7ສູດຈາກນໍ້າມັນໝາກກອກ..ເນລະມິດໃຫ້ມີຜິວງາມສຸຂະພາບດີ

 

ສາວໆຫຼາຍຄົນຄົງພໍໄດ້ຮູ້ກັນແລ້ວວ່ານ້ຳມັນໝາກກ໋ອກມີປະໂຫຍດໃນການບຳລຸງຄວາມສວຍຄວາມງາມໃຫ້ແກ່ຜິວທົ່ວທັງຮ່າງກາຍລວມເຖີງເສັ້ນຜົມນຳແຕ່ຈະບຳລຸງໃຫ້ໄດ້ຜົນກໍ່ຕ້ອງມີເຄັດລັບ, ສູດ ແລະ ວິທີກັນແດ່ຈັກໜ່ອຍມື້ນີ້ເຮົາເລີຍມີ 7 ສູດດີໆ ຈາກນ້ຳມັນໝາກກອກທີ່ຈະຊ່ວຍເນລະມິດຄວາມສວຍງາມແບບສຸຂະພາບດີມາບອກຕໍ່ໆກັນມາເບີ່ງພ້ອມໆກັນເລີຍ.

    1.  ເພື່ອຜິວພັນທີ່ເປັ່ງປັ່ງ

ໃຊ້ນ້ຳມັນໝາກກອກເຄີ່ງຖ້ວຍປະສົມກັບນ້ຳມັນຫອມລະເຫີຍກິ່ນທີ່ເຮົາມັກເປັນພິເສດເຊັ່ນ: ລາເວນເດີ້, ຈັດມິນ ໃນອັດຕາສ່ວນເທົ່າໆກັນລົງໃນອ່າງນ້ຳແຊ່ໂຕລົງປະມານ 10-15 ນາທີ

    2.  ເບີ່ງແຍງຜິວທີ່ແຫ້ງກ່ານ

ຫຼັງຈາກອາບນ້ຳແລ້ວໃຊ້ນ້ຳມັນໝາກກອກ 2-3 ຢົດລົງເທີງຝາມືແລ້ວນວດບໍລິເວນນັ້ນຄ່ອຍໆຈຸດລະປະມານ 3-5 ນາທີ  ແລະ ບໍລິເວນຜິວບ່ອນທີ່ແຫ້ງກ່ານເນັ້ນບ່ອນສອກ, ຫົວເຂົ່າ ຫຼື ສົ້ນນ່ອງ ນວດເປັນປະຈຳເຊົ້າແລງຮັບຮອງວ່າຜິວສ່ວນນັ້ນຕ້ອງນຸ້ມນຽນຊຸ່ມຊື່ນຂື້ນທັນທີ

    3.  ສູດປາກນຸ້ມຊຸ່ມຊື່ນ

ກ່ອນນອນທຸກມື້ໃຫ້ໃຊ້ນ້ຳມັນໝາກກ໋ອກທາທີ່ຮີມສົບເຮັດເປັນປະຈຳຮັບຮອງວ່າຮີມສົບຈະນຸ້ມຊຸ່ມຊື່ນນ່າຈູບແນ່ນອນ

    4.  ເພື່ອເສັ້ນຜົມສະຫຼວຍເຫງົາງາມ

  • ບຳລຸງເສັ້ນຜົມທົ່ວໄປນຳນ້ຳມັນໝາກກອກໄປອຸ່ນຕ້ອງບໍ່ຕ້ອງໃຫ້ຮ້ອນປານໃດເອົານ້ຳມັນໝາກກອກປະມານ 5 ບ່ວງແກງນ້ຳມານວດໃຫ້ທົ່ວຫົວ ແລະ ເສັ້ນຜົມ ໃຊ້ຜ້າຂົນໜູຈຸບນ້ຳອຸ່ນບິດໝາດໆຄຸມຜົມໄວ້ປະມານ 15-30 ນາທີຈື່ງຊະຜົມອອກຕາມປົກກະຕິ
  • ບຳລຸງເສັ້ນຜົມທີ່ແຫ້ງເສຍແຕກປາຍໃຊ້ນ້ຳມັນໝາກກ໋ອກປະມານ5ບ່ວງແກງໂດຍບໍ່ຕ້ອງອຸ່ນຜຜະສົມກັບໄຂ່ແດງ1ໜ່ວຍນຳມານວດຫົວແລະເສັ້ນຜົມໃຊ້ຜ້າຂົນໜູຈຸບນ້ຳອຸ່ນບິດໝາດໆຄຸມຜົມໄວ້ປະມານ15-30ນາທີຈື່ງລ່າງອອກຕາມປົກກະຕິ

    5.  ບຳລຸງຕີນ ແລະ ມືໃຫ້ນຸ້ມນຽນ

ກ່ອນນອນໃຫ້ໃຊ້ນ້ຳມັນໝາກກອກທານວດເບົາໆໃຫ້ທົ່ວຕີນທັງ 2 ຂ້າງແລ້ວຈື່ງໃສ່ຖຸງຕີນເຂົ້ານອນຕາມປົກກະຕິເຊັ່ນດຽວກັນສຳລັບມືທັງ 2 ຂ້າງຢົດນ້ຳມັນໝາກກອກ 2-3 ຢົດນວດໃຫ້ທົ່ວຕື່ນເຊົ້າມາຮັບຮອງວ່າຄວາມນຸ້ມຊຸ່ມຊື່ນຂອງມື ແລະ ຕີນນ່າສຳຜັດ

    6.  ສູດເລັບມືແຂງແຮງ

ເສີມສ້າງຄວາມແຂງແຮງໃຫ້ເລັບ, ທັງເລັບມື ແລະ ເລັບຕີນບໍ່ໃຫ້ບາງ ຈີກງ່າຍ ແລະ ຊ່ວຍໃຫ້ຕັດເລັບໄດ້ງ່າຍຂື້ນໃຊ້ນ້ຳມັນໝາກກ໋ອກ 2 ຖ້ວຍອຸ່ນໆປະສົມກັບນ້ຳໝາກນາວ 1 ບ່ວງແກງແລ້ວແຊ່ເລັບປະໄວ້5-10 ນາທີ

    7.  ມາສໜ້າໃຫ້ນຽນນຸ້ມໃສດີ

ໃຊ້ນ້ຳມັນໝາກກອກ 1 ບ່ວງແກງ, ນ້ຳເຜີ້ງ 1 ບ່ວງແກງ, ນ້ຳໝາກນາວ 1 ບ່ວງກາເຟປະສົມໃຫ້ເຂົ້າກັນຈາກນັ້ນທາລົງເທີງໃບໜ້າປະໄວ້ປະມານ 15-20 ນາທີ ຈື່ງລ້າງອອກດ້ວຍນໍ້າອຸ່ນຕາມດ້ວຍນໍ້າເຢັນອີກຄັ້ງພຽງເທົ່ານີ້ໃບໜ້າຂອງເຮົາກໍ່ຜຸດຜ່ອງມີນ້ຳມີນວນຂື້ນແລ້ວ