12 ສັບພະຄຸນປະໂຫຍດຂອງນໍ້າເຜິ້ງ

ນໍ້າເຜິ້ງມີສານອາຫານຫລາຍຊະນິດ ໃຫ້ຄຸນຄ່າຕໍ່ຮ່າງກາຍ ຕັງແຕ່ອາດີດຈົນເຖິງປັດຈຸບັນມີການນໍາເອົານໍ້າເຜິ້ງມາໃຊ້ເປັນປະໂຫຍດໃນຫລາຍໆດ້ານ ບໍ່ວ່າຈະນໍາມາປະກອບເປັນອາຫານຄາວຫວານຕ່າງໆ ນໍາມາເປັນສ່ວນປະກອບຂອງສະໝູນໄພໄປປະສົມໃນເຄື່ອງສໍາອາງ ຫລືນໍາມາເປັນຄີມຂັດພອກຜິວຊຶ່ງສາມາດເຮັດໄດ້ງ່າຍໆ ດ້ວຍຕົວເອງໃນບ້ານ ເອີ້ນໄດ້ວ່າມີປະໂຫຍດຮອບດ້ານເລີຍ ມາເບິ່ງກັນວ່າສັບພະຄຸນປະໂຫຍດຂອງນໍ້າເຜິ້ງ ມີຫຍັງແດ່

12ສັບພະຄຸນປະໂຫຍດຂອງນໍ້າເຜິ້ງ

1.ນໍ້າເຜິ້ງມີສັບພະຄຸນເປັນຍາອະນຸວັດທະນະ ມີຫລາຍຊົນຊາດທົ່ວໂລກເຊື່ອຄືກັນວ່ານໍ້າເຜິ້ງເປັນຢາຊັ້ນຍອດ ທີ່ຊ່ວຍບໍາລຸງຮ່າງກາຍ ບໍາລຸງສຸຂະພາບ ຊ່ວຍຟື້ນຟູຮ່າງກາຍທີ່ອອ່ນເພຍຊຸດໂຊມໃຫ້ກັບມາສົດຊື່ນມີກໍາລັງກ່ວາເດີມ

2.ປະໂຫຍດຂອງນໍ້າເຜິ້ງຊ່ວຍຮັກສາບາດແຜ ແບກທີ່ເຣຍແລະ ຈຸລິນຊີຕ່າງໆ ຕ້ອງການນໍ້າໃນການຈະເລີນເຕີບໂຕແຕ່ໃນນໍ້າເຜິ້ງມີປະລິມານນໍ້າຕານສູງ ແລະ ມີນໍ້າໃນປະລິມານທີ່ນ້ອຍກ່ວາຫລາຍ ຈຶ່ງເນັດໃຫ້ມີຄວາມເຂັ້ມແຂງສູງ ເຊື້ອໂຣກຕ່າງໆຈຶ່ງບໍ່ສາມາດຈະເລີນເຕີບໂຕໄດ້ໃນນໍ້າເຜິ້ງນັ້ນເອງ ນໍ້າເຜິ້ງສາມາດນໍາມາລ້າງບາດແຜໄດ້ ຊຶ່ງຊ່ວຍຂ້າເຊື້ອໂຣກ ບໍ່ເຮັດໃຫ້ແຜອັກເສບ ເຮັດໃຫ້ແຜແຫ້ງ ແລະ ຫາຍໄວ ສໍາລັບແຜທີ່ເໝາະຢ່າງຍິ່ງໃນການໃຊ້ນໍາເຜິ້ງຮັກສາແມ່ນແຜທີ່ຖືກໄຟໄໝ້ ນໍ້າຮ້ອນລວກ ໃຊ້ນໍາເຜິ້ງທາຕະຫລອດຈະຊ່ວຍຫລຸດອາການປວດແສບໄດ້ ແລະຍັງສາມາດເອົາໄປປະສົມກັບຂີ້ມີ້ນແລ້ວນໍາມາທາທີ່ແຜກໍ່ໄດ້ເຊັ່ນກັນເພາະຂີ້ມີ້ນຈະມີສັບພະຄຸນໃນການຮັກສາແຜ ຫາກໃຊ້ທັງສອງຢ່າງລວມກັນ ກໍ່ຈະເກີດປະສິດທິພາບໄດ້ຫລາຍຂື້ນ

