28 ປີ!!! ນາຍໃຫຍ່ທີ່ອາຍຸນ້ອຍທີ່ສູດໃນໂລກຂອງ ຮອບເຟັນຮາຍ

 

ຮອບເຟັນຮາຍ ແຕ່ງຕັ້ງ ຢູລຽນ ນາເກວມັນ ເຂົ້າມາຄຸມທັບສົ່ງຜົນໃຫ້ເຂົາກາຍເປັນຜູ້ຈັດການທີ່ອາຍຸນ້ອຍທີ່ສຸດໃນລີກສູງສຸດຂອງເມືອງເບຍດ້ວຍອາຍຸພຽງ 28 ເທົ່ານັ້ນ ເຈົ້າໂຕຮັບນີ້ເປັນງານທີ່ໜັກໜາສາຫັດສຸດໆ.

 

ຮອບເຟັນຮາຍ ສະໂມສອນໃນລີກ ບຸນເດສລີກາ ເຢຍລະມັນ ປະກາດແຕ່ງຕັ້ງ ຢູລຽນ ນາເກວມັນ ນາຍໃຫຍ່ທີມລຸ້ນອາຍຸບໍ່ເກີນ 19 ປີຂອງພວກເຂົາຂຶ້ນມາເປັນນາຍໃຫຍ່ຄົນໃໝ່ຂອງທີມ ສົ່ງຜົນໃຫ້ເຂົາກາຍເປັນນາຍໃຫຍ່ທີ່ອາຍຸນ້ອຍທີ່ສຸດໃນປະຫວັດສາດຂອງ ບຸນເດສລີກາ ດ້ວຍອາຍຸພຽງ 28 ປີເທົ່ານັ້ນ.

 

ເດີມທີແລ້ວ ຮອບເຟັນຮາຍ ຕັ້ງໃຈຈະໃຫ້ກຸນຊືໜຸ່ມຮັບງານນີ້ຕອນຈົບລະດູການນີ້ຢູ່ແລ້ວ ແຕ່ສຸດທ້າຍຕ້ອງເລື່ອນໃຫ້ໄວຂຶ້ນກວ່າເກົ່າຫຼັງຈາກທີ່ ຮູບ ສະຕີເຟັນ ນາຍໃຫຍ່ລາອອກຈາກຕຳແໜ່ງເມື່ອວັນພຸດທີ່ຜ່ານມາ ເພາະມີບັນຫາທາງສຸຂະພາບ.

ທັງນີ້ ຮອບເຟັນຮາຍ ເຊິ່ງປັດຈຸບັນມີ 14 ແຕ້ມຈາກການລົງຫຼິ້ນ 20 ນັດ ແລະ ເປັນຮອງບ້ວຍລີກນັ້ນ ເຊັນສັນຍາກັບ ນາເກວມັນ ເປັນເວລາ 3 ປີ ແລະ ເຂົາກໍຍອມຮັບວ່ານີ້ເປັນຄວາມທ້າທາຍຄັ້ງໃຫຍ່ສຳລັບເຂົາ “ນີ້ເປັນຄວາມທ້າທາຍທີ່ໃຫຍ່ຫຼາຍ ແລະ ຍິ່ງຍາກຂຶ້ນໄປອີກເມື່ອພິຈາລະນາເຖິງແຕ້ມທີ່ເຮົາມີຢູ່ໃນປັດຈຸບັນ”.

 

ດ້ານ ດັອກເຕີ ປີເຕີ ກໍລິດ ກຳມະການຜູ້ຈັດການຂອງ ຮອບເຟັນຮາຍ ເຊື່ອວ່ານີ້ແມ່ນທາງເລືອກທີ່ດີທີ່ສຸດແລ້ວ “ເຮົາພິຈາລະນາເຖິງຄວາມສ່ຽງທຸກຢ່າງແບບລະອຽດຖີ່ຖ້ວນຮ່ວມກັບ ຢູລຽນ ຄືທີ່ເຮັດໃນຊ່ວງລະດູໃບໄມ້ຫຼົ່ນ ແລະ ຕັດສິນໃຈວ່າການໃຫ້ເຂົາເລີ່ມວຽກໄວກວ່າເກົ່າມັນຈະເປັນເລື່ອງດີສຸດ ເຂົາມີຄວາມກະຕືລືລົ້ນ ແລະ ສາມາດສ້າງແຮງກະຕຸ້ນໃຫ້ທີມໄດ້”.

 

 

ບົດຄວາມໃຫມ່ໆ