10 ເຫດ­ຜົນ​ທີ່​ບໍ່​ຈ່ອຍຈັກເທືື່ອ

ຮູ້​ບໍ​ວ່າ​ເປັນຫຍັງ​ຄົົນທີ່​ຢາກ​ຈ່ອຍ​ແຕ່​ບໍ່​ຈ່ອຍ​ຈັກເທື່ອ​ ມັນ​ມີ​ເຫດຜົນ​ຂອງ​ມັນ​ວ່າ​ເປັນຫຍັງ​ ມີ​ຫຍັງ​ໄປ​ເບິ່ງ​ກັນ​ຖ້າ​ຮູ້​ແລ້ວ​ຟ້າວ​ປ່ຽນ​ຕົວ​ເອງ​ກັນ​ເລີຍແລະ​ສາວ​ໆ​ ຫຼາຍ​ຄົົນທີ່​ຫຼຸດ​ນ້ຳ​ໜັກ​ເທົ່າໃດ​ ອອກ​ກຳ​ລັງ​ກາຍ​ເທົ່າໃດ​ ແຕ່​ກໍ​ຍັງ​ບໍ່​ຈ່ອຍ​ ເຮັດແນວໃດ​ກໍ​ນ້ຳ​ໜັກ​ເພີ່ມ​ຂຶ້ນ​ອີກ​ ມາ​ເບິ່ງ​ກັນ​​ວ່າ​ເປັນ​ເພາະ​ຫຍັງ​ກັນ​ທີ່​ເຮັດໃຫ້​ເຮົາ​ບໍ່​ຈ່ອຍ​

1.ຖາມ​ຕົວ​ເອງ​​ວ່າ​ ຄວບ​ຄຸມ​ອາຫານ​ຫຼື​ອົດ​ອາຫານ​

ການ​ອົດ​ອາຫານ​ນັ້ນ​ບໍ່​ແມ່ນ​ວິທີ​ຫຼຸດ​ນ້ຳ​ໜັກ​ທີ່​ຖືກ​ຕ້ອງ​​ ຍິ່ງ​ອົດ​ອາຫານ​ເລື້ອຍໆ​ ຈະ​ເຮັດໃຫ້​ລະບົບ​ເຜົາ​ຜານ​ໃນ​ຮ່າງກາຍ​ຂອງ​ເຈົ້າ​ເສຍ​ໄປ​ດ້ວຍ​ ດັ່ງ​ນັ້ນ​ສິ່ງ​ທີ່​ເຈົ້າ​ຕ້ອງ​ເຮັດ​ຄື​ຮັບປະທານ​ອາຫານ​ໃຫ້​ຄົບ​ທຸກ​ມື້​ ຢ່າ​ອົດ​ແຕ່​ຕ້ອງ​ຄວບ​ຄຸມ​ ໂດຍ​ງົດ​ຂອງ​ມັນ​ ຂອງ​ທອດ​ ກະ​ທິ​ ໄຂ​ມັນ​ ນ້ຳ​ຕານ​ ຫຼື​ແມ່ນແຕ່ເຂົ້າ​ກໍ​ຄວນ​ກິນ​ໃຫ້​ນ້ອຍ​ລົງ​ ຖ້າ​ຮູ້​ຢ່າງ​ນີ້​ແລ້ວ​ຢ່າ​ອົດ​ອາຫານພຽງແຕ່​ຄວບ​ຄຸມ​ກໍ່​ສາມາດ​ຫຼຸດ​ນ້ຳ​ໜັກ​ໄດ້​ແລ້ວ

2.ອອກ​ກຳ​ລັງ​ກາຍ​ພຽງ​ພໍ​ແລ້ວ​ຫຼື​ບໍ​

ຫາກ​ໃຜ​ທີ່​ຄິດວ່າ​ອອກ​ກຳ​ລັງ​ກາຍ​ພໍ​ໃຫ້​ເມື່ອຍ​ອອກ​ຮູ້ສຶກ​ເມື່ອຍ​ກໍ​ພໍ​ແລ້ວ​ ນັ້ນ​ເປັນ​ຄວາມ​ຄິດ​ທີ່​ຜິດ​ໆ​ ເພາະ​ການ​ອອກ​ກຳ​ລັງ​ກາຍ​ເພື່ອ​ເຜົາ​ຜານໄຂ​ມັນ​ສ່ວນ​ເກີນ​ນັ້ນ​ ຢ່າງ​ນ້ອຍ​ເຈົ້າ​ຕ້ອງ​ອອກ​ກຳ​ລັງ​ກາຍ​ຢ່າງ​ຕໍ່​ເນື່ອງ​ໃຫ້​ດົນ​ເຖິງ​ 45 ນາ​ທີ​ ນ້ຳ​ໜັກ​ຂອງ​ເຈົ້າ​ເຖິງ​ຈະ​ຫຼຸດລົງ​ໄດ້​ ເພາະ​ຈະ​ຊ່ວຍ​ເຜົາ​ຜານ​ໄຂ​ມັນ​ໄດ້ຫຼາຍ​

