8 ເທັກນິກເຮັດຄວາມສະອາດຂອງໃຊ້ ບໍ່ເປືອງແຮງ

8 ເທັກນິກເຮັດຄວາມສະອາດຂອງໃຊ້ ບໍ່ເປືອງແຮງ

ໃນບ້ານເຮົາ ຈະມີຂອງທີ່ຕ້ອງເຮັດຄວາມສະອາດຫຼາກຫຼາຍ ແລະ ເຮົາກໍ່ຕ້ອງເສຍເວລາເຮັດຄວາມສະອາດດົນຫຼາຍ ແຕ່ຮູ້ຫຼືບໍ່ວ່າ ແທ້ໆແລ້ວ ເຮົາມີວິທີກຳຈັດຮອຍເປື້ອນໂດຍໃຊ້ສິ່ງທີ່ມີຢູ່ໃນບ້ານເຮົາເອງ ແລະ ບໍ່ຕ້ອງເສຍເວລາຂັດຫຍັງຫຼາຍຄືແຕ່ກ່ອນ ຖ້າໃຜຍັງບໍ່ຮູ້ ມາຕິດຕາມພ້ອມກັນເລີຍ

ເຮັດຄວາມສະອາດຈັກຊັກຜ້າ

ເຈົ້າບໍ່ຕ້ອງໃຊ້ນ້ຳຢາເຮັດຄວາມສະອາດລາຄາແພງເພື່ອຈະລ້າງຈັກຊັກຜ້າຂອງເຈົ້າ ພຽງໃຊ້ນ້ຳສົ້ມສາຍຊູທຳມະດາທີ່ມີໃນຄົວເຮົານີ້ຫຼະ ໂດຍໃສ່ລົງໄປໃນຊ່ອງໃສ່ສະບູຝຸ່ນ ຕັ້ງລະບົບປັ່ນດົນ ພຽງເທົ່ານີ້ ຈັກຊັກຜ້າຂອງເຈົ້າກໍ່ຈະສະອາດ

ຊັັກຜ້າສີໃຫ້ສະອາດ

ເຈົ້າຈະຊັກເສື້ອສີໃຫ້ສະອາດຂຶ້ນ ຖ້າເຈົ້າໃຊ້ນ້ຳສົ້ມສາຍຊູໃນອັດຕາສ່ວນ 3:4 ຂອງສະບູຝຸ່ນໄປປັ່ນໃນເຄື່ອງຈະເຮັດໃຫ້ຜ້າສະອາດຂຶ້ນ ແລະ ລົດກິ່ນເໝັນໄປໄດ້ຫຼາຍ

ປ້ອງກັນຂົນສັດຕິດເສື້ອຜ້າ

ມີເສື້ອຜ້າບາງຊະນິດທີ່ດືງດູດກັບຂົນສັດ ໝາ ແມວ ຖ້າເຮົາຕ້ອງຢູ່ກັບໝາ ແມວ ເຮົາກໍ່ບໍ່ຄວນເລືອກໃສ່ເສື້ອຜ້າແບບນີ້ຕັ້ງແຕ່ທຳອິດແລ້ວ ເພາະຈະເຮັດໃຫ້ຂົນສັດຕິດເບິ່ງບໍ່ງາມ ແຕ່ຖ້າຫຼີກລ້ຽງບໍ່ໄໄດ້ ຫຼັງຈາກໃສ່ກໍ່ຄວນເຮັດຄວາມສະອາດດ້ວຍນ້ຳສົ້ມສາຍຊູຂາວ ໃສ່ເທື່ອຕໍ່ໄປເສື້ອຜ້າກໍ່ຈະບໍ່ດືງດູດຂົນສັດເທົ່າທີ່ຄວນ

