6 ວິທີເບິ່ງແຍງສຸຂະພາບ ພໍ່ຂອງເຮົາ

ໃນຕອນທີ່ເຮົາຍັງນ້ອຍຈະມີໃຜຈັກຄົນທີ່ຄອຍເບິ່ງຍອງເອົາໃຈໃສ່ເຮົາທັງຍາມຫຼັບແລະຍາມຕື່ນຄອຍເຮັດວຽກຫາເງິນ ລ້ຽງເຮົາເປັນເສົາຫຼັກຂອງຄອບຄົວນັ້ນແມ່ນ"ພໍ່"ຂອງເຮົານັ້ນເອງແລະເມື່ອຍາມທີ່ທ່ານເຖົ້າລົງກໍເປັນໜ້າທີ່ຂອງລູກ ແບບເຮົາທີ່ຕ້ອງເປັນຝ່າຍເບິ່ງແຍງດູແລເຂົາແທນ

1. ເວລາ
ເວລາເປັນສິ່ງທີ່ສຳຄັນຫຼາຍຄວນໝັ່ນໃຫ້ເວລາກັບທ່ານແນ່ຢູ່ກັບທ່ານແນ່ເບິ່ງແຍງເອົາໃຈໃສ່ທ່ານພຽງເທົ່ານີ້ກໍເຮັດໃຫ້ ທ່ານເບິ່ງມີຊີວິດຊີວາໄດ້ແລ້ວ

2. ເລື່ອງຂອງການດື່ມ
ຫາກວ່າພໍ່ຂອງໃຜເປັນນັກດື່ມເກັ່ງໆບໍ່ວ່າຈະເປັນເຄື່ອງດື່ມມຶນເມົາທັງຫຼາຍແລະນ້ຳອັດລົມຄົງຕ້ອງໄດ້ຫາແຮງຈູງໃຈໃຫ້ ທ່ານເລີກຫຼືຫຼຸດການດື່ມແລ້ວເພາະວ່າມັນຄົງຈະບໍ່ດີຕໍ່ສຸຂະພາບໃນໄລຍະຍາວຢ່າງແນ່ນອນປ່ຽນເປັນນ້ຳໝາກໄມ້ຫຼືນ້ຳສະ ໝຸນໄພຈະດີກວ່າການມາດື່ມສິ່ງມຶນເມົາ

3. ຢາສູບ
ຂໍ້ນີ້ຄວນບອກໃຫ້ພໍ່ທີ່ຍັງໜຸ່ມແລະພໍ່ທີ່ເຖົ້າແລ້ວວ່າເລີກສູບຢາໄດ້ແລ້ວເດີ້ເພາະວ່າບໍ່ແມ່ນພຽງສົ່ງຜົນເສຍຕໍ່ສຸຂະພາບ ຂອງຕົວເອງແຕ່ວ່າຍັງສົ່ງຜົນເສຍຕໍ່ສຸຂະພາບຂອງຄົນອ້ອມຂ້າງນຳທັງໂລກປອດແລະມະເຮັງຕ່າງໆຄວນບອກໃຫ້ພໍ່ຂອງ ເຈົ້າເລີກຊະພໍ່ຂອງເຈົ້າຈຶ່ງໄດ້ຢູ່ກັບເຮົາໄປແບບດົນໆ

4. ພາໄປກວດໂລກແນ່
ພາທ່ານໄປກວດສຸຂະພາບແນ່ເດີ້ເພາະວ່າຄົນເຮົາເມື່ອເຂົ້າສູ່ໃນໄວໜຶ່ງກໍຈະກາຍເປັນກຸ່ມສ່ຽງຂອງການເກີດໂລກຕ່າງໆ ຂື້ນມາທັນທີທັງມະເຮັງຕ່າງໆບໍ່ວ່າຈະເປັນມະເຮັງຕ່ອມລູກໝາກ,ມະເຮັງປອດ,ມະເຮັງລຳໄສ້ແລະຍິ່ງໄປກວ່ານັ້ນແມ່ນໄປ ຮອດໂລກເບົາຫວານເລີຍ,ໄຂມັນໃນເສັ້ນເລືອດ,ຄວາມດັນເຊິ່ງໂລກເຫຼົ່ານີ້ມັກຈະເຂົ້າສູ່ຮ່າງກາຍຂອງຄົນເຮົາເມື່ອຍາມ ເຖົ້າຫຼາຍທີ່ສຸດເຊິ່ງມັນຈະບໍ່ເຂົ້າມາພຽງໂລກດຽວແຕ່ວ່າເຂົ້າມາເປັນສາຍເລີຍການທີ່ພາທ່ານໄປກວດສຸຂະພາບຢ່າງ

