5 ວິທີແກ້ໜ້າລອກ, ໜ້າເປັນຂຸຍແບບທໍາມະຊາດລອງແລ້ວໄດ້ຜົນແທ້ໆ..!!

ປັນຫາໜ້າລອກ, ໜ້າແຫ້ງ, ໜ້າເປັນຂຸຍ ມີສາເຫດມາຈາກຫຼາຍໆຢ່າງແຕ່ຫຼັກໆນັ້ນມາຈາກການທີ່ຜິວຂອງເຮົາຢູ່ໃນສະພາວະຂາດນ້ຳຈົນສົ່ງຜົນໃຫ້ຜິວມີສະພາບແຫ້ງກ່ານຂາດຄວາມຊຸ່ມຊື່ນເມື່ອເຊວຜິວຊັ້ນນອກເຊື່ອມສະພາບລົງສຸດທ້າຍຜິວໜ້າກໍ່ຈະຄ່ອຍໆຫຼຸດລອກຈົນເປັນຂຸຍໃນທີ່ສຸດ.

 ນອກຈາກສາເຫດທີ່ກ່າວມາຂ້າງຕົ້ນແລ້ວນັ້ນປັນຫາຜິວໜ້າລອກເປັນຂຸຍຍັງມີສາເຫດມາຈາກການທີ່ເຮົາມີເຄື່ອງສຳອາງ ຫຼື ຜະລິດຕະພັນບຳລຸງຜິວຢູ່ໃນພື້ນທີ່ອາກາດແຫ້ງໂດຍສະເພາະຊ່ວງໜ້າໜາວລວມໄປເຖີງການລ້າງໜ້າດຸຈົນເກີນໄປອີກນຳ

  ມື້ນີ້ເຮົາຈື່ງມີໄອເດຍດີໆແນະນໍາວິທີແກ້ອາການຜິວໜ້າລອກເປັນຂຸຍດ້ວຍວິທີງ່າຍເຊີ່ງເຮົາເອງສາມາດເຮັດໄດ້ແລະ ທີ່ສໍາຄັນຄືເນັ້ນຄວາມປະຢັດແຕ່ໄດ້ຜົນລັບທີ່ດີ

ເມື່ອຮູ້ວ່າຜິວແຫ້ງ ແລະ ໜ້າເລີ່ມລອກແລ້ວເຮົາຕ້ອງເຮັດແນວໃດແດ່?

I. ຂັ້ນຕອນທີ1: ກ່ອນທີ່ພາຍນອກຈະດູດີນັ້ນພາຍໃນຂອງເຮົາຕ້ອງດີດ້ວຍເຊັ່ນກັນສີ່ງແລກທີ່ຢາກແນະນຳ ແລະ ຢາກໃຫ້ຮີບເຮັດເລີຍຕັ້ງແຕ່ຕອນນີ້ກໍ່ຄືການດື່ມນ້ຳໃຫ້ຫຼາຍໆໂດຍສະເພາະຄົນທີ່ໃຊ້ຊີວິດຢູ່ໃນຫ້ອງແອ ຫຼື ຢູ່ໃນທີ່ອາກາດເຢັນ ແລະ ແຫ້ງຢ່າລືມດື່ມນ້ຳຢ່າງເດັດຂາດ.

II. ຂັ້ນຕອນທີ2: ຖ້າໜ້າແຫ້ງຈົນລອກເປັນຂຸຍຕ້ອງຢຸດພຶດຕິກຳພວກນີ້

  1. ລ້າງໜ້າດຸ ແລະ ຫ້າມລ້າງໜ້າດ້ວຍນ້ຳອຸ່ນ

  2. ສະຄຣັບ ແລະ ຂັດໜ້າ

  3. ໃຊ້ເຄື່ອງສຳອາງ ຫຼື ຄຣີມທີ່ມີສ່ວນປະສົມຂອງແອວກໍຮໍ

III. ຂັ້ນຕອນທີ3: ຖ້າໜ້າແຫ້ງຈົນລອກເປັນຂຸຍຕ້ອງຮີບເຮັດວິທີນີ້

  1. ດື່ມນ້ຳໃຫ້ຫຼາຍໆປະມານ 8ຈອກ/ມື້

  2. ເນັ້ນກິນອາຫານຈຳພວກທັນຍາພືດບໍ່ຂັດສີເນື່ອງຈາກອຸດົມໄປດ້ວຍວິຕາມິນເອA,  B ແລະ ໜັ່ນກິນຜັກ ແລະ ໝາກໄມ້ເປັນປະຈຳ

  3. ໃຊ້ຜະລິດຕະພັນລ້າງໜ້າສູດອ່ອນໂຍນ ແລະ ເໝາະສຳລັບຜິວໜ້າແຫ້ງ

  4. ໝັ່ນສີດພົ່ນສະເປນ້ຳແຮ່ລົງໃບໜ້າເພື່ອຄວາມຊຸ່ມຊື່ນໃຫ້ກັບໃບໜ້າແຖມຍັງຊ່ວຍຫຼຸດອາການໜ້າລອກໃຫ້ດີຂື້ນອີກນຳ

