3 ພະຍາດທີ່ມາພ້ອມກັບອາກາດຮ້ອນ ແລະ ວິທີປ້ອງກັນ

 

ໃນ​ໄລ­ຍະ​ອາ­ກາດ​ຮ້ອນ​ເພີ່ມສູງ​ຂຶ້ນ​ຢ່າງ​ຕໍ່​ເນື່ອງ ​ການ​ເບິ່ງ­ແຍງສຸ­ຂະ­ພາບ​ກໍ​ເປັນ​ເລື່ອງ​ສຳຄັນ​ທີ່​ຕ້ອງ​ເບິ່ງ­ແຍງເນື່ອງ​ຈາກ ອາ­ກາດ​ທີ່​ຮ້ອນ​ແຮງ​ເປັນ​ສາ­ເຫດເຮັດ​ໃຫ້​ເກີດ​ພະຍາດ​ຕ່າງໆ​ໄດ້ ດັ່ງ­ນັ້ນ ມື້­ນີ້​ເຮົາ​ຈິ່ງ​ມີ 3 ພະຍາດ​ທີ່​ມາ​ພ້ອມກັບ​ອາ­ກາດ​ຮ້ອນ​ມາ​ນຳ​ສະ­ເໜີ  ເພື່ອ​ໃຫ້​ທ່ານ​ໄດ້​ຮັບ​ຂໍ້​ມູນ​ພ້ອມ​ວິ­ທີ​ຮັບ​ມື​ປ້ອງ​ກັນ​ທີ່​ຖືກ­ຕ້ອງ ແລະ 3 ພະຍາດ​ທີ່​ມາ​ພ້ອມ​ກັບ​ໜ້າ​ຮ້ອນ​ກໍ​ປະ­ກອບ​ດ້ວຍ:

  • ຮ້ອນ​ແຮງ​ກໍ​ເຈັບ​ຫົວ​ເພີ່ມຂຶ້ນ: ມີ​ຜົນ​ການ​ວິ­ໄຈ​ພົບ​ວ່າ: ອາກາດ​ທີ່​ຮ້ອນ​ຂຶ້ນ​ທຸກໆ 5 ອົງ­ສາ​ເຊ ຈະ​ເຮັດ​ໃຫ້​ອາ­ການ​ເຈັບ​ຫົວ​ເພີ່ມຂຶ້ນ​ເຖິງ 7,5% ເນື່ອງ​ຈາກ​ຫຼອດເລືອດ​ແດງ​ໃນ​ສະ­ໝອງ​ເກີດ​ການບີບ​ຕົວ ແລະ​ ຄາຍ​ຕົວ​ຫຼາຍ​ກວ່າ​ປົກກະ­ຕິ ​ຈົນ​ເຮັດ​ໃຫ້​ເກີດ​ອາ­ການ​ເຈັບຫົວ​ຢ່າງ​ຮຸນ​ແຮງ​ ຍິ່ງ​ເຮັດ​ວຽກ​ໃນ​ຫ້ອງ​ແອ​ແລ້ວ​ອອກ​ໄປ​ພົບ​ອາ­ກາດຮ້ອນ ​ຍິ່ງ​ເຮັດ​ໃຫ້​ອາ­ການ​ເຈັບ​ຫົວເພີ່ມ​ຂຶ້ນ ດັ່ງ­ນັ້ນ ວິ­ທີ​ປ້ອງ​ກັນ​ຫາກຈຳ­ເປັນ​ຕ້ອງ​ຢູ່​ໃນ​ອາກາດ​ຮ້ອນ ລອງ​ດື່ມ­ນ້ຳ​ເຢັນ​ໄປ​ດ້ວຍ​ຈະ​ຊ່ວຍ​ຄາຍ​ຄວາມ​ຮ້ອນ ແລະ ​ບໍ່​ເຮັດ​ໃຫ້ເຈັບ​ຫົວ​ແຕ່​ຖ້າ​ສາ­ມາດ​ພັກ­ຜ່ອນ ຫຼື ນອນ​ຫຼັບ​ໄລ­ຍະ​ໜຶ່ງ​ອາ­ການ​ກໍ​ຈະ ດີ​ຂຶ້ນ​ໄດ້​ເອງ.

