16 ລ້ານ!!ກາລາຕາຊາລາຍຫວັງດຶງເວວເບັກ

 

ເດລີ ເມວ ສື່ຂອງອັງກິດເຜີຍ ກາລາຕາຊາລາຍ ຢາກໄດ້ ແດນນີ ເວວເບັກ ຫົວຫອກ ອາເຊນອນ ໄປຮ່ວມທັບໃນຊ່ວງຊຳເມີນີ້ໂດຍຈະໃຫ້ຄ່າຫົວສູງເຖິງ 16 ລ້ານປອນ.

 

ກາລາຕາຊາລາຍ ສະໂມສອນດັງຂອງ ຊູເປີລີກ ຕວັກກີ ສະແດງຄວາມສົນໃຈທີ່ຈະດຶງຕົວ ແດນນີ ເວວເບັກ ກອງໜ້າຂອງ ອາເຊນອນ ຍັກໃຫຍ່ຂອງ ພຣີເມຍລີກ ໄປຮ່ວມທັບໃນຊ່ວງຊຳເມີນີ້ ຕາມການລາຍງານຂອງ ເດລີ ເມວ ສື່ຂອງເມືອງຜູ້ດີ.

 

ໃນລະດູການນີ້ ເວວເບັກ ໄດ້ລົງຫຼິ້ນໃຫ້ຕົ້ນສັງກິດໃນທຸກລາຍການໄປພຽງ 18 ນັດເທົ່ານັ້ນ ຫຼັງຈາກທີ່ເຂົາມີບັນຫາອາການບາດເຈັບບໍລິເວນຫົວເຂົ່າໂດຍທີ່ເຂົາຍິງໄດ້ພຽງ 5 ລູກດ້ວຍແຕ່ ກາລາຕາຊາລາຍ ກໍຍັງຢາກໄດ້ເຂົາໄປເສີມທັບ.

 

ທັງນີ້ທີມດັງຈາກແດນໄກ່ງວງຈະໃຫ້ຄ່າເມື່ອຍກ້ອນໃຫຍ່ເພື່ອລໍ້ໃຫ້ ເວວເບັກ ມາຮ່ວມທັບໂດຍພວກເຂົາພ້ອມທີ່ຈະໃຫ້ເງິນ 16 ລ້ານປອນເພື່ອເປັນຄ່າຫົວຂອງນັກເຕະທີມຊາດອັງກິດ ແຕ່ກໍມີໂອກາດສູງທີ່ນັກເຕະຈະບໍ່ຄິດຍ້າຍໄປຢູ່ກັບ ກາລາຕາຊາລາຍ ເຊັ່ນກັນເພາະປັດຈຸບັນທີ່ຕວັກກີມີສະຖານະການບ້ານເມືອງທີ່ອັນຕະລາຍ.

 

ບົດຄວາມໃຫມ່ໆ