ໜ້ອຍປີລະ 1-2 ເທື່ອເມື່ອພົບກັບໂລກໃດກໍຈະໄດ້ຮັກສາແລະເບິ່ງແຍງກັນຕັ້ງແຕ່ຕອນນັ້ນເລີຍ(ດີກວ່າເຮົາຈະມານັ່ງ

ແກ້ນຳ ຫຼັງໂດ້ ເຫັນຫຼາຍຄົນລະໃນປະເທດລາວເຮົາ)

5. ການອອກກຳລັງກາຍ
ການອອກກຳລັງກາຍເປັນສິ່ງສຳຄັນສຳລັບທຸກເພດທຸກໄວການທີ່ພາທ່ານໄປອອກກຳລັງກາຍບໍ່ແມ່ນພຽງແຕ່ທ່ານເທົ່ານັ້ນ ທີ່ະມີສຸຂະພາດີເຈົ້າກໍຍັງຈະມີສຸຂະພາບດີນຳອີກທີ່ມານຳກັນແລະຍັງຊ່ວຍເຮັດໃຫ້ການອອກກຳລັງກາຍເປັນເລື່ອງທີ່ມ່ວນ ຂື້ນອີກ ຍັງຊ່ວຍເສີມສ້າງຄວາມສຳພັນອັນດີລະຫວ່າງເຈົ້າກັບພໍ່ນຳອີກ

6. ວຽກເສີມ
ຫາກວ່າພໍ່ຂອງໃຜກະສຽນແລ້ວຢ່າໃຫ້ທ່ານຢູ່ລ້າໆເດີ້ລອງຫາວຽກເສີມໃຫ້ທ່ານເຮັດແນ່ເພື່ອທີ່ຈະເປັນການພັກຜ່ອນໄດ້ຝືກ ການໃຊ້ສະໝອງແລະວຽກເສີມເຊັ່ນ:ການປູກຕົ້ນໄມ້,ເຮັດສວນ,ປູກຜັກ,ລ້ຽງໄກ່ແລະອື່ນໆຍັງຊ່ວຍເຮັດໃຫ້ທ່ານໄດ້ອອກ ກຳລັງກາຍອີກນຳ (ຂໍ້ນີ້ຕ້ອງໄດ້ເບິ່ງຕາມໄວອາຍຸຂອງພໍ່ຕົນເອງນຳເດີ້)

7. ຄວາມຮັກ
ເໜືອສິ່ງອື່ນໃດຕ້ອງເປັນສິ່ງທີ່ສຳຄັນທີ່ສຸດຄວາມຮັກຂອງເຮົາຍັງຊ່ວຍເປັນຢາອາຍຸຍືນຍາວໃຫ້ແກ່ພໍ່ເຮົາໄດ້ອີກນຳເດີ້ ການທີ່ໃຫ້ຄວາມຮັກບໍ່ແມ່ນພຽງແຕ່ມື້ພິເສດເທົ່ານັ້ນເຊັ່ນ:ວັນພໍ່ແລະວັນເກີດແຕ່ຄວນເຮັດໃນທຸກໆມື້ການກອດທ່ານ, ການກາບທ່ານຫຼືການສະແດງຄວາມຮັກໃນແບບຂອງເຈົ້າເອງເມື່ອເຈົ້າຍັງມີໂອກາດກໍໃຫ້ເຮັດຊະຢ່າອາຍເພາະວ່າຍັງມີອີກ ຫຼາຍໆຄົນທີ່ເຂົາເຈົ້າຢາກເຮັດແຕ່ວ່າບໍ່ໄດ້ເຮັດ

ທີ່ມາ www.deklao.com

ບົດຄວາມໃຫມ່ໆ