5 ຫຼັກ​ການ​ກິນ​ເພື່ອ​ສົ່ງ​ເສີມ​ການ​ເຮັດ​ວຽກຂອງ​ສະຫມອງ​

5 ຫຼັກ​ການ​ກິນ​ເພື່ອ​ສົ່ງ​ເສີມ​ການ​ເຮັດ​ວຽກຂອງ​ສະຫມອງ​

ສະຫມອງ​ຈະ​ເຮັດວຽກ​ໄດ້​ດີ​ໂດຍ​ເຮົາ​ຕ້ອງ​ເລືອກ​ການ​ກິນ​ອາຫານ​ໃຫ້​ຫຼາກ​ຫຼາຍ​ ຄົບ​ຖ້ວນ​ ທຸກ​ໝວດ​ໝູ່​ໃນ​ປະລິມານ​ພໍ​ເໝາະ​ ເບິ່ງ​ແຍງ​ສຸຂະພາບ​ຫຼອດ​ເລືອດ​ຫົວ​ໃຈ​ໄປ​ພ້ອມ​ໆ​ກັນ​ ຮ່ວມ​ກັບ​ການ​ພັກ​ຜ່ອນ​ໃຫ້​ພຽງ​ພໍ​ ຢ່າ​ອົດ​ນອນ​ຫຼື​ນອນ​ເດິກ​ ອອກ​ກຳ​ລັງ​ກາຍ​ໃຫ້ສະຫ​ມ່ຳ​ສະເໝີ​ ແລະ ​ດື່ມ​ນ້ຳ​ພຽງ​ພໍ​ ຝຶກ​ໃຊ້​ສະຫມອງ​ຄວາມ​ຄິດ​ສະເໝີ​ໆ​ ສິ່ງເຫຼົ່ານີ້​ຈະ​ຊ່ວຍ​ຮັກສາ​ແລະ​ຊະ​ລໍ​ການ​ເສື່ອມ​ຂອງ​ສະ ຫມອງ​ຢ່າງ​ໄດ້​ຜົນ​ດີີ​

 

1. ກິນ​ແບບ​ສະຫຼາດ​ 

          ສານ​ອາຫານ​ທີ່​ສະຫມອງ​ຕ້ອງ​ການ​ໃຊ້​ໃນ​ຍາມກຽມ​ສອບເສັງຫຼື​ຍາມ​ໃຊ້​ສະຫມອງ​ເຮັດວຽກ​ໜັກ​ ໄດ້​ແກ່​ ວິ​ຕາ​ມິນ​ບີ​ຕ່າງ​ໆ​ ແລະ ​ທາດ​ເຫຼັກ​ອາ ຫານ​ທີ່​ມີ​ທາດ​ເຫຼັກ​ສູງ​ ໄດ້​ແກ່​ ຊີ້ນ​ສັດ​ໂດຍ​ສະເພາະ​ສ່ວນ​ຂອງ​ຊີ້ນ​ລ້ວນ​ ຜັກ​ໃບ​ຂຽວ​ ຖົ່ວ​ເມັດ​ແຫ້ງ​ ນອກ​ຈາກ​ນີ້​ອາຫານ​ຟັງ​​ຊັ່ນ​ບາງ​ຊະນິດ​ທີ່​ສະ​ດວກ​ຕໍ່​ການ​ບໍລິ​ໂພກ​ ແລະ​ ໃຫ້​ໂປຼຣ​ຕິນ​ໃນ​ຮູບ​ເປບ​ໄທ​​ຊຶ່ງ​ຮ່າງກາຍ​ນຳ​ໄປ​ໃຊ້​ໄດ້​ງ່າຍ​ຂຶ້ນ​ ເຊັ່ນ​ ຊຸບ​ໄກ່​ສະ​ກັດ​ ຊຶ່ງ​ມີ​ຜົນ​ວິ​ໄຈທາງ​ວິທະຍາ​ສາດ​ພົບ​ວ່າ​ຊ່ວຍ​ໃຫ້​ຮ່າງກາຍ​ດູດ​ຊຶມ​ສານ​ອາຫານ​ຈຳ​ພວກ​ທາດ​ເຫຼັກ​ທີ່​ເປັນ​ອົງ​​ປະກອບ​ຂອງ​ເມັດ​ເລືອດ​ແດງ​ໄດ້​ດີ​ຂຶ້ນ​ແລະ​ຊ່ວຍ​ໃຫ້​ເລືອດ​ຂົນ​ສົ່ງ​ອອກ​ຊິ​ເຈນ​ໄປ​ລ້ຽງ​ສະຫມອງ​ໄດ້​ດີ​ຂຶ້ນ​

