3 ຂໍ້ຫາມປະຕິບັດກ່ອນເຂົ້ານອນ

ກ່ອນ​ນອນ​ເປັນ​ເວ­ລາ​ທີ່​ສຳ­ຄັນ​ຫຼາຍ ເພາະ​ເປັນ​ເວ­ລາ​ທີ່​ຮ່າງ­ກາຍ​ກຽມ­ພ້ອມ​ທີ່​ພັກ­ຜ່ອນ ແລະ ສ້າງ​ພາ­ລະ​ກຳ­ລັງ​ໃຫ້​ຮ່າງ­ກາຍ ເຮັດ​ໃຫ້​ເຮົາ​ມີ​ສຸ­ຂະ­ພາບ​ທີ່​ດີ​ຂຶ້ນ ແລະ​ ກ່ອນ​ເຂົ້ານອນ​ກໍ​ເປັນ​ເວ­ລາ​ທີ່​ເຮົາ​ອາດ​ຈະ​ຍັງ​ມີ​ກິດ​ຈະກຳ​ທີ່​ຕ້ອງ​ເຮັດ​ຢູ່ ແຕ່ 3 ພຶດ­ຕິ​ກຳ​ຕໍ່​ໄປ​ນີ້​ບໍ່​ຄວນເຮັດ​ກ່ອນ​ເຂົ້າ​ນອນ​ເດັດ­ຂາດ ເພາະ​ອາດ​ຈະເປັນ​ຜົນ​ເສຍ​ທີ່​ເຮົາ​ຄາດ​ບໍ່​ເຖິງ​ໄດ້​ເປັນ­ຕົ້ນ​ແມ່ນ:

  1. ການ​ແຊ່​ນ້ຳ​ອຸ່ນ​ແລ້ວ​ຫຼົງ​ນອນ​ຫຼັບ​ຄາ​ອ່າງ: ການ​ແຊ່​ນ້ຳ​ອຸ່ນ​ສາ­ມາດ​ຊ່ວຍ​ໃຫ້​ທ່ານ​ນອນ​ຫຼັບ​ໄດ້​ງ່າຍ​ ເພາະອຸນຫະ­ພູມ​ຮ່າງ­ກາຍ​ທີ່​ເພີ່ມ​ຂຶ້ນ ແຕ່​ຈະ​ດີ​ກວ່າ ຫຼື ບໍ່ ຖ້າ​ທ່ານ​ອອກ​ຈາກ​ອ່າງ​ນ້ຳ​ແລ້ວ­ໄປ​ນອນ​ໃນ​ບ່ອນ​ທີ່​ເໝາະ​ສົມ ຫຼື ທາງ​ທີ່​ດີ​ທີ່​ສຸດ​ທ່ານ​ຄວນ​ຈະ​ອາບ­ນ້ຳ​ອຸ່ນ ແລະ ​ເຊັດ​ໂຕ​ໃຫ້​ແຫ້ງຢ່າງ​ໜ້ອຍ 1 ຊົ່ວ­ໂມງ​ກ່ອນ​ຈະ​ເຂົ້າ​ນອນ.

  2. ຫ້າມ​ກິນ​ອາ­ຫານ​ຍ່ອຍ​ຍາກ ຫຼື ກິນ​ຫຼາຍ​ເກີນ​ເຫດ: ເພາະ​ມີ​ການ​ວິ­ໄຈ​ພົບ​ວ່າ ຖ້າ​ມີ​ອາ­ຫານ​ເຕັມ​ທ້ອງ ກ່ອນ​ນອນ​ຈະ​ມີ​ຜົນ​ໄປ​ກະ​ຕຸ້ນ​ສະ­ໝອງ ແລະ ​ອາດ​ເຮັດ​ໃຫ້​ເກີດ​ຄວາມ​ຝັນ​ບໍ່​ດີ​ໄດ້ ຍິ່ງ​ຖ້າ​ເປັນ​ອາ­ຫານ​ທີ່​ບໍ່​ມີ​ຄຸ່ນ​ຄ່າ ກໍ​ຍິ່ງ​ໄປ​ລົບ​ກວນ​ການ​ຫຼັບ​ນອນ​ຂອງ​ທ່ານ​ຫຼາຍ​ຂຶ້ນ ທາງ​ທີ່​ດີ​ຄວນ​ຮັບ​ປະ­ທານ​ອາ­ຫານ​ຢ່າງ: ຜັກ, ປາ ຫຼື ອາ ຫານ​ທີ່​ສາ­ມາດ​ຍ່ອຍ​ໄດ້​ງ່າຍໆ ປັດ​ສະ​ຈາກ​ຊີ້ນ​ສັດ​ປະ­ເພດ​ຍ່ອຍ​ຍາກ ເພື່ອ​ຄຳ­ນຶງ​ເຖິງ​ສຸ­ຂະ­ພາບ​ທ່ານ​ຄວນ​ຫຍ້ຳ ອາ­ຫານ​ໃຫ້​ລະ­ອຽດ​ຢ່າງ​ໜ້ອຍ 15 ຄັ້ງ​ກ່ອນ​ກືນ.

  3. ຫ້າມ​ເຮັດ​ວຽກ​ຜ່ານ​ຄອມ​ພິວ​ເຕີ: ຜົນ​ການ​ວິ­ໄຈ​ພົບ​ວ່າ​ແສງ​ສີ­ຟ້າ​ຈາກ​ຄອມ​ພິວ​ເຕີ ຫຼື ມື​ຖື​ນັ້ນ​ຈະ​ໄປ​ຢັບ​ຢັ້ງ ລະ­ດັບ​ເມ​ລາ​ໂທ​ນີນ ຊຶ່ງ​ເປັນ­ສານ​ທີ່​ຈະ​ໄປ​ເຮັດ​ໃຫ້​ໂມງ​ຊີ­ວິດ​ຂອງ​ເຮົາ​ສັບ­ສົນ​ແຖມ​ເປັນ​ຜົນ​ເສຍ​ເຮັດ​ໃຫ້​ເກີດ​ຄວາມ​ສ່ຽງ​ເປັນ​ພະ­ຍາດ​ຕຸ້ຍ​ໄດ້​ງ່າຍ ດັ່ງ­ນັ້ນ​ເຮົາ​ຄວນ​ຢຸດ​ເຮັດ​ວຽກ​່ອນ​ເຂົ້າ​ນອນ ແລະ​ຕັ້ງ​ໂມງ​ປຸກ​ໄວ້​ໃຫ້​ຕື່ນ​ເຊົ້າ​ກວ່າ ປົກ­ກະ­ຕິ 1 ຊົ່ວ­ໂມງ​ເພື່ອ​ມາ​ເຮັດ​ກິດ­ຈະ­ກຳ ແລະ​ວຽກ​ງານ​ທີ່​ຄ້າງ​ຄາ​ຢູ່.

 

ທີ່ມາ: ເສດຖະກິດ-ສັງຄົມ