8 ອາຫານທີ່ຍິ່ງກິນຍິ່ງເຮັດໃຫ້ແຂ້ວຂາວ

 

ສີຂອງແຂ້ວເປັນສີ່ງທີ່ສົ່ງຜົນຕໍ່ຄວາມງົດງາມຂອງຮອຍຍີ້ມ ແລະ ຍັງເປັນກະຈົກທີ່ສະທ້ອນບຸກຄະລິກກະພາບຂອງເຮົາໄດ້ເປັນຢ່າງດີ ແລະ ມີ້ນີ້ເຮົາຂໍມາແນະນຳອາຫານບຳລຸງແຂ້ວເພີ່ມຄວາມຂາວ, ງາມ ແລະ ແຂງແຮງມີດັ່ງຕໍ່ໄປນີ້:

  1. ສະນ່າຣີ້ + ແອ໋ບເປີ້ນ + ກາລົດ: ຜັກໝາກໄມ້ທີ່ມີຄວາມກອບເຫຼົ່ານີ້ສາມາດກະຕຸ້ນກະບວນການຜະລິດນ້ຳລາຍເຊີ່ງປຽບເໝືອນເຄື່ອງທຳຄວາມສະອາດແຂ້ວທຳມະຊາດໃຫ້ເຮັດວຽກໄດ້ດີຍີ່ງຂື້ນແລະຍັງຊ່ວຍຂັດຖູແຂ້ວໃຫ້ສະອາດໃນຍາມທີ່ກິນອີກນຳ

  2. ບ໋ອກໂຄຣີ້: ຊ່ວຍສ້າງແຜ່ນຟຣິມບາງໆໄວ້ເຄືອບແຂ້ວເຊີ່ງຊ່ວຍປ້ອງກັນກົດຈາກອາຫານໄດ້

  3. ໝາກກ້ຽງ+ໝາກນັດ: ຊ່ວຍກະຕຸ້ນຂະບວນການຜະລິດນ້ຳລາຍນອກຈາກນີ້ເປືອກໝາກກ້ຽງດ້ານໃນຍັງສາມາດນຳມາຂັດແຂ້ວເພື່ອກຳຈັດຄາບຫີນປູນ ແລະ ຊ່ວຍໃຫ້ແຂ້ວຂາວສະອາດໄດ້ນຳອີກ

  4. ນ້ຳໝາກນາວ: ລອງປະສົມນ້ຳໝາກນາວກັບເບກກິ້ງໂຊດາ ຫຼື ເກືອແລ້ວນຳມາຖູແຂ້ວຈະຊ່ວຍໃຫ້ແຂ້ວຂາວຂື້ນແຕ້ຂໍ້ຄວນລະວັງຄືຕ້ອງເຮັດຄວາມສະອາດແຂ້ວໃຫ້ດີເພາະຫາກມີກົດຈາກນ້ຳໝາກນາວຕົກຄ້າງຢູ່ຈະທຳລາຍເຄືອບແຂ້ວໄດ້

  5. ສະຕຣໍເບີຣີ: ເປັນໝາກໄມ້ທີ່ຄ່ອນຂ້າງພິເສດເພາະບໍ່ເຮັດໃຫ້ເກີດຄາບເທີງແຂ້ວຄືກັບໝາກໄມ້ຕະກູນເບີຣີອື່ນໆນອກຈາກນນີ້ຍັງສາມມາດນຳໄປບົດປະສົມກັບຜົງຟູນຳມາທາເທີງແຂ້ວປະມານ5ນາທີແລ້ວລ້າງອອກວິທີນີ້ຈະຊ່ວຍກຳຈັດຄາບເທີງແຂ້ວໃຫ້ໝົດໄປໄດ້ຢ່າງໜ້າເຊື່ອ

  6. ນ້ຳໝາກແອບເປີ້ນ: ນຳມາປະສົມກັບເບກກິ້ງໂຊດາແລ້ວນຳມາຖູແຂ້ວເປັນປະຈຳຈະຊ່ວຍກຳຈັດຫີນປູນໄດ້ຢ່າງມີປະສິດທິພາບແຕ່ຕ້ອງບໍ່ລືມທຳຄວາມສະອາດອີກຄັ້ງເພາະກົດຈາກແອບເປີ້ນອາດໄປທຳລາຍເຄືອບແຂ້ວໄດ້

  7. ເຫັດຊິທາເກະ: ມີສ່ວນປະສົມຂອງເລຕິແນນເຊີ່ງເປັນນ້ຳຕານຊະນິດໜື່ງມີຊັບພະຄຸນຊ່ວຍປ້ອງກັນແບ໋ດທີເຣຍໃນຊ່ອງປາາກທີ່ຄ່ອຍກັດກ່ອນແລະຍ່ອຍສະຫຼາຍເຄືອບແຂ້ວໄດ້

  8. ງາ: ນອກຈາກຈະລົດແບ໋ດທີເຣ່ຍໃນຊ່ອງປາກແລະຊ່ວຍຂັດຖູແຂ້ວເວລາຍ້ຳແລ້ວງາຍັງອຸດົມໄປດ້ວຍແຄວຊຽມສານສຳຄັນສຳຫຼັບແຂ້ວນຳອີກ

ຫາກຢາກມີແຂ້ວຂາວໆໄວ້ແຈກຮອຍຍີ້ມໃຫ້ແກ່ຄົນອ້ອມຂ້າງກໍ່ຢ່າລືມລອງໃຊ້ອາຫານຈຳພວກນີ້ຊ່ວຍເຮັດໃຫ້ແຂ້ວຂາວຄວບຄູ່ກັບການເບີ່ງແຍງສຸຂະພາບແຂ້ວເປັນປະຈຳນຳເດີ້