4 ອາຫານທີ່ບໍາລຸງສາຍຕາ

ເຄີຍໄດ້ຍິນບໍ່ວ່າສາຍຕາຕ້ອງເມື່ອຍລ້າເທົ່າໃດໃນການຮັບສົ່ງພາບທີ່ເຮົາຕ້ອງການ ການເບິ່ງເຫັນຫຼາກຫຼາຍໃນແຕ່ລະມື້ ຈະໄດ້ພັກກໍ່ຕໍ່ເມື່ອເຮົານອນຫຼັບ ແຕ່ຍິ່ງທ່ານໃດທີ່ນອນເດິກ,ນອນນ້ອຍ,ດວງຕາກໍ່ຈະຍິ່ງຮັບພາລະຫຼາຍຂື້ນ ແລະ ມີໂອກາດສູງທີ່ຈະເຈີບັນຫາດວງຕາອອ່ນລ້າບົກພ່ອງເບິ່ງເກັນບໍ່ຊັດເຈນ ຊຶ່ງຖ້າຫາກທ່ານໃດບໍ່ຢາກໃຫ້ເກີດຂື້ນທ່ານສາມາດຖະໜອມດວງຕາຂອງທ່ານດ້ວຍອາຫານ 4ຢ່າງ ດັ່ງຕໍ່ໄປນີ້

1.ຜັກໃບຂຽວ ເຊັ່ນ: ໂຄລີ່,ຄະນ້າ, ຜັກບົ້ງ, ຕໍານິນ ລ້ວນມີສານລູທີນ ແລະ ຊີເຊນທີນ ທີ່ເຮັດໜ້າທີ່ກອງລັງສີຢູວີໃນແສງແດດທີ່ມີຜົນຕໍ່ການເຊື່ອມສະພາບຂອງຈໍຕາສ່ວນກາງ ເຮັດໃຫ້ສ່ຽງຕໍ່ການເກີດໂຣກຕາຕໍ້ ຕໍ້ຫີນ ຫລືສູນເສຍການເບິ່ງເຫັນເມື່ອມີອາຍຸຫຼາຍຂື້ນດັ່ງນັ້ນສານເຫຼົ່ານີ້ທີ່ມີໃນຜັກໃບຂຽວຈະຊ່ວຍສະລໍຄວາມເຊື່ອມຂອງຈໍຕາໂດຍນັກໂຄສະນາການເນາະນໍາໃຫ້ຮັບປະທານຜັກໃບຂຽວຢ່າງນ້ອຍວັນລະ 100ກຣາມ ຫລື ວັນ ເວັ້ນ ວັນກໍ່ໄດ້ ໃນຮູບຂອງສະຫຼັດຫຼືປຸງສຸກ

2.ປາທີ່ມີໄຂມັນດີ ພົບວ່າປາທູນ່າ ແຊລມອນ ແມດຄໍລອດ ແອນໂຊວີ ແລະ ເທລາດ ລ້ວນແລ້ວແຕ່ອຸດົມໄປດ້ວຍໂອເມກາ 3 ທີ່ຊ່ວຍຫຼຸດຄວາມສ່ຽງຕໍ່ການເປັນໂຣກຕາຕໍ້ ການເຊື່ອມສະພາບຂອງຈໍຕາສ່ວນກາງ ແລະ ຫຼຸດອາການຕາແຫ້ງນັກໂຄສະນາການແນາະນໍາໃຫ້ກິນປາທະເລໂດຍບໍ່ຜ່ານການທອດ ແຕ່ເປັນການຕົ້ມ ,ໜຶ້ງ, ປີ້ງ ,ຢ່າງນ້ອຍ 2-3 ຄັ້ງຕໍ່ອາທິດ

3.ແຄລອດ ຈາກການວິໄຈພົບວ່າ ແຄລອດ ມີສານເບຕ້າແຄໂລທີນຫຼາຍທີ່ສຸດໃນບັນດາຜັກສີສົ້ມ ທີ່ຊ່ວຍບໍາລຸງສຸຂະພາບດວງຕາ ແລະ ສົ່ງເສີມການເບິ່ງເຫັນ ປ້ອງກັນໂຣກຕາຟາງ ນອກຈາກນີ້ແຄລອດຍັງຊ່ວຍບໍາລຸງຜິວໃຫ້ສົດໃສ ແລະ ຢັບຢັ້ງຕໍ່ການເກີດໂລກມະເຮັງ ອີກທັງມີສານຕ້ານອານຸມູນອິດສະຫຼະ ປ້ອງກັນຮິວຮອຍໄດ້ດີອີກດ້ວຍ

4.ວິຕາມິນອີ ການສຶກສາພົບວ່າວິຕາມິນອີ ຫຼຸດຂະບວນການເກີດຄວາມສ່ຽງຕາມໄວຂອງຈໍຕາ ນອກຈາກນີ້ຍັງມີບົດບາດສໍາຄັນໃນການເສີມສ້າງອິທທູນຊິສເຕັມ ຊ່ວຍສ້ອມແຊມ ດີເອັນເອ ແລະ ເຮັດໃຫ້ລະບົບຍ່ອນເຮັດວຽກໄດ້ດີຍິ່ງຂື້ນ ນອກຈາກອາຫານທີ່ອຸດົມໄປດ້ວຍວິຕາມິນອີ ເຊັ່ນ ຖົ່ວເຫຼືອງ ນໍ້າມັນຈາກພືດແລ້ວ ເຮົາອາດຕ້ອງກິນວິຕາມິນອີແບບເມັດ ເພື່ອໃຫ້ຮ່າງກາຍໄດ້ຮັບສານອາຫານທີ່ມີປະໂຫຍດຢ່າງຄົບຖ້ວນ

ອາຫານທີ່ບໍາລຸງສາຍຕາລ້ວນຫາມາຮັບປະທານໄດ້ງ່າຍ ແລະ ນໍາມາປຸງອາຫານໄດ້ຫຼາກຫຼາຍເມນູ ຫຼັງຈາກຮູ້ຄຸນປະໂຫຍດຂອງອາຫານເຫຼົ່ານີ້ແລ້ວ ກໍ່ຢ່າຟ້າວເບື່ອ ຫຼື ເຂ່ຍອອກຈ່ານກັນເດີ້.....ຫັນມາຮັບປະທານເປັນປະຈໍາ ຮັບປະທານໃຫ້ໝົດ ເພື່ອດວງຕາທີ່ງາມ ສົດໃສ ແລະ ມີສຸຂະພາບດີ