2. ກິນ​ອາຫານ​ທີ່​ມີ​ສານ​ແອນ​ຕິ​ອອກ​ຊິ​ແດນ​​ສູງ​ 

          ເຊັ່ນ​ ວິ​ຕາ​ມິນ​ຊີ​ ເບ​ຕ້າ​ແຄ​ໂຣ​ທີນ​ ວິ​ຕາ​ມິນ​ອີ​ ໃຍ​ອາຫານ​ ຊຶ່ງ​ຫາ​ກິນ​ໄດ້​ບໍ່​ຍາກ​ຈາກ​ຜັກ​ໝາກໄມ້​ຫຼາກ​ຫຼາຍ​ຊະນິດ​ ບໍ່​ວ່າ​ຈະ​ເປັນ​ໝາກກ້ຽງ ແອັບ​ເປີ້ນ​ ກ້ວຍ​ ເບີ​ຣີ​ ຫົວກາລົດ​ ເປັນ​ຕົ້ນ​ ສານ​ແອນ​ຕິ​ອອກ​ຊິ​ແດນ​ຈະ​ຊ່ວຍຫຼຸດ​ອະ​ນຸ​ມູນ​ອິດສະຫຼ​ະທີ່ເກິດຂື້ນ​ຫຼາຍ​ໃນ​ສະຫມອງ​ໃນ​ຍາມ​ຄຽດ​ ເຮັດໃຫ້​ສະຫມອງ​ເສື່ອມ​ໄວ​ຂຶ້ນ​

3. ກິນ​ໃຫ້ເປັນ​ເວລາ​ 

          ຈະ​ຊ່ວຍ​ໃຫ້​ຮັກສາ​ລະ​ດັບ​ພະລັງ​ງານ​ຂອງ​ຮ່າງກາຍ​ແລະ​ວິ​ຕາ​ມິນ​ແຮ່ທາດ​ໃຫ້​ຄົງ​ທີ່​ ໃນ​ການ​ທີ່​ຮ່າງກາຍ​ຈະ​ດຶງ​ໄປ​ໃຊ້​ໄດ້​ຕະຫຼອດ​ເວລາ​  

4. ກິນ​ອາຫານ​ມື້​ນ້ອຍ​ໆ​ 5-6 ມື້​ 

          ປັບ​ມື້​ອາຫານ​ຫຼັກ​ໃຫ້​ມີ​ປະລິມານ​ນ້ອຍ​ລົງ​ໂດຍ​ກິນ​ 5-6 ມື້​ຕໍ່​ມື້​ຈະ​ເຮັດໃຫ້​ລະບົບ​ຂອງ​ຮ່າງກາຍ​ເຮັດວຽກ​ດີ​ຂຶ້ນ​ ຊ່ວຍ​ໃຫ້​ຮ່າງກາຍ​ສົດໃສ ແລະ​ສະຫມອງ​ບໍ່​ເມື່ອຍລ້າ​ຕະຫຼອດ​ມື້​ແລະ​ຊ່ວຍ​ຮັກສາ​ລະ​ດັບ​ນ້ຳ​ຕານ​ໃນ​ເລືອດ​ໃຫ້​ຄົງ​ທີ່​

5. ຫ້າມ​ງົດ​ອາຫານ​ເຊົ້າ​ເດັດ​ຂາດ​ 

          ເພາະ​ຈະ​ເຮັດໃຫ້​ສະຫມອງ​ເຮັດວຽກຊ້າໄດ້​ ອາຫານ​ເຊົ້າ​ຈະ​ຊ່ວຍ​ເສີມ​ພະລັງ​ໃຫ້​ສະຫມອງ​ ແຕ່​ທັງ​ນີ້​ຂຶ້ນ​ກັບ​ຄຸນນະພາບ​ຂອງ​ອາຫານ​ເຊົ້າ​ ຫາກ​ເປັນ​ກາ​ເຟ​ ໂດ​ນັດ​ ຫຼື ​ເຄັກ​ ຄຸກ​ກີ້​ ບໍ່​ຊ່ວຍ​ໃຫ້​ສະຫມອງ​ເຮັດວຽກ​ຢ່າງ​ມີປະ​ສິດ​ທິ​ພາບ​ ອາຫານ​ເຊົ້າ​ທີ່​ດີ​ຄວນ​ຈະ​ມີ​ໂປຼຣ​ຕິນ​ ແຄລ​ຊຽມ​ ໃຍ​ອາຫານ​ ໝາກໄມ້​ແລະ ​ຜັກ​ ແຕ່​ຖ້າ​ຕ້ອງ​ການ​ຄວາມ​ວ່ອງໄວ​ ສະ​ດວກ​ ຂະໜົມ​ປັງ​ຈັກ​ແຜ່ນ​ ຊຸບ​ໄກ່​ສະ​ກັດ​ຈັກກວດ​ ແອັບ​ເປີນ​ຈັກໜ່ວຍ​ ກາລົດ​ສົດ​ ນົມຈັກ​ແກ້ວ​ ກໍ​ໃຫ້​ສານ​ອາຫານ​ດີ​ໆ​ໄດ້