10.ຄວາມລັບຂອງຜົນງານສິນລະປະ ແລະ ແຫຼ່ງທ່ອງທ່ຽວດັງ ທີ່ເຈົ້າອາດຈະບໍ່ເຄີຍຮູ້ມາກ່ອນ

10.ຄວາມລັບຂອງຜົນງານສິນລະປະ ແລະ ແຫຼ່ງທ່ອງທ່ຽວດັງ ທີ່ເຈົ້າອາດຈະບໍ່ເຄີຍຮູ້ມາກ່ອນ


ສະຖານທີ່ສຳຄັນໃນໂລກລ້ວນມີປະຫວັດຄວາມເປັນມາ ທີ່ຄວນສຶກສາຄືກັນ ບໍ່ວ່າຈະເປັນຫ້ອງພັກທີ່ລີ້ຢູ່ຊັ້ນເທິງສຸດຂອງຫໍໄອເຟລ ສາເຫດທີ່ສະພານໂກລເດນເກດເປັນສີສົ້ມອົມແດງ

 
1.ອະພາດເມັ້ນເທິງຫໍໄອເຟລ


ຢູ່ຊັ້ນເທິງສຸດຂອງຫໍໄອເຟລ ສະຖານທີ່ທ່ອງທ່ຽວອັນແສນໂດ່ງດັງ ເປັນທີ່ຕັ້ງຂອງອະພາດເມັ້ນເກົ່າແກ່ຂອງຜູ້ອອກແບບ Gustave Eiffel ເຂົາໃຊ້ມັນເປັນທີ່ພັກຜ່ອນແລະບາງຄັ້ງກໍ່ເຊີນຄົນດັງ ເປັນທີ່ຕັ້ງຂອງອະພາດເມັ້ນເກົ່າແກ່ຂອງຜູ້ອອກແບບ Gustave Eiffel ເຂົາໃຊ້ມັນເປັນທີ່ພັກຜ່ອນແລະບາງຄັ້ງກໍເຊີນຄົນດັງແບບ"ທໍມັສ ເອດິສັນ" ມາຮ່ວມສັງສັນນຳ


2.ໂຊ້ຂອງເທພີເສລີພາບ


ເທພີເສລີພາບຄືສັນຍາລັກຂອງເສລີພາບແຫ່ງສະຫະລັດ ດັ່ງນັ້ນທີ່ຕີນຂອງເທພີຈຶ່ງມີໂຊ້ທີ່ຖືກຕັດຂາດ ເພື່ອເປັນສັນຍາລັກວ່າຄົນອາເມລິກັນໄດ້ຮັບການປົດປ່ອຍສູ່ເສລີພາບຢ່າງແທ້ຈິງ


3.ໂມນາລິຊາແຫ່ງໄອສເວີດ


ເຖິງວ່າໂລກນີ້ຈະມີຮູບແຕ້ມຫລາກຫລາຍຮູບທີ່ຖືກແຕ້ມຂຶ້ນເພື່ອຮຽນແບບຮູບໃນຕຳນານຢ່າງ"ໂມນາລິຊາ" ແຕ່ຮູບຂອງໂມນາລິຊາແຫ່ງໄອສເວີດນີ້ວ່າກັນວ່າເປັນອີກຮູບທີ່ແຕ້ມຂຶ້ນໂດຍດາວິນຊີ ແລະ ຖືກຮ້ອງວ່າໂມນາລິຊາຜູ້ມາກ່ອນ ເພາະມີໃບຫນ້າທີ່ອ່ອນກວ່າໃນຮູບແຕ້ມໂມນາລິຊາອັນໂດ່ງດັງ

 

4.ທາມແຄບຊູລົບພູເຂົາລັດຊມໍ


ລະຫວ່າງການກໍ່ສ້າງອະນຸສອນສະຖານເທິງພູເຂົາລັດຊມໍ ສະຖາປະນິກGutzon Borglumໄດ້ວາງແຜນທີ່ຈະສ້າງຫ້ອງລັບHall of chronicles ໄວ້ເທິງຫນ້າຜາ ແຕ່ກະຍັງບໍ່ທັນແລ້ວດີປານໃດ ຕໍ່ມາໃນປີ1998 ໄດ້ມີການນຳເອກະສານສຳຄັນກ່ຽວກັບປະທານນາທິບໍດີສະຫະລັດ ໄປເກັບໄວ້ໃນຫ້ອງລັບແຫ່ງນີ້ ແລະຖືກຮັກສາໄວ້ເປັນທາມແຄບຊູລເທິງພູເຂົາລັດຊມໍ


5.ຍອດເຂົາມັທເທີຮອນແຫ່ງດິສນີແລນ


ຍອດເຂົາມັທເທີຮອນແຫ່ງດິສນີແລນຄືພູເຂົາຈຳລອງທີ່ຖືກສ້າງລຽນແບບຍອດເຂົາມັທເທີຮອນຫລືມອນເຕແຊຣວີໂນແຫ່ງເທືອກເຂົາແອລ ຖືກໃຊ້ເປັນພູເຂົາຈຳລອງສຳລັບຄົນທີ່ມັກປີນພູຜາ ແລະ ມີເດີ່ນບາສເກັດບອລຢູ່ພາຍໃນອີກດ້ວຍ


