5 ທ່າເດັດ ສ້າງ SIXPACK ໃນຝັນ

ເພີ່ມ​ຄວາມ​ແໜ້ນ​ໃຫ້​ກ້າມ​ທ້ອງ​ດ້ວຍ​

“Plank”ນອນ​ຄວ່ຳ​ເທິງ​ຟື້ນ​ຮາບ​ ຕັ້ງຂໍ້​ສອກ​ຂະໜານ​ກັບ​ຟື້ນ​ກຳ​ຫລື​ແບ​ມື​ຄວ່ຳ​ລົງ​ກໍ​ໄດ້​ ໂດຍ​ທີ່​ຕົ້ນ​ແຂນ​ຕ້ອງ​ຕັ້ງ​ສາກ​ກັບ​ລຳ​ຕົວ​ ສ່ວນ​ຂາ​ຫຼັງ​ຊິດ​ກັນ​ຢຽດ​ກົງ​ແລະ​ຢົກ​ຕົວ​ຂຶ້ນ​ມາ​ໃຫ້​​ໜ້າ​ທ້ອງ​ໄວ້​ປະ​ມານ​ 30 - 60 ວິ​ນາ​ທີ​

ບໍລິຫານ​ກ້າມ​ທ້ອງ​ດ້ານ​ຂ້າງ​ໃຫ້​ແຂງ​ແຮງ​ກັບ​ “Side Plank”

ນອນ​ແຄງ​ ຕັ້ງ​ແຂນສອກ​ຂະໜານ​ກັບ​ລຳ​ຕົວ,​ ຢືດ​ຂາ​ອອກ​, ວາງ​ຂະໜານ​ກັນ,​ ແຂນ​ແນບ​ຂ້າງ​ລຳ​ຕົວ​ບໍລິຫານ​ທ່າ​ເທື່ອ​ລະ​ 10 - 12 ເທື່ອ​ຕໍ່​ເຊັດ​ ເຮັດ​ສ​ະລັບ​ກັນ​ລະຫວ່າງ​ດ້ານ​ຊ້າຍ​ແລະ​ຂວາ​ ປະ​ມານ​ 3 - 5 ເຊັດ​

“Bicycle Crunches” ສ້າງ​ກ້າມ​ເນື້ອ​ທ້ອງ​ດ້ານ​ໜ້າ​

ນອນ​ຫງາຍ​ເທິງ​ຟື້ນ​ຮາບ​ ຂາ​ສອງ​ຂ້າງ​ຢຽດ​ກົງ​ ຈາກ​ນັ້ນ​ໃຊ້​ມື​ຍົກ​ຫົວ​ເໜືອ​ຈາກ​ຟື້ນ​ ຈາກ​ນັ້ນ​ກໍ່ການ​ບໍລິຫານ​ດ້ວຍ​ການ​ສະ​ລັບ​ຂາງໍ​ເຂົ້າ​ແລະ​ຢຽດ​ກົງ​ເໝືອນ​ກຳ​ລັງ​ຖີບລົດ​ເທິງ​ອາ​ກາດ​ ຊຶ່ງ​ຂະນະ​ທີ່ງໍ​ເຂົ່າ​ເຂົ້າ​ຫາ​ລຳ​ຕົວ​ໃຫ້​ບິດ​ຕົວ​ໃຫ້​ແຂນສອກ​ດ້ານ​ກົງກັນຂ້າມ​​ກັນ​ຫລາຍ​ທີ່ສຸດ​ ໂດຍ​ໃຫ້​ເຮັດ​ຕິດ​ຕໍ່​ກັນ​ 10 - 12 ເທື່ອ​ຕໍ່​ເຊັດ​ ເຮັດ​ສ​ະລັບ​ກັນ​ລະຫວ່າງ​ດ້ານ​ຊ້າຍ​ແລະ​ຂວາ​ ປະ​ມານ​ 3 - 5 ເຊັດ​

“Reverse Crunches” ທ່າ​ບໍລິຫານ​ກ້າມ​ທ້ອງ​ເນື້ອ​ທັງ​ແຜງ​

ນອນ​ຫງາຍ​ ຂາຍົ​ກ​ສູງ​ຈາກ​ພື້ນ​ ການ​ບໍລິຫານ​ທ່າ​ນີ້​ຈະ​ເລີ່ມ​ຈາກ​ ຍົກ​ຂາ​ເຂົ້າ​ຫາ​ລຳ​ຕົວ​ໃຫ້​ຫລາຍ​ທີ່ສຸດ​ພ້ອມ​ກັບ​ເກັງ​ໜ້າ​ທ້ອງ​ຕະ ຫລອດ​ເວລາ​ພ້ອມ​ກັບ​ຍົກ​ໄຫຼ່​ໃຫ້​ເໜືອ​ຈາກ​ຟື້ນ​ ໂດຍ​ໃຫ້​ເຮັດ​ຕິດ​ຕໍ່​ກັນ​ 10 - 12 ເທື່ອ​ຕໍ່​ເຊັດ​ ປະ​ມານ​ 3 - 5 ເຊັດ​

ຢ່າ​ລືມ​ບໍລິຫານ​ໜ້າ​ທ້ອງ​ຊ່ວງ​ລຸມ​ ດ້ວຍ​ Lowe Abs

ນອນ​ຮາບ​ ຍົກ​ຂາຂວາ​ຂຶ້ນ​ພ້ອມ​ກັບ​ເກັງ​ໜ້າ​ທ້ອງ​ ຈາກ​ນັ້ນ​ໃຫ້​ຍົກ​ຂາ​ຊ້າຍ​ຕາມ​ ໃຫ້​ຂາ​ທັງ​ສອງ​ຂ້າງ​ຊິດ​ກັນ​ແລະ​ຍົກ​ຄ້າງ​ໄວ້​ປະ​ມານ​ 10 ວິ​ນາ​ທີ​ ໂດຍ​ທີ່​ຂະນະ​ຍົກ​ຂາ​ແລະ​ເກັງ​ໜ້າ​ທ້ອງ​ໃຫ້​ຫາຍ​ໃຈ​ອອກ​ ຈາກ​ນັ້ນ​ຄ່ອຍ​ໆ​ ວາງ​ຂາຂວາ​ຕາມ​ດ້ວຍ​ຂາ​ຊ້າຍ​ພ້ອມ​ກັບ​ຫາຍ​ໃຈ​ເຂົ້າ​ ເຮັດ​ເຊັ່ນ​ນີ້ສະລັບ​ກັ​ນ​ເທື່ອ​ລະ​ 3 - 5 ເຊັດ​

ທ່າ​ 5 ນີ້​ ຈະ​ຕ້ອງ​ຄ່ອຍ​ໆ​ເຮັດ​ຢ່າງ​ຊ້າ​ໆ​ ເພື່ອ​ໃຫ້​ໂຟ​ກັດ​ໜ້າ​ທ້ອງ​ໄດ້​ກົງ​ຈຸດ​ ນອກ​ຈາກ​ນີ້​ຈະ​ຕ້ອງ​ຫຼຸດ​ປະລິມານ​ແຄລໍ​ຮີ​ແລະ​ຄວນ​ກິນ​ອາຫານ​ປະ​ເພດ​ໂປຼຣ​ຕິນ​ ເພື່ອ​ຊ້ອມ​ແຊມ​ສ່ວນ​ທີ່​ເສຍໄປ​ແລະ​ສ້າງ​ກ້າມ​ເນື້ອ​ໃຫ້​ເພີ່ມ​ຂຶ້ນ.