5 ປະໂຫຍດຂອງການແລ່ນ

ແລ່ນອອກກໍາລັງກາຍ 5 ນາທີເຮັດ​ແບບນີ້ໄດ້ທຸກມື້ຮ່າງກາຍຈະແຂງແຮງສຸຂະພາບກໍຈະ​ແຈ່ມ​ໃສຫຼາຍລະທີ່ເດັດສຸດຄືຊ່ວຍຍືດອາຍຸຂັດໄດ້ເຖິງ 3 ປີ!

Duck-Chul DC Lee ຫົວຫນ້າທີມວິໄຈ ແລະ ຜູ້ຊ່ວຍສາສະດາຈານຄະນະວິທະຍາສາດການເຄື່ອນໄຫວມະຫາວິທະຍາໄລໄອໂອວາ ໄດ້ເກັບສະຖິຕິຂອງຜູ້ໃຫຍ່ອາຍຸຕັ້ງແຕ່ 18-100 ປີຈໍານວນ 55,137 ຄົນໂດຍໃຊ້ເວລາວິໄຈດົນກວ່າ 15 ປີເພື່ອປຽບທຽບສຸຂະພາບໂດຍລວມຂອງຄົນທີ່ແລ່ນ ແລະ ບໍ່ຄ່ອຍໄດ້ແລ່ນອອກກໍາລັງກາຍຊຶ່ງຜົນວິໄຈກໍພົບວ່າຄົນມັກແລ່ນອອກກໍາລັງກາຍເປັນປະຈໍາຈະມີອັດຕາການ​ປ່ວຍດ້ວຍພະຍາ​ວເຮື້ອຮັງອັນຕະລາຍ(ໂດຍເສພາະພະຍາດຫຼອດເລືອດຫົວໃຈ) ໜ້ອຍລົງ 30% ແລະ ມີແນວໂນ້ມອາຍຸຍືນຍາວຂຶ້ນເຖິງ 3 ປີເມື່ອທຽບກັບຄົນທີ່ບໍ່ຄ່ອຍໄດ້ອອກກໍາລັງກາຍປານ​ໃດ.

ນອກຈາກນີ້ນັກວິໄຈກໍໄດ້ຍົກປະເດັນສໍາຄັນມາວ່າປະໂຫຍດຂອງການແລ່ນເປັນປະຈໍາທຸກວັນບໍ່ໄດ້ຂຶ້ນຢູ່ກັບຄວາມໄວໃນການແລ່ນໄລຍະທາງໃນການແລ່ນ ຫຼື ໄລຍະເວລາທີ່ແລ່ນເລີຍ ແມ້ແຕ່ນ້ອຍແຕ່ພຽງແລ່ນໃຫ້ໄດ້ມື້ລະ 5-10 ນາທີກໍຈະຊ່ວຍລົດຄວາມສ່ຽງພະຍາດຫຼອດເລືອດຫົວໃຈໄດ້ຫຼາຍເຖິງ 58% ແລ້ວ!

ເນື່ອງຈາກການແລ່ນເປັນການອອກກໍາລັງກາຍແບບຄາດິໂອຢ່າງໜຶ່ງ​ເຊິ່ງຈະຊ່ວຍກະຕຸ້ນລະບົບສູບສີດເລືອດຂອງຮ່າງກາຍໃຫ້ຄ່ອງຕົວໂດຍບາງຄົນແຄ່ຫາຍໃຈຫອບລະຫວ່າງແລ່ນກໍຄືໄດ້ຫາຍໃຈເຕັມປອດ​ແທ້ໆຫຼາຍກວ່າທີ່ຫາຍໃຈມາທັງຊີວິດເລີຍດ້ວຍຊໍ້າ ນອກຈາກນີ້ການແລ່ນດ້ວຍໄລຍະເວລາສັ້ນໆ ຈະໃຫ້ປະໂຫຍດຕໍ່ໄປນີ້ກັບທ່ານ​ອີກດ້ວຍ.

ປະໂຫຍດຂອງການແລ່ນມື້ລະ 5 ນາທີ

1.ປ້ອງກັນພະຍາດຫຼອດເລືອດຫົວໃຈ.

ການແລ່ນຈະຊ່ວຍກະຕຸ້ນການເຮັດວຽກຂອງລະບົບສູບສີດເລືອດຊ່ວຍກະຕຸ້ນການເຕັ້ນຂອງຫົວໃຈລວມທັງຊ່ວຍຂະຫຍາຍປອດເພີ່ມອອກຊິເຈນໃນເລືອດສົ່ງຜົນໃຫ້ຫາຍໃຈໂລ່ງສະບາຍຫຼາຍຂຶ້ນ​ເຊິ່ງກໍຈະເຮັດໃຫ້ລະບົບຫຼອດເລືອດຫົວໃຈເຮັດວຽກຢ່າງຄ່ອງຕົວລົດການຕິດຂັດຂອງຫຼອດເລືອດອັນເປັນປັດໄຈຕົ້ນໆຂອງການເກີດພະຍາດຫຼອດເລືອດຫົວໃຈ.