6.ສີສັນດັ້ງເດີມຂອງສະຟິງ


ມາຫາສຟິງທີ່ເຮົາຮູ້ຈັກກັນດີນັ້ນຄືຫິນແກະສະລັກຂະຫນາດໃຫຍ່ສີນຳ້ຕານອ່ອນ ແຕ່ຄວາມຈິງແລ້ວ ຮູບແບບດັ້ງເດີມນັ້ນມີສີສັນສົດໃສຕາມສະໄຕລອີຍິບ ຊຶ່ງສ່ວນທີ່ຍັງຫລົງເຫລືອຢູ່ນັ້ນໄດ້ຖືກນຳໄປເກັບຮັກສາໄວ້ໃນພິພິດຕະພັນອັງກິດແລະອີຢິບ


7.ໃບຫນ້າຂອງດາເນ່


ແຮມບຣັນຕເລີ່ມລົງມືແຕ້ມຮູບDanaë ຫລັງແຕ່ງດອງກັບເມຍ Saliva van Uylenburgh ໄດ້ສອງປີ ແລະ ແຮມບຣັນຕໄດ້ແຕ້ມຮູບຫລາກຫລາຍໂດຍໃຊ້ເມຍຂອງຕົນເປັນແບບ ແຕ່ບາງຮູບເຊັ່ນດາເນ່ກັບເບິ່ງຄືບໍ່ຄ້າຍຄືກັບໂຕລາວດັ່ງຮູບໂຕອື່ນໆ ໃນຊ່ວງເວລາດຽວກັນ ຈົນເຮັດໃຫ້ຜູ້ທີ່ສຶກສາຜົນງານຂອງເຂົາເກີດຄວາມສັບສົນ ຈົນມີຜູ້ອອກມາເຜີຍວ່າຫນ້າຈະເປັນການປະສົມປະສານລະຫວ່າງໃບຫນ້າຂອງSaskia ແລະ Geertje Dircx ຄົນຮັກຄົນໃຫມ່ຂອງລາວ ເຊິ່ງແຮມບຣັນຕໄດ້ລົງມືແກ້ໄຂພາບຫລັງຈາກທີ່ອະດີດເມຍເສຍຊີວິດ 


8.ຊື່ຂອງ "ບິກເບນ"


ຄົນສ່ວນໃຫຍ່ຮູ້ຈັກຫໍໂມງທີ່ແສນໂດ່ງດັງແຫ່ງນີ້ໃນນາມ "Big Ben" ເຊິ່ງມີຊື່ຢ່າງເປັນທາງການວ່າ The Bell Tower of the palace of Westminster ແລະ ຕໍ່ມາກໍ່ຖືກປ່ຽນເປັນ The Elizabeth Tower ໂດຍບໍ່ມີຜູ້ໃດຮູ້ເລີຍວ່າໃຜເປັນຜູ້ຮ້ອງຫໍໂມງແຫ່ງນີ້ວ່າ Big Ben ເປັນຄົນທຳອິດ ແຕ່ເຊື່ອວ່າຫນ້າຈະເປັນຊື່ຂອງຫນຶ່ງຜູ້ໃນກໍ່ຕັ່ງຫໍໂມງນັ້ນເອງ


9.ສີຂອງສະພານໂກລເດນເກດ


ສະພານໂກລເດນເກດຫລືສະພານສີສົ້ມອົມແດງສົດໃສ ນັ້ນເປັນແລນມາກຊື່ດັງທີ່ສຸດແຫ່ງຫນຶ່ງໃນໂລກ ຊຶ່ງແຕ່ກ່ອນກອງທັບສະຫະລັດ ຕ້ອງການທາສີສະພານແຫ່ງຫນຶ່ງເປັນສີດຳແລະຄາດແຖບສີເຫລືອງເພື່ອໃຫ້ເຫັນແຈ້ງວ່າໃນມ່ານຫມອກ ແຕ່ສະຖາປະນິກ Irving Morrow ໄດ້ໂນ້ມນ້າວໃຫ້ກອງທັບເລືອກສີສົ້ມສົດອົມແດງທີ່ທັງເບິ່ງເຫັນໄດ້ຢ່າງຊັດເຈນແລະສວຍງາມ

 

10.ທ້ອງຟ້າໃນພາບເດິ ສຄຣີມ


The scream of nature ຄືຮູບແຕ້ມຊິ້ນເອກຂອງ Edvard Munch ເປັນຮູບຜູ້ຊາຍທີ່ກຳລັງແຂກຮ້ອງໂດຍມີສາກຫລັງເປັນທ້ອງຟ້າສີສົ້ມທີ່ເບິ່ງຄືເປັນຕາຢ້ານ ເຊິ່ງຜູ້ຊ່ຽວຊານເຊື່ອວ່າຫນ້າຈະເປັນສີສັນຈາກການລະເບີດຂອງພູເຂົາໄຟກຣາກະທີ່ໂດ່ງດັງ