20 ຄວາມເຊື່ອຂອງຄົນໂບຮານ ເປັນຄວາມເຊື່ອສ່ວນບຸກຄົນ ເດີ້

20 ຄວາມເຊື່ອຂອງຄົນໂບຮານ ເປັນຄວາມເຊື່ອສ່ວນບຸກຄົນ ເດີ້

ນອກຈາກເລື່ອງໃນປັດຈຸບັນແລ້ວ ຄວາມເຊື່ອຂອງບູຮານກໍ່ຍັງມີໃຫ້ເຮົາໄດ້ຍິນຢູ່ລອງໄປເບິ່ງກັນເລີຍວ່າ20ຂໍ້ນີ້ມີຫຍັງແນ່

1. ຫ້າມໃສ່ຊຸດດຳໄປຢ້ຽມຢາມຄົນປ່ວຍເພາະສີດຳເປັນສີທີ່ຄົນບູຮານຖືວ່າເປັນສັນຍາລັກຂອງຄວາມທຸກໂສກ ການໃສ່ຊຸດດຳໄປນັ້ນເປັນການເເຊ່ງໃຫ້ຜູ່ປ່ວຍຕາຍໄວຂຶ້ນ.
2. ຈິຈ້ຽມຮ້ອງທັກຫ້າມອອກຈາກບ້ານເດັດຂາດຖ້າສຽງນັ້ນຢູ່ທາງຫຼັງຫຼືເທິງຫົວ ໃຫ້ເລື່ອນການເດີນທາງທັນທີແຕ່ຖ້າສຽງຮ້ອງຢູ່ດ້ານຊ້າຍຫຼືດ້ານຂວາ ໃຫ້ເດີນທາງໄດ້ເພາະຈະເຮັດໃຫ້ການເດີນທາງປອດໄພຂຶ້ນ.
3. ເມື່ອກັບໂກ້ຮ້ອງຕາມກາງເວັນເຊື່ອວ່າຈະມີເຫດຮ້າຍຕາມປົກກະຕິກັບໂກ້ຈະອາໄສຢູາໃນບ້ານມັນມັກຈະຮ້ອງໃນເວລາຕອນກາງຄືນເນື່ອງຈາກຄົນບູຮານເຊື່ອວ່າກັບໂກ້ແມ່ນວິນຍານຂອງປູ່ຍ່າຕາຍາຍທີ່ຕາຍໄປແລ້ວມາອາໃສຢູ່ເພື່ອຄຸ້ມຄອງລູກຫຼານໃຫ້ພົ້ນໄພອັນຕະລາຍ.
4. ນົກເຄົ້າເກາະຫຼັງຄາບ້ານຈະເກີດລາງຮ້າຍເພາະນົກເຄົ້າຖືວ່າໃຫ້ຄວາມອັບປະມົງຄຸນເນື່ອງຈາກໂດຍທຳມະຊາດນົກເຄົ້າບໍ່ມັກມາປະປົນຢູ່ຕາມເຮືອນຄົນ.
5. ຖ້ານົກຂີ້ໃສ່ຫົວ ເຊື່ອວ່າຈະໂຊກຮ້າຍສຸດໆ ຖ້າກຳລັງຈະເດີນທາງໃຫ້ຢຸດການເດີນທາງທັນທີ.
6. ເມື່ອໂຕເງິນໂຕທອງເຂົ້າບ້ານເຮົາໃຫ້ເວົ້າແຕ່ສິ່ງດີໆ,ບໍ່ໄລ່ມັນຖືເປັນການເເກ້ເຄັດໃຫ້ມີແຕ່ສິ່ງດີໆເຂົ້າມາ
7. ກາງຄືນຖ້າໄດ້ຍິນສຽງເອີ້ນຫ້າມຂານຮັບ ເພາະເຊື່ອວ່າແມ່ນສຽງວິນຍານອາດຈະມາຫຼອກຫຼອນຫຼືເປັນການເຊີນວິນຍານເຂົ້າບ້ານ.
8. ຄົນທີ່ມີຂີ້ແມງວັນຢູ່ປາກ ໃຫ້ລະມັດລະວັງເລື່ອງຄຳເວົ້າ ເພາະເວົ້າບໍ່ຄິດ ແລະ ມັນຈະເປັນຄົນໃຈຮ້ອນ.
9. ຄົນໃດທີ່ມີລັກສະນະຜົມຫຍອງໆ ໜ້າສັ້ນຄໍສັ໊ນ ມັກຈະເປັນຄົນເຈົ້າຊູ້ ແຕ່ເປັນຄວາມເຊື່ອທີ່ຍັງພິສູດບໍ່ໄດ້.
