5 ວິທີ​ປະ​ຫຍັດ​ພະລັງງານ​ໄຟຟ້າ​ພາຍ​ໃນເຮືອນ ຢ່າງ​ສະຫຼາດ ຊ່ວຍ​ຫຼຸດ​ພາ​ວະ​ໂລກ​ຮ້ອນ

 

ພະລັງງານ​ແບ່ງ​ອອກ​ເປັນ 2 ຊະນິດ​ຄື: ພະລັງງານ​ທີ່​ໃຊ້​ແລ້ວ​ໝົດ ​ແລະ ພະລັງງານ​ທີ່​ໃຊ້​ແລ້ວ​ສິ້ນ​ເປືອງ​ນັ້ນ​ເອງ ​ເຊັ່ນ ນ້ຳມັນ​ ທ່ານ​ຫີນ ​ແລະ ກ໊າສທຳ​ມະ​ຊາດ ​ສ່ວນ​ອີກ​ຊະນິດ​ໜຶ່ງ ​ເປັນ ພະລັງງານ​ທີ່​ໃຊ້​ບໍ່​ໝົດ ຫຼື ພະລັງງານ​ໝຸນ​ວຽນ ​ເຊັ່ນ ນ້ຳ ​ແສງ​ອາທິດ ມວນ​ຊີວະ​ພາບ​ເປັນ​ຕົ້ນ.

ປັດຈຸບັນນີ້ບ້ານເມືອງມີຄວາມທັນສະໄໝຫຼາຍຂຶ້ນ ການພັດທະນາທາງເຕັກໂນໂລຊີກ້າວໜ້າຢ່າງຕໍ່ເນື່ອງເຮັດໃຫ້ພວກເຮົາໄດ້ຮັບຄວາມສະດວກສະບາຍບໍ່ວ່າ ການ​ເດິ​ນທາງ ການຄົ້ນຫາຂໍ້ມູນ ການຕິດຕໍ່ສື່ສານ.

