10 ສຸດຍອດອາຫານ ຊ່ວຍຫຼຸດນໍ້າຕານໃນເລືອດ

 

ອາຫານຫລຸດນໍ້າຕານໃນເລືອດ ດີທັງສຸຂະພາບຜູ້ເຈັບໂລກເບົາຫວານ ຊ່ວຍຄວບຄຸມລະດັບນໍ້າຕານໃນເລືອດ ເອີ້ນໄດ້ວ່າ ເປັນອາຫານເພື່ອສຸຂະພາບສໍາລັບທຸກຄົນ

     ຫລຸດນໍ້າຕານໃນເລືອດ ບໍ່ຈໍາເປັນຕ້ອງເພິ່ງຢາສະເໝີໄປ ແຕ່ອາຫານໃກ້ຕົວເຫຼົ່ານີ້ກໍ່ສາມາດຊ່ວຍຫລຸດລະດັບນໍ້າຕານໃນເລືອດ ຫຼືຢ່າງໜ້ອຍໆ ກໍ່ຊ່ວຍຄວບຄຸມລະດັບນໍ້າຕານໃນເລືອດໃຫ້ເປັນປົກກະຕິ ຕົວຊ່ວຍດີໆແບບນີ້ຕ້ອງຈັດເຕັມ ຈະໄດ້ຫລຸດພາວະໄຕຈາກການກິນຢາໄປແດ່

ແອບເປິລໄຊເດີ

     ພຽງ 1 ບ່ວງຊາຂອງແອບເປິລໄຊເດີ ປະສົມນໍ້າລ້າໆ 1 ຈອກ ລະຫວ່າງມື້ອາຫານ ຜົນການສຶກສາກໍ່ບອກວ່າສາມາດຊ່ວຍຫລຸດລະດັບນໍ້າຕານໃນເລືອດໄດ້ ໂດຍແອບເປິລໄຊເດີຈະເຂົ້າໄປກະຕຸ້ນການຫຼັ່ງຂອງອິນຊູລິນ ແຖມຍັງເຂົ້າໄປຄວບຄຸມອິນຊູລີນໃນກະແສເລືອດ ຫຼັງຈາກທີ່ຮ່າງກາຍຍ່ອຍອາຫານປະເພດແປ້ງເຂົາໄປ ສົ່ງຜົນໃຫ້ລະດັບນໍ້າຕານໃນເລືອດບໍ່ພຸ່ງ ຈົນສ່ຽງຕໍ່ໂລກເບົາຫວານຊະນິດທີ 2

ກະທຽມ ຫອມແດງ

     ນອກຈາກສັບພະຄຸນຂອງກະທຽມໃນເລື່ອງຊ່ວຍຫລຸດໄຂມັນໃນເລືອດ ການສຶກສາເມື່ອປີ 2006 ແລະປີ 2012 ຍັງເຫັນວ່າ ສານສະກັດໃນກະທຽມມີປະໂຫຍດໃນດ້ານຫລຸດນໍ້າຕານໃນເລືອດນໍ້າ ໂດຍສະເພາະກັບຜູ້ທີ່ເປັນເບົາຫວານຊະນິດທີ 2 ສານສະກັດໃນກະທຽມຈະເຂົ້າໄປກະຕຸ້ນການຫຼັ່ງອິນຊູລີນໃນຮ່າງກາຍຜູ້ປ່ວຍໄດ້ ລວມທັງຫົວຫອມ ແລະຫອມແດງກໍ່ເປັນສະໜູຸນໄພທີ່ມີສັບພະຄຸນຫລຸດນໍ້າຕານໃນເລືອດເຊັ່ນດຽວກັນ

ອະໂວຄາໂດ

     ສິ່ງສໍາຄັນໃນອະໂວຄາໂດທີ່ຊ່ວຍຫລຸດລະດັບນໍ້າຕານໃນເລືອດໄດ້ກໍ່ຄືກົດໄຂມັນອີ່ມຕົວ ຫຼື MUFAs ຊື່ງເຫັນໄດ້ໃນໝາກຖົ່ວ, ພືດ, ໝາກກອກ, ນໍ້າມັນໝາກກອກ ແລະແຟຣກຊີດດ້ວຍເຊັ່ນກັນ

