7 ມື້ ຫຼຸດ 3 ກິໂລ ເລື່ອງຈິງທີ່ເຈົ້າກໍເຮັດເອງໄດ້

ໃນ​ເຟດບຸກ​ ຊີວ​ອະໂລຍາ​ ໄດ້​ມີ​ການ​ໂພດ​ເຖິງ​ນ້ຳ​ຜັກ​ເພີ່ມ​ພະລັງ​ທີ່​ສາມາດ​ເຮັດ​ໄດ້​ງ່າຍໆ​ທີ່​ບ້ານ​ແຖມ​ຍັງ​ຊ່ວຍ​ໃຫ້​ນ້ຳ​ໜັກ​ລຸດລົງ​ໄດ້​ດ້ວຍ​ໂດຍ​ບອກ​ວ່າ. "ນ້ຳ​ຜັກ​" ຊາວ​ຊີວ​ອະ​ໂລຍາ​ເຮົາ​ມັກ​ເອີ້ນ​ກັນ​ວ່າ​ "ນ້ຳ​ຍາມ​ຮັກ​" ເພາະ​ໃຊ້​ເປັນ​ນ້ຳ​ຜັກ​ຕົ້ມ​ລ້ວນ​ໆບໍ່​ຕື່ມ​ຫຍັງ​ແຕ່​ກໍ​ມີກິ່ນ​ຫອມ​ລົດ​ຊາດ​ຫວານ​ຊື່ນ​ໃຈ​ ດື່ມ​ຮ້ອນ​ໆ​ແກ້ກ​ະ​ຫາຍ​,ແກ້​ຫິວ​ເພີ່ມ​ພະລັງ​ຫລື​​ຈະ​ໃຊ້​ທົດ​ແທນ​ອາຫານ​ບາງ​ມື້​ຊ່ວຍ​ໃນ​ການ​ລຸດ​ນ້ຳ​ໜັກ​ກໍ​ຍັງ​ໄດ້​
ອົດ​ອາຫານ​ທຸກ​ຊະນິດ​ກິນ​ແຕ່​ນ້ຳ​ຜັກ​(ຫລື​ຈະ​ກິນ​ຜັກ​ຕົ້ມ​ດ້ວຍ​ກໍ​ບໍ່​ຜິດ​) 3 ມື້​ ຈະ​ຊ່ວຍ​ລຸດ​ນ້ຳ​ໜັກ​ໄດ້​ 1-3 ກິ​ໂລ​ 7 ມື້​ ລຸດ​ນ້ຳ​ໜັກ​ໄດ້​ຢ່າງ​ຕ່ຳ​ 4-5 ກິ​ໂລ ເລື່ອງ​ແບບ​ນີ້​ຕ້ອງ​ລອງ​ກັບ​ຕົວ​ເອງ

ສ່ວນ​ປະສົມ​

1. ກະ​ຫຼ່ຳ​ປີ​
2. ຫອມ​ຫົວ​ໃຫຍ່​
3. ຫົວກາລົດ​
4. ຫົວ​ໄຊ​ເທົ້າ​
(ຈະ​ໃສ່​ເຫັດ​ເຟືອງນຳກໍ​ໄດ້​)

ວິທີ​ເຮັດ​

1. ຜ່າ​ກະ​ຫຼ່ຳ​ປີເປັນ​ 4 ແສກ​ບໍ່​ຕ້ອງ​ແຢກ​ອອກຈາກ​ກັນ​
2. ຊອຍ​ຫົວກາລົດ​ ຫອມ​ໃຫຍ່​ ຫົວ​ໄຊເທົ້າ​ ເປັນ​ຕ່ອນ​ໆ​
3. ນຳ​ຜັກ​ທັງ​ໝົດ​ໃສ່​ລົງ​ໃນ​ໝໍ້​
4. ໃສ່​ນ້ຳ​ສະ​ອາດ​ພໍ​ທ່ວມ​ຜັກ​
5. ຕົ້ມ​ໃນ​ນ້ຳ​ຈົນ​ເດືອດ​ ຄ່ຽວ​ໃຫ້​ໄດ້​ກິ່ນ​ນ້ຳ​ຫອມ​ໃຫ້​ຜັກ​ທຸກ​ຢ່າງ​ສຸກ​ຈົນ​ອ່ອນ​ທັງ​ໝົດ​ ພຽງເທົ່ານີ້​ກໍ​ສຳເລັດ​ແລ້ວ

