15 ຂໍ້​ຄິດ​ທີ່​ປ່ຽນ​ຄົນ​ທຳມະດາ​ ໃຫ້​ກາຍ​ເປັນ​ຄົນ​ໃຈ​ດີ​ທີ່​ມີ​ຄວາມ​ສຸກ​

15 ຂໍ້​ຄິດ​ທີ່​ປ່ຽນ​ຄົນ​ທຳມະດາ​ ໃຫ້​ກາຍ​ເປັນ​ຄົນ​ໃຈ​ດີ​ທີ່​ມີ​ຄວາມ​ສຸກ​

1. ເມື່ອ​ມີ​ສຸກ​ ຂໍ​ໃຫ້ເບິ່ງ​ຄວາມ​ສຸກ​ ຮູ້ສຶກ​ກັບ​ຄວາມ​ສຸກ​ ແຕ່​ໃຫ້​ເວັ້ນ​ທີ່​ວ່າງ​ເອົາ​ໄວ້​ດ້ວຍ​ວ່າ​ ຄວາມ​ສຸກ​ນັ້ນ​ຄວນ​ມີ​ມື້​ຈາກ​ເຮົາ​ໄປ​ ບໍ່ຊ້າ​ ກໍ​ໄວ​

2. ເມື່ອ​ມີ​ທຸກ​ ຂໍ​ໃຫ້ເບິ່ງ​ຄວາມ​ທຸກ​ ແລ້ວ​ວາງ​ຈິດ​ໃຈ​ໄວ້​ເໜືອ​ທຸກ​ ທຸກ​ສ່ວນ​ທຸກ​ ເຮົາ​ສ່ວນ​ເຮົາ​ ຍົກ​ຈິດຍົກ​ໃຈ​ຂອງ​ເຮົາ​ຂຶ້ນ​ຈາກ​ຄວາມ​ທຸກ​ໃຫ້​ໄດ້​ດ້ວຍ​ການ​ກຳນົດ​ຄວາມ​ເປັນ​ກາງ​ ເບິ່ງ​ຄວາມ​ທຸກ​ ເໝືອນ​ເຮົາ​ບໍ່​ໄດ້​ເປັນ​ຜູ້​ທຸກ​

3. ເຮັດ​ປະຈຸບັນ​ກົງ​ໜ້າ​ລະຫວ່າງ​ການ​ໃຊ້​ຊີວິດ​ ຄວນ​ມີ​ສະຕິ​ລະ​ເລິກ​ຮູ້​ວ່າ​ ຂະນະ​ນີ້​ຕົນເອງ​ກຳ​ລັງ​ເຮັດ​ຫຍັງ​ຢູ່​ກຳ​ລັງ​ເຮັດວຽກ​ກໍ​ຢູ່​ກັບ​ງານ​ ກຳ​ລັງ​ຍ່າງ​ກໍ​ຢູ່​ກັບ​ການ​ຍ່າງ​ ເບິ່ງ​ຕົ້ນ​ໄມ້​ໃຫ້​ເຫັນ​ຕົ້ນ​ໄມ້​ ເບິ່ງ​ຟ້າ​ໃຫ້​ເຫັນ​ຟ້າ​ ຟັງ​ສຽງ​ນົກ​ຮ້ອງ​ກໍ​ຂໍ​ໃຫ້​ໄດ້ຍິນ​ສຽງ​ນັ້ນ​ ເຫຼົ່າ​ນີ້​ຄື​ການ​ກຳນົດ​ໃຈ​ລົງ​ສູ່​ປະຈຸບັນ​ທັງໝົດ​

4. ຄວາມ​ເລວ​ທີ່​ເຮັດ​ຢູ່​ຄວນ​ລະ​ ຫຼຸດ​ແລະ​ເລີກ​ ແຕ່​ບໍ່​ຕ້ອງ​ໂທດ​ຄຽດ​ຕົນເອງ​ ພະຍາຍາມ​ຄວບ​ຄຸມ​ຄຳ​ເວົ້າ​ ການ​ກະທຳ​ຂອງ​ເຮົາ​ໃຫ້​ຢູ່ໃນ​ຄຸນ​ງາມ​ຄວາມ​ດີ​ ເພື່ອ​ບໍ່​ໃຫ້​ສ້າງ​ຄວາມ​ເດືອດ​ຮ້ອນ​ໃຫ້​ຕົນເອງ​ແລະ​ຜູ້​ອື່ນ​