  • ຮ້ອນ​ແຮງ​ຂາດ​ນ້ຳ: ໄລ­ຍະ​ທີ່ ອາ­ກາດ​ຮ້ອນ​ຈະ​ເຮັດ​ໃຫ້​ເຫື່ອ ອອກ​ຫຼາຍ​ກວ່າ​ປົກ­ກະ­ຕິ​ຫາກ​ດື່ມ ນ້ຳ​ບໍ່​ພຽງ­ພໍ​ກໍ​ອາດ​ຈະ​ຂາດ​ນ້ຳ ແລະ​ສົ່ງ​ຜົນ​ໃຫ້​ຮ່າງ­ກາຍ​ອ່ອນ ເພຍ ໂດຍ​ສາ­ມາດ​ສັງ­ເກດ​ອາ­ການ ຂາດ​ນ້ຳ​ໄດ້​ຈາກ​ນ້ຳ​ປັດ​ສະ​ວະ ຫາກ​ມີ​ສີ­ເຫຼືອງ​ເຂັ້ມ ແລະ​ມີ​ກິ່ນ​ສະ ແດງ​ວ່າ​ທ່ານ​ດື່ມ​ໜ້ອຍ ແລະ​ຮ່າງ ກາຍ​ກຳ­ລັງ​ຂາດ​ນ້ຳ​ວິ­ທີ​ປ້ອງ​ກັນ ກໍ​ພຽງ​ດື່ມ­ນ້ຳ​ໃຫ້​ໄດ້​ມື້​ລະ 1,5-2 ລິດ ໂດຍ​ການ​ດື່ມ​ເລື້ອຍໆ​ໝົດ​ມື້​ບໍ່ ແມ່ນ​ດື່ມ​ເທື່ອ​ດຽວ​ໃຫ້​ຄົບ​ຈຳ­ນວນ ລິດ​ເທົ່າ​ນັ້ນ ແລະ​ທີ່​ສຳ­ຄັນ​ຢຸດ​ດື່ມ ນ້ຳ​ເຢັນໆ​ເພາະ​ຈະ​ເຮັດ​ໃຫ້​ຮ່າງ ກາຍ​ປັບ​ອຸນ­ຫະ­ພູມ​ບໍ່​ທັນ ແລະ​ເຈັບ ປ່ວຍ​ໄດ້​ງ່າຍ.

  • ຮ້ອນ​ແລ້ວ​ຖອກ­ທ້ອງ: ອາກາດ​ຮ້ອນໆ​ແບບ​ນີ້​ເຊື້ອ​ໂລກ​ຕ່າງໆ ຈະ­ເລີນ​ເຕີບ​ໂຕ​ໄດ້​ເປັນ​ຢ່າງ​ດີ ໂດຍ​ສະ­ເພາະ​ແມ່ນ​ອາ­ຫານ​ທີ່​ຈະ ບູດ​ເສຍ​ງ່າຍ​ກວ່າ​ປົກ­ກະ­ຕິ ຊຶ່ງ​ຖ້າ ກິນ​ອາ­ຫານ​ໄດ້​ບໍ່​ສະ­ອາດ​ອາ­ການ ຖອກ­ທ້ອງ​ກໍ​ຈະ​ນຳ​ມາ​ໄດ້​ງ່າຍ​ຍິ່ງ ຂຶ້ນ​ນີ້​ຈິ່ງ​ເປັນ​ອີກ​ເລື່ອງ​ທີ່​ເຮົາ​ຄວນ ໃສ່­ໃຈ​ເມື່ອ​ເຂົ້າ​ສູ່​ໜ້າ​ຮ້ອນ ຊຶ່ງ​ວິ­ທີ ປ້ອງ​ກັນ​ກໍ​ຢຶດ​ຫຼັກການ​ກິນ​ອາ ຫານ​ສຸກ​ຮ້ອນ​ໃໝ່, ລ້າງ​ມື​ໃຫ້​ສະ ອາດ ເພື່ອ​ຫຼຸດ​ການ​ຕິດ­ເຊື້ອ​ບໍ່​ກິນ ອາ­ຫານ​ທີ່​ປະ​ໄວ້​ດົນໆ​ພະຍາ­ຍາມ​ດື່ມ­ນ້ຳ​ສະ­ອາດ​ບໍ່​ໃສ່​ນ້ຳ­ກ້ອນ​ເພາະ ຈາກ​ການ​ສຳ​ຫຼວດ​ພົບ​ວ່າ​ສິ່ງ​ປົນ ເປື້ອນ​ເຊື້ອ​ໂລກ​ທີ່​ເຮັດ​ໃຫ້​ຖອກ ທ້ອງ​ຫຼາຍ​ທີ່​ສຸດ​ຄື​ນ້ຳ­ກ້ອນ.

 

ບົດຄວາມໃຫມ່ໆ