3.ນໍ້າເຜິ້ງມີສັບພະຄຸນແກ້ໄອ ບັນເທົາອາການເຈັບຄໍ ໂດຍການນໍາເອົານໍ້າເຜິ້ງມາປະສົມກັບນໍ້າຫມາກນາວຈິບທີລະນ້ອຍເມື່ອມີອາການ ຫລື ເອົາມາປະສົມກັບນໍ້າອຸ່ນໆບັນເທົາອາການໄອແລະເຈັບຄໍໄດ້ເປັນຢ້່ງດີ ນອກຈາກນີ້ຍັງຊ່ວຍຫລຸດເສມຫະໃນປາກແລະລໍາຄໍໄດ້ນໍາອີກ

4.ນໍ້າເຜິ້ງຊ່ວຍຮັກສາໂຣກຜິວຫນັງ ຈໍາພວກກາກເຮື້ອນ ອາການຄັນຕ່າງໆ ໂດຍນໍານໍ້າເຜິ້ງມາປະສົມກັບຂີ້ມີ້ນ ແລ້ວນໍາມາທາໃນບໍລິເວນທ່ມີອາການທື້ລະ2ຄັ້ງ

5.ນໍ້າເຜິ້ງຊ່ວຍຮັກສາໂຣກທ້ອງຜູກ ທ້ອງເສຍ ບໍ່ຕ້ອງຕົກໃຈວ່າສັບພະຄຸນເບິ່ງຄືຂັດແຍ້ງກັນ ເພາະນໍ້າເຜິ້ງສາມາດຮັກສາໄດ້ທັງສອງຢ່າງສໍາລັບໂຣກທ້ອງຜູກນັ້ນ ໃຊ້ນໍ້າເຜິ້ງທີ່ໄດ້ມາໃຫມ່ໆ ຮັກສາ ເນື່ອງຈາກນໍ້າເຜິ້ງໃຫມ່ ມີອິດທິລິດເປັນຢາລະບາຍອ່ອນໆ ຈຶ່ງຊ່ວຍເຮັດໃຫ້ລະບົບຂັບຖ່າຍຄ່ອຍໆດີຂື້ນ ເຫມາະສໍາລັບເປັນຢາລະບາຍສໍາລັບເດັກແລະຜູ້ສູງອາຍຸ ສ່ວນທ່ານໃດທີ່ທ້ອງເສຍໃຫ້ຮັບປະທານນໍ້າເຜິ້ງເກົ່າທີ່ມີອາຍຸຫລາຍກ່ວາ 1ປີຂື້ນຈະຊ່ວຍໃຫ້ອາການທ້ອງເສຍດີຂື້ນໄດ້

6.ປະໂຫຍດຂອງນໍ້າເຜິ້ງຊ່ວຍໃຫ້ຫລັບສະບາຍ ນໍ້າເຜິ້ງມີອິດທິລິດເປັນຢາລະງັບປະສາດແບບອ່ອນໆ ການຮັບປະທານນໍ້າເຜິ້ງຈະຊ່ວຍຜ່ອນຄາຍຄວາມຄຽດ ຫລຸດອາການຫງຸດຫງິດ ກັງວົນໃຈ ແລະ ຊ່ວຍໃຫ້ຫລັບສະບາຍຍິ່ງຂື້ນ

7.ນໍ້າເຜິ້ງຊ່ວຍເສີມສ້າງການເຮັດວຽກຂຶງລະບົບໄຫຼວຽນໂລຫິດ ນໍ້າເຜິ້ງອຸດົມໄປດ້ວຍທາດເຫລັກ ມີສ່ວນຊ່ອຍໃນການເສີມສ້າງເມັດເລືອດແດງ ປ້ອງກັນໂຣກໂລຫິດຈາງ ບໍາລຸງຫົວໃຈປ້ອງກັນໂຣກຄວາມດັນໂລຫິດສູງ ແລະ ປ້ອງກັນການເກີດໂຣກທີ່ກ່ຽວກັບຫົວໃຈ

