດການບໍລິໂພກແຄຣໍລີລົງໄດ້ເຖິງ 440 ກິໂລກແຄຣໍລີ ຊຶ່ງຖືວ່າເປັນຈໍານວນບໍ່ໜ້ອຍ ແລະໃນປະລິມານແຄຣໍລີທີ່ຫລຸດລົງຂະໜາດນີ້ຈະຊ່ວຍໃຫ້ນໍ້າໜັກຫລຸດລົງໄດ້ເກືອບ 1 ກິໂລກຣາມພາຍໃນ 1 ອາທິດ ເພາະປະລິມານໂປຣຕີນທີ່ເພີ່ມຂຶ້ນຈະໄດ້ເຮັດໃຫ້ສະໝອງເຂົ້າໃຈວ່າຮ່າງກາຍຂອງເຮົາຮັບປະທານອາຫານພຽງພໍແລ້ວ ເລີຍເຮັດໃຫ້ເຮົາຮູ້ສຶກອີ່ມໄດ້ຫຼາຍຂຶ້ນ ແຕ່ທັງນີ້ກໍ່ຄວນຈະເປັນໂປຣຕີນໄຂມັນນ້ອຍຈະດີທີ່ສຸດ ເຊັ່ນ ເນື້ອໄກ່ບໍ່ຕິດໜັງ ເນື້ອໝູຫຼືເນື້ອງົວທີ່ບໍ່ຕິດມັນ ແຕ່ຖ້າບໍ່ຢາກກິນເນື້ອສັດຈະຫັນກັບມາຮັບປະທານອາຫານໂປຣຕີນຈາກພືດ ອາທິ ເຕົ້າຫຼູ່ ຫຼືຖົ່ວຊະນິດຕ່າງໆ ກໍ່ດີບໍ່ໜ້ອຍ ທັງນີ້ຍັງຄວນຮັບປະທານຄວບຄູ່ກັບຜັກດ້ວຍ ເພື່ອໃຫ້ໄດ້ສານອາຫານຄົບ ພຽງເທົ່ານີ້ຄວາມຢາກອາຫານກໍ່ຈະຫລຸດລົງ ເຮັດໃຫ້ເຮົາບໍ່ກິນຫຼາຍຈົນເຮັດໃຫ້ເຮົາອ້ວຍບໍ່ໄດ້.

  • ຫ້າມອົດອາຫານເດັດຂາດ

     ເຊັ່ນດຽວກັບລະດູອື່ນໆ ການອົດອາຫານບໍ່ແມ່ນເລື່ອງດີເລີຍ ເພາະນອກຈາກຈະເຮັດໃຫ້ເຮົາບໍ່ມີເຫື່ອແຮງແລ້ວ ຍັງອາດຈະເຮັດໃຫ້ເຮົາຂາດສະຕິເມື່ອເຮົາເຫັນອາຫານທີ່ຫິວສຸດໆ ໄດ້ອີກດ້ວຍ ທາງທີ່ດີຄວນຮັບປະທານອາຫານໃຫ້ອີ່ມພໍດຮທຸກມື້ ບໍ່ອົດ ຫຼືປະລິມານອາຫານໂດຍເດັດຂາດ ຖ້າຢ້ານອ້ວນກໍ່ພຽງແຕ່ປ່ຽນມາຮັບປະທານຜັກໃຫ້ຫຼາຍຂຶ້ນ ຊ່ວຍອີ່ມທ້ອງແຖມຍັງອີ່ມດົນອີກ.

  • ອອກກໍາລັງກາຍພາຍໃນເຮືອນ

     ຢ່າໃຫ້ຂໍ້ອ້າງທີ່ວ່າອາກາດນອກບ້ານເຢັນເກີນໄປມາເປັນອຸປະສັກໃນການອອກກໍາລັງກາຍໂດຍເດັດຂາດບໍ່ວ່າຈະໜາວພຽງໃດ ກໍ່ຄວນຈະລຸກມາອອກກໍາລັງກາຍ ພຽງແຕ່ປ່ຽນສະຖານທີ່ອອກກໍາລັງກາຍໃນບ້ານ ແລະປ່ຽນວິທີອອກກໍາລັງກາຍທີ່ເຮັດເປັນປະຈໍານອກເຮືອນ ມາອອກກໍາລັງກາຍແບບງ່າຍໆ ເຊັ່ນ ໂປມພື້ນ, ໂດດເຊືອກ ຫຼືໂຢຄະກໍ່ດີ ແຖມຖ້າອອກກໍາລັງກາຍໃນຊ່ວງຍາມໜາວ ຮ່າງກາຍຈະຍິ່ງເຜົາໄໝ້ດີຂຶ້ນ ຖ້າຮູ້ແບບນີ້ແລ້ວ ເຊົາຂີ້ຄ້ານ ມາອອກກໍາລັງກາຍກັນເລີຍ ຈະໄດ້ຈ່ອຍລະບາດນີ.

