4 ອາຫານ​ບຳລຸງ​ສະໝອງ​ ເໝາະ​ກັບ​ຄົນ​ຂີ້​ຫຼົງ​ ຂີ້​ລືມ​ ເລື້ອຍໆ​

4 ອາຫານ​ບຳລຸງ​ສະໝອງ​ ເໝາະ​ກັບ​ຄົນ​ຂີ້​ຫຼົງ​ ຂີ້​ລືມ​ ເລື້ອຍໆ​

ມື້​ນີ້​ເຮົາ​ຈະ​ມາ​ແນະ​ນຳ​ອາຫານ​ 4 ຢ່າງ​ ທີ່​ເມື່ອກິນ​ແລ້ວ​ຈະ​ຊ່ວຍ​ເລື່ອງ​ຄວາມ​ຈຳ​ໄດ້​ ແລະ ກິນເຂົ້າໄປ​ກໍ​ບໍ່​ເກີດ​ການ​ສະ​ສົມ​ສານ​ເຄ​ມີ​ໃນ​ຮ່າງກາຍ​ດ້ວຍ​ ປະກອບ​ໄປ​ດ້ວຍ​ອາຫານ​ 4 ຢ່າງ​ ດັ່ງ​ຕໍ່ໄປ​ນີ້​…

1. ພືດ​ຕະກູນ​ຖົ່ວ​ ເຊັ່ນ​ ຖົ່ວ​ລິດສົງ​ ອັນ​ມອນ​​ ຊຶ່ງ​ໃນ​ຖົ່ວ​ຈະ​ອຸດົມ​ໄປ​ດ້ວຍ​ໂປຼ​ຕິນ​ຫຼວງ​ຫຼາຍ​ ແລະ ​ຍັງມີ​ວິ​ຕາ​ມິນ​ອີ​ ທີ່ມີ​ສ່ວນ​ຊ່ວຍ​ເສີມ​ສ້າງ​ຄວາມ​ຈຳ​ໃຫ້​ດີ​ຂຶ້ນ​ ບໍ່​ກາຍ​ເປັນ​ຄົນ​ຂີ້​ຫຼົງ​ຂີ້​ລືມ​

2. ນົມ​ຖົ່ວ​ເຫຼືອງ​ ຈະ​ປະກອບ​ໄປ​ດ້ວຍ​ວິ​ຕາ​ມິນ​ຕ່າງ​ໆ​ຫຼວງ​ຫຼາຍ​ ໄດ້​ແກ່​ ວິ​ຕາ​ມິນ​ເອ​ ບີ​ ບີ​1 ບີ​ 2 ບີ​6 ບີ​ 12 ມີ​ຄາ​​ໂບ​ໄຮ​ເດດ ຟອດ​ຟໍ​ຣັສ​ ແຄລ​ຊຽມ​ ແລະ​ມີ​ສານ​ບຳ​ລຸງ​ສະໝອງ​ຢ່າງ​ເລ​ຊິ​ຕິນ​ດ້ວຍ​ ສາມາດ​ປ້ອງ​ກັນ​ພະຍາດ​ຄວາມ​ຈຳ​ເສື່ອມ​ໄດ້​ດີ​

3. ໄຂ່​ ເປັນ​ແຫຼ່ງ​ໂປຼຣ​ຕິນ​ທີ່​ສົ່ງ​ຜົນ​ດີີ​ຫຼາຍ​ໃນ​ເລື່ອງ​ຄວາມ​ຈຳ​ ອຸດົມ​ໄປ​ດ້ວຍ​ເກືອ​ແຮ່ ​ແລະ ​ວິ​ຕາ​ມິນ​ ປະກອບ​ດ້ວຍ​ ໂປຼຣ​ຕິນ​ ໄຂ​ມັນ​ ວິ​ຕາ​ມິນ​ ເອ​ ບີ​ ດີ​ ອີ​ ຟອດ​ຟໍ​ຣັສ​ ໄອ​ໂອ​ດິນ​ ຊິ​ລິ​ນຽມ​ ສັງ​ກະ​ສີ​ ແຄລ​ຊຽມ​ ມີ​ໂຄ​ລີນ​ທີ່​ເປັນ​ສ່ວນ​ປະ​ກອບ​ໃນ​ເລ​ຊິ​ຕິນ​ ຊ່ວຍ​ໃນ​ເລື່ອງ​ສ້າງ​ສານ​ສື່​ປະສາດ​ ໂດຍ​ສະເພາະ​ໃນ​ສ່ວນ​ສະໝອງ​ທີ່​ເຮັດ​ຫນ້າທີ່​ກ່ຽວກັບ​ຄວາມ​ຈຳ​

4. ປາ​ ອຸດົມ​ໄປ​ດ້ວຍ​ກົດ​ອະ​ມິ​ໂນ​ໄທ​ໂຣ​ຊິນ​ ຊ່ວຍ​ໃນ​ເລື່ອງ​ການ​ກະຕຸ້ນ​ ແລະ​ປັບ​ປ່ຽນ​ການ​ເຮັດ​ວຽກຂອງ​ສະໝອງ​ ຟື້ນ​ຟູ​ຄວາມ​ຈຳ​ໄດ້​ເປັນ​ຢ່າງ​ດີ​ ແລະ​ ມີ​ດີ​ເອສເອ​ຊ່ວຍ​ເສີມ​ສ້າງ​ຄວາມ​​ຈຳ​ ແລະ ​ການ​ຮຽນ​ຮູ້​ ປ້ອງ​ກັນ​ພະຍາດ​ສະໝອງ​ເສື່ອມ​ໄດ້​ຜົນ​ດີີ​

ຫາກ​ໃຜ​ທີ່​ກຳ​ລັງ​ຫາ​ຜະລິດຕະພັນ​ອາຫານ​ເສີມ​ ເພື່ອ​ຊ່ວຍ​ໃນ​ເລື່ອງ​ຂອງ​ຄວາມ​ຈຳ​ ລອງ​ຄິດ​ເບິ່ງ​ດີ​ໆ ເພາະ​ເຈົ້າ​ສາມາດກິນ​ອາຫານ​ທັງ​ 4 ປະ​ເພດ​ເຫຼົ່າ​ນີ້​ ເພື່ອ​ສົ່ງ​ເສີນ​ໃນ​ເລື່ອງ​ຂອງ​ຄວາມ​ຈຳ​ໄດ້​ ໂດຍ​ສາມາດ​ກິນຊ້ຳໃດ​ກໍ​ໄດ້​ ບໍ່​ຕ້ອງ​ຢ້ານ​ສານ​ເຄ​ມີດຕົກ​ຄ້າງ​ ແຖມ​ຍັງມີ​ປະໂຫຍດ​ ແລະ ​ມີລາ​ຄາ​ທີ່​ຖືກ​ກວ່າ​ເປັນ​ເທົ່າ​ຕົວ​