     ໂດຍກົດໄຂມັນອີ່ມຕົວນີ້ຈະຊ່ວຍຫລຸດຄວາມສ່ຽງກຸ່ມອາຫານໂລກອ້ວນລົງພຸງ ຊື່ງມີໂລກເບົາຫວານເປັນໜຶ່ງໃນກຸ່ມໂລກນີ້ດ້ວຍ ເນື່ອງຈາກວ່າກົດໄຂມັນອີ່ມຕົວຈະເຂົ້າໄປຫລຸດຜ່ອນການໄຫຼວຽນຂອງນໍ້າຕານໃນເລືອດ ພ້ອມທັງຫລຸດພາວະຕ້ານອິນຊູລິນໃນຮ່າງກາຍ ອີກທັງກົດໄຂມັນອີ່ມຕົວຍົງຊ່ວຍເພີ່ມຄວາມຮູ້ສຶກອີ່ມຫຼັງອາຫານ ແຖມຍັງດີຕໍ່ຄວາມດັນເລືອດ ແລະລະບົບປ້ອງກັນການອັກເສບອີກຕ່າງຫາກ

ຜັກໃບຂຽວ

     ພືດຜັກໃບຂຽວເກືອບທຸກຊະນິດຈະອຸດົມສົມບູນໄປດ້ວຍແມກນີຊຽມ ຕົວຊ່ວຍສຸດຍອດທີ່ຫລຸດລະດັບນໍ້າຕານໃນເລືອດໄດ້ເປັນຢ່າງດີ ເພາະແມກນີຊຽມບໍ່ພຽງແຕ່ດີຕໍ່ສຸຂະພາບເລືອດເທົ່ານັ້ນ ແຕ່ຍັງຈັດເປັນແຫຼ່ງສານອາຫານຊັ້ນດີຂອງເລືອດດ້ວຍ ດັ່ງນັ້ນ ຖ້າກິນຜັກໃບຂຽວເຂົ້າໄປ ເລືອດກໍ່ຈະໄດ້ຮັບສານອາຫານທີ່ມີປະໂຫຍດເສີມສ້າງຄວາມແຂງເຮງ ແລະຄວບຄຸມລະດັບນໍ້າຕານໃນເລືອດໄດ້ດີຂຶ້ນ

ອັລມອນ

     ອັລມອນມີດີທັງແມກນີຊຽມ ໄຟເບີ ໂປຣຕີນ ແຖມຍັງມີໂຄຣມ້ຽນທີ່ປຽບໄປດ້ວຍສັບພະຄຸນຫລຸດລະດັບນໍ້າຕານໃນເລືອດ ໂດຍນັກໂພຊະນາການກໍ່ແນະນໍາໃຫ້ຮັບປະທານອັລມອນຈັກມື້ລະ 1 ກໍາມືໜ້ອຍໆ ພຽງເທົ່ານີ້ກໍ່ເໜືອນລະດັບນໍ້າຕານຢູ່ໃນຄວບຄຸມຂອງເຮົາແລ້ວ

ໂຮລເກຣນ

     ໂຮລເກຣນຫຼຶໂຮລວີທຸກຊະນິດເປັນຄາໂບໄຮເດຣດເຊື່ອງຊ້ອນ ທີ່ຮ່າງກາຍຈະຍ່ອຍຄາໂບໄຮເດຣດຊະນິດນີ້ຢ່າງຄ່ອຍເປັນຄ່ອຍໄປ ເຮັດໃຫ້ລະດັບນໍ້າຕານໃນເລືອດບໍ່ສ່ຽງ ອີກທັງໂຮລເກຣນຍັງອຸດົມໄປດ້ວຍແມກນີຊຽມ ຕົວຊ່ວຍດີໆຂອງເລືອດອີກຕ່າງຫາກ