3.ຂາດ​ວິ​ໄນ​ໃນ​ຕົວ​ເອງ​

ບາງເທື່ອ​ຫຼາຍ​ໆ​ຄົນ​ກໍ​ອາດຈະ​ເຜີ​ກິນ​ຫຼາຍ ກິນ​ຂອງ​ຕາມ​ໃຈຕາມ​ໃຈ​ປາກ​ ພຽງ​ແຕ່​ຄິດວ່າ​ກິນ​ແລ້ວ​ຄ່ອຍ​ໄປ​ອອກ​ກຳ​ລັງ​ກາຍ​ກໍ​ໄດ້​ ແຕ່​ຢ່າ​ລືມ​ຄິດວ່າ​ອາຫານ​ບາງຢ່າງ​ທີ່​ກິນ​ເຂົ້າໄປ​ແລ້ວ​ໃຫ້​ພະລັງ​ງານ​ສູງ​ຫຼາຍກວ່າ​ຈະ​ເ​ບິນອອກ​ນັ້ນ​ຕ້ອງ​ໃຊ້​ເວລາ​ເອົາ​ເປັນ​ເປັນ​ວ່າ​ຕ້ອງ​ມຸ້ງ​ໝັ້ນ​ກັບ​ການ​ຫຼຸດ​ນ້ຳ​ນ້ຳ​ໜັກ​ຢ່າງ​ຈິງຈັງ​ບໍ່​ແມ່ນ​ຜັດມື້​ໄປເລື້ອຍໆ​

4.ຄຽດ​ເກີນ​ໄປ​

ຄວາມ​ຄຽດ​ເຮັດໃຫ້​ຜູ້ຍິງ​ຕຸ້ຍ​ໄດ້​ງ່າຍ​ທີ່ສຸດ​ບອກ​ເລີຍ​ ເພາະ​ຖ້າ​ແຮງຄຽດ​ສະ​ສົມ​ຫຼາຍ​ໆ​ ມັນ​ຈະ​ກະ​ຕຸ້ນ​ຄວາມ​ຢາກ​ອາຫານ​ໃຫ້​ມີ​ຫຼາຍ​ຂຶ້ນ​ ເຮັດໃຫ້​ເຈົ້າ​ຕ້ອງ​ກິນ​ເລື້ອຍ​ ຢ່າ​ຄຽດ​ກັນ​ ຍີ້ມ​ກວ້າງ​ໆ​ ຄິດ​ແຕ່​ເລື່ອງ​ດີ​ໆ​

5.ພັກ​ຜ່ອນ​ບໍ່​ພຽງ​ພໍ​

ເຮັດໃຫ້​ລະບົບ​ເຜົາ​ຜານ​ຕອນ​ນອນ​ເຮັດ​ໄດ້​ບໍ່​ເຕັມ​ທີ່​ແລະ​ດ້ວຍ​ເຫດ​ນີ້​ຈຶ່ງ​ເຮັດໃຫ້​ນ້ຳ​ໜັກ​ຫຼຸດລົງ​ໄດ້​ຍາກ​

6.ຂາດ​ນ້ຳ​ອັດ​ລົມ​-ນ້ຳ​ຫວານ​ບໍ່​ໄດ້​

ການ​ດື່ມ​ນ້ຳ​ອັດ​ລົມ​ກໍ​ເປັນ​ອີກ​ປັດ​ໄຈ​ທີ່​ເຮັດໃຫ້ຕຸ້ຍ​ເພາະ​ຈະ​ເຮັດໃຫ້​ການ​ຫຼຸດ​ນ້ຳ​ໜັກ​ ເປັນ​ເລື່ອງ​ຍາກ ນ້ຳ​ອັດ​ລົມ​ ນ້ຳ​ຫວານ​ຫຼື​ແຕ່​ຊາ​ກາ​ເຟ​ ມັນ​ມີ​ນ້ຳ​ຕາ​ນ​ຫຼາຍ​ ດັ່ງ​ນັ້ນ​ຢາກ​ຫຼຸດ​ກໍ​ຕ້ອງ​ຫ້າມ​ກິນ​ອາຫານ​ພວກ​ນີ້​

