10 ເທັກນິກ ເຮັດທຸລະກິດເທິງເຟຊບຸ໊ກໃຫ້ສຳເລັດ

ໃນການສຳມະນາ Facebook Marketing Openhouse  ໄດ້ນຳສະເໜີ 10 ຄໍາແນະນໍາເດັດ ທີ່ຈະເຈາະໃຈເປົ້າໝາຍຜ່ານທາງເຟຊບຸ໊ກໄດ້

1. ສ້າງ Facebook Page ທີ່ດີ ດ້ວຍການສະແດງທຸລະກິດໃຫ້ຊັດເຈນ  ໜ້າສົນໃຈ, ໜ້າເຊື່ອຖື, ເຂົ້າໃຈງ່າຍ, ຄວນໃສ່ About ໃຫ້ຫລາຍພໍ ທັງເລື່ອງຂອງທຸລະກິດ, ປະຫວັດ, ເວລາເປີດ ປິດ, ທີ່ຢູ່, ເບີໂທຣສັບ, IG, ເວັບໄຊຕ໌ ຫລື ID LINE ຫລື Link Web ເພື່ອໃຫ້ຜູ້ຄົນໃຈຕິດຕໍ່ໄດ້ງ່າຍ ແລະ ຖ້າເປັນໄປໄດ້ ຄວນໃສ່ Key Word ຂອງທຸລະກິດລົງໄປນຳຈະເຮັດໃຫ້ຄົ້ນຫາຂໍ້ມູນໄດ້ງ່າຍຂຶ້ນ

2. ຄວນໂປໂມດເຟຊບຸ໊ກຄອບຄູ່ໄປກັບເວັບໄຊຕ໌ ໂດຍສາມາດຕິດຕັ້ງ Facebook like box ລົງໃນໜ້າຂອງເວັບໄຊຕ໌ ແລະ ຈູງໃຈໃຫ້ຄົນສົນໃຈດ້ວຍການໂຊໜ້າຂອງແຟນເພຊ ຈະເປັນການຈູງໃຈໃຫ້ຄົນເຂົ້າມາໄດ້ຫລາຍຂຶ້ນ

3. ສ້າງເນື້ອຫາທີ່ດີ ຄວນໂພດຕ໌ເລື່ອງທີ່ເປັນປະໂຫຍດຕໍ່ສິນຄ້າ ຫລື ບໍລິການຕ່າງໆ ຢ່າງສະໝ່ຳສະເໝີ ແລະ ຄວນໂພດຕ໌ໃຫ້ສັ້ນກະທັດຮັດ ອ່ານແລ້ວອົບອຸ່ນ ເຮັດໃຫ້ມີການປະຕິສຳພັນກົດ Like Share ຫລືຄອມເມນຕ໌ໃນແຕ່ລະໂພດຕ໌ ການໂພດຕ໌ນັ້ນຄວນໃຊ້ຮູບ ຫລື ວິດີໂອທີ່ໜ້າສົນໃຈ ເຄັດລັບໜ້າຮູ້ ຫລືກິດຈະກຳ ໂປຣໂມຊັ່ນຕ່າງໆ

4. ແອດມິນຜູ້ເບິ່ງແຍງເຟຊບຸ໊ກຕ້ອງມີໃຈບໍລິການເບິ່ງຜູ້ທີ່ເຂົ້າມາຕິດຕໍ່ຢ່າງດີ ປຽບເຫມືອນວ່າແອດມິນຄື call center ພ້ອມໃຫ້ບໍລິການ ຫລື ຄຳແນະນຳຕະຫລອດເວລາໂດຍບໍ່ມີວັນຢຸດ

5. ເປີດຊ່ອງທາງການຂາຍໃຫ້ສະດວກ ແລະ ງ່າຍທີ່ສຸດ ພຽງຄລິກດຽວກໍສາມາດຕິດຕໍ່ຫລືຊື້ຂາຍສິນຄ້າໄດ້ເລີຍ ແລະ ຄວນຄິດໄວ້ສະເໝີວ່າ ຄອມເມນຕ໌ດີໆ ຈະຊ່ວຍເລັ່ງການຕັດສິນໃຈໃຫ້ເກີດການຊື້ຂາຍໄດ້ງ່າຍຂຶ້ນ ຂະນະດຽວກັນ ຕ້ອງກຽມໂຕແກ້ໄຂບັນຫາສະເພາະໜ້າ ທີ່ອາດເກີດຂຶ້ນໄດ້

6. ໃຊ້ໂຄດສະນາເທິງເຟຊບຸ໊ກໃຫ້ກົງກັບກຸ່ມເປົ້າໝາຍທີ່ກຳນົດ ຫລື ກຸ່ມຜູ້ສົນໃຈຈະຊ່ວຍເພີ່ມຄຸນນະພາບໃຫ້ກັບສິນຄ້າໄດ້

7. ຄວນໃຊ້ຖານລູກຄ້າເກົ່າເປັນຫົວເຊື້ອໃນການເພີ່ມຈຳນວນລູກຄ້າ

8. ເຮັດໜ້າເຟຊບຸ໊ກໃຫ້ເປັນທີ່ໜ້າສົນໃຈຢູ່ສະເໝີ

9. ຫາກຈະເຮັດໂຄສະນາເທິງເຟຊບຸ໊ກ ຄວນປະຕິບັດຕາມກົດໃຫ້ຖືກຕ້ອງ ເຊັ່ນວ່າ: ຫ້າມໃຊ້ຮູບພາບ Before & After, ມີອັກສອນໃນຮູບພາບບໍ່ເກີນ 20%, ຢ່າໃຊ້ຄຳເວົ້າທີ່ເປັນການຮັບປະກັນ, ຫ້າມມີຮູບລໍ່ແຫຼມທາງເພດ, ບໍ່ຄວນລະບຸໃຫ້ມີການແຊຣ໌ Page, ຄວນອັບເຟຊບຸ໊ກຫລືຍິງໂຄສະນາຂຶ້ນໃນຕອນເຊົ້າ ຫາກບໍ່ມີເວລາສາມາດເຊດອັບລ່ວງໜ້າໄດ້ ແລະ ອື່ນ ໆ

10. ສາມາດປັບປ່ຽນທຸກຢ່າງໄດ້ຕາມສະຖານະການ