3 ວິທີງ່າຍໆຮັກສາຜິວໃຫ້ນຽນນຸ້ມ ພ້ອມຫຼຸດຮອຍດ່າງດໍາ

 ການທີ່ມີຜິວຂາວໃສ ຢ່າງມີອໍຣາ ເປັນສິ່ງທີ່ສາວໆປາດຖະໜາ ເຊິ່ງສ່ວນໃຫຍ່ກໍນິຍົມໄປສີດເພື່ອເຮັດໃຫ້ຜິວຂາວງາມ ແຕ່ສາວໆຈະໝັ້ນໃຈໄດ້ຈັ່ງໃດວ່າການສີດນັ້ນຈະເຮັດໃຫ້ສຸຂະພາບຜິວດີແທ້ຫຼືບໍ ອັນທີ່ຈິງການບຳລຸງໂດຍໃຊ້ສະໝູນໄພໃກ້ຕົວກໍ່ເຮັດສາມາດເຮັດໃຫ້ຜິວຂອງສາວໆຂາວງາມໄດ້ເຊັ່ນກັນ.

ສະນັ້ນມື້ນີ້, ແອັດມິນຈະມາແນະນຳ 3 ວິທີເຮັດໃຫ້ຜິວຂາວໃສ ໂດຍນຳໃຊ້ກາກກາເຟເປັນສ່ວນປະສົມ ເຊິ່ງແຕ່ລະສູດຈະຊ່ວຍບັນຫາຜິວພັນເປັນຄືແນວໃດແດ່ ນຳເບິ່ງນຳກັນເລີຍ!

ສູດທີ 1 ກາກກາເຟ

ສູດນີ້ພຽງແຕ່ກາກກາຟຢ່າງດຽວ ກໍເຮັດໃຫ້ຜິວງາມໄດ້ແລ້ວ ພຽງແຕ່ອາບນໍ້າລ້າງຮ່າງກາຍໃຫ້ສະອາດ ແລະ ນໍາກາກກາເຟມາຂັດຖູໄປມາ ໃຫ້ທົ່ວຮ່າງກາຍປະມານ 15 ນາທີ ແລ້ວລ້າງອອກ ພຽງເທົ່ານີ້ຜິວຂອງສາວໆກໍນຽນນຸ່ມໜ້າສໍາຜັດ ແຖມຍັງໄດ້ກິ່ນຫອມອ່ອນໆ ຈາກກາເຟຕິດຜິວໄປອີກດ້ວຍ.

ສູດທີ 2 ກາກກາເຟ + ນົມສົດ + ນໍ້າເຜີ້ງ

ສູດນີ້ຈະຊ່ວຍຫຼຸດຮອຍດ່າງດໍາ ແລະ ຖ້າເຮັດຕໍ່ເນື່ອງກໍຈະຊ່ວຍໃຫ້ຜິວກະຈ່າງໃສຂຶ້ນ ເຊິ່ງມີຂັ້ນຕອນງ່າຍໆຄືນໍາກາກກາເຟ 4 ບ່ວງ, ນົມສົດ 6 ບ່ວງ, ນໍ້າເຜີ້ງ 2 ບ່ວງ ມາປະສົມໃຫ້ເຂົ້າກັນແລ້ວນໍາ ມາຂັດເທິງຜິວທີ່ປຽກໝາດໆ ປະໄວ້ປະມານ 30 ນາທີ ແລ້ວລ້າງອອກໃຫ້ສະອາດ

ສູດທີ 3 ກາກກາເຟ + ໂຢເກີດ + ຂີ້ໝິ້ນ

ສູດນີ້ຈະຊ່ວຍຂັດເຊວຜິວເກົ່າໃຫ້ຫຼຸດອອກງ່າຍຂຶ້ນ ຈະເຮັດໃຫ້ຜິວສະອາດ ແລະ ນຽນນຸ່ມຂຶ້ນ ພຽງນໍາກາກກາເຟ 1 ຖ້ວຍ ໂຍເກີດ 1 ຖ້ວຍ ແລະ ຂີ້ໜິ້ນ 2 ບ່ວງ ປະສົມໃຫ້ເຂົ້າກັນ ແລ້ວນໍາມາຂັດຜິວທີ່ປຽກໝາດໆປະໄວ້ 20 ນາທີ ແລ້ວລ້າງອອກໃຫ້ສະອາດ ພຽງແຕ່ເທົ່ານີ້ ກໍຈະເຮັດໃຫ້ຜິວຂອງສາວໆເປັ່ງປັ່ງ ແລະ ນຽນນຸ້ມຂຶ້ນຢ່າງບໍ່ໜ້າເຊື່ອເລີຍ.