2.ຊ່ວຍລົດຄວາມດັນໂລຫິດ

ຢ່າງທີ່ບອກວ່າການແລ່ນເປັນຄາດິໂອເນັ້ນກະຕຸ້ນການເຮັດວຽກຂອງຫົວໃຈ ແລະ ຫຼອດເລືອດ​ເຊິ່ງຜົນການສຶກສາຈາກສະມາຄົມໂລກຫົວໃຈແຫ່ງສະຫະລັດອາເມລິກາກໍພົບວ່າປະໂຫຍດຂອງການແລ່ນວັນລະ 5 ນາທີເປັນປະຈໍາສາມາດຊ່ວຍລົດຄວາມສ່ຽງໂລກຄວາມດັນ ໂລຫິດສູງໂລກຄໍເລດເຕີລອນໃນເລືອດສູງແລະໂລກເບົາຫວານໄດ້ດ້ວຍ

3.ຊ່ວຍກະຕຸ້ນການເຮັດວຽກຂອງສະໝອງລົດສ່ຽງເອົາໄຊເມີ

ການອອກກໍາລັງກາຍດ້ວຍການແລ່ນຈະຊ່ວຍກະຕຸ້ນການເຕັ້ນຂອງຫົວໃຈການສູບສີດເລືອດແລະ ຈະເປີດໂອກາດໃຫ້ເຮົາມີອົກ​ຊີ​ແຊນໄປລ້ຽງສະໝອງຫຼາຍຂຶ້ນດ້ວຍ ດັ່ງທີ່ຜົນການສຶກສາໃນນິຕະຍະສານ Frontiers in Aging Neuroscience ເຜີຍວ່າການອອກກໍາລັງກາຍໃຫ້ໃຈເຕັ້ນໄວເຊັ່ນ ການແລ່ນອອກກໍາລັງກາຍຈະຊ່ວຍໃຫ້ເລືອດ ແລະ ອົກ​ຊີ​ແຊນໄຫຼວຽນໃນສະໝອງໄດ້ຢ່າງເຕັມທີ່ຫຼາຍຂຶ້ນ ສົ່ງຜົນດີຕໍ່ສະໝອງສ່ວນຮິບໂປແຄມປາສ ​ເຊິ່ງເປັນສະໝອງທີ່ເຮັດຫນ້າທີ່ຮຽນຮຽນຮູ້ ແລະ ຈົດຈໍາ ເຮັດໃຫ້ການສ່ຽງຕໍ່ໂລກອັລໄຊເມີລົດລົງ.

4.ຊ່ວຍໃຫ້ອາລົມດີ

ການແລ່ນຈະຊ່ວຍກະຕຸ້ນໃຫ້ຮ່າງກາຍຫຼັ່ງສານແຫ່ງຄວາມສຸກອອກມາເຮັດໃຫ້ນັກແລ່ນຮູ້ສຶກສົດຊື່ນຜ່ອນຄາຍຫາຍຈາກຄວາມຕຶງຄຽດຈົນໃນທີ່ສຸດກໍອາລົມດີຂຶ້ນໄດ້ນັ້ນເອງ.

5.ນອນຫຼັບໄດ້ດີຂຶ້ນ.

ເຫດຜົນທີ່ເຮັດໃຫ້ເຮົານອນບໍ່ຫຼັບອາດເປັນເພາະຮ່າງກາຍຍັງບໍ່ເຂົ້າທີ່ເຂົ້າທາງກໍເປັນໄດ້ ດັ່ງນັ້ນຄວນຈະຍິ່ງໃຊ້ການແລ່ນຊ່ວຍໃຫ້ລະບົບຕ່າງໆຂອງຮ່າງກາຍເຮັດວຽກຢ່າງເປັນລະບົບຫຼາຍຂຶ້ນແລະ ເມື່ອຮໍໂມນໃນຮ່າງກາຍຖືກຈັດລະບຽບດ້ວຍການແລ່ນອອກກໍາລັງກາຍແລ້ວເຮົາກໍຈະນອນຫຼັບໄດ້ສະໜິດຫຼາຍກວ່າທີ່ເຄີຍ.

ໃຜທີ່ບໍ່ມັກກັບການແລ່ນເພາະບໍ່ເຄີຍແລ່ນໄດ້ດົນເລີຍຈັກ​ເທື່ອຕໍ່ໄປນີ້ກໍບໍ່ຕ້ອງສົນໃຈເລື່ອງເວລາແລ່ນອີກແລ້ວ!!! ຂໍແຕ່ແລ່ນໃຫ້ໄດ້ທຸກ​ມື້ ຢ່າງໜ້ອຍ 5 ນາທີກໍຊ່ວຍໃຫ້ມີສຸຂະພາບດີຂຶ້ນໄດ້​ແລ້ວ. ​ໂອ້!! ສໍາລັບຄົນທີ່ບໍ່ເຄີຍຄິດຈະແລ່ນອອກກໍາລັງກາຍກໍເລີ່ມຕົ້ນຕັ້ງແຕ່ມື້ນີ້ເລີຍເປັນຈັ່ງໃດ!!!