3 ອາລົມຮ້າຍບັນທອນ ສຸຂະພາບໃຫ້ທົດຖອຍ

 

ອາ­ລົມ​ທີ່​ບໍ່​ພຶງ​ປະ­ສົງ​ທີ່​ມັກ​ຈະ​ແວະ​ວຽນ­ມາ​ຍາມ​ເປັນ​ປະ­ຈຳໂດຍ​ທີ່​ບາງ​ຄັ້ງ​ກໍ​ຢູ່​ກັບ​ເຮົາ​ດົນ​ຂ້າມ​ມື້ຊຶ່ງ​ນັ້ນ​ບໍ່​ສົ່ງ​ຜົນ​ດີ​ຕໍ່​ຫົວ­ໃຈ​ຂອງ​ເຮົາເລີຍ​ລອງ​ມາ​ເບິ່ງ​ເຫດ­ຜົນ​ກັນ​ວ່າ​ເປັນ​ຫຍັງ​ເຮົາ​ຈິ່ງ​ຄວນ​ຕັດ​ອາ­ລົມ​ຮ້າຍໆເຫຼົ່າ­ນັ້ນ​ອອກ​ໄປ​ຫາກ​ບໍ່​ຢາກ​ໃຫ້​ສຸ­ຂະ­ພາບ​ຫົວ­ໃຈ​ມີ​ບັນ­ຫາ​ໃນ​ອະ­ນາ­ຄົດ​ຄື​ອາ­ລົມ​ດັ່ງ​ຕໍ່​ໄປ​ນີ້:

  • ອາ­ລົມ​ຢາກ­ຮ້າຍ: ໃຜ​ທີ່​ຮູ້​ຕົວ​ວ່າ​ຢາກ­ຮ້າຍ​ແນະ­ນຳ​ວ່າ​ຄວນ​ຕັ້ງ​ສະ­ຕິ​ລະ­ງັບ​ໃຫ້​ບັນ­ເທົາ​ລົງ​ດີ​ກວ່າ ເພາະ​ເວ­ລາ​ທີ່​ເຮົາ​ຢາກ­ຮ້າຍ​ຮ່າງ­ກາຍ​ຈະ​ຜະ­ລິດ​ຮໍ​ໂມນ ແລະ​ຫຼັ່ງ​ສານ​ອະ​ດຣີ​ນາ​ລີນ​ອອກ​ມາ​ສົ່ງ​ຜົນ​ໃຫ້​ຄວາມ­ດັນ­ເລືອດ ສູງ​ຂຶ້ນ​ເກີດ​ການ​ແຕກ​ຫັກ​ທີ່​ຝາ​ໜັງ​ຫຼອດ​ເລືອດ​ເຮັດ​ໃຫ້​ຮູ​ຫຼອດ​ເລືອດ​ທັງ​ໝົດ​ຕີບ​ຕັນ ຈິ່ງ​ມີ​ໂອ­ກາດ​ສູງ​ທີ່​ຈະ​ເປັນ ໂລກ​ທໍ່​ເລືອດ​ແດງ ແລະ​ຫຼອດ​ເລືອດ​ແດງ​ແຂງ​ຕົວ​ໄດ້.
  • ຫງຸດ​ຫງິດ: ຄົນ​ສ່ວນ​ໃຫຍ່ ຮູ້​ດີ​ວ່າ­ຄວາມ​ຫງຸດ​ຫງິດ​ສົ່ງ​ຜົນ ຮ້າຍ​ຕໍ່​ຫົວ­ໃຈ ແຕ່​ກໍ​ຍັງ​ເປັນ​ກັນ​ຢູ່ ປະ­ຈຳ, ຄວາມ​ຫງຸດ​ຫງິດ​ນັ້ນ​ຄວບ ຄຸມ​ໄດ້​ຍາກ ແລະ​ຍັງ​ນຳ​ມາ​ຊຶ່ງ​ອາ ການ​ຜິດ​ປົກ­ກະ­ຕິ​ຂອງ​ຮ່າງ­ກາຍ ອື່ນໆ​ເຊັ່ນ: ເຈັບ​ຫົວ,ເຈັບ​ຫຼັງ ນອນ ບໍ່​ຫຼັບ, ເຈັບ­ທ້ອງ, ເບື່ອ​ອາ­ຫານ, ຕິດ​ເຫຼົ້າ ແລະ​ສູບ­ຢາ.
  • ວິ­ຕົກ​ກັງ­ວົນ: ເປັນ​ອາ­ລົມ​ທີ່​ສົ່ງ​ຜົນ​ໃຫ້​ຫົວ­ໃຈ​ອ່ອນ­ແອ ແລະ​ອາ­ການ​ຈະ​ຮຸນ​ແຮງ​ຂຶ້ນ​ເຖິງ​ຂັ້ນ​ເຮັດ​ໃຫ້​ເຮົາ ເສຍ​ຊີ­ວິດ​ໄດ້ ເພາະ​ໃນ​ທຸກໆ​ຄັ້ງ​ທີ່​ເຮົາ​ລະ​ແວງ, ວິ­ຕົກ​ກັງ­ວົນ​ຈະ​ສົ່ງ​ຜົນ​ຮ້າຍ​ທີ່​ສຸດ​ຕໍ່​ຫົວ­ໃຈ​ຈົນ​ເຮັດ​ໃຫ້​ເກິດ​ພາ­ວະ​ຫົວ­ໃຈ​ເຕັ້ນ​ໄວ​ຜິດ​ປົກ­ກະ­ຕິ ແລະ​ເຮັດ​ໃຫ້​ລະ­ດັບ​ຄວາມ­ດັນ­ເລືອດ­ສູງ​ຂຶ້ນ.