4 ວິທີຫຼຸດທ້ອງອືດດ້ວຍຕົນເອງ

ທ້ອງ​ອືດ​ເປັນ​ອາ­ການ​ທີ່​ພົບ​ໃນ​ຄົນ​ທົ່ວ​ໄປ ມີ​ສາ­ເຫດ​ຈາກ​ລະ­ບົບຍ່ອຍ​ອາ­ຫານ​ເຮັດ​ວຽກ​ໄດ້​ບໍ່​ເຕັມ​ປະ­ສິດ­ທິ­ພາບ​ເຮັດ​ໃຫ້​ເກີດ​ກ໊າ​ສ​ສ່ວນເກີນ​ໃນ​ກະ­ເພາະ​ອາ­ຫານ ແຕ່​ຈະ​ເພິ່ງ​ຢາ​ຫຼຸດ​ກົດ​ທຸກ​ຄັ້ງ​ໄປ​ກໍ​ອາດ​ຈະ​ບໍ່ຄ່ອຍ​ດີ​ປານ­ໃດ ດັ່ງ­ນັ້ນ​ມາ​ລອງ​ປັບ​ພຶດ­ຕິ​ກຳ​ເພື່ອ​ຫຼຸດ​ອາ­ການ​ທ້ອງ​ອືດ​ດັ່ງ­ນີ້​ກັນ​ ດີ​ກວ່າ:

  • ກິນ​ອາ­ຫານ​ໃນ​ຕອນ​ກາງ­ເວັນ​ເທື່ອ​ລະ​ໜ້ອຍ: ກິນ​ອາ­ຫານ​ໃນ​ນ​ຕອນ​ກາງ­ເວັນ​ເທື່ອ​ລະ​ໜ້ອຍ​ແຕ່​ກິນ​ເລື້ອຍໆ ແລະ ​ຫຍ້ຳ​ໃຫ້​ລະ­ອຽດ ເພາະ​ອາ­ຫານ​ຄາບ ໃຫຍ່ໆ ແລະ​ ການ​ດື່ມ­ນ້ຳ​ເທື່ອ​ລະ​ຫຼາຍໆ​ຈະ​ເຮັດ​ໃຫ້​ກະເພາະ​ອາ­ຫານ​ໂຟງ​ອອກ​ເຮັດ​ໃຫ້​ຫູ​ຮູດ​ຫຼອດ​ອາ­ຫານ ສ່ວນ​ລຸ່ມ​ຍານ​ລົງ​ຈົນ​ເກີດ​ກົດ​ໄຫຼ​ຍ້ອນ​ໄດ້​ຫຼາຍ​ຂຶ້ນ.

  • ຄ່ອຍໆ​ຫຼຸດ​ອາ­ຫານ​ຫວານ, ຊີ້ນ​ສັດ ແລະ​ອາ­ຫານ​ມັນ: ໂດຍ​ຈົດ​ບັນ­ທຶກ​ລາຍ­ການ​ອາ­ຫານ​ເຮັດ​ເຄື່ອງ­ໝາຍ​ໄວ້​ວ່າ​ມື້ ແລະ​ເວ­ລາ​ໃດ​ທີ່​ມີ​ອາ­ການ ເພື່ອ​ຈະ​ໄດ້ ປັດ​ສະ​ຈາກ​ອາ­ຫານ​ຊະ­ນິດ​ນັ້ນ ເພາະ​ກະ­ເພາະ​ອາ­ຫານ​ໃຊ້​ເວ­ລາ​ຍ່ອຍ​ອາ­ຫານ​ດົນ 6-8 ຊົ່ວ­ໂມງ ຊຶ່ງ​ເຮັດ​ໃຫ້​ເກີດ​ການ​ສະ​ສົມ​ຈົນ​ກາຍ­ເປັນ​ກ໊າ​ສ​ໃນ​ທ້ອງ.

  • ປັດ​ສະ​ຈາກ​ການ​ກິນ​ຜັກ​ດິບ​ໃນ​ຕອນ​ຄ່ຳ: ເພາະ​ຜັກ​ມີ​ເສັ້ນ​ໃຍ​ຫຼາຍ ຖ້າ​ກິນ​ຫຼາຍ​ໄປ​ຈະ​ເຮັດ​ໃຫ້​ທ້ອງ​ອືດ​ໄດ້ ເນື່ອງ​ຈາກ​ຮ່າງ­ກາຍ​ບໍ່​ມີ​ນ້ຳ​ຍ່ອຍ​ເສັ້ນ​ໃຍ​ຊະ­ນິດ​ນີ້ ແຕ່​ຕ້ອງ​ອາ​ໃສ​ແບກ​ທີ​ເຣຍ​ທີ່­ຢູ່​ໃນ​ລຳ​ໄສ້​ເປັນ​ຕົວ​ຍ່ອຍ​ທາງ​ທີ່​ດີ​ຄວນ ​ລວກ ຫຼື ຕົ້ມ​ໃຫ້​ສຸກ​ຈະ​ດີ​ກວ່າ.

  • ຖ້າ​ຈຸກ​ສຽດ​ແໜ້ນ​ທ້ອງ​ໃຫ້​ລຸກ­ຂຶ້ນ​ເຄື່ອນ​ໄຫວ​ຮ່າງ­ກາຍ​ດື່ມ­ນ້ຳ​ອຸ່ນ ຫຼື ກິນ​ສະ​ໝຸນ​ໄພ: ຖ້າ​ຈຸກ​ສຽດ​ແໜ້ນ ທ້ອງ​ໃຫ້​ລຸກ­ຂຶ້ນ​ເຄື່ອນ​ໄຫວ​ຮ່າງ­ກາຍ​ດື່ມ­ນ້ຳ​ອຸ່ນ ຫຼື ກິນ​ສະ​ໝຸນ​ໄພ​ທີ່​ມີ​ລິດ​ຂັບ​ລົມ​ຢ່າງ​ຂີ້­ໝິ້ນ ຫາກ​ທ້ອງ​ອືດ​ກ່ອນ​ນອນ​ໃຫ້​ນຳ​ຜ້າ­ຫົ່ມ​ໜູນ​ຫົວ​ຕຽງ​ໃຫ້​ສູງ​ຂຶ້ນ 6-8 ນິ້ວ​ຈະ​ເຮັດ​ໃຫ້​ກົດ ແລະ​ນ້ຳ​ຍ່ອຍ​ໄຫຼ​ລົງ​ກະ­ເພາະ​ອາ­ຫານ​ໄດ້ ໄວ​ຂຶ້ນ.

 

ທີ່ມາ: ເສດຖະກິດ-ສັງຄົມ

ບົດຄວາມໃຫມ່ໆ