3 ຍັກກິນແຫ້ວ!!ເບລັອດຕິຢັນຢູ່ກັບກະທິງຫີນຕໍ່

 

ນາໂປລີ, ເຊວຊີ ແລະ ອາເຊນອນ ລວມເຖິງອີກຫຼາຍໆທີມທີ່ສົນໃຈ ອັນເດຣຍ ເບລັອດຕິ ຫົວຫອກ ໂຕຣິໂນ ອາດຈະຕ້ອງກິນແຫ້ວເພາະນອກຈາກຄ່າຈີກສັນຍາແພງມະຫາສານກວ່າ 100 ລ້ານເອີໂຣແລ້ວນັກເຕະຫາກໍອອກມາຢືນຢັນວ່າຈະຢູ່ກັບທີມ “ກະທິງຫີນ” ຕໍ່ໄປໃນລະດູການໜ້າຢ່າງແນ່ນອນ.

 

ອັນເດຣຍ ເບລັອດຕິ ກອງໜ້າຟອມແຮງຂອງ “ກະທິງຫີນ” ໂຕຣິໂນ ສະໂມສອນດັງຂອງ ກັນໂຊ ຊີຣີ ອາ ອີຕາລີ ອອກມາຢືນຢັນວ່າຈະຢູ່ກັບທີມຕໍ່ໄປຢ່າງແນ່ນອນທ່າມກາງກະແສຂ່າວລືວ່າທີມຊັ້ນນຳຫຼາຍທີມທັງ ເຊວຊີ, ອາເຊນອນ ແລະ ນາໂປລີ ສົນໃຈຢາກໄດ້ນັກເຕະໄປຮ່ວມທັບໃນລະດູການໜ້າ.

 

ຫົວຫອກທີມຊາດອີຕາລີອາຍຸ 23 ປີກຳລັງເປັນດາວຊັນໂວຂອງ ຊີຣີ ອາ ຈາກຜົນງານຍິງໄປ 22 ລູກ ນອກຈາກນີ້ຍັງເຮັດອີກ 4 ແອັດຊິດຈາກການລົງຫຼິ້ນ 26 ນັດໃນລະດູການນີ້ ເຮັດໃຫ້ເຂົາໄດ້ລາງວັນຈາກທີມເປັນສັນຍາສະບັບໃໝ່ທີ່ມີອາຍຸຍາວຈົນຮອດເດືອນມິຖຸນາປີ 2021 ແລະ “ກະທິງຫີນ” ກໍບໍ່ພາດທີ່ຈະໃສ່ຄ່າຈີກສັນຍາຂອງເຂົາເອົາໄວ້ສູງເຖິງ 100 ລ້ານເອີໂຣທີ່ມີຜົນສະເພາະທີມຈາກລີກອື່ນເທົ່ານັ້ນ.

 

“ແນ່ນອນວ່າຂ້ອຍຈະຢູ່ຕໍ່ໄປ ຂ້ອຍຢາກຢູ່ກັບ ໂຕຣິໂນ ຄວາມຈິງແມ່ນຂ້ອຍຈະຢູ່ ໂຕຣິໂນ ຕໍ່ໄປໃນລະດູການໜ້າ ຂໍບອກໃຫ້ແຟນບານ ໂຕຣິໂນ ຮູ້ເລີຍວ່າຂ້ອຍຢູ່ຕໍ່ແນ່ນອນ” ອະດີດສູນໜ້າ ປາແລໂມ ແລະ ເອົາບິໂນເລບເຟ ກ່າວ.

 

ບົດຄວາມໃຫມ່ໆ