ວິທີ​ກິນ​

ຕັກ​ກິນ​ແຕ່​ນ້ຳ​ຮ້ອນ​ໆ​ສຳລັບ​ຜູ້​ຈັດຄອດອົດ​ອາຫານ​ໃຫ້​ຕົນເອງ​ທີ່​ບ້ານນ້ຳ​ຜັກ​ເປັນ​ແຫຼ່ງ​ເພີ່ມ​ພະລັງ​ທີ່​ດີ​ຫາກ​ກິນ​ບໍ່​ໝົດ​ເກັບ​ນ້ຳ​ໃສ່​ຕູ້​ເຢັນ​ໄວ້​ອຸ່ນ​ກິນ​ໄດ້​ກິນ​ນ້ຳ​ຜັກ​ກ່ອນ​ອາຫານ​ທຸກ​ມື້​ຈະ​ຊ່ວຍ​ເຮັດໃຫ້​ອິ່ມ​ໄວ​​ຂຶ້ນ​ ຊ່ວຍ​ລຸດ​ນ້ຳ​ໜັກ​ໄດ້​ດີ​

ສັບພະຄຸນ​

ນ້ຳ​ຕົ້ມ​ຜັກ​ນັ້ນ​ຊ່ວຍ​ປັບ​ລະບົບ​ການ​ເຜົາ​ຜານ​ໄຂ​ມັນ​ໃນ​ຮ່າງກາຍ​ໃຫ້​ດີ​ຂຶ້ນແລະ​ຊ່ວຍ​ຂັບ​ສານ​ພິດ​ໃນ​ຮ່າງກາຍ​ ເຮັດໃຫ້​ຜິວ​ພັນ​ສົດ​ໃສ​ແກ້ມ​ແດງ​​ໄດ້​ດ້ວຍ​ທັງ​ນີ້​ການ​ອົດ​ອາຫານ​ທຸກ​ຊະນິດ​ດື່ມ​ແຕ່​ນ້ຳ​ຜັກ​ຫລື​ຈະ​ທານ​ຜັກ​ຕົ້ມ​ດ້ວຍ​ກໍ​ໄດ້​ຊຶ່ງ​ 3 ມື້​ ຈະ​ຊ່ວຍ​ລຸດ​ນ້ຳ​ໜັກ​ໄດ້​ 1-3 ກິ​ໂລ​ ແລະ​ 7 ມື້​ ສາ ມາດ​ລຸດ​ນ້ຳ​ໜັກ​ໄດ້​ເຖິງ​ 4-5 ກິ​ໂລ ເລື່ອງ​ແບບ​ນີ້​ບໍ່​ລອງ​ບໍ່​ຮູ້ສະ​ນັ້ນ​ຕ້ອງ​ລອງ​ກັບ​ຕົວ​ເອງ

ຜັກ​ຕົ້ມ​ທີ່​ເຫຼືອ​
ຫາກ​ບໍ່​ເຄັ່ງຄັດ​ອົດ​ອາຫານ​ເທົ່າໃດນຳ​ຜັກ​ມາ​ຈ່ຳ​ແຈ່ວ​ກິນ​ກັບ​ເຂົ້າ​ຫລື​ບໍ່​ກິນ​ເຂົ້າ​ກິນ​ແຕ່​ຜັກ​ຕົ້ມ​ຈ່ຳ​ແຈ່ວເພື່ອ​ຄວບ​ຄຸມ​ນ້ຳ​ໜັກ​ທຸກ​ມື້​ກໍ​ດີ​ຫາກ​ບໍ່​ຢາກ​ກິນ​ຜັກ​ຕົ້ມຈະ​ນຳ​ໄປ​ປະ​ຍຸກ​​ເປັນ​ອາຫານ​ອື່ນ​ໆ​

ບາງ​ຄົນ​ຄິດ​ໃນ​ໃຈ​ ຜັກ​ທຸກ​ມື້​ນີ້​ມີ​ແຕ່​ສານ​ເຄ​ມີ​ບໍ່​ເປັນ​ຫຍັງ​ກ່ອນ​ນຳ​ຜັກ​ທຸກ​ຢ່າງ​ໄປ​ຕົ້ມ(ຍົກ​ເວັ້ນ​ເຫັດ​ເຟືອງ​)ຄວນ​ລ້າງ​ໃຫ້​ສະ​ອາດ​ແຊ່​ໃນ​ນ້ຳ​ປະ ສົມ​ເບກິ້ງ​ໂຊ​ດາ​ 15 ນາ​ທີ​ ແລ້ວ​ລ້າງ​ດ້ວຍ​ນ້ຳ​ສະ​ອາດ​ອີກ​ເທື່ອ​ສາມາດ​ກຳຈັດ​ສານ​ເຄ​ມີຕົກ​ຄ້າງ​ໄດ້​ດີ​ທີ່ສຸດ​

===============================================================================================================