7.ຫຼຸດ​ນ້ຳ​ໜັກ​ບໍ່​ຖືກ​ວິທີ​

ເບີ່ງ​ຄົນ​ນັ້ນ​ຄົນ​ນີ້​ວ່າ​ເປັນຫຍັງ​ຄົນ​ນັ້ນ​ເຮັດ​ໄດ້​ຜົນ​ແຕ່​ເຮົາ​ເຮັດ​ບໍ່​ໄດ້​ຜົນ​ເພາະ​ວ່າ​ຮ່າງກາຍ​ຂອງ​ ເຮົາ​ນັ້ນ​ແຕກ​ຕ່າງ​ກັບ​ຄົນ​ອື່ນ​ກິນ ລະບົບ​ເຜົາ​ຜານລະບົບ​ຍ່ອຍ​ໃນ​ຮ່າງກາຍ​ແຕກ​ຕ່າງ​ກັນ​ ບາງ​ຄົນ​ເຈັບ​ປ່ວຍ​ບາງຢ່າງ​ ບາງ​ຄົນ​ຮ່າງກາຍ​ແຂງ​ແຮງ​ ດັ່ງ​ນັ້ນ​ເຮົາ​ຈຶ່ງ​ຕ້ອງ​ຫາ​ວິທີ​ການ​ຫຼຸດ​ນ້ຳ​ໜັກ​ໃຫ້​ເໝາະ​ສົມ​ກັບ​ໂຄງ​ສ້າງ​ຮ່າງກາຍ​ຂອງ​ເຮົາ​ທັງຫມົດ​ເຖິງ​ນິ​ໄສ​ ແລະ​ຮູບ​ແບບ​ການ​ໃຊ້​ຊີວິດ​ປະຈຳ​ວັນ​ດ້ວຍ​

8.ເຈົ້າ​ຍັງ​ບໍ່​ມີ​ແຮງ​ບັນ​ດານ​ໃຈ​ຫຼາຍ​ພໍ​

ຄົົນທີ່​ມີ​ເປົ້າ​ໝາຍ​ແລະ​ຄວາມ​ມຸ້ງ​ໝັ້ນ​ຊັດເຈນ​ເຊັ່ນ​ ຜູ້ຍິງ​ຄົນ​ໜຶ່ງ​ຖືກ​ຖິ້ມ​ເພາະຕຸ້ຍ​ເກີນ​ໄປ​ ຈຶ່ງ​ຕັ້ງ​ໃຈ​ຫຼຸດ​ນ້ຳ​ໜັກ​ເພື່ອ​ທີ່​ຈະ​ພິສູດ​ວ່າ​ສາມາດ​ປ່ຽນ​ແປງ​ຕົວ​ເອງ​ໃຫ້​ເບິ່ງ​ດີ​ຂຶ້ນ​ໄດ້​ເປັນ​ຕົ້ນ​ ດັ່ງ​ນັ້ນ​ຖ້າ​ເຈົ້າ​ຢາກ​ຈະ​ຫຼຸດ​ນ້ຳ​ໜັກ​ໃຫ້​ໄດ້​ຜົນ​ແບບ​ຄົນ​ອື່ນ​ທ່ານ​ດ້ວຍ​ກໍ​ເຖິງ​ເວລາ​ແລ້ວທີ່​ເຈົ້າ​ຈະ​ຕ້ອງ​ຫາ​ແຮງ​ບັນ​ດານ​ໃຈ​ຈິງ​ໆ​ຈັງໆ​ ໃຫ້​ກັບ​ຕົວ​ເອງ​

9.ຕົວ​ເລກ​ນ້ຳ​ໜັກ​ບໍ່​ຫຼຸດ​ຈຶ່ງ​ໝົດ​ໄຟ​

ໃຜ​ທີ່​ກຳ​ລັງ​ມີ​ບັນຫາ​ນີ້​ຢູ່​ໃຫ້​ເລີກ​ສົນ​ໃຈ​ຕົວ​ເລກ​​​ ແລ້ວ​ຫັນ​ມາສົນ​ໃຈ​ຜົນ​ລັບ​ໃນ​ເລື່ອງ​ຮູບ​ຮ່າງ​ແທນ​ຈະ​ດີກວ່າ​ ທັງ​ນີ້​ໃຫ້​ລອງ​ອີກເທື່ອ​ດ້ວຍ​ການ​ປ່ຽນ​ວິທີ​ອອກ​ກຳ​ລັງ​ກາຍ​ໃໝ່​ຫຼື​ອອກ​ກຳ​ລັງ​ກາຍ​ໃຫ້​ໜັກ​ກວ່າ​ເກົ່າ ນອກ​ຈາກ​ຈະ​ຊ່ວຍ​ເລັ່ງ​ການ​ເຜົາ​ຜານໄຂ​ມັນ​ໄດ້​ດີ​ຫຼາຍ​ຂຶ້ນ​ແລ້ວ​

10. ມີ​ພະຍາດ​ປະຈຳ​ຕົວ​

ໃຜ​ທີ່​ມີ​ພະຍາດ​ປະຈຳ​ຕົວ​ຫາກ​ລອງ​ຫຼຸດ​ນ້ຳ​ໜັກ​ດ້ວຍ​ຕົວ​ເອງ​ແລ້ວ​ບໍ່​ໄດ້​ຜົນ​ ທາງ​ທີ່​ດີ​ຄວນ​ປືກ​ສາ​ແພດ​ເພື່ອ​ຮັກສາ​ແລະ​ຂໍ​ຄຳ​ແນະ​ນຳ​ກ່ຽວກັບ​ການ​ອອກ​ກຳ​ລັງ​ກາຍ​ທີ່​ ເໝາະ​ກັບ​ຕົວ​ເອງ​ຈະ​ດີ​ທີ່ສຸດ​