5 ກິດຈະກຳ​ສຸດມ່ວນ​ສົ່ງ​ທ້າຍ​ປີ​ເພື່ອ​ລູກ​ຮັກ​

ເທດ​ສະການ​ສົ່ງ​ທ້າຍ​ປີ​ໃກ້​ເຂົ້າ​ມາ​ແລ້ວທັງ​ເທດສະ​ການ​ຄຮິດ​​ມາສ​ແລະ​ປີ​ໃໝ່​ ໃນ​ຊ່ວງ​ເວລາ​ນີ້ກຄົງ​ບໍ່​ມີ​ໃຜ​ຕື່ນ​ເຕັ້ນ​ຫລາຍ​ໄປ​ກວ່າ​ເດັກ​ໆ​ອີກ​ແລ້ວ​ ເພາະ​ນອກ​ຈາກ​ຈະ​ໄດ້​ເຫັນ​ແສງ​ສີ​ສວຍ​ງາມ​ ແລ້ວ​ຍັງ​ໄດ້​ຂອງ​ຂວັນຈາກ​ພໍ່​ເຈົ້າ​ແມ່​ອີກ​ ທີ່​ສຳຄັນ​ຍັງມີ​ກິດຈະກຳ​ມ່ວນໆ​ໃຫ້​ຫລິ້ນ​ຫລວງ​ຫລາຍ​ ອີກ​ທັງ​ເປັນ​ຊ່ວງ​ມື້​ຢຸດ​ໃຫ້​ພໍ່​ເຈົ້າ​ແມ່​ໄດ້​ໃຊ້​ເວລາ​ແລະ​ສ້າງ​ຄວາມ​ຊົງ​ຈຳ​ຮ່ວມ​ກັບ​ລູກ​ດ້ວຍ​ ດັ່ງ​ນັ້ນ​ບໍ່​ຄວນ​ປ່ອຍ​ໃຫ້​ເວລາ​ແຫ່ງ​ຄວາມ​ສຸກ​ເຫຼົ່າ​ນີ້​ຜ່ານ​ໄປ​ລ້າໆ ມາ​ຫາ​ກິດຈະກຳ​ມ່ວນໆ​ເຮັດ​ກັນ​ດີກວ່າ​.

1. ເບີ່ງແສງ​ສີ​ສຽງ​ໃນ​ຕົວ​ເມືອງ​ ສະຖານ​ທີ່​ຕ່າງ​ໆ​ມັກ​ນຳ​ສາກ​ສວຍ​ງາມ​ມາ​ວາງ​ ພ້ອມ​ທັງ​ປະ​ດັບ​ປະ​ດາ​ດ້ວຍ​ແສງ​ແລະ​ສີ​ສັນ​ທີ່​ສວຍ​ງາມ​ ບໍ່​ວ່າ​ຈະ​ເປັນ​​ຖະໜົນ​ຫົນທາງຫລື​ຫ້າງ​ສັບ​ພະສິນ​ຄ້າ​ ດັ່ງ​ນັ້ນ​ຫາກ​ຍັງ​ບໍ່​ມີ​ກິດຈະກຳ​ຫຍັງ​ພິເສດ​ ​ພໍ່​ເຈົ້າ​ແມ່​ອາດ​ພາ​ເດັກ​ໆ​ໄປ​ຖ່າຍ​ຮູບ​ເກັບ​ເອົາ​ໄວ້​ເປັນ​ທີ່​ລະ​ນຶກ​ ນອກ​ຈາກ​ນີ້​ອາດ​ສົ່ງ​ທ້າຍ​ຄ່ຳ​ຄືນ​ດ້ວຍ​ມື້​ອາຫານ​ແຊບ​ໆ​ ເພື່ອ​ເຮັດໃຫ້​ເປັນ​ມື້ທີ​ພິເສດ​ຍິ່ງຂຶ້ນ.​