10. ຄົນໃບຫູໃຫຍ່ມັກຈະເປັນຄົນລໍ້າລວຍແລະມີບຸນວາດສະໜາ ຄົນໃບຫູໃຫຍ່ເປັນຄົນທີ່ມີສິນລະທຳຄົນໃບຫູບາງເປັນຄົນໂດດດ່ຽວບໍ່ມີບຸນວາດສະໜາ.  
11. ຄົນທີ່ເວົ້າຫຼາຍໆສຽງໃນການເວົ້າຄັ້ງດຽວ ເປັນຄົນທີ່ຄົບຍາກເພາະຫາຄວາມແນ່ນອນອີ່ຫຍັງບໍ່ໄດ້.
12. ຄົນຫົວລ້ານມັກຈະເຈົ້າຊູ້ ແລະ ມີເລ່ກົນ ເຊິ່ງໄດ້ຕົ້ນແບບມາຈາກຂຸນຊ້າງ ວັນນະຄະດີປະເທດໄທ ເຮັດໃຫ້ຄົນບູຮານເຊື່ອວ່າຄົນລັກສະນະເເບບນີ້ມັກມີນິໄສຄືຂຸນຊ້າງ.
13. ເດັກນ້ອຍຄົນໃດທີ່ເກີດມາແລ້ວມີປານ ຄົນບູຮານເຊື່ອວ່າເຄີຍເກີດມາແລ້ວຊາດໜຶ່ງ (ຊາດທີ່ເເລ້ວ)
14. ຫ້າມປູກຕົ້ນໄມ້ທີ່ວັດປູກມາແລ້ວເຊັ່ນໄປເອົາຕົ້ນໄມ້ຢູ່ວັດມາປູກໃນບ້ານ ເພາະເຊື່ອກັນວ່າຕົ້ນໄມ້ທີ່ເກີດຕາມວັດຫຼືນຳໄປປູກທີ່ວັດເປັນຂອງສູງແລະສົມຄວນຢູ່ໃນວັດ ຫາກນຳມາປູກທີ່ບ້ານຈະເຮັດໃຫ້ບ້ານນັ້ນຕົກອັບ.
15. ຫ້າມຕັດຜົມວັນພຸດ ເພາະເຊື່ອວ່າການຕັດຜົມວັນພຸດຈະເຮັດໃຫ້ເກີດອັບປະມົງຄົນກັບຊີວິດ.
16. ຫາກຕາຊ້າຍເໜັງ ເຊື່ອວ່າມີເຄາະ ແລະ ມີລາງຮ້າຍ.
17. ຖ້າສັດປ່າເຂົ້າບ້ານເຊື່ອວ່າຈະນຳຄວາມອັບປະມົງຄຸນມາໃຫ້ ຄວນຈູດທູບທຽນ, ດອກໄມ້, ແລະ ເຊີນໃຫ້ອອກຈາກບ້ານໄປ ພ້ອມທັງອວຍພອນສິ່ງດີໆເຂົ້າມາ.
18. ຫ້າມເຜົາສົບວັນສຸກເພາະຄົນບູຮານເຊື່ອວ່າການເຜົາສົບໃນວັນສຸກຈະໃຫ້ທຸກແກ່ຄົນເປັນພີ່ນ້ອງ ເນື່ອງຈາກວັນສຸກເປັນວັນແຫ່ງໂຊກລາບເໝາະກັບງານມົງຄຸນຫຼາຍກວ່າ.
19. ຫ້າມໃຊ້ຫວີຫັກໃນຂະນະທີ່ກຳລັງຫວີຜົມຫາງຫວີເກີດຫັກຄາຜົມ ຈະເກີດເລື່ອງບໍ່ດີຕາມມາໃຫ້ນຳຫວີນັ້ນຖີ້ມໄປເລີຍ ບໍ່ໃຫ້ເກັບໄວ້ຫຼືນຳມາໃຊ້ອີກເດັດຂາດ.
20. ໄດ້ກີ່ນທູບຕອນກາງຄືນຖ້າໄດ້ກີ່ນທູບລອຍມາຄົນບູຮານເຊື່ອວ່າເປັນວິນຍານຂອງຄົນທີ່ເຮົາສະໜິດມາຫາ.