5. ຄວາມ​ດີ​ທີ່​ມີ​ຢູ່​ ຄວນ​ເພີ່ມ​ພູນ​ ສົ່ງ​ເສີມ​ໃຫ້​ງອກ​ງາມ​ຍິ່ງ​ໆຂຶ້ນ​ໄປ​ ພູູມໃຈ​ໃນ​ຄວາມ​ເປັນ​ຄົນ​ດີ​ຂອງ​ຕົນ​ ແມ້​ມັນ​ຈະ​ເປັນພຽງ​ຄວາມ​ດີ​ນ້ອຍ​ໆ​ ແຕ່​ຕົ້ນ​ໄມ້​ໃຫຍ່​ ກໍ​ເຄີຍ​ເປັນ​ເບ້ຍ​ມາ​ກ່ອນ​ຄືກັນ​ ຄວນ​ສ້າງ​ເຫດ​ປັດ​ໄຈ​ໃຫ້​ຄວາມ​ດີ​ຂອງ​ຕົນ​ໄດ້​ເຕີບໃຫຍ່ຕໍ່ໄປ​
 
6. ຮັກ​ຜູ້​ອື່ນ​ໃຫ້​ຫລາຍ​ຂຶ້ນ​ ບໍ່​ເຊັ່ນ​ນັ້ນ​ເຮົາ​ກໍ​ບໍ່​ອາດ​ຮັກ​ຕົນເອງ​ຢ່າງ​ຖືກ​ຕ້ອງ​ໄດ້​ ຄວາມ​ຮັກ​ນັ້ນ​ຈຳ​ເປັນ​ຕ້ອງ​ຮຽນ​ຮູ້​ຜ່ານ​ການ​ຮັກ​ຜູ້​ອື່ນ​ ຈົ່ງ​ຮັກ​ຜູ້​ອື່ນ​ຢ່າງ​ບໍ່​ເຫັນ​ແກ່​ຕົວ​ ຈົ່ງ​ໃຫ້​ໂດຍ​ບໍ່​ຫວັງ​ຜົນ​ຕອບ​ແທນ​ ຝຶກ​ຕົນເອງ​ໃຫ້ເປັນ​ຜູ້​ໃຫ້​ທີ່​ໃຫ້ເປັນ​ ແລ້ວ​ຄວາມ​ຮັກ​ທີ່​ເຮົາ​ງົງ​ໆ​ຢູ່​ ກໍ​ຈະ​ຍ່າງ​ໄປ​ສູ່​ຄວາມ​ເປັນ​ຮັກ​ທີ່​ແທ້​ຈິງ​ໄດ້​

7. ຄວາມ​ຄິດ​ໂຫຍ​ຫາ​ອະ​ດີດ​ແລະ​ຄວາມ​ກັງ​ວົນ​ໃນ​ອະນາຄົດ​ນັ້ນ​ ເປັນ​ຄວາມ​ຄິດ​ທີ່​ເສຍລ້າແລະ​ເປັນ​ໂທດ​ເສຍ​ເປັນ​ສ່ວນ​ໃຫຍ່​ ຖ້າ​ເປັນ​ໄປ​ໄດ້​ ຄວນ​ຄິດ​ໃຫ້​ນ້ອຍ​ ແທນ​ທີ່​ຄວາມ​ຄິດ​ບໍ່ມີ​ປະໂຫຍດ​ເຫຼົ່າ​ນັ້ນ​ດ້ວຍ​ການເຮັດ​ສ​ະມາ​ທິ​ ກຳນົດ​ລົມຫາຍ​ໃຈ​ຫລື​ການ​ພິຈາລະນາ​ຊີວິດ​ໃນ​ມຸມ​ທີ່​ສ້າງສັນ​ ເຮົາ​ຕ້ອງ​ຄິດ ວ່າ​ ຄວາມ​ທຸກ​ຄື​ກ້ອນ​ຄວາມ​ຄິດ​ທີ່​ສ້າງ​ມາ​ຈາກ​ເວລາ​ທີ່​ນອກ​ເໜືອ​ຈາກ​ປະຈຸບັນ​ ເມື່ອ​ເຮົາ​ທັງ ຫມົດ​ໃຈ​ຂອງ​ເຮົາ​ລົງ​ສູ່​ປະຈຸບັນ​ໄດ້​ເມື່ອໃດ​ ທັງ​ອະ​ດີດ​ ແລະ​ອະນາຄົດ​ ກໍ​ຈະ​ບໍ່​ສາມາດ​ທຳຮ້າຍ​ເຮົາ​ໄດ້​