2. ຕົກ​ແຕ່ງ​ຕົ້ນຄຮິດມາສ​ ຊວນ​ເດັກ​ໆ​ໄປ​ຊື້​ຂອງ​ເພື່ອ​ນຳ​ ມາຕົກ​ແຕ່ງ​ບ້ານ​​ເຊັ່ນ​ ສາຍ​ຮຸ້ງ​ ຕົ້ນຄຮິດມາສ​ຫລື​ໝາກບານສີຫລື​ຊວນ​ເດັກ​ໆ​ມາ​ຊ່ວຍ​ກັນ​ເຮັດ​ຂອງ​ຕົກ​ແຕ່ງ​ບ້ານ​ກໍ​ໄດ້​ ຫຼັງ​ຈາກ​ທີ່​ກຽມ​ຂອງ​ສຳເລັດ​ແລ້ວ​ ປ່ອຍ​ໃຫ້​ເດັກ​ໆ​ເປັນ​ຄົນ​ວາງ​ແຜນ​ແລະ​ຕົກ​ແຕ່ງ​ເອງ​ຕາມ​ໃຈມັກ​ ສ່ວນ​​ພໍ່​ເຈົ້າ​ແມ່​ຄອຍ​ຖ້າ​ເປັນ​ຜູ້​ຊ່ວຍ​ໃຫ້​ກັບ​ພວກ​ເຂົາກໍ​ພໍ​ ນອກ​ຈາກ​ຈະ​ເຮັດໃຫ້​ເດັກ​ໆ​ໄດ້​ສະໜຸກ​ສະໜານ​ກັບ​ກິດຈະກຳ​ແລ້ວ​ ຍັງ​ຊ່ວຍ​ເສີມ​ທັກ​ສະ​ສິລະ​ປະ​ໃຫ້​ເຂົາ​ອີກ​ດ້ວຍ.​

3. ຈັບ​ສະ​ລາກ​ຂອງ​ຂວັນ​ ການ​ຈັບ​ສະ​ລາກ​ຂອງ​ຂວັນຖື​ເປັນ​ກິດຈະກຳ​ທີ່​ເຮັດໃຫ້​ເດັກ​ໆ​ມີ​ຄວາມ​ສຸກ​ທີ່ສຸດ​ ທັງ​ນີ້​​ພໍ່​ເຈົ້າ​ແມ່​ອາດ​ຊວນ​ເພື່ອນ​ໆ​ຂອງ​ລູກ​ ທັງຫມົດ​ທັງ​​ພໍ່​ເຈົ້າ​ແມ່​ຂອງ​ພວກ​ເຂົາມາ​ຮ່ວມ​ກັນ​ຈັບ​ສະ​ລາກ​ຂອງ​ຂວັນ​ດ້ວຍ​ກໍ່​ໄດ້​.

4. ເຮັດ​ຂະໜົມ​ແສນ​ແຊບ​ ຖື​ເປັນ​ໂອ​ກາດ​ດີ​ທີ່​ຈະ​ຊວນ​ເດັກ​ໆ​ມາ​ເຮັດ​ອາຫານ​ຫລື​ເຮັດ​ຂະໜົມ​ນຳກັນ​ ທັງ​ນີ້​​ພໍ່​ເຈົ້າ​ແມ່​ຄວນ​ຈັດ​ກຽມ​ອຸປະກອນ​ສຳລັບ​ເດັກ​ເອົາ​ໄວ້​ດ້ວຍ​ ເພື່ອ​ໃຫ້​ພວກເຂົາ​ໃຊ້​ອຸປະກອນ​ໄດ້​ຖະຫນັດ​ມື​ແລະ​ມ່ວນກັບ​ການເຮັດ​ອາຫານ​ຫລາຍ​​ຂຶ້ນ​ ໃນ​ລະຫວ່າງ​ທີ່​ກຳ​ລັງ​ເຮັດ​ອາ ຫານ​ຫລື​ຂະໜົມ​ຄວນ​ໃຫ້​ກຳ​ລັງ​ໃຈ​ເຂົາ​ໄປ​ດ້ວຍ​ ຊ່ວຍ​ໃຫ້​ເຂົາ​ເກີດ​ຄວາມ​ຮູ້ສຶກ​ທີ່​ດີ​ຕໍ່​ການເຮັດ​ອາຫານ​ຫລາຍ​ຂຶ້ນ​.

5. ຈັດ​ທິບ​ສັ້ນ​ໆ​ ຫາກ​​ພໍ່​ເຈົ້າ​ແມ່ບໍ່​ມີ​ເວລາ​ ລອງ​ຈັດ​ທິບ​ເພື່ອ​ເປີດ​ໂອ​ກາດ​ໃຫ້​ເດັກ​ໆ​ໄດ້​ອອກ​ໄປ​ເປີດ​ຫູ​ເປີດ​ຕາ​ແລະ​ພົບ​ກັບ​ປະສົບການ​ຊີວິດ​ແບບ​ໃໝ່​ ທັງ​ນີ້​ຄວນ​ເຊັກ​ຄວາມ​ປອດໄ​ພ​ຂອງ​ສະຖານ​ທີ່​ໃຫ້​ກັບ​ລູກ​ໆ​ດ້ວຍ.​

======================================================================================================