4 ທ່າບໍລິຫານ​ ທີ່​ຈະ​ຊ່ວຍ​ກຳຈັດ​ໄຂ​ມັນ​ສ່ວນ​ເກີນ​ໃຕ້​ແຂນ​ແລະ​ຫຼັງ​ ໃຫ້​ຫາຍ​ໄປ​ແບບ​ໄດ້​ຜົນ​

4 ທ່າບໍລິຫານ​ ທີ່​ຈະ​ຊ່ວຍ​ກຳຈັດ​ໄຂ​ມັນ​ສ່ວນ​ເກີນ​ໃຕ້​ແຂນ​ແລະ​ຫຼັງ​ ໃຫ້​ຫາຍ​ໄປ​ແບບ​ໄດ້​ຜົນ​


ບົດ​ຄວາມ​ນີ້​ເໝາະ​ກັບ​ຜູ້ຍິງ​ທີ່ກຸ້ມ​ໃຈ​​ບັນຫາ​ກ່ຽວກັບ​ຮູບ​ຮ່າງ​ຂອງ​ພວກ​ເຂົາ​ ເພາະ​ເນື່ອງ​ຈາກ​ມີ​ໄຂ​ມັນ​ສ່ວນ​ເກີນ​ບໍລິເວນ​ໃຕ້​ແຂນ​ແລະ​ຫຼັງ​

ຊຶ່ງ​ມັນ​ບໍ່​ແມ່ນ​ເລື່ອງ​ງ່າຍ​ທີ່​ຈະ​ຫາຍ​ໄປ​​ພຽງ​ວິທີ​ອົດ​ອາຫານ​ ແຕ່​ເຮົາ​ກຳ​ລັງ​ຈະ​ນຳ​ສະເໜີ​ທ່າ​ອອກ​ກຳ​ລັງ​ກາຍ​ 4 ທ່າ​ ທີ່​ຈະ​ມີ​ຜົນ​ລັບ​ໃນ​ການ​ກຳຈັດ​ໄຂ​ມັນ​ໄດ້​ເປັນ​ຢ່າງ​ດີ​ 

ການ​ອອກ​ກຳ​ລັງ​ກາຍ​ນີ້​ ເຈົ້າ​ສາມາດ​ອອກ​ໄດ້​ແມ້ກ​ະ​ທັ້ງ​ຢູ່​ບ້ານ​ ມັນ​ເປັນ​ການ​ອອກ​ກຳ​ລັງ​ກາຍ​ໂດຍ​ການ​ໃຊ້​ຢາງ​ ຜ້າ​ຫຼື​ທໍ່​ ກໍ​ໄດ້​ ໂດຍ​ຈະ​ໃຊ້​ເວລາ​ພຽງ​ 3 ອາທິດ​ເທົ່າ​ນັ້ນ​ ໄຂ​ມັນ​ບໍລິເວນ​ສ່ວນ​ດັ່ງ​ກ່າວ​ກໍ​ຈະ​ຫາຍ​ໄປ​ 

ການ​ອອກ​ກຳ​ລັງ​ກາຍ​ 4 ທ່າ​ ທີ່​ຈະ​ຊ່ວຍ​ໃນ​ການ​ເຜົາ​ຜານ​ໄຂ​ມັນ​ 

Push & Touch
ເລີ່ມ​ຕົ້ນ​ໂດຍ​ການ​ຢືດ​ແຂນ​​ມື​ໄປ​ຂ້າງ​ໜ້າ​ທັງ​ 2 ຂ້າງ​ ແລ້ວ​ກວາດ​ກັບ​ມາ​ດ້ານ​ຂ້າງ​ຊ້າຍ​ແລະ​ຂວາ​ຂອງ​ແຕ່​ລະ​ຂ້າງ​ ແລ້ວ​ລົງ​ມາຂະໜານ​ແນບ​ລຳ​ຕົວ​ຕັ້ງ​ແຂນສອກ​ໄວ້​ ນັບ​ເປັນ​ 1 ເທື່ອ​ ໂດຍ​ເຮັດ​ 3 ຊຸດ​ ຊຸດ​ລະ​ 6 ເທື່ອ​ 

