8 ຍີ່ຫໍ້ເສື້ອຜ້າແບບແນວໆທີ່ກຳລັງມາແຮງໃນປີນີ້

   ເມື່ອເວົ້າເຖິງເທຣນການແຕ່ງໂຕທີ່ມາແຮງໃນປີນີ້ຕ້ອງບອກວ່າເສື້ອຜ້າແນວສະຕຣິດແວຖືວ່າເປັນຕາຈັບຕາເບິ່ງຫຼາຍໂດຍສະເພາະໃນບັນດາຜູ້ຊາຍແລ້ວເບິ່ງໄປທາງໃດກໍເຫັນແຕ່ຄົນແຕ່ງໂຕສະໄຕນີ້ທັ້ງນັ້ນ ມາເບິ່ງກັນວ່າມີການແຕ່ງໂຕແບບໃດແດ່

1. supreme

   ໄວລຸ້ນຫນ້ອຍຄົນທີ່ສຸດທີ່ຈະບໍ່ຮູ້ແບຣນເສື້ອຜ້າງານອອກແບບເທ້ໆກໍຄື ຊູພຣິມ ໂດຍສະເພາະໃນໝູ່ນັກສະເກັດ ຫຼື ຄົນທີ່ມັກຮັກໃນການຫຼິ້ນກິລາແບບເອັກສະຕຣິມ ລວມທັງບັນດານັກຮິບຮອບທັງຫຼາຍ ເອີ້ນວ່າ ເມື່ອໃດທີ່ໃສ່ແມ່ນເທ້ເມື່ອນັ້ນ.

2. Huf

   ທາງດ້ານແບຣນ ຮັຟ ກໍມີເຄື່ອງແຕ່ງກາຍງາມໆທີ່ໃຫ້ທ່ານເລືອກໃສ່ຫຼາກຫຼາຍ ບໍ່ວ່າຈະເປັນ ໝວກ, ໂສ້ງ, ເສື້ອ, ຖົງຕີນ ແລະ ເກີບ ເຊິ່ງຝີມືການອອກແບບຂອງນັກອອກແບບທາງຮັຟກໍສາມາດເນລະມິດເຄື່ອງແຕ່ງກາຍໄດ້ຖືກໃຈໄວລຸ້ນແບບສຸດໆ.

3. spalwart

    ຫຼາຍຄົນອາດຈະບໍ່ຄຸ້ນຊື່ຜູ້ຜະລິດເກີບຈາກປະເທດສະວິເດັນຍີ່ຫໍ້ພໍປານໃດແຕ່ເຊື່ອວ່າເກີບແຕ່ລະຄູ່ທີ່ມີຍີ່ຫໍ້ Spalwart ຕຶດມານັ້ນເທ່ອີຫຼີ ແລະ ຍັງໃສ່ສະບາຍອີກດ້ວຍ ໃຜທີ່ຍັງບໍ່ເຄີຍໃສ່ກໍຕ້ອງລອງກັນແລ້ວ.

4. 10.Deep

   ຄວາມຫຼາກຫຼາຍຂອງເສື້ອຜ້າຈາກຍີ່ຫໍ້ນີ້ ຄືຈຸດຂາຍທີ່ສຳຄັນຢ່າງໜຶ່ງທີ່ເຮັດໃຫ້ຄົນສົນໃຈໃນຂະນະດຽວກັນຍັງສື່ເຖິງຄວາມເປັນແນວໆ ຫຼື ສະຕຣິດແວໄດ້ຊັດເຈນ ຈະຈັບອັນໃດມານຸ່ງໃສ່ກັນກໍເຂົ້າກັນໄດ້ແບບບໍ່ຍາກ ແຕ່ເບິ່ງແລ້ວດູດີໄດ້ງ່າຍ.

5. Bape

   ພຽງແຕ່ເຫັນໂລໂກກໍຮູ້ເລີຍວ່າແມ່ນຍີ່ຫໍ້ນີ້ ເຊິ່ງເຄື່ອງແຕ່ງກາຍຈາກຍີ່ຫໍ້ນີ້ກໍຊັດເຈນຢູ່ແລ້ວວ່າມີຄວາມເປັນສະຕຣິດແຟຊັນ ມີເອກະລັກໂດດເດັ່ນສະເພາະ ໃຜທີ່ມັກແຕ່ງໂຕແບບນີ້ກໍບໍ່ຄວນພາດ.

6. Neighborhood

   ເສື້ອຜ້າຍີ່ຫໍ້ຊື່ດັງຈາກປະເທດຍີ່ປຸ່ນ ເນເບີຮູດ ອາດຈະບໍ່ແມ່ນຍີ່ຫໍ້ທີ່ມີສິນຄ້າກະຈາຍໃຫ້ຊື້ຢູ່ທົ່ວໂລກ ແຕ່ວ່າດ້ວຍຄວາມໂດດເດັ່ນຂອງການອອກແບບ ການຫຍິບທີ່ນຽບ ແລະ ການເລືອກໃຊ້ເນື້ອຜ້າທີ່ມີຄຸນະພາບດີຈຶ່ງເຮັດໃຫ້ຄົນຮັກສະຕຣິດແວທີ່ມີໂອກາດເດີນທາງໄປແດນປາດິບ ຕ້ອງຟ້າວໄປເບິ່ງເຄື່ອງທີ່ຮ້ານນີ້ເລີຍກໍວ່າໄດ້.

7. publish

   ເສື້ອຜ້າຂອງພັບລິດເນັ້ນການຫຍິບທີ່ອາໄສຄວາມລະອຽດອ່ອນຫຼາຍ ລວດລາຍເສື້ອຜ້າສ່ວນໃຫຍ່ບໍ່ຫວືຫວາ ລຽບໆແຕ່ ດູດີ ຮັບຮອງວ່າຖ້າແຕ່ງແລ້ວເທ້ບໍ່ນ້ອຍໜ້າຍີ່ຫໍ້ອຶ່ນໆແນ່ນອນ.

8. Palace

   ຍີ່ຫໍ້ຈາກປະເທດອັງກິດຢ່າງ ພາເລດ ຄືຕົວເລືອກທີ່ສຸດຍອດທີ່ສຸດທີ່ເປັນຕາຕິດຕາມຫຼາຍໂດຍສະເພາະໃນກຸ່ມນັກສະເກັດບອດທີ່ຢາກຫຼໍ່ໃນເວລາທີ່ຫຼິ້ນຜາດໂຜນຕ່າງກໍເລືອກເສື້ອຜ້າຈາກພາເລດກັນທັງນັ້ນ.