5 ເຄື່ອງສຳອາງທີ່ຕ້ອງເກັບຮັກສາໄວ້ທີ່ຕູ້ເຢັນ ເພື່ອປະສິດທິພາບທີ່ດີ !

ເວົ້າເລື່ອງເຄື່ອງສຳອາງແລ້ວຫຼາຍຄົນກໍ່ຄົງຈະຮູ້ຈັກເປັນຢ່າງດີ ວ່າແຕ່ລະຢ່າງໃຊ້ແນວໃດ ແຕ່ມີນ້ອຍຄົນທີ່ຈະຮູ້ວ່າ ເຄື່ອງສຳອາງບາງຊະນິດຕ້ອງເກັບໄວ້ໃນຕູ້ເຢັນເພື່ອຮັກສາຄຸນນະພາບຂອງມັນ ໃນຄໍລຳ ຄວາມງາມ ແອັດກໍ່ຈະມາບອກໃຫ້ຮູ້ວ່າມີເຄື່ອງສຳອາງປະເພດໃດແນ່ທີ່ຕ້ອງເກັບຮັກສາໄວ້ໃນຕູ້ເຢັນ

1.ອາຍໄລເນີ

ເຄື່ອງສຳອາງທີ່ໃຊ້ສຳລັບຂຽນຂອບຕາ ການເກັບອາຍໄລເນີໄວ້ທີ່ຕູ້ເຢັນແມ່ນຈະຊ່ວຍເພີ່ມປະສິດທິພາບ ແລະ ເຮັດໃຫ້ຂຽນງ່າຍຂຶ້ນ ແຖມຍັງຊ່ວຍຢືດອາຍຸການນຳໃຊ້ໄດ້ຍາວຂຶ້ນໄປອີກ

2. ຄຣີມບຳລຸງຜິວໜ້າ 

ເປັນອີກນຶ່ງເຄື່ອງສຳອາງທີ່ຄວນເກັບໄວ້ທີ່ຕູ້ເຢັນ ເພາະຈະເຮັດໃຫ້ຢືດອາຍຸຂອງຄຣີມທາໜ້າໃຫ້ຍາວຂຶ້ນອີກ ແລະ ສາມາດເພີ່ມຄວາມຊຸ່ມຊື່ນໃຫ້ແກ່ຜິວໄດ້ດີຂຶ້ນເປັນສອງເທົ່າ

3. ອາຍຄຣີມ

ເກັບອາຍຄຣີມໄວ້ໃນຕູ້ເຢັນ ຈະຊ່ວຍກະຕຸ້ນໃຫ້ອາຍຄຣີມມີປະສິດທິພາບສູງຂຶ້ນ ແລະ ຊ່ວຍຫຼຸດການບວມລຸ່ມຕາເວລາທາໄດ້ດີອີກຕາງຫາກ  ທັງຍັງເຮັດໃຫ້ຮູ້ສຶກເຢັນສະບາຍຕາ ແລະ ຊ່ວຍຢືດອາຍຸການນຳໃຊ້ຂອງອາຍຄຣີມໄດ້

4. ສໍຂຽນຂອບຕາ

ການເກັບສໍຂຽນຂອບຕາໄວ້ໃນຕູ້ເຢັນບໍ່ພຽງແຕ່ຊາຍຢືດອາຍຸການນຳໃຊ້ໄດ້ເທົ່ານັ້ນ ແຕ່ຍັງຊ່ວຍໃຫ້ສາມາດໃຊ້ສໍຂຽນຂອບຕາໄດ້ຢ່າງງ່າຍດາຍ ແລະ ໄດ້ເສັ້ຍທີ່ເບິ່ງເດັ່ນຊັດຄົມຂຶ້ນໄປອີກ

5. ນ້ຳຫອມ

ການເກັບນ້ຳຫອມໄວ້ທີ່ຕູ້ເຢັນ ຈະຊ່ວຍໃຫ້ມີກິ່ນຫອມຍາວນານ ແລະ ມີປະສິດຕິພາບສູງ ສາມາດໃຊ້ງານໄດ້ຢ່າງຄຸ້ມຄ່າ

ເມື່ອຮູ້ແບບນີ້ແລ້ວກໍ່ລອງເຮັດຕາມຄຳແນະນຳທີ່ກ່າວມາຂ້າງເທິງນີ້ເບິ່ງ ໃຊ້ໄດ້ຜົນແບບໃດຢ່າງລືມບອກຕໍ່ໃຫ້ເພື່ອນໆຮູ້ຈັກນຳເດີ້