8. ທຳລາຍ​ວົງ​ຈົນ​ອຸ​ບາດ​ຂອງ​ຊີວິດ​ດ້ວຍ​ການ​ໃສ່​ກິດຈະກຳ​ດີ​ໆ​ເຂົ້າໄປ​ ເຊັ່ນ​ການ​ຕື່ນ​ໃຫ້​ເຊົ້າ​ຂຶ້ນ​ ກຳນົດ​ເວລາ​ກິນ​ ຢູ່​ ຫຼັບ​ ນອນ​ ຂັບ​ຖ່າຍ​ໃຫ້ເປັນ​ເວລາ​ ໃສ່​ຕາຕະລາງ​ການ​ອອກ​ກຳ​ລັງ​ກາຍ​ລົງ​ໄປ​ດ້ວຍ​ ເຮັດ​ສິ່ງ​ໃດ​ສິ່ງ​ໜຶ່ງ​ໃຫ້​ຈິດ​ວິຕະວິທະ​ຍາຂອງ​ຕົນ​ຕ​ະ​ໜັກ​ເຖິງ​ຄວາມ​ເປັນ​ລະບົບ​ລະບຽບ​ຂອງ​ຊີວິດ​ ຢ່າ​ໃຊ້​ຊີ ວິດ​ແບບ​ເກົ່າໆ​ ເພາະ​ນັ້ນ​ອາດ​ເປັນ​ຈຸດ​ເລີ່ມ​ຕົ້ນ​ຂອງ​ພະຍາດ​ຊຶມ​ເສົ້າ​ ແລະ​ບັນຫາ​ທາງ​ໃຈ​ອື່ນ​ໆ​ ທີ່​ຈະ​ຕາມ​ມາ​

9. ຈົ່ງ​ຮັກ​ໃນ​ຫນ້າທີ່​ຂອງ​ຕົນ​ແລະ​ພະຍາຍາມ​ເຊື່ອ​ໂຢງ​ຫນ້າທີ່​ຂອງ​ຕົນ​ໄວ້​ກັບ​ປະໂຫຍດ​ຂອງ​ຜູ້​ອື່ນ​ຫລື​ປະໂຫຍດ​ຂອງ​ສັງຄົມ​ ຄິດ​ໃຫ້​ອອກ​ວ່າ​ຫນ້າທີ່​ຂອງ​ເຮົາ​ສາມາດ​ຊ່ວຍ​ຫຍັງ​ສັງຄົມ​ຫລື​ຜູ້​ອື່ນ​ໄດ້​ດ້ວຍ​ແລະ ​ຂະຫຍາຍ​ຄວາມ​ຮູ້ສຶກ​ນຶກ​ຄິດ​ກົງ​ນັ້ນ​ໃຫ້​ງອກ​ງາມ​ໃນ​ໃຈ​ ການ​ງານ​ຂອງ​ເຮົາ​ກໍ​ຈະ​ປ່ຽນ​ຈາກ​ການ​ເຮັດ​ວຽກງານ​ເປັນ​ການເຮັດ​ບຸນກາຍ​ເປັນ​ຄົົນທີ່​ມີ​ໃຈ​ແລະ​ຫນ້າທີ່​ອັນ​ເປັນ​ກຸສົນ​ຢູ່​ຕະຫລອດ​ເວລາ​