Elbow Kiss
ຕັ້ງ​ແຂນ​ເປັນ​ມຸມ​ 90 ອົງ​ສາ​ດ້ານ​ໜ້າ​ ແລ້ວ​ແກວ່ງ​ອອກ​ໄປ​ດ້ານ​ຂ້າງ​ ແລະ​ແກວ່ງ​ກັບ​ມາ​ທີ່​ຕຳແໜ່ງ​ເກົ່າ ນັບ​ເປັນ​ 1 ໂດຍ​ເຮັດ​ 3 ຊຸດ​ ຊຸດ​ລະ​ 10 ເທື່ອ​ 

Bent Over Circular Row 
ອຽງ​ໂຕໄປ​ຂ້າງ​ໜ້າ​ຂາ​ຕັ້ງ​ກົງ​ ໃຫ້​ລັກສະນະ​ເປັນ​ 90 ອົງ​ສາ​ ສຳເລັດ​ແລ້ວ​ມື​ຍົກ​ດຳ​ເບວຂຶ້ນ​ລົງ​ນັບ​ເປັນ​ 1 ໂດຍ​ເຮັດ​ 3 ຊຸດ​ ຊຸດ​ລະ​ 10 ເທື່ອ​ 

Crisscross Reverse Fly
ງໍ​ຂາ​ແລະ​ອຽງໂຕ​ໄປ​ຂ້າງ​ໜ້າ​ໃຫ້​ອົງ​ສາ​ລະຫວ່າງ​ຊ່ວງ​ລຸ່ມ​ແລະ​ເທີງ​ 90 ອົງ​ສາ​ ຈາກ​ນັ້ນເອົາ​ມື​ເຂົ້າ​ຫາ​ກັນ​ແລ້ວ​ຍົກ​ຂຶ້ນ​ແລ້ວ​ລົງ​ມາ​ທ່າເກົ່າ​ ນັບ​ເປັນ​ 1 ເທື່ອ​ ໂດຍ​ເຮັດ​ 3 ຊຸດ​ ຊຸດ​ລະ​ 10 ເທື່ອ​ 

ຫາກ​ເຈົ້າ​ຕ້ອງ​ການ​ທີ່​ຈະ​ເລີ່ມ​ເຮັດ​ຫຍັງ​ບາງຢ່າງ​ກ່ຽວກັບ​ຮູບ​ຮ່າງ​ຂອງ​ເຈົ້າ​ແລ້ວ​ ເຈົ້າ​ອາດຈະ​ຕ້ອງ​ການ​ອອກ​ກຳ​ລັງ​ກາຍ​ເພື່ອ​ກຳຈັດ​ໄຂ​ມັນ​ສ່ວນ​ເກີນ​ໃຕ້​ແຂນ​ແລະ​ຫຼັງ​ດ້ວຍ​ວິທີ​ເຫຼົ່າ​ນີ້​ແຕ່​ ເຈົ້າ​ຈະ​ຕ້ອງ​ເຮັດ​ແບບ​ຈິງ​ຈັງ​ມີ​ລະ ບຽບວິໄ​ນ​ເພື່ອ​ໃຫ້​ມັນ​ໄດ້​ຜົນ​ລັບ​ທີ່ອອກມາ​ໄດ້​ຕາມ​ທີ່​ເຈົ້າ​ຕ້ອງ​ການ​ ໂດຍ​ໄຂ​ມັນ​ສ່ວນ​ເກີນ​ຈະ​ເລີ່ມຫຼຸດລົງ​ພາຍ​ໃນ​ 3 ອາທິດ​ເທົ່າ​ນັ້ນ​