9 ປະໂຫຍດຂອງການນອນໄວກ່ອນ 22:00 ໂມງ


ຖ້າ​ປັບ​ປ່ຽນ​ວິ​ຖີ​ຊີວິດ​ມາ​ເປັນ​ຄົນ​ນອນ​ໄວ​ຂຶ້ນ​ ກ່ອນ​ 22:00 ໂມງ ​ກໍ​ຈະ​ຊ່ວຍ​ໃຫ້​ມີ​ສຸຂະພາບ​ດີ​ຂຶ້ນ​ເຖິງ​ 9 ປະ​ການ​ 

  1. ສະໝອງ​ສ້າງ​ເຄ​ມີ​​ທີ່​ມີ​ປະໂຫຍດ​ກັບ​ອະໄວຍະວະ​ຕ່າງ​ໆ​ຂອງ​ຮ່າງກາຍ​ ສະໝອງ​ເປັນ​ສ່ວນ​ສຳຄັນ​ໃນ​ການ​ແຈກ​ວຽກ​ໃຫ້​ອະໄວຍະວະ​ຕ່າງ​ໆ​ ແມ່ນແຕ່​ເວລາ​ນອນ​ກໍ​ຍັງ​ເຮັດໃຫ້​ຮ່າງກາຍ​ໄດ້ຮັບ​ ເຄ​ມີ​ນິທຣາ​ (ເມ​ລາ​ໂທ​ນິນ​), ເຄ​ມີ​ສຸກ​ (ຊີ​ໂຣ​ໂທ​ນິນ​), ຮໍ​ໂມນ​ເພດ​ແລະ​ ເຄ​ມີ​ໜຸ່ມ​ສາວ​(ໂກຣດ​ຮໍ​​ໂມນ​) ແຖມ​ຍັງມີ​ເຄ​ມີ​ບຳ​ລຸງ​ອອກ​ມາ​ຄວບ​ຄຸມ​ລະບົບ​ໃນ​ໂຕເຮົາ​ໃຫ້​ເຮັດວຽກດີຂື້ນ​ ຕື່ນ​ຂຶ້ນ​ມາ​ຢ່າງ​ສົດ​ຊື່ນ​ ເຮັດໃຫ້​ເບິ່ງ​ອ່ອນ​ເຍົາ​ ສ້າງ​ເກາະ​ປ້ອງ​ກັນ​ອາການ​ປ່ວຍ​ໄດ້​ອີກດ້ວຍ​

  2. ສະໝອງ​ມີ​ຄວາມ​ຈຳ​ດີ​ຂຶ້ນ​ ການສຶກສາ​ຈາກ​ສະມາຄົມ​ຈິດ​ວິທະຍາ​ອາ​ເມ​ລິກາ​ (APA) ລະ​ບຸ​ວ່າ​ ຄົົນທີ່​ນອນ​ຫຼັບ​ພຽງແຕ່​ 4 ຊົ່ວ​ໂມງ​ຕໍ່​ຄືນ​ ຕິດ​ຕໍ່​ກັນ​ດົນໆ​ ມີ​ຜົນ​ຕໍ່​ຄວາມ​ຈຳ ​ແລະ ​ສະ​ມາ​ທິ​​ ​ກໍ​ເພາະ​ເວລາ​ເຮົາ​ນອນ​ ສະໝອງ​ຈະ​ມີກ​ົນ​ໄກ​ຊ່ວຍ​ຈັດ​ລະບຽບ​ຄ້າຍ​ກັບ​ການ​ແຢກ​ອີ​ເມວ​ຂີ້ເຫຍື້ອ​ອອກ​ໄປ​ ແຕ່​ຖ້າ​ເຮົາ​ອົດ​ນອນ​ ເຮົາ​ຈະ​ຮູ້ສຶກ​ມຶນ​ ລືມ​ງ່າຍ​ ຫຼື ​ບໍ່​ກໍ​ລິ້ນ​ພັນ​ກັນ​ ຄິດ​ຢ່າງ​ໜຶ່ງເວົ້າ​ຢ່າງ​ໜຶ່ງ

  3. ຄຸມ​ຄວາມ​ດັນ​ເລືອດ​ໄດ້​ ການ​ນອນ​ຫຼັບ​ໄວ​ ຈະ​ຊ່ວຍ​ໃຫ້​ລະບົບ​ປະສາດ​ອັດຕະ​ໂນ​ມັດ​ທັງ​ຫຼາຍ​ ແລະ​ກົນ​ໄກ​ທາງ​ຊີວະ​ວິທະຍາ​ທີ່​ເປັນ​ຄື​ແຂ້ວ​ເຟືອງ​ຂະໜາດນ້ອຍ​ເຮັດວຽກ​ຊັບ​ຊ້ອນ​ຊ່ວຍ​ຄວບ​ຄຸມ​ຫັວ​ໃຈ​ ແລະ ​ຄວາມ​ດັນ​ເລືອດ​ໃຫ້​ສະຫງົບ​ລົງ​ ບໍ່​ແກວ່ງ​ຂຶ້ນ​ລົງ​ງ່າຍ​ເໝືອນ​ກັບ​ຕອນ​ຕື່ນ​ນອນ​