  • ຢາກກິນຫວານກໍ່ກິນໄດ້ ແຕ່ຕ້ອງເລືອກ

ຫລຸດນໍ້າໜັກກໍ່ຢາກຫລຸດ ແຕ່ກໍ່ຢາກກິນຂອງຫວານ ໃນຊ່ວງຍາມໜາວອີກ ແລ້ວແບບນີ້ຈະເຮັດແນວໃດດີ ບໍ່ຕ້ອງຄິດຫຼາຍ ຖ້າຢາກກິນຂອງຫວານໆ ແບບບໍ່ຕ້ອງຍ້ານອ້ວນໃນຊ່ວງລະດູໜາວ ກໍ່ພຽງແຕ່ຫຼີ້ກລ່ຽງອາຫານທີ່ມີນໍ້າຕານ ຊຶ່ງຜ່ານການຂັດສີ ຫັນມາຮັບປະທານອາຫານທີ່ມີນໍ້າຕານຈາກທໍາມະຊາດ ເຊັ່ນ ໝາກອື ອາຫານເຫຼົ່ານີ້ມີລົດຊາດຫວານຄືກັນ ແຕ່ກິນແລ້ວບໍ່ມີທາງອ້ວນແນ່ນອນ.

  • ອອກມາສູ່ແສງແດດ

     ໃນມື້ທີ່ອາກາດໜາວຫຼາຍ ຫຼາຍຄົນເກືອບຈະບໍ່ຢາກອອກໄປໃສ່ ແຕ່ຖ້າຫາກມື້ນັ້ນມີແດດລະກໍ່ຮີບຟ້າວຫາເສື້ອໜາໆ ໃສ່ແລ້ວກໍ່ອອກມານອກບ້ານກັນເລີຍ ເພາະແສງແດດຕອນເຊົ້າຈະຊ່ວຍໃຫ້ຮ່າງກາຍຂອງເຮົາຫຼັ່ງສານເຊໂລໂທນິນຫຼາຍຂຶ້ນ ຊື່ງນອກຈາກຈະຊ່ວຍຫລຸດພາວະຊືມເສົ້າໃນຊ່ວງໜ້າໜາວແລ້ວກໍ່ຍັງຊ່ວຍກະຕຸ້ນໃຫ້ສະໝອງຂອງເຮົາຮູ້ສຶກເຖິງຄວາມອີ່ມ ຫລຸດຄວາມຢາກອາຫານ ແລະປ້ອງກັນການກິນຫຼາຍເກີນໄປອີກດ້ວຍ.

  • ນອນຫຼັບໃຫ້ພຽງພໍ

     ໃນຊ່ວງລະດູໜາວທີ່ຊ່ວງເວລາກາງເວັນຈະສັ້ນກວ່າກາງຄືນ ເຮັດໃຫ້ບາງເທື່ອເຮົາອາດຈະຮູ້ສຶກນອນບໍ່ພຽງພໍ ເນື່ອງຈາກວ່າແສງສະຫວ່າງທີ່ມີຜົນໂດຍກົງຕໍ່ໂມງຊີວິດຂອງເຮົານັ້ນຫລຸດໜ້ອຍລົງ ເຮັດໃຫ້ເຮົານອນຫຼັບບໍ່ບໍ່ສະໜິດ ແລະເມື່ອເຮົາຜັກຜ່ອນບໍ່ພຽງພໍ ຮໍໂມນຄວາມຄຽດກໍ່ຈະຫຼາຍຂຶ້ນ ແລະເພີ່ມຄວາມຢາກອາຫານ ໂດຍສະເພາະຂອງຫວານ ແລະອາຫານໄຂມັນສູງ ສຸດທ້າຍກໍ່ຈະລົງເອີຍດ້ວຍຄວາມອ້ວນ ວິທີແກ້ໄຂກໍ່ບໍ່ຢາກແບບທີ່ເຮົາຄິດ ໃນຊ່ວງລະດູໜາວແບບນີ້ ເຮົາກໍ່ຄວນເຂົ້ານອນໃຫ້ໄວຂຶ້ນ ຫຼິ້ກລ່ຽງການຮັບປະທານອາຫານ ຫຼືການຫຼິ້ນໂທລະສັບກ່ອນນອນ ກໍ່ຈະຊ່ວຍເຮັດໃຫ້ນອນຫຼັບໄດ້ຢ່າງພຽງພໍແນ່ນອນ.

     ຄວາມຈິງແລ້ວການຫລຸດນໍ້າໜັກບໍ່ໄດ້ຂຶ້ນກັບສະພາບອາກາດ ແຕ່ຂຶ້ນຢູ່ກັບຈິດໃຈຂອງຄົນເຮົາຫຼາຍກວ່າ ຖ້າເຮົາຕັ້ງໃຈແທ້ບໍ່ວ່າຈະລະດູໃດກໍ່ສາມາດເຮັດຕາມຄວາມຕັ້ງໃຈໄດ້ ຢ່າໃຫ້ອາກາດເຢັນໆມາເປັນຂໍ້ອ້າງທີ່ເຮັດໃຫ້ເຮົາລົ້ມເລີກການຫລຸດນໍ້າໜັກ ເບິ່ງແຍງຕົວເອງແບບເຄັງຄັດຢ່າງສະໜໍ່າສະເໝີດີກວ່າ ຈະໄດ້ມີຫຸ່ນງາມໆ ໄປຕະຫຼອດປີ.