4 ທ່າ​ອອກ​ກຳ​ລັງ​ກາຍ​ງ່າຍ​ໆ​ ທີ່​ເຈົ້າ​ກໍ​ເຮັດ​ໄດ້​ເອງຢູ່ເຮືອນ​

4 ທ່າ​ອອກ​ກຳ​ລັງ​ກາຍ​ງ່າຍ​ໆ​ ທີ່​ເຈົ້າ​ກໍ​ເຮັດ​ໄດ້​ເອງຢູ່ເຮືອນ​

ດ້ວຍ​ການ​ໃຊ້​ຊີວິດ​ທີ່​ຟ້າວຟັງໃນ​ປະຈຸບັນ​ ເຮັດໃຫ້​ການ​ອອກ​ກຳ​ລັງ​ກາຍ​ມີ​ຂໍ້​ຈຳ​ກັດ​ຫລາຍ​ຂຶ້ນ​ ທັງ​ເລື່ອງ​ຂອງ​ເວລາ​ ແລະ ​ສະຖານ​ທີ່​ ບາງ​ຄົນ​ອາດ​ບໍ່​ມີ​ເວລາ​ອອກ​ກຳ​ລັງ​ກາຍ​ ຫລື ​ສະຖານ​ທີ່​ອອກ​ກຳ​ລັງ​ກາຍ​ໄກ​ບ້ານ​ ຈົນ​ເອົາ​ມາເປັນ​ຂໍ້​ອ້າງ​ໃນ​ການ​ຫຼີກ​ລ້ຽງ​ການ​ອອກ​ກຳ​ລັງ​ກາຍ​  ແຕ່​ການ​ອອກ​ກຳ​ລັງ​ກາຍ​ນັ້ນ​ສາ ມາດ​ເຮັດ​ໄດ້ຢູ່ເຮືອນ​ ຫລື ​ທີ່​ຢູ່​ອາໄສ​ຂອງ​ເຮົາ​ ບໍ່​ວ່າ​ຈະ​ເປັນ​ ເຮືອນ​ ຫໍ​ພັກ​ ໂດຍ​ບໍ່​ຈຳ​ເປັນ​ຕ້ອງ​ໃຊ້​ພື້ນ​ທີ່​ຈຳນວນ​ຫລາຍ​ກໍ​ສາມາດ​ສ້າງ​ສຸຂະພາບ​ທີ່​ແຂງ​ແຮງ​ໄດ້​

1. ທ່າ​ລຸກ​ນັ່ງ​  
ແຢກ​ຕີນ​ທັງ​ 2 ຂ້າງ​ອອກ​ນ້ອຍໆ​ ​ຢືດແຂນອອກມາ​ໃຫ້​ະໜານ​ກັບ​ລຳ​ຕົວ​ ຫຍໍ້​ຕົວ​ລົງ​ໄປ​ ແລະ​ຢືດ​ກັບ​ທ່າ​ເກກົ່າ ເຮັດ​ຢ່າງ​ນ້ອຍ​ 10-15 ເທື່ອ​ ທ່າ​ນີ້​ສາມາດ​ເຮັດ​ໄດ້​ຂະນະ​ເບິ່ງ​ໂທລະທັດ​ ຫລື​ ແມ່້ກະທັງຂະນະ​ຢູ່ໃນ​ຫ້ອງ​ນ້ຳ​ ເພື່ອ​ເສີມ​ສ້າງ​ຄວາມ​ແຂງ​ແຮງ​ໃຫ້​ກັບ​ກ້າມເນື້ອ​ສ່ວນ​ລຸ່ມ​ ແລະ ຫຼຸດ​ຕົ້ນ​ຂາ​ໄດ້​ດ້ວຍ​

