5 ຜະລິດຕະພັນຈາກຫົວເຫວີຍ ໄດ້ຮັບລາງວັນຈາກ IF Design Award 2017, ຜົນຈາກການຮ່ວມມືກັບຜູ້ນໍາການອອກແບບລະດັບໂລກ.

       ກຸ່ມທຸລະກິດຜູ້ຊົມໃຊ້ຫົວເຫວີຍ ໄດ້ຖືກປະກາດຊື່ໃຫ້ໄດ້ຮັບລາງວັນອັນມີກຽດຈາກ ” IF Design Award 2017 “, ສະພາອຸດສາຫະກໍາການອອກແບບ IF ທີ່ໄດ້ຈັດຂຶ້ນໃນ ຮັນໂນເວີ ປະເທດເຢຍລະມັນ. ໃນປີນີ້ ອຸປະກອນຫົວເຫວີຍດັ່ງຕໍ່ໄປນີ້ ໄດ້ຮັບການຍອມຮັບ ສໍາລັບການອອກແບບທີ່ໂດດເດັ່ນ ຄື: Huawei Mate 9 Pro, Huawei Mate 9 Pro Smart Cover, Huawei Nova Plus, Huawei MediaPad M3 ແລະ Huawei FIT.

        IF Design Award ກໍ່ຕັ້ງຂຶ້ນໃນປີ 1953 ຊຶ່ງປະກາດຜົນເປັນປະຈໍາທຸກປີໂດຍ ສະພາອຸດສາຫະກໍາການອອກແບບ IF (The iF Industry Forum Design), ທີ່ເກົ່າແກ່ທີ່ສຸດໃນເຢຍລະມັນ ຊຶ່ງເປັນທີ່ຮູ້ຈັກກັນທົ່ວໂລກໃນຄວາມກາງ, ລະອຽດຖືກຕ້ອງ ແລະ ເຊື່ອຖືໄດ້. ຫົວເຫວີຍໄດ້ຮັບລາງວັນນີ້ຢູ່ເປັນປະຈໍາ ຍ້ອນອຸປະກອນຂອງຫົວເຫວີຍ ຖືກສ້າງຂຶ້ນໂດຍອຸດສາຫະກໍາການອອກແບບ ແລະ ເຕັກໂນໂລຊີຊັ້ນນໍາຂອງໂລກ. ນີ້ເປັນການລວມກັນໄດ້ຢ່າງສົມບູນແບບ ລະຫວ່າງ ຄຸນສົມບັດພິເສດ ກັບຮູບແບບປະຍຸກຢ່າງແທ້ຈິງ ຊຶ່ງເປັນຫຼາຍກວ່າການໄດ້ຮັບລາງວັນ ຄືເປັນທີ່ຍອມຮັບຈາກຜູ້ຊົມໃຊ້ທົ່ວໂລກ.

#ຜະລິດຕະພັນທີ່ໄດ້ຮັບລາງວັນ:
       #Huawei Mate 9 Pro : ຕົວເຄື່ອງມີຄວາມສົມດູນໃນການອອກແບບເປັນຢ່າງດີ ແລະ ໜ້າຈໍສະແດງຜົນ 2k ແບບໂຄ້ງ. ຄວາມໂຄ້ງທາງດ້ານໜ້າຂອງເຄື່ອງນີ້ ແມ່ນໂຄ້ງເຂົ້າກັນກັບດ້ານຫຼັງໄດ້ຢ່າງພໍດີ ຊຶ່ງຊ່ວຍໃຫ້ຜູ້ຊົມໃຊ້ຈັບໄດ້ຢ່າງເໝາະມືທີ່ສຸດ.

       # Huawei Mate 9 Pro Smart Cover : ຫົວເຫວີຍຍັງມຸ່ງໝັ້ນທີ່ຈະສ້າງອຸປະກອນເສີມທີ່ໃຊ້ງານໄດ້ແທ້ ແລະ ດູດີ. ໜ້າກາກອັດສະລິຍະນີ້ ຜະລິດດ້ວຍຄຸນນະພາບສູງ ເພື່ອຄວາມທົນທານ ແລະ ວັດສະດຸທີ່ເປັນມິດກັບສິ່ງແວດລ້ອມ ເພື່ອການປ້ອງກັນການກະທົບທີ່ດີຂຶ້ນ. ນອກຈາກນີ້ ການອອກແບບໜ້າຕ່າງໃສຢ່າງສ້າງສັນ ຍັງຊ່ວຍໃຫ້ສະດວກຕໍ່ການໃຊ້ງານຕື່ມອີກ.

         #Huawei Nova Plus : ຜະລິດຕະພັນຫຼ້າສຸດເພື່ອເອົາໃຈໄວລຸ້ນໂດຍສະເພາະ ທີ່ສະແດງໃຫ້ເຫັນເຖິງນິຍາມໃໝ່ຂອງການອອກແບບ. ນີ້ເແມ່ນຫົວເຫວີຍເຄື່ອງທໍາອິດທີ່ມີຄວາມໂຄ້ງ G3 ທີ່ມູມດ້ານໜ້າ, ໃຫ້ຄວາມຮູ້ສຶກທີ່ປານີດ ແລະ ລະອຽດອ່ອນ. ຜະລິດຈາກໂລຫະປະສົມ ອາລູມີນຽມ-ແມັກນີຊຽມ ເກຣດ 6, ສ່ວນດ້ານຫຼັງ ແມ່ນໂຄ້ງ ແລະ ເປັນໂລຫະຂັດເງົາ, ຂັດໂດຍຂະບວນການພົ່ນຊາຍຂັ້ນສູງ ແລະ ຕົບແຕ່ງຢ່າງລະອຽດປານີດ. ຕົວເຄື່ອງໂລຫະ ເຮັດໃຫ້ສະມາດໂຟນມີແສງມັນວາວ ເບິ່ງມີພະລັງ ແລະ ສ່ອງສະຫວ່າງ.

       #Huawei MediaPad M3 : ຮ່ວມອອກແບບ ແລະ ຜະລິດໂດຍຜູ້ຊ່ຽວຊານດ້ານສຽງ ບໍລິສັດ Harman Kardon, ມາພ້ອມໜ້າຈໍສະແດງຜົນຄວາມລະອຽດ 2k ແລະ ລໍາໂພງຄູ່ ທີ່ໃຫ້ຄຸນນະພາບສຽງທີ່ເໜືອກວ່າ, ປະສົມປະສານເພື່ອໃຫ້ໄດ້ປະສົບການ ທັງສຽງແລະພາບທີ່ໜ້າເຫຼືອເຊື່ອ.

         #Huawei FIT : ໂມງສໍາລັບໃສ່ອອກກໍາລັງກາຍ, ທີ່ມາພ້ອມການອອກແບບຕົວເຄື່ອງໂຄ້ງມົນ ເປັນທັງຜະລິດຕະພັນທີ່ທັນສະໄໝ ແລະ ຫຼູຫຼາ. ພາຍນອກຜະລິດຈາກອາລູມີນຽມ ແລະເປັນສີເງິນ ຫຼື ສີເທົາ. ນອກນີ້ຍັງມາພ້ອມສາຍຮັດຫຼາຍສີສັນ, ກ້າວນໍາ fashion ໄດ້ອີກ.