8.ນໍ້າເຜິ້ງມີສັບພະຄຸນຊ່ວຍບໍາລຸງສາຍຕາ ແລະ ຍັງຊ່ວຍຮັກສາການອັກເສບທີ່ເກີດຂື້ນກັບດວງຕາ ເຊັ່ນ ຕາອັກເສບເປັນຕົ້ນ

9.ນໍ້າເຜິ້ງຊ່ວຍປັບສົມດຸນໃຫ້ລະບົບຍ່ອຍອາຫານ ຊ່ວຍຍ່ອຍອາຫານຊ່ວຍຫຼຸດກົດເກີນໃນກະເພາະອາຫານ ປ້ອງກັນ ແລະ ຮັກສາໂຣກກະເພາະບັນເທົາອາການຫ້ອງອືດ ທ້ອງເຟີ້ ອາການປວດທ້ອງຈາກການທ້ອງເສຍ ແລະ ຍັງຊ່ວຍໃຫ້ລໍາໄສ້ອັກເສບກັບມາຟື້ນຕົວໄດ້ໄວຂື້ນ

10.ນໍ້າເຜິ້ງມີສັບພະຄຸນຊ່ວຍບັນເທົາອາການໄຂຂໍ່ອັກເສບ ການປວດເມື່ອຍຕາມຕົນຕົວ ຮ່າງກາຍຟົກຊໍ້າຈາກການຫລິ້ນກິລາ ແລະ ປ້ອງກັນການເກີດຕະຄິວໄດ້ນໍາອີກ

11.ປະໂຫຍດຂອງນໍ້າເຜິ້ງຊ່ວຍບໍາລຸງຜົມ ຫຼັງຈາກສະຜົມເຊັດຜົມພໍມາດໆແລ້ວ ນໍານໍ້າເຜິ້ງມາປະສົມກັບນໍ້າມັນຫມາກກອກ ແລ້ວນໍາສ່ວນປະສົມທີ່ໄດ້ມາທາໃຫ້ທົ່ວ ນວດໜັງຫົວເບົາໆ ເພື່ອກະຕຸ້ນການໄຫລວຽນໂລຫິດ ຫລັງຈາກນັ້ນມັກຜົມປະໄວ້ ແລ້ວລ້າງອອກດ້ວຍນໍ້າສະອາດ ຈະຊ່ວຍໃຫ້ເສັ້ນຜົມເງົາງາມ ຮາກຜົມແຂງແຮງບໍ່ຫຼົ່ນງ່າຍ

12.ສັບພະຄຸນຂອງນໍ້າເຜິ້ງຊ່ວຍບໍາລຸງຜິວພັນ ເປັນສັບພະຄຸນທີ່ນຮູ້ຈັກກັນດີສໍາລັງສາວໆ ທີ່ນໍານໍ້າເຜິ້ງມາໃຊ້ໃນວົງການຄວາມງາມ ແລະ ເຄື່ອງສໍາອາງຫລາຍຢ່າງ ເພາະມີຄຸນສົມບັດຊ່ວຍໃນການຮັກສາຜິວ ຊ່ວຍບໍາລຸງຜິວໃຫ້ນຸ່ມຊຸ່ມຊື່ນ ຢັບຢັ້ງການຈະເລີນເຕີບໂຕຂອງແບັກທີເຣຍອັນເປັນສາເຫດທີ່ເຮັດໃຫ້ເກີດສິວ ສໍາລັບທ່ານໃດທີ່ເປັນຄົນຮັກສຸຂະພາບຄວາມສວຍຄວາມງາມບໍ່ຄວນພາດປະໂຫຍດດີໆຈາກນໍ້າເຜິ້ງ