ແຊລມອນ

     ແຊລມອນເປັນແຫຼ່ງສານອາຫານຊັ້ນຍອດທີ່ພົກມາທັງໂປຣຕີນ ກົດໄຂມັນໂອເມກ້າ 3 ໄນອາຊິນ ແລະວິຕາມິນດີ ຊື່ງທັງກົດໄຂມັນໂອເມກ້າ 3 ແລະວິຕາມິນດີກໍ່ມີສັບພະຄຸນຊ່ວຍຫລຸດລະດັບນໍ້າຕານໃນເລືອດໄດ້ພໍໆກັນ ອີກທັງວິຕາມິນດີຍັງຊ່ວຍຫລຸດອາການອັກເສບ ຊື່ງກໍ່ຈະໄດ້ຜົນພວງໃນເລື່ອງຕ້ານອິນຊູລີນນໍາ

ໝາກກ້ຽງ

     ໝາກກ້ຽງຊ່ວຍຫລຸດນໍ້າຕານໃນເລືອດໄດ້ດ້ວຍເພາະໝາກກ້ຽງເປັນມາກໄມ້ທີ່ມີຄ່າດັດຊະນີນໍ້າຕານຄ່ອນຂ້າງຕໍ່າ ດັ່ງນັ້ນ ຈຶ່ງບໍ່ສົ່ງຜົນກະທົບຕໍ່ລະດັບນໍ້າຕານໃນເລືອດ ແປວ່າກິນໝາກກ້ຽງແລ້ວລະດັບນໍ້າຕານໃນເລືອດຈະບໍ່ສ່ຽງໃຫ້ຕ້ອງກັງວົນນັ້ນເອງ

ເຂົ້າໂອ໊ດ

     ເຂົ້າໂອ໊ດມີໄຟເບີສູງ ມີປະໂຫຍດຊ່ວຍຮັກສາລະດັບນໍ້າຕານໃນເລືອດ ອີກທັງເຂົ້າໂອ໊ດຍັງຈັດເປັນຄາໂບໄຮເດຣດເຊື່ອງຊ້ອນ ຮ່າງກາຍຈຶ່ງສາມາດດູດຊືມສານອາຫານ ແລະປ່ຽນແປ້ງເປັນນໍ້າຕານແບບຄ່ອຍເປັນຄ່ອຍໄປ ຈຶ່ງບໍ່ເຮັດໃຫ້ລະດັບນໍ້າຕານໃນເລືອດສັ່ນສະເທືອນແນ່ນອນ

ຊາຂຽວ

     ຜົນການສຶກສາ ເຜີຍວ່າ ຊາຂຽວສາມາດຊ່ວຍຫລຸດລະດັບນໍ້າຕານໃນເລືອດ ແຖມຍັງມີຄຸນສົມບັດຊ່ວຍຫລຸດຄໍເລສເຕີຣໍໃນເລືອດດ້ວຍ ສະນັ້ນ ຈະບອກວ່າຊາຂຽວດີຕໍ່ຜູ້ປ່ວຍໂລກເບົາຫວານ ດີຕໍ່ຄົນທີ່ຢາກຫລຸດລະດັບຄໍເລສເຕີຣໍ ແລະເປັນອາຫານທີ່ດີຕໍ່ສຸຂະພາບຂອງຄົນທຸກໄວ

     ຢາກຫລຸດລະດັບນໍ້າຕານໃນເລືອດຫຼຶປ້ອງກັນບໍ່ໃຫ້ລະດັບນໍ້າຕານໃນເລືອດຢູ່ໃນເກນຜິດປົກກະຕິ ລອງຮັບປະທານອາຫານເຫຼົ່ານີ້ເບິ່ງ ເພາະບໍ່ພຽງແຕ່ຊ່ວຍຫລຸດລະດັບນໍ້າຕານໃນເລືອດໄດ້ເທົ່ານັ້ນ ແຕ່ອາຫານທັງ 10 ຢ່າງຍັງຈັດເປັນອາຫານເພື່ອສຸຂະພາບທີ່ດີຕໍ່ສຸຂະພາບທຸກຄົນເລີຍ