  5. ໃຊ້ຄຣີມກັນແດດທີ່ເໝາະສຳລັບສະພາບຜິວແຫ້ງເນື່ອງຈາກຄົນທີ່ຜິວແຫ້ງນັ້ນຈະໄວຕໍ່ແສງແດດຫຼາຍເພື່ອປ້ອງກັນບໍ່ໃຫ້ເສຍຄວາມຊຸ່ມຊື່ນໄປຫຼາຍກວ່ານີ້ດັ່ງນັ້ນເມື່ອທາຄຣີມບຳລຸງຜິວໜ້າທີ່ມີຄວາມອ່ອນໂຍນຕໍ່ສະພາບຜິວແຫ້ງຂອງເຮົາແລ້ວແນະນຳວ່າຕ້ອງຫ້າມລືມທາຄຣີມກັນແດດກ່ອນອອກຈາກບ້ານທຸກຄັ້ງ

IV. ຂັ້ນຕອນສຸດທ້າຍ ແກ້ຜິວໜ້າລອກເປັນຂຸຍດ້ວຍສູດສະໝຸນໄພປອດສານເຄມີ

  • ສູດທີ1: ນ້ຳເຜີ້ງ, ການພອກໜ້າດ້ວຍນ້ຳເຜີ້ງຈະຊ່ວຍບຳລຸງຜິວໜ້າໃຫ້ເບີ່ງອ່ອນກວ່າໄວ, ຊຸ່ມຊື່ນແລະ ນຸ້ມນວນແຖມນ້ຳເຜີ້ງຍັງຊ່ວຍບຳລຸງຮັກສາຜິວໜ້າທີ່ແຫ້ງແຕກລອກເປັນຂຸຍໄດ້ອີກນຳເຊີ່ງວີທີເຮດກໍ່ງ່າຍຫຼາຍພຽງແຕ່ນຳໄຂ່ແດງ 1ໜ່ວຍ ໄປປະສົມກັບນ້ຳເຜີ້ງ 1ບ່ວງ ຄົນໃຫ້ເຂົ້າກັນແລ້ວນຳພາພ໋ອກໜ້າປະໄວ້ 10ນາທີ ແລ້ວລ້າງອອກດ້ວຍນ້ຳເຢັນ

  • ສູດທີ2: ໃບເຕີຍ+ຜັກໜອກ+ນ້ຳເຜີ້ງ ພຽງແຕ່ນຳເອົາໃບເຕີຍໄປຄັ້ນກັບນ້ຳໃຫ້ໄດ້2ບ່ວງແກງຈາກນັ້ນກໍ່ນຳເອົາຜັກໜອກໄປຄັ້ນເຊັ່ນກັນໃຫ້ໄດ 1ບ່ວງແກງ ແລ້ວນຳສ່ວນປະສົມທັງ 2 ໄປປະສົມກັບນ້ຳເຜີ້ງປະມານ 2ບ່ວງແກງ ເມື່ອໄດ້ແລ້ວກໍ່ນຳທາໃຫ້ທົ່ວບໍລິເວນໃບໜ້າແລ້ວປະໄວ້ປະມານ 15ນາທີ ແລ້ວລ້າງອອກດ້ວຍນໍ້າເຢັນ

  • ສູດທີ3: ໝາກເລັ່ນ+ໝາກແຕງ+ນົມສົດ ນຳສ່ວນປະສົມທັງໝົດມາປັ່ນໃຫ້ເຂົ້າກັນຈາກນັ້ນນຳມາພອກໜ້າປະໄວ້ 20ນາທີ ແລ້ວລ້າງອອກດ້ວຍນ້ຳເຢັນຈະຊ່ວຍໃຫ້ຜິວກັບມານຸ້ມຊຸ່ມຊື່ນຫຼາຍຂື້ນ.

  • ສູດທີ4: ຫວ້ານຫາງແຂ້,ພຽງແຕ່ນຳເອົາຫວ້ານຫາງແຂ້ມາປອກເປືອກຈົນໄດ້ວຸ້ນຫຼືນຳເໝືອກໃສໆຈາກນັ້ນນຳມາລ້າງນ້ຳໃຫ້ສະອາດແລ້ວຄ່ອຍນຳມາພ໋ອກໃຫ້ທົ່ວໃບໜ້າປະໄວ້ປະມານ30ນາທີວຸ້ນຈາກຫວ້ານຫາງແຂ້ຈະຊ່ວຍເພີ່ມຄວາມຊຸ່ມຊື່ນໃຫ້ກັບຜິວຊ່ວຍລົດອາການຜິວລອກຜິວແຫ້ງໄດ້

  • ສູດທີ5: ນົມສົດ,ສູດນີ້ເໝາະສຳລັບຄົນທີ່ບໍ່ມັກຄວາມຫຍຸ້ງຍາກໃນການກຽມສ່ວນປະສົມໃດໆພຽງແຕ່ເຮົານຳເອົານົມສົດມາທາບໍລິເວນທີ່ແຫ້ງລອກເປັນປະຈຳທຸກມື້ຈາກນັ້ນຜິວກໍ່ຈະຄ່ອຍໆລອກແລະກັບມາຊຸ່ມຊື່ນແລະລຽບນຽນອີກຄັ້ງ