ເຮັດຄວາມສະອາດອ່າງອາບນ້ຳ

ນຳນ້ຳສົ້ມສາຍຊູໄປອຸ່ນ ຢ່າໃຫ້ເຖີງຂະໜາດຮ້ອນເດືອດ ປະສົມນ້ຳສົ້ມສາຍຊູກັບສະບູໃນກວດສະເປ ອັດຕາສ່ວນ 1:1 ຄົນໃຫ້ເຂົ້າກັນ (ຢ່າຂະເຢົາເພາະຈະເຮັດໃຫ້ເກີດຟອງ ແລະ ສີດອອກຍາກ) ຫຼັງຈາກນັ້ນສີດລົງໄປເທີ່ງອ່າງນ້ຳ ຖີ້ມໄວ້ 30 ນາທີ ແລະ ເຊັດອອກດ້ວຍຟອງນ້ຳ ອ່າງອາບນ້ຳກໍ່ຈະກັບມາຂາວອີກເທື່ອ

ເຮັດຄວາມສະອາດຂອບປ່ອງຢ້ຽມ

ເຈົ້າຄົງໃຊ້ເວລາໃນການເຮັດຄວາມສະອາດຂອບປ່ອງຢ້ຽມດົນໆ ແນະນຳວ່າສຳລັບຊອກເລິກໆ ໃຫ້ໃສ່ຜົງຟູລົງໄປຕາມດ້ວຍນ້ຳສົ້ມສາຍຊູໜ້ອຍໜຶ່ງ ມັນຈະເລີ່ມເກີດຟອງຂຶ້ນມາ ໃຫ້ຖີ້ມໄວ້ແບບນັ້ນ 10 -15 ນາທີ ຈາກນັ້ນໃຊ້ເຈ້ຍທິດຊູແຂງເຊັດອອກ

ລົດຮອຍເປື້ອນ

ສຳລັບບ້ານທີ່ມີເດັກນ້ອຍຫຼາຍ ຈະຕ້ອງໜີບໍ່ພົ້ນຮອຍເປື້ອນ ການຈະເອົາຮອຍເປື້ອນອອກຈາກພື້ນ ໃຫ້ໃຊ້ຢາຖູແຂ້ວໃສ່ຜ້າປຽກ (ຖ້າເປັນຜ້າໄມໂຄໄຟເບີໄດ້ຈະດີຫຼາຍ) ຂັດຖູກົງຮອຍເປື້ອນ ອີກວິທີໜຶ່ງຄືການໃຊ້ສະເປເຮັດຜົມ ຫຼື ນ້ຳຢາດັບກິ່ນເຕົ່າສີດລົງທີ່ຮອຍເປື້ອນ ແລະ ໃຊ້ນ້ຳເຊັດອອກ

ລົບຮອຍນ້ຳຢາທາເລັບເປື້ອນ

ກ່ອນຢາທາເລັບຈະແຫ້ງ ເຈົ້າສາມາດຟ້າວໃຊ້ນ້ຳຢາລ້າງເລັບເຊັດອອກຢ່າງດ່ວນໄດ້ ຫຼື ຖ້າແຫ້ງແລ້ວ ໃຫ້ໃຊ້ສະເປເຮັດຜົມປະສົມນ້ຳ ແລະ ເຊັດອອກ ຮອຍເປື້ອນຈະຈາງລົງ ອີກວິທີເປັນວິທີໜຶ່ງຖ້າຢາທາເລັບເປື້ອນໄປເທີ່ງພົມແບບນີ້ ຕ້ອງໃຊ້ ນ້ຳຢາລົບຮອຍເປື້ອນທາ ແລະ ເຊັດອອກດ້ວຍຜ້າຊື້ນໆຫຼືປຽກໜ້ອຍໜຶ່ງ ແຕ່ກໍ່ຕ້ອງເຮັດໃຈວ່າມັນຈະເຊັດບໍ່ອອກໝົດລະ ອຽດປານໃດ

ເຮັດຄວາມສະອາດໄມໂຄຣເວັບ

ໃຫ້ເອົາໝາກນາວມາ່າເຄິ່ງໃສ່ຖ້ວຍ ໃສ່ອົບເຊີຍ ແລະ ນຳເຂົ້າໄປໃນໄມໂຄຣເວັບ ອຸ່ນຈັກ 5 – 10 ດ້ວຍໄຟຕໍ່າສຸດ ໝາກນາວຈະຊ່ວຍເຮັດຄວາມສະອາດ ແລະ ຂ້າເຊື້ອ ສ່ວນອົບເຊີຍຈະຊ່ວຍລົດກິ່ນອາຫານໄດ້