2. ທ່າ​ດັນ​ກຳ​ແພງ​  
ເປັນ​ການ​ບໍລິຫານ​ກ້າມເນື້ອ​ຊ່ວງ​ເທິງ​ ໃຫ້​​ຫາ​ຝາ​ບ້ານ​ທີ່​ມີ​ພື້ນ​ທີ່​ວ່າງ​ໆ​ ໂດຍ​ຢືນ​ຫ່າງ​ຈາກ​ກຳ​ແພງ​ພໍປະມານ​ ຈັງ​ລຳ​ຕົວ​ໃຫ້​ກົງ​ ໃຊ້​ມື​ທັງ​ 2 ຂ້າງ​ດັນ​ກຳ​ແພງ​ໄວ້​ ຫຼັງຈາກນັ້ນເອົາ​​ລຳ​ຕົວ​ເຂົ້າ​ຫາ​ກຳ​ແພງ​ ຈາກ​ນັ້ນ​ດັນ​ລຳ​ຕົວ​ອອກຈາກ​ກຳ​ແພງ​ໃຫ້​ສຸດ​ແຂນ​ ເຮັດ​ 10-15 ເທື່ອ​ ທ່າ​ນີ້​ເປັນ​ທ່າ​ດຽວ​ກັບ​ການ​ນອນ​ວິດ​ພື້ນ​ ແຕ່​ປ່ຽນ​ຈາກ​ນອນ​ເປັນ​ຢືນ​ດັນ​ກຳ​ແພງ​ ຈະ​ເຮັດໃຫ້​ຊ່ວງ​ແຂນ​ແຂງ​ແຮງ​ 

3. ທ່າ​ບໍລິຫານ​ໜ້າ​ທ້ອງ​  
ທ່າ​ນີ້​ຈະ​ຊ່ວຍ​ເພີ່ມ​ຄວາມ​ແຂງ​ແຮງ​ໃຫ້​ແຂນ​ ມື​ ແລະ ​ກ້າມເນື້ອໜ້າ​ທ້ອງ​ໄປ​ພ້ອມ​ໆ​ກັນ​ ໃຫ້​ນອນ​ຄວ່ຳ​ລົງ​ກັບ​ພື້ນ​ ຕີນ​ຕິດກັນ​ ຕັ້ງ​ນິ້ວ​ຕີນ​ຂຶ້ນ​ ຈາກ​ນັ້ນ​ໃຫ້​ງໍ​ແຂນສອກ​ ມື​ທັງ​ສອງ​ຂ້າງ​ວາງ​ໃສ່ພື້ນ​ ຫາຍ​ໃຈ​ເຂົ້າ​ ແລ້ວ​ຄ່ອຍ​ໆ​ ດັນ​ມື​ທັງ​ສອງ​ຂ້າງ​ຍົກ​ຕົວ​ຂຶ້ນ​ ລຳ​ຕົວ​ກົງ​ຂະໜານກັບ​ພື້ນ​ ໃຊ້​ມື​ ແລະ ​ຕີນ​ຮັບ​ນ້ຳ​ໜັກ​ຕົວ​ ຢ່າງ​ນ້ອຍ​ 30 ວິ​ນາ​ທີ ​–1 ນາ​ທີ​ ແລ້ວ​ຜ່ອນ​ຄາຍ​ທ່າລົ​ງ​

4. ທ່າ​ຢືດ​ຢຽດ​ກ້າມເນື້ອ​ 
ເວລາ​ນັ່ງ​ເຮັດວຽກ​ເປັນ​ເວລາ​ດົນ​ໆ​ ຈະ​ປວດ​ເມື່ອຍ​ໄດ້​ງ່າຍ​ ຄວນ​ຢືດ​ຢຽດ​ຮ່າງ ກາຍ​ເລື້ອຍ​ໆ​ ຄືບໍລິເວນ​ລຳ​ຄໍ​ ໂດຍ​ການ​ນັ່ງ​ຕົວ​ກົງ​ ສະ​ແຄງ​ຫົວ​ໄປ​ດ້ານ​ຂ້າງ​ຊ້າໆ​ ໃຊ້​ມື​ຊ່ວຍ​ກົດ​ຫົວ​ເບົາ​ໆ​ ຈົນ​ຮູ້ສຶກ​ຕຶງ​ບໍລິເວນ​ກ້າມເນື້ອ​ບ່າ​ ແລະ ​ຄໍ​ດ້ານ​ຂວາ​ ຄ້າງ​ໄວ້​ 10 ວິ​ນາ​ທີ​ ເຮັດ​ຊ້ຳ​ 5-10 ເທື່ອ​ ແລ້ວ​ສ​ະລັບ​ຂ້າງ​ ຈະ​ຊ່ວຍ​ໃຫ້​ຜ່ອນ​ຄາຍ​ຮ່າງກາຍ​ຫລາຍ​ຂຶ້ນ​

ບົດຄວາມໃຫມ່ໆ