6 ສະຖານທີທີ່ເໝາະກັບການໄປເຄົ້າດາວ

6. ອ່າງນ້ຳງື່ມ ເປັນອີກສະຖານທີ່ໜຶ່ງທີ່ເໝາະກັບການເຄົ້າດາວສຳລັບໃຜທີ່ຕ້ອງການຄວາມເປັນສ່ວນໂຕ ເພາະທີ່ແຫ່ງນີ້ງຽບສະງົບວິວງາມບັນຍາກາດດີອີກດ້ວຍ ຖ້າມັກຄວາມທ້າທາຍກໍ່ພຽງແຕ່ໄປຕັ້ງແຄັມກາງເກາະດອນເພາະເພິ່ນມີບໍລິການ

5. ສວນພູຄູນສະຕໍເບີຣີ່ ອາດຈະບໍ່ສະດວກສະບາຍປານໃດ ແຕ່ມັນຄືສະຫວັນສຳຫຼັບຄົນທີ່ມັກຮັກທຳມະຊາດກິນເຂົ້າປ່ານອນເຕັ້ນຕື່ນເຊົ້າມາຊົມທະເລໝອກສຳພັດລົມໜາວ ເໝາະແກ່ການຊວນຄົນຮັກໝູ່ຄູ່ໄປເຄົ້າດາວທ້າລົມໜາວນຳກັນເລີຍແຫຼະ

4. ສະຫວັນນະເຂດ ເປັນອີກແຫ່ງໜຶ່ງທີ່ໜ້າໄປສົ່ງທ້າຍປີເກົ່າຕ້ອນຮັບປີໃໝ່ ເພາະເປັນເໝືອງທີ່ງາມດ້ວຍສະຖາປັດຕະຍາກຳແບບຝລັ່ງບວກກັບໄຟແສງສີໃນຍາມລາຕີຍິ່ງເຮັດໃຫ້ຕົວເມືອງແຄມຂອງແຫ່ງນີ້ງົດງາມຂື້ນໄປອີກ ຖ້າຈະເລາະຊົມເມືອງແລ້ວມານັບຖອຍຫຼັງປີໃໝ່ກໍ່ເປັນທີ່ໜ້າສົນໃຈຫຼາຍ

3. ປາກເຊ ເມືອງໃຫຍ່ພາກໃຕ້ຂອງລາວ ເປັນອີກແຫ່ງທີ່ເໝາະກັບການໄປເຄົ້າດາວ ດ້ວຍລັກຊະນະເປັນເມືອງທີ່ມີແມ່ນ້ຳສອງສາຍໂອບກອດຄືນ້ຳຂອງແລະນ້ຳເຊແຖມຍັງມີພູຜາເປັນສາກຫຼັງເຮັດໃຫ້ປາກເຊຍິ່ງງາມຂື້ນໄປອີກ ນອກຈາກນີ້ແລ້ວທ່ານຍັງສາມາດໄປທ່ຽວສະຖານທີ່ຕ່າງໆຂອງພາກໃຕ້ໄດ້ອີກບໍ່ວ່າຈະເປັນ ວັດພູ ຄອນພະເພັງ ຕາດຟານ ແລະອື່ນໆ

2. ວັງວຽງ ຫາກຄິດຈະໄປພັກຜ່ອນແລ້ວ ຊື່ນີ້ຕ້ອງມາເປັນອັນດັບຕົ້ນໆໃນຫົວຂອງເຮົາແນ່ນອນ ເພາະເປັນເມືອງທ່ອງທ່ຽວອັນດັບຕົ້ນໆຂອງລາວເຮົາ ທີ່ນອກຈາກຈະມີວິວທິວທັດທຳມະຊາດທີ່ສວຍສົດງົດງາມແລ້ວຍັງມີສິ່ງອຳນວຍຄວາມສະດວກເກືອບຈະທຸກຢ່າງທີ່ພວກເຮົາເຈົ້າຂ້ອຍຕ້ອງການອີກດ້ວຍ

1. ຫຼວງພະບາງ ຄົງເປັນຄວາມຝັນຂອງໃຜຫຼາຍຄົນທີ່ຄັ້ງໜຶ່ງໃນຊີວິດຕ້ອງໄປໃຫ້ໄດ້ ນອກຈາກເປັນເມືອງມໍລະດົກໂລກແລ້ວ ຫຼວງພະບາງເປັນເມືອງທີ່ມີຫຼາກຫຼາຍສີສັນ ແຕ່ຍັງຄົງຄວາມເປັນລາວໄວ້ໄດ້ຢ່າງຄົບຖ້ວນ ຄົງຈະດີຖ້າເຮົາຈະພາຄົນທີ່ຮັກໄປນັບຖອຍຫຼັງປີໃໝ່ຢູ່ທີ່ນີ້