  4. ຮ່າງກາຍ​ໄດ້​ຊ່ອມ​ແຊມ​ສ່ວນ​ເສື່ອມໄປ ການ​ນອນ​ໄວ​ຊ່ວຍ​ຊ່ອມ​ແຊມ​ຮ່າງກາຍ​ທີ່​ເສື່ອມ ຊ່ວຍ​ໃຫ້​ສະໝອງ​ໄດ້​ພັກ​ຜ່ອນ​ ກ້າມ​ເນື້ອຄາຍ​ໂຕ​ ຫົວ​ໃຈ​ສະຫງົບ​ຂຶ້ນ​ ຄວາມ​ດັນ​ລຸດລົງ​

  5. ໄດ້​ລ້າງ​ພິດ​ ເວລາ​ທີ່​ເຮົາ​ນອນ​ຈະ​ເປັນ​ຊ່ວງ​ ເວລາ​ທີ່​ອະໄວຍະວະ​ເຊັ່ນ: ຕັບ,​ ໝາກໄຂ່ຫລັງ​, ລຳ​ໄສ້​ ເຊິ່ງ​ເປັນ​ອະໄວຍະວະ​ທີ່​ຊ່ວຍ​ລ້າງ​ພິດ​ເຮັດວຽກ​ໄດ້​ດີ​ຂຶ້ນ​

  6. ບໍ່​ອ້ວນ​ງ່າຍ​ ການ​ນອນ​ໄວ​ຊ່ວຍ​ຄຸມ​ນ້ຳ​ໜັກ​ໂຕ​ໄດ້​ດີ​ ອີກ​ທັງ​ຍັງ​ກະຕຸ້ນ​ເຕົາ​ເຜົາ​ໃນ​ຮ່າງກາຍ​ໃຫ້​ເຮັດວຽກ​ໄດ້​ດີ​ ຊ່ວຍ​ໃຫ້​ບໍ່​ອ້ວນ​ງ່າຍ​ ບໍ່​ສ້າງ​ເຄ​ມີ​ເກັບ​ໄຂ​ມັນ​ຫຼາຍອີກດ້ວຍ​​

  7. ມີ​ສຸກຂະພາບ​ດີ​ຂຶ້ນ​ຖ້າ​ເຮົາ​ນອນ​ໃຫ້​ໄວ​ຂຶ້ນ​ ເຮົາ​ຈະ​ໄດ້​ນອນ​ຢ່າງ​ເຕັມ​ອິ່ມ​ ຮ່າງກາຍ​ ແລະ​ ສະໝອງ​ ໄດ້​ພັກ​ຜ່ອນ,​ ຄວາມ​ຈຳ​ດີ,​ ມີສະມາ​ທິ​, ເບ່ິງຫຍັງ​ ກໍ​ມີ​ຄວາມ​ສຸກ​ໄດ້​ງ່າຍ​ຂຶ້ນ​

  8. ພະຍາດ​ບໍ່​ຟື້ນໂຕ​ ການ​ນອນ​ໄວ​ບໍ່​ສ່ຽງ​ຕໍ່​ ໃຫ້ພະຍາດ​ຟື້ນໂຕ​ ໂດຍ​ສະເພາະ​ພະຍາດ​ຫົວ​ໃຈ​, ພະຍາດ​ຫຼອດ​ເລືອດ​ສະໝອງ​, ຄວາມ​ດັນ​ສູງ​, ເບົາ​ຫວານ​ດ ພູ​ມ​ແພ້,​ ພະຍາດ​ຄຽດ​ຊຶມ​ເສົ້າ​ ແລະ​ ພະຍາດ​ມະ​ເຮັງ​

  9. ຊະ​ລໍ​ຄວາມ​ແກ່​ ນອນ​ຕັ້ງ​ແຕ່​ຫົວ​ຄ່ຳ​ ເພາະພຽງແຕ່ນອນ​ກໍ​ຊ່ວຍ​ເສີມ​ສ້າງ​ຄວາມ​ໜຸ່ມ​ສາວ​ ແລະ​ ຊ່ວຍ​ໃຫ້​ຫຼັບ​ສະນິດ ​ທັງ​ບໍ່​ເປັນໄພ​ຮ້າຍ​ຕໍ່ຮ່າງກາຍ​ອີກ​ 

ທີ່ມາ: raksukapap.blogspot