7 ຂໍ້ຄວນປະຕິບັດໃນໄລຍະທີ່ເປັນປະຈຳເດືອນ

 

ຮູ້ຢູ່ແລ້ວວ່າຊ່ວງມີປະຈຳເດືອນ ເປັນຊ່ວງໄລຍະເວລາທີ່ຜູ້ຍິງຮູ້ສຶກອຶດອັດ ແລະ ຢາກຜ່ານມັນໄປໃຫ້ ໄວທີ່ສຸດ ເພາະວ່າມັນທັງທໍລະມານຈາກການເຈັບປະຈຳເດືອນ ທັງອາການທາງອາລົມຍັງເຮັດໃຫ້ຄົນ ອ້ອມຂ້າງຮູ້ສຶກບໍ່ດີ ແຕ່ອາການບໍ່ດີເຫຼົ່ານີ້ສາມາດແກ້ໄຂໄດ້ງ່າຍໆ ພຽງແຕ່ລອງປະຕິບັດຕາມ 7 ຂໍ້ ຄວນປະຕິບັດເມື່ອເປັນປະຈຳເດືອນ ທີ່ພວກເຮົານຳມາຝາກກັນ.

  • ບໍ່ຄວນອອກກຳລັງກາຍໜັກ.

ຜູ້ຍິງຮັກສຸຂະພາບທີ່ຕິດການອອກກຳລັງກາຍແບບໜັກໆ ໄລຍະມີປະຈຳເດືອນຄວນຈະຫຼຸດຜ່ອນໄປ ກ່ອນດີກວ່າ ແລ້ວປ່ຽນມາອອກກຳລັງກາຍແບບບໍ່ຕ້ອງຫັກໂຫມເກີນໄປກ່ອນ ເຊັ່ນ​: ໂຍຄະ ນອກ ຈາກຈະບໍ່ເຮັດໃຫ້ປວດປະຈຳເດືອນແລ້ວ ຍັງຊ່ວຍໃຫ້ທ່ານຮູ້ສຶກຜ່ອນຄາຍໃນໄລຍະທີ່ໂຮໂມນປ່ຽນ ແປງອີກດ້ວຍ.

         

  • ບໍ່ຮັບປະທານອາຫານທີ່ມີໄຂມັນອີ່ມຕົວ.

ຖ້າທ່ານເປັນຜູ້ຍິງທີ່ຮັກການຮັບປະທານອາກຫານປະເພດຊີ້ນຕິດມັນ ນົມ ເນີຍ ຫຼື ອາຫານຕ່າງໆທີ່ ມີໄຂມັນອີ່ມຕົວ ກໍຕ້ອງຂໍບອກເລີຍວ່າໄລຍະມີປະຈຳເດືອນມາງົດໄວ້ກ່ອນ ເພາະອາຫານເຫຼົ່ານີ້ຍິ່ງຈະ ເພີ່ມທະວີເຮັດໃຫ້ບັນດາສຸພາບສະຕຣີມີອາການເຈັບປະຈຳເດືອນຫຼາຍຂຶ້ນກວ່າເກົ່າ.

          

  • ດື່ມນ້ຳຫຼາຍໆ.

ເຖິງວ່າຈະບໍ່ແມ່ນໄລຍະທີ່ມີປະຈຳເດືອນກໍຕາມ ການດື່ມນ້ຳໜ້ອຍບໍ່ແມ່ນສິ່ງທີ່ຜູ້ຍິງຄວນເຮັດຢູ່ ແລ້ວ ຖ້າດື່ມນ້ຳໜ້ອຍໃນໄລຍະທີ່ມີປະຈຳເດືອນລະວັງຈະຕ້ອງທໍລະມານກັບເຈັບປະຈຳເດືອນຫຼາຍ ຂຶ້ນອີກ.

         

  • ບໍ່ຄວນຮັບປະທານອາຫານທີ່ມີລົດຊາດເຄັມເກີນໄປ.