  •  
  1. ເລີ່ມຈາກການປິດໄຟໃນຫ້ອງທີ່ບໍ່ມີຄົນຢູ່ ແລະ ປິດປັກສຽບເມື່ອເຊົາໃຊ້ງານປະຕິບັດຈົນເປັນນິໄສເມື່ອອອກຈາກຫ້ອງໃຫ້ປິດໄຟທຸກຄັ້ງ.
  2. ສໍາລັບການໃຊ້ເຄື່ອງປັບອາກາດຄວນເປີດແອທີ່ອຸນຫະພູມ 25 ອົງສາ ຖ້າຮູ້ສຶກວ່າອາກາດໃນຫ້ອງຮ້ອນ ໃຫ້ເປີດພັດລົມຊ່ວຍລະບາຍອາກາດແທນການເລັ່ງແອໃຫ້ຕ່ໍ່າສຸດ.
  3. ຍາມໜາວ ຫຼື ຊ່ວງຝົນຕົກມື້ນັ້ນອາກາດຈະບໍ່ຮ້ອນຫຼາຍ ເຮົາອາດງົດເປີດແອແລ້ວຫັນມາເປີດພັດລົມ ຫຼື ປ່ອງຢ້ຽມປະໄວ້ ກໍຈະໄດ້ບັນຍາກາດໄປອີກ ແບບແຖມຍັງຊ່ວຍປະຫຍັດຄ່າໄຟໄປໄດ້ຫຼາຍອີກດ້ວຍ.
  4. ງົດໃຊ້ເຄື່ອງເຮັດນ້ຳອຸ່ນແລ້ວຫັນມາອາບນ້ຳເຢັນແດ່ ການອາບນ້ຳເຢັນຈະເຮັດໃຫ້ທ່ານຮູ້ສຶກຊົດຊື່ນ ແລ້ວຍັງຊ່ວຍໃຫ້ຜິວພັນຊຸ່ມຊື່ນຫຼາຍຂຶ້ນ.
  5. ຖ້າປະລິມານ​ເຄື່ອງ​ນຸ່ງບໍ່ຫຼາຍໃຫ້ຊັກມືແທນໃຊ້ເຄື່ອງຊັກຜ້າ ຖ້າຕ້ອງຊັກ​ເຄື່ອງດ້ວຍເຄື່ອງຊັກຜ້າຄວນຊັກດ້ວຍນໍ້າປົກກະຕິເພາະມີບາງຍີ່​ຫໍ້ໃຫ້ເຮົາເລືອກໃຊ້ນ້ຳອຸ່ນ ຫຼື ນໍ້າຮ້ອນເພື່ອທີ່ຈະໄດ້ຜ້າສະອາດໄຮ້ສິ່ງຕົກຄ້າງ ຖ້າເສື້ອຜ້າຂອງເຮົາບໍ່ໄດ້ສົກກະປົກຫຍັງຫຼາຍ ເຮົາໃຊ້ແຕ່ນໍ້າທໍາມະດາຊັກກໍພຽງພໍແລ້ວ.
  6. ປິດໜ້າຈໍຄອມພິວເຕີເມື່ອບໍ່ໄດ້ໃຊ້ງານ ຫາກຢ້ານລືມໃຫ້ຕັ້ງເວລາປິດອັດຕະໂນມັດກໍໄດ້ເຊັ່ນເມື່ອບໍ່ໃຊ້ງານເກີນ 10 ນາທີໜ້າຈໍກໍຈະດັບລົງ.
  7. ຕິດຜ້າ​ກັ້ງກັນແສງແດດ ນອກຈາກຈະຊ່ວຍຫຼຸດຄ່າໄຟແລ້ວຍັງຊ່ວຍໃຫ້ເຄື່ອງປັບອາກາດເຮັດວຽກບໍ່ໜັກເກີນຄວາມເຢັນພາຍໃນ​ເຮືອນ ຍັງຖືກເກັບສະສົມເອົາໄວ້ບໍ່ໄດ້ຮ້ອນຫຼາຍຈົນເກີນໄປອີກດ້ວຍ.
  8. ຫາກຢູ່ໃນຫ້ອງຄົນດຽວໃຫ້ເປີດໂຄມໄຟນ້ອຍໆ ແທນການເປີດໄຟໝົດຫ້ອງ.
  9. ອັດ​ຝາຕູ້ເຢັນໃຫ້​ແຈບບໍ່ຄວນເປີດຕູ້ເຢັນຄ້າງໄວ້ດົນ ຫຼື ເປີດເລື້ອຍໆແລ້ວຫ້າມນໍາຂອງຮ້ອນໃສ່ຕູ້ເຢັນເພາະຈະເຮັດໃຫ້ຕູ້ເຢັນເຮັດວຽກໜັກຂຶ້ນ.