10. ຍ້ຳ​ເຕືອນ​ຕົນເອງ​ຢູ່​ສະເໝີ​ວ່າ​ສິ່ງ​ຕ່າງ​ໆ​ ນັ້ນ​ຢູ່​ດ້ວຍ​ເຫດ​ປັດ​ໄຈ​ ຢ່າ​ຄາດ​ຫວັງ​ໃນ​ຜົນ​ ແຕ່ຈົ່​ງ​ສ້າງ​ເຫດ​ ຢ່າ​ຄາດ​ຫວັງ​ໃນ​ຮັກ​ທີ່​ດີ​ ແຕ່ຈົ່​ງ​ສ້າງ​ເຫດ​ແຫ່ງ​ຮັກ​ທີ່​ດີ​ ຢ່າ​ຄາດ​ຫວັງ​ໃນ​ຄວາມ​ລ້ຳລວຍ​ໃຫ້​ຫລາຍ​ເກີນ​ໄປ​ ແຕ່ຈົ່​ງ​ສ້າງ​ເຫດ​ແຫ່ງ​ຄວາມ​ລ້ຳລວຍ​ໃຫ້​ເກີດ​ຂຶ້ນ​ ສິ່ງ​ນີ້​ເອງ​ຄື​ການເຮັດ​ທຸກ​ຢ່າງ​ດ້ວຍ​ຈິດ​ວ່າງ​ ເມື່ອ​ເຮັດ​ທຸກ​ຢ່າງ​ດ້ວຍ​ຈິດ​ວ່າງ​ໄດ້​ແລ້ວ​ ຊີວິດ​ກໍ​ຈະ​ພົບ​ກັບ​ຫົນ​ທາງ​ແຫ່ງ​ຄວາມ​ດີ​ງາມ​ແລະ​ຄວາມ​ສຸກ​ໄດ້​ງ່າຍ​ຂຶ້ນ​

11. ເບິ່ງ​ໄປ​ອ້ອມ​ຂ້າງ​ ຖາມ​ຕົນເອງ​ວ່າ​ ມີ​ໃຜ​ແດ່​ທີ່​ມີ​ຄວາມຫມາຍ​ກັບ​ຊີວິດ​ຂອງ​ເຮົາ​ ມີ​ໃຜ​ແດ່​ທີ່​ມີ​ບຸນຄຸນ​ກັບ​ຊີວິດ​ຂອງ​ເຮົາ​ ບຸກ​ຄົນ​ເຫຼົ່າ​ນີ້​ຄື​ບຸກ​ຄົນ​ທີ່​ເຮົາ​ຕ້ອງ​ເບິ່ງ​ແຍງ​ບໍ່​ອາດ​ລະ​ເລີຍ​ ຂໍ​ໃຫ້​ເບິ່ງ​ໄປ ຍັງເຂົາ​ເຫຼົ່າ​ນັ້ນ​ ແລ້ວ​ຖາມ​ຕົນເອງ​ວ່າ​ ເຮົາ​ຈະ​ເຮັດ​ຫຍັງ​ເພື່ອ​ເຂົາໄດ້​ດ້ວຍ​ແລະ​ລົງ​ມື​ເຮັດ​ທັນ​ທີ​ ຢ່າ​ໄດ້​ຖ້າ ເພາະ​ເວລາ​ບໍ່​ອາດ​ຍ້ອນ​ຄືນ​ໄດ້​ໃໝ່​

12. ຢ່າ​ເວົ້າ​ໃນ​ສິ່ງ​ບໍ່​ດີ​ ຢ່າ​ເວົ້າ​ຕົວະ​ ຢ່າ​ເວົ້າ​ຄວາມ​ຈິງ​ທີ່​ບໍ່ມີ​ປະໂຫຍດ​ ຢ່າ​ເວົ້າ​ຈາ​ທຳລາຍ​ນ້ຳ​ໃຈ​ບຸກ​ຄົນ​ອື່ນ​ ຢ່າ​ເວົ້າ​ຈາ​ດູຖືກ​ຕົນເອງ​ແລະ​ຢ່າ​ເວົ້າ​ຫຍັງ​ທີ່​ທຳລາຍ​ສັງຄົມ​ ບຸກ​ຄົນ​ແລະ​ສາສະຫນາ​ທີ່ດຕົນ​ນັບ​ຖື​

13. ຈົ່ງ​ຝຶກ​ຈິດ​ໃຈ​ຂອງ​ຕົນ​ ຂັດ​ເກົາ​ຈິດ​ໃຈ​ຂອງ​ຕົນ​ດ້ວຍ​ການ​ຂະ​ບວນ​ການ​ທີ່​ມີປະ​ສິດ​ທິ​ພາບ​ ຝຶກ​ຄິດ​ຢ່າງ​ເທົ່າ​ທັນ​ ຝຶກ​ສະ​ມາ​ທິ​ ຝຶກ​ກຳນົດ​ຮູ້​ຕາມ​ຈິງ​ ເພາະ​ຊີວິດ​ຄື​ສິ່ງ​ບໍ່​ແນ່ນອນ​ແລະ​ບໍ່​ອາດ​ຄາດ​ເດົາ​ໄດ້​ ດັ່ງ​ນັ້ນ​ ເຮົາ​ຈຳ​ເປັນ​ຕ້ອງ​ກຽມ​ພ້ອມ​ໃນ​ທຸກ​ສະຖານນະການ​ທີ່​ຈະ​ເກີດ​ຂຶ້ນ​ ເຮົາ​ຕ້ອງ​ກຽມ​ຄວາມ​ແຂງ​ແຮງ​ຂອງ​ຈິດ​ໃຈ​ໄວ້​ ເພາະ​ການເຮັດ​ໃຈ​ບໍ່​ແມ່ນ​ເລື່ອງ​ງ່າຍ​ເລີຍ​ສຳລັບ​ຜູ້​ບໍ່​ເຄີຍ​ຝຶກ​ຝົນ​