ຫຼີກລ່ຽງການຮັບປະທານອາຫານທີ່ມີລົດຊາດເຄັມໃນບ່ອນນີ້ ບໍ່ໄດ້ໝາຍເຖິງວ່າຫ້າມໃສ່ນ້ຳປາຕອນຮັບປະທານອາຫານຢ່າງດຽວເດີ້!! ເພາະອາຫານເຄັມກໍແມ່ນອາຫານທີ່ມີໂຊດ້ຽມສູງຢ່າງເຊັ່ນ : ພວກອາຫານສຳເລັດຮູບ ຫຼື ອາຫານ ໝັກອາຫານດອງຈຳພວກນີ້ ຖ້າເອົາມາຮັບປະທານໃນໄລຍະທີ່ມິປະຈຳເດືອນເມື່ອໃດ ອາການໂຕ ບວມຖາມຫາແນ່ນອນ.

 

  • ຮັບປະທານໄຟເບີ້ຫຼາຍໆ.

ທັງກ່ອນ ແລະ ລະຫວ່າງທີ່ມີປະຈຳເດືອນ ຖ້າຜູ້ຍິງຮັບປະທານອາຫານທີ່ມີໄຟເບີ້ໜ້ອຍຫຼາຍເກີນໄປ ອາດຈະເຮັດໃຫ້ລະບົບການຍ່ອຍອາຫານຂອງທ່ານຜິດປົກກະຕິກໍໄດ້ ແຕ່ຖ້າທຸລະກິດຮັດໂຕຈົນບໍ່ມີ ເວລາເລືອກອາຫານທີ່ມີໄຟເບີ້ມາກິນ ອາດຈະກິນວິຕາມີນແບບເມັດ ເພີ່ມເຂົ້າໄປກໍໄດ້.

 

  • ຮັບປະທານຜັກສີຂຽວ.

ປົກກະຕິແລ້ວຜັກໃບສີຂຽວ ເປັນສິ່ງທີ່ຄວນຮັບປະທານໃຫ້ໄດ້ເປັນປະຈຳທຸກໆມື້ ຍິ່ງໄລຍະຊ່ວງທີ່ມີ ປະຈຳເດືອນ ການຮັບປະທານຜັກໃບສີຂຽວທີ່ເປັນແຫຼ່ງຂອງແຄນຊ້ຽມ ກໍຈະຊ່ວຍຫຼຸດອາການເຈັບ ປະຈຳເດືອນໄດ້.

 

  • ຮັບປະທານຊັອກໂກແລັດ.

ການກິນຊັອກໂກແລັດໃນໄລຍະທີ່ມີປະຈຳເດືອນນີ້ແຫຼະດີ ຖ້າເປັນຊັອກໂກແລັດທີ່ມີສ່ວນປະສົມຂອງ ໂກໂກ້ 60% ຂຶ້ນໄປໃນໄລຍະທີ່ມີປະຈຳເດືອນຈະຊ່ວຍຄວບຄຸມຄວາມຢາກອາຫານ ແລະ ເພີ່ມລະດັບ ໂຮໂມນເຊໂຣໂທນີນ (ໂຮໂມນແຫ່ງຄວາມສະຫງົບ) ອີກດ້ວຍ ແບບນີ້ບັນດາຄູ່ຮັກຂອງທ່ານຄົງຈະດີ ໃຈທີ່ບໍ່ຕ້ອງມາຮັບມືກັບອາການບໍ່ປົກກະຕິຂອງທ່ານໃນໄລຍະທີ່ມີປະຈຳເດືອນ.

          

ເຫັນບໍ່ວ່າ ໄລຍະທີ່ມີປະຈຳເດືອນນີ້ແຫຼະທີ່ຕ້ອງໃສ່ໃຈໃນການຮັບປະທານ ແລະ ການໃຊ້ຊີວິດໃຫ້ຫຼາຍ ຂຶ້ນ ບໍ່ຊັນອາດຈະເຮັດໃຫ້ສຸພາບສະຕຣີທັງທໍລະມານຈາກອາການເຈັບປະຈຳເດືອນ ດີບໍ່ດີໝູ່ເພື່ອນ ອາດຈະຂໍຢູ່ຫ່າງໆເພາະອາລົມທີ່ບໍ່ປົກກະຕິຂອງທ່ານ.