  10. ເວລາລີດ​ເຄື່ອງໃຫ້ລີດ​ເທື່ອດຽວບໍ່ຄວນດຶງປັກສຽບເຂົ້າອອກເລື້ອຍໆ ແລະ ໃຫ້ລີດ​ເທື່ອລະຫຼາຍ ໆ​ໂຕແລ້ວບໍ່ຄວນພົມນ້ຳຫຼາຍຈົນ​ເຄື່ຶອງຊຸ່ມເຮັດໃຫ້ໃຊ້ຄວາມຮ້ອນ ແລະ ເສຍຄ່າໄຟຫຼາຍຂຶ້ນ.
  11. ຢ່າສຽບປັກສຽບໝໍ້ເຂົ້າປະໄວ້ ແລະ ຖອດປັກສຽບກາຕົ້ມນ້ຳເມື່ອນ້ຳເດືອດທັນທີນອກຈາກປະຫຍັດໄຟແລ້ວຍັງຊ່ວຍປ້ອງກັນການເກີດໄຟໄໝ້ໄດ້ອີກດ້ວຍ.
  12. ຫຼັງສະຜົມໃຫ້ໃຊ້ຜ້າຂົນໜູຊັບນ້ຳໃຫ້ໝາດ ເປົ່າຜົມດ້ວຍພັດລົມແທນໄດເປົ່າຜົມ ຈະຊ່ວຍປະຫຍັດໄຟແລ້ວຍັງຊ່ວຍໃຫ້ຜົມບໍ່ເສຍນຳ​ອີກ.
  13. ໝັ່ນກວດເຊັກອຸປະກອນໄຟຟ້າ ແລະ ສາຍໄຟພາຍໃນ​ເຮື​ອນເປັນປະຈໍານອກຈາກຊ່ວຍປະຫຍັດໄຟແລ້ວຍັງປ້ອງກັນການເກີດອັກຄີໄພໄດ້ ຫາກ​ເປ່​ເພມາອາດຈະບໍ່ໄດ້ເສຍຫາຍແຕ່ເຄື່ອງໃຊ້ໄຟຟ້າແຕ່ທ່ານອາດຈະເສຍ​ເຮືອນໄປໝົດຫຼັງເລີຍກໍໄດ້.
  14. ເຮົາຄວນທຳຄວາມສະອາດເຄື່ອງໃຊ້ໄຟຟ້າຢ່າງໜ້ອຍປີລະ​ເທື່ອ ແລະ ບໍາລຸງຮັກສາເປັນປະຈໍາຫາກປ່ອຍໃຫ້ຝຸ່ນເກາະໜາຈະເຮັດໃຫ້ເຄື່ອງໃຊ້ໄຟຟ້າເຮັດວຽກໜັກຂຶ້ນເຊັ່ນ ໃບພັດລົມ ແຜ່ນກອງເຄື່ອງປັບອາກາດເປັນຕົ້ນ ຖ້າເປັນຕູ້ເຢັນໃຫ້ກົດລະລາຍນ້ຳກ້ອນ.
  15. ການປູກຕົ້ນໄມ້ອ້ອມບໍລິເວນ​ເຮືອນກໍຊ່ວຍສ້າງຮົ່ມເງົາໃນ​ເຮືອນໄດ້ເປັນຢ່າງດີຕົ້ນໄມ້ໃຫຍ່ ຈະຊ່ວຍບໍ່ໃຫ້ແສງແດດເຂົ້າສູ່​ເຮືອນຫຼາຍເກີນໄປ ແລະ ການທາສີ​ເຮືອນອ່ອນໆ ກໍຊ່ວຍປະຫຍັດພະລັງວຽກໄດ້ຄືກັນສີອ່ອນໆ ຈະຊ່ວຍຫຼຸດການສະທ້ອນຂອງແສງໄດ້ຫຼາຍ ແລະ ຍິ່ງທາພາຍໃນ​ເຮືອນຈະຊ່ວຍໃຫ້​ເຮືອນສະຫວ່າງແບບບໍ່ຕ້ອງເປີດໄຟໝົດ​ເຮືອ​ນໄດ້ອີກດ້ວຍ.

 

ສໍາລັບວິທີປະຫຍັດພະລັງງານງ່າຍໆເຫຼົ່ານີ້ຢາກໃຫ້ທຸກຄົນໄດ້ລອງນໍາໄປປະຕິບັດ ແລະ ປັບໃຊ້ກັນຕາມຄວາມສະດວກເພື່ອໂລກຂອງເຮົາຈະໄດ້ພື້ນທີ່ສີຂຽວຫຼາຍຂຶ້ນ ແລະ ເງິນໃນກະເປົາຂອງທ່ານຈະບໍ່​ແບນໄປກັບຄ່າໄຟອີກດ້ວຍ ໄປເຮັດຕາມນຳ​ກັນ​​ເລີຍ​ເປັນ​ແນວ​ໃດ​ນຳ​ແຊຣ໌ປະສົບ​ການ​ນຳ​ກັນ​ເດີ້!!