14. ຂອງຂວັນທີ່​ດີ​ທີ່ສຸດ​ຄື​ ຮອຍຍິ້ມ​ ກຳ​ລັງ​ໃຈ​ແລະ​ຄວາມ​ຈິງ​ໃຈ​ ຈົ່ງ​ແຈກ​ຈ່າຍ​ຂອງ​ຂວັນ​ເຫຼົ່າ​ນີ້​ໄປ​ຍັງຜູ້​ຄົົນທີ່​ພົບ​ເຫັນ​ ເຮັດໃຫ້​ເປັນ​ນິ​ໄສ​ ແລ້ວ​ມິດ​ຕະພາບ​ດີ​ໆ​ ຈະ​ເກີດ​ຂຶ້ນ​ໃນ​ຊີວິດ​ຂອງ​ເຮົາ​ທຸກ​ມື້​

15. ບໍ່​ວ່າ​ຫຍັງ​ຈະ​ເກີດ​ຂຶ້ນ​ ຈົ່ງ​ບອກ​ຕົວ​ເອງ​ວ່າ​ ສິ່ງ​ນັ້ນ​ຈະ​ຜ່ານ​ເຮົາ​ໄປ​ສະເໝີ​ ບໍ່​ວ່າ​ສຸກ​ ທຸກ​ ດີ​ໃຈ​ ເສຍ​ໃຈ​ ຈົ່ງ​ເບິ່ງ​ເວລາ​ ໃຫ້​ເວລາ​ໄດ້​ເຮັດ​ຫນ້າທີ່​ຂອງ​ມັນ​ ຈົ່ງ​ອົດ​ທົນ​ ເຂັ້ມແຂງ​ ຢ່າ​ຍອມ​ແພ້​ໃນ​ສິ່ງ​ໃດ​ກໍ່ ຕາມ​

ຈົ່ງ​ຂອບໃຈ​ຕົວ​ເອງ​ທີ່​ພາ​ຊີວິດ​ມາ​ຈົນ​ເຖິງ​ມື້​ນີ້​ ຂອບໃຈ​ລົ​ມຫາຍ​ໃຈ​ແລະ​ສັບ ພະສິງ​ທັງ​ຫຼາຍ​ທີ່​ໃຫ້​ໂອ​ກາດ​ເຮົາ​ໄດ້​ຮຽນ​ຮູ້​ຊີວິດ​ ແລະ ​ສ້າງ​ສະຕິປັນຍາ​ໃຫ້​ ຈະເລີນ​ງອກ​ງາມ​ໃນ​ຈິດ​ວິນ​ຍານ​ຂອງ​ເຮົາ​.
ຂໍ​ໃຫ້​ບອກ​ກັບ​ຕົນເອງ​ສະເໝີ​ວ່າ​ ເຮົາ​ຄື​ບຸກ​ຄົນ​ທີ່​ໂຊກດີ​ທີ່ສຸດ​ໃນ​ໂລກ​ແລ້ວ​ທີ່​ໄດ້​ເປັນ​ເຈົ້າ​ຂອງ​ຊີວິດ​ຂອງ​ເຮົາ​ເອງ​ ຈົ່ງ​ໃຊ້​ມັນ​ ຈົ່ງ​ໃຊ້​ຊີວິດ​ ເຮັດ​ຊີວິດ​ຂອງ​ຕົນເອງ​ໃຫ້​ມີ​ຄຸນຄ່າ​ທີ່ສຸດ​ ສົມ​ດັ່ງ​ທີ່​ໄດ້​ເກີດ​ມາ​ເປັນ​ມະນຸດ​ຜູ້ປະ​ເສີດ​ໃນ​ຊາດ​ນີ້...

ບົດຄວາມໃຫມ່ໆ